Zɔ̂ŋ 7:6 - Ŋ̀âla Kɔlɔ Maa Waai

⁶ Zîsɛ e mò dîa, ǹyɛɛi, “Ŋátãi fe niî seri ni. Kɛ́lɛ, kátãi káa nɔ ma.

Zɔ̂ŋ 7:6 ပူးပေါင်းရင်းမြစ်များ

Wule-woo-ŋa 102:13

Ya pâi ímu siɣêi í Zãiyɔŋ malôŋ káa. Tãi a seri a gɛɛ í m̀alôŋ káa. Maa tãi ká ŋí a seri.

Maafîu 26:18

Nya ƃe è mò dîa, ǹyɛɛi, “Ka lí daa-leei su ǹúui tí pɔ naa, ká m̀ó ma, ‘Kaamɔ̂ɔ ǹyɛɛ, Ŋátãi a lɛɣɛ. Ŋa pâi dɛɛ-mɛi-kuui kulâi ípɛrɛi mu kwa ŋápôlu-ƃelai.’ ”

Zɔ̂ŋ 13:1

Dɛɛ-mɛi kúui é lɛ́ɛ pâi serîi, tãi Zîsɛ è nâa gɔ̀lɔŋ la a gɛɛ ŋɔtãi a seri a gɛɛ é kúla ǹɔii sú é lí Nàŋ-nuui pɔi, berei è ŋɔ-ŋai wɛ̀li lai, nyii-ŋai kɛ̀ ǹɔii sui. È díwɛli kpɔ́ é tóo máŋ gbɛɛ ŋa.

Zɔ̂ŋ 17:1

Tãi Zîsɛ e ŋ̀óo-ŋai ŋi ƃòi, e ŋ̀ɛ́i tɛ̀ ŋelei su e m̀o, ǹyɛɛi, “Ńâŋ, tãi a seri; Íloŋ ŋɔfólo-laai maa tɛ́, ǹyaŋ é ífolo-laai maa tɛ́,

Zɔ̂ŋ 2:4

Zîsɛ è mò mà, “Nɛnîi, nàa lɛɛ nɔ ńyêei. Ŋátãi fé niî seri ni.”

Zɔ̂ŋ 7:30

Nya ƃe dí pere kɔ̂ri a gɛɛ dí zoŋ; kɛ́lɛ, núu da fe ǹyée pɛlɛ ni ma, kpɛ́ni fêi, ŋɔtãi fe niî kɛ̀ seri ni.

Zɔ̂ŋ 7:8

Káa kpîŋ ka lí gúui su; fé liî gúui su (niî), kpɛ́ni fêi, ŋátãi fe niî sere ni a náa fɛ́ɛ.”

Zɔ̂ŋ 8:20

E ŋ̀óo-ŋai ŋi ƃò zɛŋ-kao laai-kɛ-kwaai ma, gɛ́ɛ Ɣâla mɛni lɛ̂i Ŋ̀âla-pɛrɛ Kɛ́tɛi mu; kɛ́lɛ, núu da fe zoŋ ni, kpɛ́ni fêi, ŋɔtãi fe niî kɛ̀ seri ni.

Zia-ƃelai Kɛ́-mɛni-ŋai 1:7

È mò dîa, ǹyɛɛi, “Ǹaŋ-nuui ƃe m̀ɛnii ŋí maa wála-wala káa ǹyêei.