Kolasiɛŋ 1:10 - Ŋ̀âla Kɔlɔ Maa Waai

¹⁰ a gɛ́ɛ kútûa-perei é kɛ́ a maa nɛ̃ɛ Kúnuu-namui mɛni ma, ǹíi é láa kpɔ́ a ǹɛ́lɛɛ, ká ƃá tíi lɛ́lɛɛ kélee su, ká ƃɔlɔ Ɣâla mɛni kɔlɔŋɔɔ su.

Kolasiɛŋ 1:10 ပူးပေါင်းရင်းမြစ်များ

Táre-woo-ŋa 16:7

Ɣâla Yâwɛɛ líi à làa ítûa-pere su, a gɛ̀ ka íkpɔara-ƃelai ká kɛ́ kákîe ma lii-see su.

Azaya 53:11

Ŋɔmɔ̃́lɛ-laai pôlu ma, lii-nɛ̃̂ɛ a pâi kɛ̂i m̀a. Ŋɔmɔ̃́lɛ-laai fé pâi kɛ̂i kpɛ́ni-kpɛni. Ńii lâai ŋátíi kɛ́-nuui mɛ̂ni ma. A pâi núu támaa dímɛni kula maa kɛ́ɛi maa mɛni solii siɣêi. Ŋa pâi núu támaa dísɔnyɔ̂ŋ su mɛni lɛɛ̂i zarâi.

Danîa 12:4

“Kɛ́lɛ yá Danîa, ífe niî m̀ɛnii ŋí duŋ tòo. Gɔlɔi lá-tɛ í zɔɔŋ tóo é lɛ́ɛ la zu maa tãi é seri. Núu támaa da pâi wɛ̂lii dí m̀ɛnii kɔ́lɔŋ kɛ̂i. Da pâi dítãi dámaa lánîi m̀ɛnii ŋí ma.”

Maka 4:5

Ǹɔii-ŋuŋ-ŋai da díɣâla-ŋai fɛ̀li tɛi-tɛi kɛ́lɛ kúai a Eezuɛ-ŋai, kwa pâi sîai Yâwɛɛ Kúɣâlai láai su wɔ́lɔ-wɔlɔ da wɔ́lɔ-wɔlɔ.

Abaku 2:14

Ǹɔii láa a pâi fɛ̂ɛi a Yâwɛɛ ŋɔfólo-laai, yɛ̂ɛ berei ǹyá-ŋai da yúo láa fɛ̀ɛ lai.

Zɔ̂ŋ 15:16

Káfe ńziɣe ni. Kɛ́lɛ, ŋá kásìɣe ŋá kálɛ a gɛɛ ká lí ká ƃa a gɛɛ ǹyaŋ káƃa é lɛ́ɛ. A gɛɛ sɛŋ kélee ka m̀are-kɛ̂ɛ kɛ̀ Nàŋ-nuui ma ńaai sui é dɛɛ kápɔ.

Zɔ̂ŋ 15:8

Nyíŋi mɛni ƃé Ńâŋ ŋɔfólo-laai maa tɛ̂ɛi la a gɛɛ ká ƃá a dámaa, ǹyaŋ à kɛ̀ tí, ká kɛ́ a ḿbôlu-ƃela.

Zɔ̂ŋ 17:3

Ǹyaŋ wɔlɔ-wɔlɔ fulu-laa ká ŋi a gɛɛ dí íkɔlɔŋ a Dɔ̃yâ Ɣala tɔnɔi, ka Zîsɛ Kôrai nyii ya dɛɛi.

Lomaŋ 1:13

Ŋánûa, ŋa ŋ̀wɛ̂lii ká gɔ́lɔŋ a gɛ́ɛ ŋá gbɛtɛ ŋ́gili ŋá a tãi támaa a gɛ́ɛ ŋá pá kápɔ, kɛ́lɛ sɛŋ da è kɛ̀ ḿberêi kpáanîi. Ŋa kɛ̀ ŋ̀wɛ̂lii ŋá gɛ́ núu támaa líi è pène Kôrai pá-naa pere yɛ̂ɛ berei ŋá gɛ̀ la ŋ́gɛɛ Zɛ̃tai-ŋai kpeli-ŋai sáma Luŋ,

Lomaŋ 4:12

Maa-sapoi ƃé kɛ̀ ŋɔ́nɔ a gɛ́ɛ è kɛ̀ a diai díseɛɛ̂i kpono-mɛi dia máŋ dínâŋ, nyíi-ŋai dífe dísee ní kpono-mɛi, kɛ́lɛ, laa-la kɛ́ ƃo díyêei yɛ̂ɛ kúnâŋ Eberaɣɛ̃ɛ nyíi laa-la è kɛ̀ ǹyêei dí lɛ́ɛ zeêi kpono-mɛi.

