Zɔ̂ŋ 7:30 - Ŋ̀âla Kɔlɔ Maa Waai

³⁰ Nya ƃe dí pere kɔ̂ri a gɛɛ dí zoŋ; kɛ́lɛ, núu da fe ǹyée pɛlɛ ni ma, kpɛ́ni fêi, ŋɔtãi fe niî kɛ̀ seri ni.

Zɔ̂ŋ 7:30 ပူးပေါင်းရင်းမြစ်များ

Wule-woo-ŋa 76:10

Ya gɛ̀ núu à kɛ̀ a ǹíi ŋwánaa, é ílaa maa tɛ́. Diai dífa sâa ílii ŋwânai sui, da íɣele kûu maa waa-ŋai mɛi kâa.

Azaya 46:10

M̀ɛni-ŋai pâi kɛ̂i é kúla gɔ́ɔ pîlani é tóo gbɛɛ ŋái mai, ŋá wɔ́lɔ dí maa mɛni ƃò kâa. M̀ɛni-ŋai kɛ̂i ŋá dímaa mɛni ƃò kâa tãi su-kôyaa tɛɛ pôlu ma. Ŋá m̀o kâa a gɛ́ɛ m̀ɛnii kélee ŋa m̀ôi, ŋaa see a kɛ̀. Ŋá m̀o kâa a gɛ́ɛ fa ŋ́oo sìɣe pôlu.

Maafîu 12:14

Kɛ́lɛ, Faresii-ŋai dí díŋuŋ pìlaŋ ǹáa mà a gɛɛ dí bàa pere kɔ̂ri.

Maafîu 21:46

Nya ƃe dí kɛ̀ pere kɔ́rîi a gɛɛ dí zoŋ. Kɛ́lɛ, dí kɛ̀ yaôi gbɔŋ ma. Kpɛ́ni fêi, gbɔŋ-su-ƃelai dí gàa a Ɣâla ŋɔlóno-kɛ-nuu.

Mâki 11:18

Zâla láa soŋ-ƃela kpaya-kpayai da Dɔ̂ŋ lɛ́-ƃelai dí m̀ɛni, dí pɛ́lɛ pere kɔ̂rii a gɛ́ɛ dí bàa, kɛ́lɛ, dí kɛ̀ yaôi, kpɛ́ni fêi, Ŋɔɣâla mɛni lɛ́-perei è gbɔŋ kélee líi mu sìɣe.

Lûu 20:19

Zâla láa soŋ-ƃela kpaya-kpayai da gɔlɔ-pɔ̃yɛ-ƃelai dí kɔ̀ a gɛɛ dí zoŋ nɔ a tãi ti; kɛ́lɛ, dí yào ǹûai dîa, kpɛ́ni fêi, dí gɔ̀lɔŋ e záŋ ŋi sɔ̀ɔ e pîlaŋ díkpîŋ dîa.

Lûu 22:53

Ɣele-ƃɔ́ɔ kélee kwa kâa-ni ku kɛ̀ Ŋ̀âla-pɛrɛ Kɛ́tɛi mu, káfe káyee pɛlɛ ní mâ. Kɛ́lɛ, ka tãi ká ŋí da gbínii ŋɔwala-walai.”

Zɔ̂ŋ 10:31

Zûu-ŋai dí ŋɔ́nɔ kɔni sìɣe a gɛɛ dí zɔ̀ɔ.

Zɔ̂ŋ 10:39

È kɛ̀ tí, dí kɔ̀ a gɛɛ dí zòŋ, kɛ́lɛ è kùla díyêei ŋá.

Zɔ̂ŋ 11:57

Ǹyaŋ zâla láa soŋ-ƃela kpaya-kpayai da Faresii-ŋai da nâa díwoo tɛ́ɛ a gɛɛ, à kɛ̀ núu da e ƃɛ́i kɔ́lɔŋ gáa naai, é dílɛɛ naa dí gɔ́lɔŋ a gɛɛ dí zoŋ.

Zɔ̂ŋ 7:19

Mose fe dɔ̂ŋ tɛɛ ni kápɔ? Ǹyaŋ kátà káfe dɔ̂ŋ mɛi kâai. Le ƃe ka ŋ̀wɛ̂lii a gɛɛ ká ḿbaai?”

Zɔ̂ŋ 7:32

Faresii-ŋai dí gbɔŋ wóo mɛ̀ni díkɛ mɛni támaa ƃo é pîlaŋ ma. Zâla láa soŋ-ƃela kpaya-kpayai da Faresii-ŋai dí díkɔ kuluƃa-ŋai tɛ̀ɛ a gɛɛ dí zoŋ.

Zɔ̂ŋ 7:6

Zîsɛ e mò dîa, ǹyɛɛi, “Ŋátãi fe niî seri ni. Kɛ́lɛ, kátãi káa nɔ ma.

Zɔ̂ŋ 7:8

Káa kpîŋ ka lí gúui su; fé liî gúui su (niî), kpɛ́ni fêi, ŋátãi fe niî sere ni a náa fɛ́ɛ.”

Zɔ̂ŋ 8:20

E ŋ̀óo-ŋai ŋi ƃò zɛŋ-kao laai-kɛ-kwaai ma, gɛ́ɛ Ɣâla mɛni lɛ̂i Ŋ̀âla-pɛrɛ Kɛ́tɛi mu; kɛ́lɛ, núu da fe zoŋ ni, kpɛ́ni fêi, ŋɔtãi fe niî kɛ̀ seri ni.

Zɔ̂ŋ 8:37

Ŋá gɔ́lɔŋ a gɛɛ ka kula Eberaɣɛ̃ɛ ŋɔsii su; kɛ́lɛ, ǹyaŋ kákaa ŋ̀wɛ̂lii ka ḿbaa, kpɛ́ni fêi, kwaa ta ma fe kákponôi ŋ́ooi mɛni ma.

Zɔ̂ŋ 8:59

Nya ƃe dí kɔni sìɣe a gɛɛ dí zɔ̀ɔ. Kɛ́lɛ, Zîsɛ è gbîŋ lòo é kúla Ŋ̀âla-pɛrɛ Kɛ́tɛi mu.

Zɔ̂ŋ 9:4

Fɛ́ɛ ku ǹúui ŋɔtíi kɛ́ nyii ńdɛ̀ɛi tãi voloi káa niî ɣele ma. Gbínii káa pâi, tãi núu da kélee fa pɔ̂ri tíi kɛ́i.