Zɔ̂ŋ 3:6 - Ŋ̀âla Kɔlɔ Maa Waai

⁶ Nyii maa sɔlɔ ƃoɔi a núu-kpunei gáa a núu-kpune. Nyii maa sɔlɔ ƃoɔi a M̀ɔlêŋ gáa a mɔ̂leŋ.

Zɔ̂ŋ 3:6 ပူးပေါင်းရင်းမြစ်များ

Zɛnɛse 5:3

Tãi Adaŋ è kɛ̀ la ɣele ma a kóraŋ ŋuŋ tɔnɔ pôlu buu saaƃa (130) è lóŋ-surɔ̂ŋ maa sɔlɔ ƃô moloŋɔɔ ma. È ǹáa sèe a Sɛ̂.

Zɛnɛse 6:12

Ɣâla è ǹɔii kàa zu karaa, kpɛ́ni fêi, fúlu-sãa kélee tûa-pere è kɛ̀ a nyɔ́mɔɔ ǹɔii ma.

Zɛnɛse 6:5

Yâwɛɛ è gàa a gɛɛ núu-kpune ŋɔŋwana-lɔɔi è kɛ̀ a gɛ́tɛ ǹɔii ma, díkoi-mɛni-ŋai díkɛ ƃô a nyɔ́mɔɔ a tãi kélee.

Zôo 14:4

Sɛŋ maa waa fa pɔ̂ri kulâi sɛŋ da kponôi nyii maa fé waa nii yɛ̂ɛ nuu-kpunei.

Zôo 25:4

Núu-kpune a pɔ̂ri ǹɛ́i léŋ a gɛɛ deniŋ ƃôɔɔi? Núu da káa naa nyii maa waâi Ɣâla ŋɛ́i-tuɛ?

Wule-woo-ŋa 51:10

Óo Ɣâla, ŋá kili-ŋa-siai kɛ́ a m̀aa waa, íteniŋ ƃô da mɔ̂leŋ nina tɛɛ ḿbɔ.

Zɔ̂ŋ 1:13

nyii núu ŋ̀ãa-sâlaŋ fé maa sɔlɔ ƃó ní, kpaa máŋ dímaa sɔlɔ ƃó-pere è kɛ̀ a núu-kpune ǹîa-pere, kpaa máŋ núu ǹîa-pere, kɛ́lɛ, Ɣâla ŋɔi.

Zɔ̂ŋ 3:7

Ífe íkili ŋá sia a gɛɛ ŋá mò yâ, ‘Fɛ̂ɛ da ímaa sɔlɔ ƃo a nina.’

Lomaŋ 7:18

Kpɛ́ni fêi, ŋá gɔ́lɔŋ a gɛ́ɛ mɛni lɛ́lɛɛ kélee fe ŋ́gbonôi, nya ƃa ŋ́gbîŋ-tua-perei su. Ŋa ŋ̀wɛli ŋá mɛni-ŋai kɛ́ dílɛlɛɛ̂i, kɛ́lɛ, fa díkɛ̀.

Lomaŋ 7:25

Sɛɣɛi fe é tɛ́ɛ Ɣâla pɔ Kúnuu-namui Zîsɛ Kôrai sârai! À kɛ̀ ti gɛ̀ ní ńyãa kpîŋ ŋa Ɣâla ŋɔtɔ̂ŋ mɛi kâa a ŋ́gili, kɛ́lɛ, ŋa sɔnyɔ̂ŋ ŋɔtɔ̂ŋ mɛi kâa a ŋ́gbîŋ tua-perei.

Lomaŋ 7:5

Tãi ku kɛ̀ niî la kúkpîŋ tua-perei pôlui, dɔ̂ŋ è kúsɔnyɔ̂ŋ wɛ̂li-lii-ŋai mu siɣe, nyíi-ŋai gɛ̀ kú saai.

Lomaŋ 8:13

kpɛ́ni fêi, kà tùa a kákpîŋ tua-perei, ka pâi saâi. Kɛ́lɛ, kà gbonoi ŋɔtûa-perei kélee pàa a M̀ɔlêŋ, ka pâi kɛ̂i ɣele ma.

Kɔleŋtiɛŋ Maa-ŋuŋ 6:17

Kɛ́lɛ, ǹúui da Kúnuu-namui díkaa zu tɔnɔɔi da ǹyaa díkaa M̀ɔlêŋ tɔnɔi su.

Kɔleŋtiɛŋ Veerɛi 5:17

M̀ɛni ma, à kɛ̀ núu da kélee káa Kôrai kponôi, gɛ̀ ní gáa a núu nina. M̀ɛni pɔlɔi a tɛɛ, ka gáa mɛni ninai a pá.

Galesiɛŋ 5:24

Ǹyaŋ diai díkaa Zîsɛ Kôrai kponôi da núu ŋɔtùa-pere-nyɔŋ paa da ŋɔtûa-pere-nyɔŋ maa-sɛŋ-wɛliɛ.

Ifisiɛŋ 2:3

Kú kɛ̀ nyíi-ŋai ŋí sama a maa-ŋuŋ, diai díkɛ ɣeniɛi kɛ̀ a díkpîŋ-tua-pere-nyɔŋ maa-sɛŋ-wɛliɛi. Kú kɛ́ kúkili-ŋa-siai da kúkponôi dísɛŋ wɛliɛɛi pôlu. Mɛni ma kúkpîŋ tua-perei su Ɣâla ŋɔtɔŋ-kpɛ́-maai è kɛ̀ kúmɛni ma nɔ́ yɛ̂ɛ núu kpeli-ŋai.

Kolasiɛŋ 2:11

Dí kásee kpono mâ máŋ gbonôi. Ǹyaŋ dífe kásee-ní kpono mâ a díyee. Kɛ́lɛ, Kôrai è kásee kpono mâ a kákpîŋ-tua-pere-nyɔŋ kúlaa kâa.

Zɔ̂ŋ Maa-ŋuŋ 3:9

Ǹúui kélee gáa a Ɣâla ǹóŋ, va sɔnyɔ̂ŋ kɛ̀, kpɛ́ni fêi, Ɣâla káa gbonôi. Va pɔ̂ri sɔnyɔ̂ŋ kɛ̀i, kpɛ́ni fêi, gáa a Ɣâla ǹóŋ.