Lomaŋ 6:4

M̀ɛni ma kwa dîa-ni dí kúloo saa su batâi sârai, a gɛ́ɛ berei Nàŋ-nuui ŋɔfólo-laai sârai è Kôrai mu siɣe la saa yêei, kúa máŋ ku sía fúlu-laa nina su.

Kɔleŋtiɛŋ Veerɛi 2:14

Kɛ́lɛ, sɛɣɛi-fei é tɛ́ɛ Ɣâla pɔ nyíi a tɔ̂ɔ kútuɛ yee-tɛɛ-maa kélee su Kôrai kponôi, gɛ gbîŋ maa-mɛni kúŋ lɛ́lɛɛ taa-taa kwaa kélee ma kúsarâi.

Kɔleŋtiɛŋ Veerɛi 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Kɔleŋtiɛŋ Veerɛi 5:9

Mɛni ma à nɛ̀ɛ máŋ ku kɛ́ kúpɔ-taai kpaa máŋ ku kúla naa, ku kúkili ŋá sîa a gɛ́ɛ ku ǹíi láa.

Kɔleŋtiɛŋ Veerɛi 9:8

Pɔri káa Ɣâla mì é lûwa-sii kélee tɛɛ kápɔ a zu kɛ́tɛ a gɛ́ɛ sɛŋ kélee é kɛ́ káyêei a dámaa a tãi kélee a gɛ́ɛ ká kpɔŋ-mâa kɛ́ a zu kɛ́tɛ tíi lɛ́lɛɛ kélee mɛni ma.

Ifisiɛŋ 1:17

a gɛ́ɛ Kúnuu-namui Zîsɛ Kôrai Ŋɔɣâlai nyíi gáa a fólo-laa-Naŋ é táre tɛ́ɛ kámɔlêŋ pɔ́ da mɛni-ŋa-kaa m̀aa-mɛni kɔlɔŋ mɛni ma,

Ifisiɛŋ 2:10

Kpɛ́ni fêi, kúkaa a Ɣâla ŋɔkpɛtɛ-sãa. È kúkpɛ̀tɛ Kôrai kponôi tíi lɛ́lɛɛ-ŋa kɛ́ mɛni ma, nyíi-ŋai Ɣâla è díkpɛ̀tɛ gíli ŋá nàa tuɛ a gɛ́ɛ kú díkɛi.

Ifisiɛŋ 4:1

Mɛni ma ńyãai ŋ́gaa a kpini-pɛrɛ mu Kúnuu-namui mɛni mai, ŋá m̀ó kâa a gbanaŋɔɔ a gɛ́ɛ kátûa-perei é kɛ́ a maa nɛ̃ɛ dòlii mɛni ma Ɣâla è gɛ̀ a káai,

Ifisiɛŋ 4:13

é lɛ́ɛ la zu kúkelee kúlaa-lai é kɛ́ tɔnɔ da Ɣâla Ǹóŋ maa-tarei, a gɛ́ɛ kú ƃɔlɔ kúmɔlêŋ kponôi kú kɛ́ yɛ̂ɛ Kôrai.

Ifisiɛŋ 5:10

Ka kɔ́ ká m̀ɛnii maa kɔri nyíi a Kúnuu-namui líi làai.

Ifisiɛŋ 5:15

Mɛni ma ka kásia-pere maa kpɛɛ a ǹɛ́lɛɛ. Káfe sia yɛ̂ɛ ƃoo-ƃela, kɛ́lɛ, ka sia yɛ̂ɛ táre-ƃela.

