Zɔ̂ŋ 4:9 - Ŋ̀âla Kɔlɔ Maa Waai

⁹ Sameria-nɛnii e m̀are kɛ̀, ǹyɛɛ ma, “Le ƃe kɛ̀, ƃiai a Zûu-nuu, íkaa ḿvɛlîi yá mai, ńyãai a Sameria-nɛnii?” Kpɛ́ni fêi, Zûu-ŋai da Sameria-ƃelai dífa fâa.

Zɔ̂ŋ 4:9 ပူးပေါင်းရင်းမြစ်များ

Maafîu 10:5

Núu puu kao feerɛi ŋí Zîsɛ è dítɛ̀ɛi, è mò dîa, ǹyɛɛi, “Káfe li Zɛ̃tai-ŋai pɔ-naa-pere, káfe tela li Sameria-ƃelai dítaa kpaya-kpayai da su.

Lûu 10:33

Kɛ́lɛ, Sameria-nuu tɔnɔ e kɛ̀ tɛɛ̂i berei ti su, e pà kulâi ma. Tãi e gàa lai, m̀alôŋ e zòŋ.

Zɔ̂ŋ 4:27

E kɛ̀ nɔ ti, ŋɔpôlu-ƃelai dí kɛ́ pà. E kùla a dîa a gɛɛ Zîsɛ e kɛ̀ lônoi nɛnîi pɔ. Kɛ́lɛ, díta dífe m̀are kɛ́ ni, “Le ƃe ya ŋ̀wɛ̂lii?” Kpaa, “Lé ƃé ya lônoi nɛnîi pɔi?”

Zɔ̂ŋ 8:48

Zûu-ŋai dí ŋ̀óo su tòo, dîyɛɛ ma, “Kɛrɛ̂e, kwa dɔ̃yâi ƃôi a gɛɛ íkaa a Sameria-nuu, nyînaŋ nyɔ́mɔɔ ǹyaŋ kɛ́ ƃo ípôlu?”

Zia-ƃelai Kɛ́-mɛni-ŋai 1:8

Kɛ́lɛ, ka pâi wála-wala sɔlɔ ƃôi a tãi M̀ɔlêŋ Maa Waai a pâ la kápɔi. Ka pâi kɛ̂i a ŋásêre-ŋa Zerusâlɛŋ, Zuda gwaa kélee, da Sameria, é too máŋ ǹɔii kɔyâŋ ma.”

Zia-ƃelai Kɛ́-mɛni-ŋai 10:28

Pitɛ è mò dîa, ǹyɛɛi, “Káa kpîŋ ka gɔ́lɔŋ berei vé la dɔ̂ŋ lá-wooi ma a gɛ́ɛ Zûu-nuu da lɔii da kpɛni su-ƃela dí nɛ̃ɛ, kpaa máŋ é dínaa káai. Kɛ́lɛ, Ɣâla a ǹɛ ḿâ a gɛ́ɛ fé núu kélee sìɣe a ǹúui ƃâa fé mai, kpaa máŋ a ǹúui maa fé waa níi.

Zia-ƃelai Kɛ́-mɛni-ŋai 10:32

M̀ɛni ma, worɛ̂ tɛɛ Zapa Samaŋ pɔ́-naa ǹáa kpéli ƃa Pitɛi. Gáa zua-kɔlɔ paa-nuui Samaŋ ŋɔpɛ́rɛi lá yúo kɔlɛ ma.’