Zɔ̂ŋ 3:3 - Ŋ̀âla Kɔlɔ Maa Waai

³ Zîsɛ è zu tòo, “Ŋa tɔ̃yâ kpîŋ, m̀ói yâ, fɛ̂ɛ da núu maa sɔlɔ ƃo a nina, à wàla kɛ́ tí, va pɔ̂ri Ɣâla ŋɔkâloŋ-laai kâai.”

Zɔ̂ŋ 3:3 ပူးပေါင်းရင်းမြစ်များ

Zɛlemaya 5:21

Ka káwoli tɔ́ɔ káai táre fé káŋuŋ su ka tûa nɔ́ a ƃoo-perei, káai káŋɛi-gao káa kâa, kɛ́lɛ káfa kwaa kâai, káwoli kɛ́ ƃò kâa, kɛ́lɛ káfa mɛni mɛ̂nii.

Izikiɛ 36:26

Ŋa pâi líi-nina da kíli-nina tɛɛ̂i ká pɔ. Ŋa pâi ká lii su kpânaŋ maa fálenîi a lii maa yêŋ.

Maafîu 16:17

Nya ƃe Zîsɛ è ŋ̀óo zu tòo, ǹyɛɛ mai, “Lûwa káa yâ Zôna ǹóŋ Samaŋ! Kpɛ́ni fêi, núu-kpune fé m̀ɛnii ŋí lɛ ni yâ, kɛ́lɛ, Ŋáɣâla-taa Naŋ ƃe ǹɛ yâ.

Maafîu 19:24

Ŋá m̀ôi ŋɔ́nɔ kâa, a gɛɛ nàa fii-kpɛɛi a gɛɛ soo-fáleŋ é lɔ́ saɣílaŋ wôloi é tɛ́ɛ tɔɔ-nuu liɛɛ Ɣâla ŋɔkâloŋ-laai su ma.”

Maafîu 21:31

Ǹúu feerɛi ŋí, nênɛ ƃe ǹâŋ ǹîa-mɛni kɛ̀i?” Dí mò mà dîyɛɛi, “Duɛ-tuɛi.” Nya ƃe Zîsɛ è mò dîa, ǹyɛɛi, “Ŋa tɔ̃yâ ƃoi kâa a gɛɛ ŋuŋ-fela-fei kula-ƃelai da ŋ̀ulu-wulu-nɛyaai da pâi liî Ɣâla ŋɔkâloŋ-laai sú kátuɛ.

Maafîu 5:18

Ŋá m̀ôi kâa a tɔ̃yâ, tãi nɔ́ ŋelei da ǹɔii dí káa nîi la naai, dɔ̂ŋ gbùa tɔ̂nɔ kpîŋ fé pâi kulâi m̀a é lɛ́ɛ la zu mɛni-ŋai kélee ŋa-see é kɛ́.

Mâki 10:14

M̀ɛnii ŋí naa káa Zîsɛ mii, è ǹíi ŋwàna é m̀o dîa ǹyɛɛi, “Ka ǹîa-pɛlɛɛi lɛ́ɛ naa dí pá ḿbɔ, káfe díkpera, kpɛ́ni fêi, ǹúu kɛ́ɛ-ŋai ŋí ƃé Ɣâla ŋɔkâloŋ-laai káa dímɛni ma.

Mâki 9:47

À kɛ̀ íŋɛi à gɛ̀ í sɔnyɔ̂ŋ kɛ́, gula yâ. M̀aa nɛ̃ɛ̂i í lí Ɣâla ŋɔkâloŋ-laai su a íŋɛi-gao tɔnɔ kpéŋ é tɛ́ɛ la íŋɛi-gao veerɛ kɛ́ɛ yâ í lí dɛ̂ƃele-taa, ŋ̀wɔ́lɔ-wɔlɔ ŋɔŋ su,

Zɔ̂ŋ 1:13

nyii núu ŋ̀ãa-sâlaŋ fé maa sɔlɔ ƃó ní, kpaa máŋ dímaa sɔlɔ ƃó-pere è kɛ̀ a núu-kpune ǹîa-pere, kpaa máŋ núu ǹîa-pere, kɛ́lɛ, Ɣâla ŋɔi.