Ifisiɛŋ 5:2

ka sia wɛli-kɛ-maa su yɛ̂ɛ berei Kôrai máŋ è kúwɛli la é gbîŋ tɛɛ kúmɛni ma yɛ̂ɛ kereŋ-sɛŋ kúŋ nɛ̃ɛ da sâla kúlaa Ɣâla ma.

Felepiɛŋ 1:11

Kálaa fɛɛ̂i a tɔ̃yâ laa-la ŋɔƃa nyíi pa Zîsɛ Kôrai sarâi Ɣâla ŋɔfólo-laai da ŋɔlaa-maa-tɛi mɛni ma.

Felepiɛŋ 1:27

Ka ǹɛɛ nɔ́ naa kakɛ-ɣeniɛi kɛ-pere é kɛ́ Kôrai ŋɔtuŋ lɛ́lɛɛi ŋɔperei ma, a gɛ́ɛ a nɛ̃ɛ ma kpîŋ ŋá pá a gɛ́ɛ ŋá kákaa kpaa máŋ ŋá kɛ́ ŋ́ɛi pôlu, ŋá mɛni a gɛ́ɛ kákaa tɔɔ̂ni a gbanaŋɔɔ mɔlêŋ tɔnɔ su a kili-ŋa-sia tɔnɔ, kátɔɔ̂i kɛ́ ƃô tɔnɔ ká kɛ́ kɔ́ gîe ma Duŋ Lɛ́lɛɛi maa-laa-lai mɛni ma.

Felepiɛŋ 4:18

Ŋa fela-fei sɔlɔ ƃo a ǹáa fɛɛ, dɛɛ nyíti ma máŋ. Náa fɛɛ̂i. Zama-sɛŋ ká dɛ̀ɛ a Ipafulɔditɔi, ŋá zɔlɔ ƃò. È kɛ̀ a sâla-sɛŋ kúŋ nɛ̃ɛ nyíi Ɣâla è ǹyée see mu lii-laa sui.

Kolasiɛŋ 2:19

Va gbonoi Ŋuŋ sôŋ a gbanaŋɔɔ, nyíi a gbonoi da ŋoŋo-ŋai ŋá kɔ̀ŋ é díɣiri díkîe ma gbulɔ̂ŋ-ŋai da ǹúu sarâi. Gbonoi ŋɔƃɔlɔi a kûla Ɣâla yêei.

Kolasiɛŋ 2:6

Mɛni ma berei ká Kúnuu-namui Zîsɛ Kôrai sɔlɔ ƃô lai, ka kɛ́ ti gbonôi.

Kolasiɛŋ 3:20

Nîa-pɛlɛɛ, ka kákaa-ƃela wóo mɛ́ni mɛni kélee su, kpɛ́ni fêi, gáa a Kúnuu-namui líi láa-mɛni.

Kolasiɛŋ 4:5

Ka kámɛi káa a táre diai dífe nîi láa a Ɣâlai dísama. Tãi nyíi gáa káyêei, ka tíi kɛ́ la a ǹɛ́lɛɛ.

Tɛsɛlôniɛŋ Maa-ŋuŋ 2:12

a gɛ́ɛ ka fulu-laa maa-nɛ̃ɛ kɛ́ Ɣâla mɛni ma, nyíi kátòli gbîŋ kaloŋ-laai su da ŋɔfólo-laai.

Tɛsɛlôniɛŋ Maa-ŋuŋ 4:1

Gbɛɛ ŋái, ŋánûa, kwa kákpera fei, kúkɛ kalia-woo ƃo Kúnuu-namui Zîsɛ kponôi a gɛ́ɛ, yɛ̂ɛ berei ká káfulu-laai kɛ-pere maa kɔ́ri la kúyêei, da berei ka pɔ̂ri Ɣâla líi lâai lai, berei kákaa tuâi lai, ka gɛ́ ti a gbanaŋɔɔ a tãi kélee.

Temete Veerɛi 2:4

Kɔkuluƃai gáa ŋɔtíi mai, va ǹyée píli mɛni da kpɛni su, kpɛ́ni fêi, gáa a sɛŋ fɛ̂ɛ a ǹúui líi láa nyíi ǹáa siɣei.

