Zɔ̂ŋ 7:23 - Ŋ̀âla Kɔlɔ Maa Waai

²³ À kɛ̀ da núu kpɛ̀tɛ a Vii-tɔɔ-ɣelei a gɛɛ Mose ŋɔtɔ̂ŋ fe kara, kálii ŋwánai mâ a gɛɛ ŋá núu kpono kélee ƃàlo a Vii-tɔɔ-ɣelei?

Zɔ̂ŋ 7:23 ပူးပေါင်းရင်းမြစ်များ

Ɛsedɔ 31:14

Mɛni ma ka Vii-tɔɔ ɣelei mɛi káa, kpɛ́ni fêi, maa waâi kámɛni ma. Ǹúui vé pâi ziɣêi a maa waâi, fɛ̂ɛ dí maa nuui páa. Ǹúui nyii pâi tíi kɛ̂i a Vii-tɔɔ ɣelei, fɛ̂ɛ maa nuui ŋɔnûa dí gula dísama.

Maafîu 12:10

Nalôŋ tɔnɔ è kɛ̀ naa, ǹyée sàa ma. Nya ƃe dí marê kɛ̀, dîyɛɛi, “Gáa dɔ̂ŋ lá-woo ma a gɛɛ dí núu ƃálo a Vii-tɔɔ-ɣelei?” Dí mare-kɛɛi ŋí kɛ̀ a gɛɛ dí mɛ̂ni lɛ́ɛ mà.

Maafîu 12:2

Kɛ́lɛ, tãi Faresii-ŋai dí nyiŋi kàa lai, dí mò ma, dîyɛɛi, “Ípôlu-ƃelai da m̀ɛnii kɛ̂i nyii ve dɔ̂ŋ lá-woo m̀a a gɛɛ núu é gɛ́ a Vii-tɔɔ-ɣelei.”

Maafîu 12:5

Kpaa máŋ, káfe niî ǹóno ni dɔ̂ŋ-kɔlɔi su a gɛɛ zâla láa soŋ-ƃelai díkaa Ŋ̀âla-pɛrɛ Kɛ́tɛi mu a Vii-tɔɔ-ɣele-ŋai, da Vii-tɔɔ-ɣelei maa-tɔŋ-ŋai kâra, ǹyaŋ ve a dísɔŋ?

Zɔ̂ŋ 5:10

Nya ƃe Zûu-ŋai dí mò nalôŋ ma nyii kɛ̀ a máloɔi, dîyɛɛ ma, “Gáa a Vii-tɔɔ-ɣelei. Ve dɔ̂ŋ lá-woo ma a gɛɛ í sía a ígarai.”

Zɔ̂ŋ 7:21

Zîsɛ e díwoo su tòo, ǹyɛɛi, “Ŋá mɛni tɔnɔ kɛ̀, e kákelee kála kpàla kâa.

Zɔ̂ŋ 9:16

Faresii-ŋai da-ni dí mò, dîyɛɛi, “Nalôŋ ŋi fe kulâi Ɣâla yêei. Kpɛ́ni fêi, va Vii-tɔɔ-ɣelei mɛi kaa.” Ǹúui gbeli-ŋai dîyɛɛi, “A kɛ̂ leŋ ǹúui gáa a sɔnyɔ̂ŋ-nuui e ŋɛi-kɛ-maa-ŋai ŋi kɛ́?” Sia e kɛ̀ díloai.