2 Zûu-ŋai Díƃûui ŋɔkúui e kɛ̀ lɛɣɛ̂i.
Eezuɛ kpakolo-ŋai kélee dí pà Saloma pɔ́ a gúui ŋ̀ele Ɛtaniŋ ɣaloŋ su nyíi gáa a ŋ̀áloŋ lɔ́ɔlu mɛi feerɛi.
Eezuɛ-ƃelai kélee dí gúui tí kùla a m̀aa ɣelei tí. Kpɔŋ su kɛ́tɛ ká kɛ̀ tí. Ǹûai dí kùla Leƃo-Ama ǹɔii ŋûa-pere é tóo máŋ Ize lɔii ŋɔkɔyaŋ-pere ma ǹɔii kwára-pere. Dí ŋ̀ele kûu kɛ́tɛ-ŋai ŋí kùla Yâwɛɛ Kúɣâlai ŋɛ́i-tuɛ a ɣele lɔ́ɔlu mɛi feerɛ.
Zuda-ŋai dí Díƃûu Kuui maa mɛ̂ni kɔ́ɔ pîlaŋ ŋɔ́nɔ nàa yɛ̂ɛ berei gáa la Mose ŋɔtɔ̂ŋ wóo mai. Dí pɛ̀lɛ géreŋ sâla-ŋai kélee ŋ̀aa-see kɛ̂i ŋ̀ele kûu tɛi-tɛi-ŋai mɛni ma.