Taitɔ 3:1

Doo díkili ŋá a gɛɛ dí kɛ́ dímɛi-ƃelai mû da ŋwála-wala ƃelai, dí kɛ́ a wóo-mɛni ƃela. Dí kɛ́ a díkpɛtɛɛ tíi lɛ́lɛɛ kélee mɛni ma.

Taitɔ 3:14

Tɔɔ kúnûai dí berei maa kɔ̂ri da pɔ̂ri díkpîŋ pui la tíi lɛ́lɛɛ-kɛɛ sui, a gɛɛ dí kpɔŋ diai dîa díkaa kpɔŋ-mâa wɛ̀lii. Dífe kɛ̀ nɔ́ yɛ̂ɛ ŋ̀úrui nyíi m̀á fé ŋ̀ái.

Ibulu 11:5

Laa-la sarâi Ɣâla è Inɔsi sìɣe é tɛ́ la Ɣâla-taa a gɛɛ vé saa, ǹyaŋ dífe gáa ni, kpɛ́ni fêi, Ɣâla è zìɣe. Ǹyaŋ Ɣâla é lɛ́ɛ pâi ziɣêi maa-mɛni è kɛ̀ a bɔ̃yɛɛ a gɛɛ è Ɣâla líi laa.

Ibulu 13:16

Káfii fé kpɛ̀ɛ a mɛni lɛ́lɛɛ kɛ́ɛ da zɛŋ gáa káyêei da tɛɛ nûa pɔ́ mɛni, kpɛ́ni fêi zâla sii-ŋai tí a Ɣâla líi làa.

Ibulu 13:21

é zɛŋ lɛ́lɛɛi kélee tɛ́ɛ kápɔ a gɛɛ ká ǹîa-mɛni kɛ́. É tíi kɛ́ kákponôi a zɛŋ nyíi ǹɛ́lɛɛ̂i ŋ̀ɛi, Zîsɛ Kôrai sarâi. Fólo-laa é kɛ́ m̀a wɔlɔ-wɔlɔ da wɔlɔ-wɔlɔ. É kɛ́ tí.

Pitɛ Veerɛi 1:8

Kpɛ́ni fêi, à kɛ̀ zãai ŋí kélee díkaa káyêei a ǹáa-fɛɛ, da pâi kákɛ̂i ká tíi lɛ́lɛɛ kɛ́ ká ƃá Kúnuu-namui Zîsɛ Kôrai maa-tarei su.

Pitɛ Veerɛi 3:18

Kɛ́lɛ, ka ƃɔlɔ Kúnuu-namui da Kúƃalo-nuui Zîsɛ Kôrai ŋɔƃɛlɛ-sêei su da ŋɔtárei. Fólo-laa é kɛ́ ma sâa da wɔlɔ-wɔlɔ. É kɛ́ tí.

Zɔ̂ŋ Maa-ŋuŋ 3:22

Ǹyaŋ zɛŋ kélee kwa vɛli mài, kwa zɔlɔ ƃô ǹyêei, kpɛ́ni fêi, kwa ŋɔtɔ̂ŋ-ŋai mɛi kâa, kúkɛ ǹíi-láa-mɛni kɛ̀.

Zɔ̂ŋ Maa-ŋuŋ 5:20

Kú gɔ̀lɔŋ Ɣâla Ǹóŋ a pá a mɛni-ŋa-kaa tɛ́ɛ kúpɔ a gɛ́ɛ kú ǹúui kɔ́lɔŋ gáa a dɔ̃yâ-nuui. Ǹyaŋ kúkaa dɔ̃yâ-nuui kponôi, ǹyaa ƃa Ǹóŋ Zîsɛ Kôrai. Ǹyaa ƃa Dɔ̃yâ-Ɣalai da wɔlɔ-wɔlɔ fulu-laai.

Zɔ̂ŋ Zaaƃai 1:6

nyíi-ŋai íwɛli-kɛ-maai maa-sere-faa kɛ̀ Kôrai-toli-kpɔŋ ŋ́ɛi-tuɛi. Ya pâi gɛ̂i a ǹɛ́lɛɛ à kɛ̀ ya pâi dítɛɛ̂i dísiai ma a berei Ɣâla líi a pɔ̂ri lâai lai.