Zɔ̂ŋ 7:18 - Ŋ̀âla Kɔlɔ Maa Waai

¹⁸ Ǹúui nyii a lòno a gbîŋ-wala-walai a gbɔɔ̂i-folo-laai kɔ̀ri; kɛ́lɛ, ǹúui a ǹúui ŋɔfólo-laai kɔri nyii dɛɛi, gáa a tɔ̃yâ-nuu, ǹyaŋ lɛ́ɛ da kélee fe gbonôi.

Zɔ̂ŋ 7:18 ပူးပေါင်းရင်းမြစ်များ

Táre-woo-ŋa 25:27

Kɔ̃iŋ-wulɔ miɛɛ a dámaa fé lɛ́lɛ ní. M̀ɛni ma, vé lɛ́lɛ-ni í ƃaa kɛ́-maa kɔ́ri nûa yêei íkpîŋ mɛni ma.

Nɔŋba 11:29

Kɛ́lɛ Mose è mò ma ǹyɛɛi, “Íkaa ḿaa-tolo kulâi? À pɔ̂ri kɛ̂i a ǹɛ́lɛɛ Yâwɛɛ é ŋɔmɔ̂leŋ pú ŋɔnûai kélee kponôi a gɛɛ dí kɛ́ a ŋɔlóno kɛ́-ƃela.”

Maafîu 6:9

Mɛni ma, ka Ɣâla fɛli a bere sii ŋi. ‘Kúnâŋ gáa ŋele sui, Tɔɔ ku ílaâi síɣe a maa waa.

Zɔ̂ŋ 11:4

Kɛ́lɛ, tãi Zîsɛ è mɛ̀ni lai, è mò, ǹyɛɛi, “Gɔlɔ-felai ŋí fé zaa mɛni ma. Gáa Ɣâla ŋɔfólo-laai mɛni ma, a gɛɛ Ɣâla Ǹóŋ ŋɔfólo-laai é tɛ́ zarâi.”

Zɔ̂ŋ 12:28

Ńâŋ, ílaâi ŋɔfólo-laai maa tɛ́.” Nya ƃe wóo e kùla ŋelei su, ǹyɛɛi, “Ŋa ŋɔfólo-laai maa tɛ́, ǹyaŋ ŋa pâi ŋɔ́nɔ ŋɔfólo-laai maa tɛ́i.”

Zɔ̂ŋ 12:43

Kpɛ́ni fêi, dí núu-kpune ŋɔlaa-maa-tɛi wɛ̀li é tɛ́ɛ Ɣâla ŋɔlaa-maa-tɛi ma.

Zɔ̂ŋ 5:41

Fa ńyee sèe núu-kpune ŋɔƃâa-kɛ-maai mu.

Zɔ̂ŋ 8:54

Zîsɛ e mò, ǹyɛɛi, “À kɛ̀ ŋà ŋ́gbîŋ ŋáƃaa-kɛ-maai tɛ̀, gɛ̀ ní sɛŋ da fé ŋáƃaa-kɛ-maai su. Ńâŋ ƃé a ŋáƃaa-kɛ-maai tɛ̀, nyii ǹyaŋ ka môi a gɛɛ gáa a Káɣâlai.

Tɛsɛlôniɛŋ Maa-ŋuŋ 2:6

Kúfe laa-maa-tɛ kɔri ni núu-kpune yêei, káyêei, kpaa máŋ núu da kpɛni-ŋa, berei máŋ kûi pɔ̂ri tɔɔ̂i la kútɔ̃yâi mɛni ma yɛ̂ɛ Kôrai ŋɔsia-ƃelai.

Pitɛ Maa-ŋuŋ 4:11

Núu à kɛ̀ lônoi, tɔɔ é lóno yɛ̂ɛ núu à kɛ̀ Ɣâla wóo kpîŋ ƃôi. Núu à kɛ̀ kpɔŋ-mâa kɛ̂i, tɔɔ é gɛ́ a gbanaŋ yɛ̂ɛ berei Ɣâla è dɛ̀ɛ la bɔi, a gɛɛ mɛni kélee su Ɣâla ŋɔfólo-laai maa é tɛ́ Zîsɛ Kôrai sarâi, nyíi fólo-laa káa a bɔ́ɔ da wala-wala-laa wɔlɔ-wɔlɔ da wɔlɔ-wɔlɔi. É kɛ́ tí.

Zɔ̂ŋ Maa-ŋuŋ 2:29

À kɛ̀ ká gɔlɔŋ a gɛɛ gáa a tɔ̃yâ-nuu, ká gɔlɔŋ a gɛɛ ǹúui kélee a mɛni-sãa kɛ̀i, Kôrai a zɔlɔ ƃo a lóŋ.