Zɔ̂ŋ 4:10 - Ŋ̀âla Kɔlɔ Maa Waai

¹⁰ Zîsɛ è ŋ̀óo su tòo, ǹyɛɛi, “Iî kɛ̀ a Ɣâla ŋɔsama-sɛŋ kɔlɔŋɔɔ, da ǹúui gáa môi yâi, ‘Yá tɛ́ɛ ḿbɔ ŋá gbélei,’ iî pɔ̂ri m̀are kɛ̂i, ǹyaŋ eêi pɔ̂ri fulu-laa ya tɛɛ̂i ípɔ.”

Zɔ̂ŋ 4:10 ပူးပေါင်းရင်းမြစ်များ

Wule-woo-ŋa 10:17

Óo Yâwɛɛ, ya pâi íwoli tɔɔ̂i diai sɛŋ da fé díyêei díɣâla fɛli wooi ma. Ya pâi kili kɛ-zu tɛɛ̂i dípɔ.

Wule-woo-ŋa 46:4

Ya-lee da káa naa nyii a pâ a lii-nɛ̃ɛ ǹûai pɔ́ Ŋ̀âla Kɛ́tɛi ŋɔtaa-lee kɛ́tɛi su ƃɛ̂i ŋɔpɛ́rɛ kɛ́tɛi káa naai.

Ɛsedɔ 17:6

Ŋa pâi tɔɔ̂i káŋɛi-túɛ gɔnii ma Orɛ. Ísia wuruii kîiŋ nɔ́ gɔnii ma, ǹyaŋ yá a pâi kulâi zu a gɛɛ ǹûai dí gbele.” Nya ƃe Mose è gɛ̀ tí Eezuɛ-ŋai dínuu-pɔlɔ-ŋai ŋɛ́i-tuɛ.

Wule-ŋa Kélee Mɛi Wûle 4:15

Ǹyá tôŋ ma yai a zûai ŋí su yɔɔ, ǹya-ɣɛ̂li-ŋa da bóa-ŋai nyii-ŋai da kûla Lɛƃanɔŋ.

Azaya 12:3

Ɣâla a ŋɔnûai ŋuŋ ma ƃò, lii-nɛ̃ɛ támaa a kɛ̀ dîa, yɛ̂ɛ berei ya-lâɣi a kpele wɛ̂li ŋánaa namu líi sèe lai.”

Azaya 35:6

Diai díkɔɔ pûɔi da pâi dímu-siɣêi dí píli ɣelêi dí mã́la. Diai dífa pɔ̂ri lônoi, díla a pâi fúlonîi, dí lóno dí wule-ŋa too a lii-nɛ̃ɛ pere. Ya lêe-ŋa da pâi lâai vɛ̃ɛ-kpâlaŋ-ŋai su.

Azaya 42:6

“Ńyãa ƃa Yâwɛɛ. Ŋaâ ísiɣe zu a gɛ́ɛ í pá a teniŋ ƃô-laa ŋ̀éniɛi su. Ŋa wála-wala tɛɛ ípɔ, ŋ́gɛ ímɛi kâa. Ŋa pâi kpanaŋ-woo kɛ̂i ŋánûai yêei ísarâi, ŋá kwaa ponóɔɔ tɛ́ɛ ǹɔii-ŋai pɔ́ ísarâi.

Azaya 43:20

Ǹɔɔ fɛnɛ-sãai da pâi ƃaa kɛ́ maa tɛɛ̂i ḿbɔ. Ǹɔɔ ɣîla-ŋai da dua-too ŋɔni-ŋai da pâi laa maa tɛ tɛɛ̂i ḿbɔ. Ŋá gɛ́ yá é láa vɛ̃ɛ-kpâlaŋ su a gɛ́ɛ ŋánûai ŋá dí sìɣe zui, díkɛ díkpele la.

Azaya 44:3

“Ŋa pâi gɛ̂i tuna é pú, ǹɔii kpâlai é yɔɔ. Ŋa pâi gɛ̂i ya-ɣɛli pɛlɛɛ-ŋa dí láa vɛ̃ɛ-kpâlaŋ-ŋai su. Ŋa pâi Ŋámɔ̂leŋ pûi kálônii kponôi, ŋá lûwa láa dîa.

Azaya 49:10

Puru da kpele wɛ̂li fé pâi wɔ́lɔ dípaâi. Dífe pâi wɔ́lɔ kɛ̂i vɛ̃ɛ-kpâlaŋ su fólo kɛ́ dí kêreŋ. A pâi kɛ̂i tí, kpɛ́ni fêi, dílaa túɛ nuui a pâi kɛ̂i a díwɛ̂liɛɛ. A pâi liî a dia ya-ɣɛ̂li pɛlɛɛ-ŋa ma.

