Zɔ̂ŋ 7:10 - Ŋ̀âla Kɔlɔ Maa Waai

¹⁰ Kɛ́lɛ, tãi ǹêɣe-ni dí lì la gúui sui, naa pôlu ma, ǹyaa máŋ e lì. Ve li ni a maa ponoɔ. Kɛ́lɛ, è lì loo-pere su.

Zɔ̂ŋ 7:10 ပူးပေါင်းရင်းမြစ်များ

Wule-woo-ŋa 26:8

Óo Yâwɛɛ, ŋá ípɛrɛi wɛ́lini, da ƃɛ́i ífolo-laai káa naai.

Wule-woo-ŋa 40:8

Óo Ŋáɣâlai, ŋá ŋ̀wɛ̂lii ŋá ínîa mɛni kɛ́. M̀ɛnii ya ǹɛ ḿâi fa nîa da ma. Ŋa gélee lâai kɛ̀ ŋ́gili ŋá.”

Emɔ 5:13

M̀ɛni ma, ǹúui dáreɛɛ̂i a mɛi sâa a tãi tarei tí, kpɛ́ni fêi, gáa a tãi nyɔ́mɔɔ.

Maafîu 10:16

“Ka gáa, ŋa kátɛɛ̂i yɛ̂ɛ ƃála-ŋa ƃe díkaa kɔ́li-saŋ su. M̀ɛni ma, ka kɛ́ a kátareɛ yɛ̂ɛ kali, ka ƃo a kálii lɛ́lɛɛ yɛ̂ɛ tòloŋ.

Maafîu 12:46

Tãi è kɛ̀ niî lônoi la gbɔŋ pɔi, ǹee da ǹêɣe-ni dí pá dí kɛ̀ ƃò tɔɔ̂ni ŋínii ŋá díkɛ ŋ̀wɛli dí lóno bɔ.

Maafîu 3:15

Nya ƃe Zîsɛ è ŋ̀óo su tòo, ǹyɛɛ mà, “Ǹɛɛ naa é kɛ́ tí. Kpɛ́ni fêi, maa nɛɛ̂i a gɛɛ kú dɔ̃yâ-laai maa-mɛni kélee ŋa-see kɛ́.” Nya ƃe è fàa ma.

Mâki 3:21

Ŋɔnûai kɛ́ɛ da m̀ɛnii mɛni è kɛ̀ gɛ̂i, díkɛ̀ gâai yɛ̂ɛ ŋ̀uŋ su a kɛ́ ma. Ǹya ƃé dí sìɣe dípɔ-taai dí lí a gɛ́ɛ dí gula naa.

Zɔ̂ŋ 11:54

È kɛ̀ tí, Zîsɛ fé ŋɔ́nɔ sia ni a maa ponoɔ dísama. Kɛ́lɛ, è síɣe naa é líi ǹɔii su vɛ̃ɛ-kpâlaŋ kɔlɛ daai su da kɛ̂ ma Ifiraŋ. Ǹaa ƃe è kɛ̀ naa da ŋɔpôlu-ƃelai.

Zɔ̂ŋ 7:3

Nya ƃe ǹeɣe-ni dí mò ma, “Kula ƃɛ í li Zuda a gɛɛ ípôlu-ƃelai dí díi-ŋai kaa íkaa gɛ̂i.

Zɔ̂ŋ 7:5

Kpɛ́ni fêi, ǹêɣe-ni kpîŋ dífe kɛ̀ láa ni la.

Zɔ̂ŋ 7:9

Nyíti ƃóɔ pôlu ma, e lɛ̀ɛ Galalii.

Galesiɛŋ 4:4

Kɛ́lɛ, tãi kpîŋ páai, Ɣâla è Ǹóŋ tɛ̀ɛ, nyíi nɛnî è zɔlɔ ƃôi. È pà dɔ̂ŋ yée mu. È pà a gɛ́ɛ é diai maa tée kɛ̂ dɔ̂ŋ mui,