Azaya 9:6

Daâ lóŋ maa sɔlɔ ƃó kûɛ! Daâ lóŋ-surɔ̂ŋ tɛ̀ɛ kúpɔ! Ǹyaa ƃé pâi kɛ̂i a kúkâloŋ. Kwa pâi kɛ̂i ma, “Ǹia-woo ƃó-nuu Kɛ́tɛi, Ŋ̀wála-wâla kélee Ɣalai, Ŋ̀wɔ́lɔ-wɔlɔ da Wɔ́lɔ-wɔlɔ Naŋ. Ǹii-sêe Tɛɛ Kâloŋ.”

Zɛlemaya 2:13

Kpɛ́ni fêi ŋánûai da sɔnyɔ̂ŋ-sii feerɛ kɛ́: da dípôlu tɔ̀ɔ ḿa, ńyãai ŋ́gaa a vúlu-laa ya-loŋ, da díkpɔɔi-kpɔɔi ya loa tée, nyíi yá fa sêe zui.”

Izikiɛ 16:35

Óo Zerusâlɛŋ, yái a wulu-wulu kɛ́-nuui, m̀ɛnii mɛ̂ni nyii Ŋ̀wála-wâla kélee Yâwɛɛi a môi.

Zɛkɛrâya 13:1

“Maa ɣêlei tí ya-tôŋ-ma láa a pâi ƃôi Deeƃé ŋɔpɛ́rɛi mu-ƃelai da Zerusâlɛŋ-ƃelai mɛni ma a gɛɛ é dísɔnyɔ̂ŋ waa dîa da m̀ɛni-ŋai dímaa fé waa nii.

Zɛkɛrâya 14:8

Maa ɣêlei tí fúlu-laa ya a pâi kulâi Zerusâlɛŋ é li Ǹyúo Saai su vóloi-kulâi-pere, m̀éla tɔnɔ é li Mɛditɛrenia Yuoi su vóloi-liî pere. A pâi kɛ̂i nɔ́ tí a fólo-laa ƃóɔɔ da sama-ya ɣele.

Lûu 11:13

À kɛ̀ berei kákaa la a kásɔŋ nyɔ́mɔɔi, ká sɛŋ lɛ́lɛɛ tɛɛ-pere kɔlɔŋ kálônii pɔ, Káɣâla-taa Naŋ a pâi M̀ɔlêŋ Maa Waai tɛɛ̂i máŋ diai pɔ da vɛ̀li mai, é tɛ́ɛ nyíti ma.”

Zɔ̂ŋ 16:3

Ǹyaŋ da pâi nyiŋi kɛ̂i. Kpɛ́ni fêi, dífe niî Nàŋ-nuui kɔlɔŋ ni, kpaa máŋ ńyãa.

Zɔ̂ŋ 17:3

Ǹyaŋ wɔlɔ-wɔlɔ fulu-laa ká ŋi a gɛɛ dí íkɔlɔŋ a Dɔ̃yâ Ɣala tɔnɔi, ka Zîsɛ Kôrai nyii ya dɛɛi.

Zɔ̂ŋ 3:16

Kpɛ́ni fêi, Ɣâla e ǹɔii wɛ̀li a ŋánaa, nya ƃe e Ǹóŋ tɔnɔi tɛ̀ɛ, a gɛɛ ǹúui kélee a laa lai, ŋuŋ la fe pâi pilîi, kɛ́lɛ, ŋwɔlɔ-wɔlɔ fulu-laai káa ǹyêei.

Zɔ̂ŋ 4:14

kɛ́lɛ, ǹúui nyii a ǹyái kpèle ŋa pâi dɛɛ̂i bɔi, kpele-wɛli fa ŋɔ́nɔ wɔ́lɔ gɛ̀. Ǹyái ŋa pâi dɛɛ̂i bɔi a pâi kɛ̂i gbonôi a yá-lee ŋwɔlɔ-wɔlɔ fulu-laai mɛni ma.”

Zɔ̂ŋ 6:35

Zîsɛ è mò dîa, ǹyɛɛi, “Ńyãa ƃe ŋ́gaa a vúlu-laa kpoloi. Ǹúui nyii a pà ḿbɔi, puru fé pâi gɛ̂i, ǹyaŋ ǹúui nyii a lâa a ńyãai, kpele-wɛli fé pâi gɛ̂i.

Zɔ̂ŋ 6:51

Ńyãa ƃe ŋ́gaa a vulu-laa kpoloi nyii kùla Ɣâla-taai. À kɛ̀ núu da à gbóloi ŋí mìi, a pâi kɛ̂i ɣéniɛ wɔ́lɔ-wɔlɔ da wɔlɔ-wɔlɔ. Gbóloi ǹyaŋ ŋa pâi dɛɛ̂i ǹɔii ŋɔfúlu-laai mɛni mai, gáa a ńuu.”

Zia-ƃelai Kɛ́-mɛni-ŋai 9:11

Kúnuu-namui ǹyɛɛ mài, “Ímu siɣe í lí berei ma nyíi da dòli a Bere Sã́ai í mare-kɛɛ kɛ́ Zudasi ŋɔpɛ́rɛi mu nalôŋ mɛni ma da kɛ̂ ma Sɔ̂ɔ nyíi gáa a Taasɔ-nuui, kpɛ́ni fêi, gáa Ɣâla fɛlîi.

Lomaŋ 8:32

Ǹúui nyíi ve gbîŋ-Loŋ malôŋ káa ni, kɛ́lɛ, e dɛɛ kúkelee kúmɛni mai, ve pâi máŋ sɛŋ kélee tɛɛ̂i kúpɔ e pɛlɛ mà?

Kɔleŋtiɛŋ Maa-ŋuŋ 1:30

Nya ƃe kúfulu-laai a kûla ǹyêei Zîsɛ Kôrai kponôi, nyíi ǹyaa Ɣâla e gɛ̀ a ku-tárei, kútɔ̃yâ laa-lai, kúmaa-waa-laai, da kúmaa-tee-laai.

Kɔleŋtiɛŋ Maa-ŋuŋ 10:4

Díkelee dí Ŋ̀âla ya tɔnɔi kpèle. Kpɛ́ni fêi, dí díkpele é kúla Ŋ̀âla kɔnii su, nyíi lɛ̀ɛ dípôlui. Maa kɔnii ƃé kɛ̀ a Kôrai.

Kɔleŋtiɛŋ Veerɛi 9:15

Sɛɣɛi-fei é tɛ́ɛ Ɣâla pɔ́ ŋɔsama-sɛŋ mɛni ma nyíi gɛ́tɛ̂i a sɛŋ kúfa pɔ̂ri maa kulâi!

Ifisiɛŋ 2:8

Kpɛ́ni fêi, ƃɛlɛ-sêe sarâi ƃe ká ƃálo la laa-la sarâi. Kákpîŋ-mɛni kɛ́ɛ fei, gáa a Ɣâla ŋɔsama-sɛŋ

Ibulu 6:4

Diai kwaa-ponoɔɔ a pá dípɔ a tãi dai, nyíi-ŋai da Ŋ̀âla-taa sama-sɛŋ kɔɔ̂ŋ da kɛ́ a M̀ɔlêŋ Maa Waai sɔlɔ ƃo-ƃelai dai,

Zɔ̂ŋ Maa-ŋuŋ 5:20

Kú gɔ̀lɔŋ Ɣâla Ǹóŋ a pá a mɛni-ŋa-kaa tɛ́ɛ kúpɔ a gɛ́ɛ kú ǹúui kɔ́lɔŋ gáa a dɔ̃yâ-nuui. Ǹyaŋ kúkaa dɔ̃yâ-nuui kponôi, ǹyaa ƃa Ǹóŋ Zîsɛ Kôrai. Ǹyaa ƃa Dɔ̃yâ-Ɣalai da wɔlɔ-wɔlɔ fulu-laai.

M̀ɛni-lɛɛi 21:6

Nya ƃe è mò ḿâ, nyɛɛi, “Díŋa-see a kɛ́! Ŋ́gaa a Afa da Omiga, zu-kulâi ƃa gɔ́ɔ-pîlanii da gberâi. Diai kpele-wɛli káa diai, ŋa pâi vúlu-laa ya-loŋ da tɛɛ̂i dípɔ kpɛ́ni-kpɛni.

M̀ɛni-lɛɛi 22:17

Mɔlêŋ da Nɛnîi dí mò, díyɛɛi, “Pá.” Tɔɔ ǹúui a mɛni mɛnii, é m̀ó, nyɛɛi, “Pá.” Tɔɔ ǹúui kpele-wɛli káa mài, é pá, tɔɔ ǹúui ŋ̀wɛ̂lii, é vulu-laa-yai siɣe kpɛni-kpɛni zɔ̃ɔ fé ma.

M̀ɛni-lɛɛi 7:17

Kpɛ́ni fêi, M̀ála-loŋ gáa gâloŋ-see-sɛŋ samai, a pâi kɛ̂i a diai a m̀ála-ŋai dímɛi-kaa-nuu., É tɔ́ɔ dítuɛ é lí a dia vúlu-laa ya-loŋ lá. Ǹyaŋ Ɣâla a pâi díŋɛi-ya kélee kɔɔ̂i díŋɛi.”