Zɔ̂ŋ 1:5

Gwaa-ponoɔi a fôlo gbínii su, ǹyaŋ gbínii fé tá ǹiîŋ ní.

Zɔ̂ŋ 1:51

E mò ŋɔ́nɔ ma, ǹyɛɛi, “Tɔ̃yâ kpíŋ, ŋá m̀ó kâa, ka pâi ŋelei su kâai ńâ ƃoɔ, Ɣâla ŋɔkéla-ŋai díkɛ tɛ díkɛ yeŋ núu-kpune Ǹóŋ ma.”

Zɔ̂ŋ 12:40

“A díŋɛi pú, a dílii su kpánaŋ, a gɛɛ dífa la kwaa káa la a díŋɛi, dífe lâa mɛni siɣe la dílii su, a gɛɛ dí tinaŋ ḿbɔ-pere a gɛɛ ŋa díƃalo.”

Zɔ̂ŋ 3:4

Nekedima è mò ma, ǹyɛɛi, “Da ŋɔ́nɔ pɔ̂ri núu maa sɔlɔ ƃôi léŋ à nâa gbâa pɔlɔ? A ŋɔ́nɔ pɔ̂ri liî ǹee koi a veerɛ ɣelei dí maa sɔlɔ ƃo ŋɔ́nɔ?”

Kɔleŋtiɛŋ Veerɛi 4:4

Diai laa-la fé díyêei ŋ̀éniɛi ŋí su-ɣalai a díkili ŋá tɛ̀i a gɛ́ɛ dífe Kôrai ŋɔfólo-laai maa-tuŋ lɛ́lɛɛi ŋɔkwaa-ponoɔi kàa, nyíi gáa a Ɣâla-pɔkɔɔŋ.

Kɔleŋtiɛŋ Veerɛi 5:17

M̀ɛni ma, à kɛ̀ núu da kélee káa Kôrai kponôi, gɛ̀ ní gáa a núu nina. M̀ɛni pɔlɔi a tɛɛ, ka gáa mɛni ninai a pá.

Galesiɛŋ 6:15

Kpɛ́ni fêi, diai díseɛɛi kpono mâ da diai dífe see-ní kpono mai, dífe a sɛŋ da, kɛ́lɛ, fɛ̂ɛ núu maa sɔlɔ ƃóɔɔ a nina.

Ifisiɛŋ 2:1

È ká kɛ̀ a káfulu tãi ka kɛ̀ la a kasaa tɔ̂ŋ karaa sarâi da sɔnyɔ̂ŋ.

Dutɛrɔnome 29:4

Kɛ́lɛ Yâwɛɛ fé niî kákili-ŋa pono ní a gɛɛ ká mɛni ŋá káa. Vé niî káŋɛi lá ƃó ní a gɛɛ ká kwaa káa kpaa máŋ é wóli kɛ́ káŋuŋ ma a gɛɛ ká mɛni mɛ́ni.

Taitɔ 3:5

è kúƃalo a kúwaa mì a gɛɛ kú kɛ́ a núu nina da M̀ɔlêŋ Maa Waai kɛ́ɛ a nina kúkponôi. Kútii lɛ́lɛɛ kɛ́ɛ fêi nyíi kwa gɛ́i, kɛ́lɛ, ŋɔƃɛlɛ-sêei su ƃe.

Zĩi 3:17

Kɛ́lɛ, dárei nyíi a kûla ŋ̀elei sui, m̀ɛnii gáa ma a maa-ŋuŋ, ǹyaa ƃa maa-waa-laa, lii-sêe kɛ́ ƃo zu, sɔŋ-lɛlɛ kɛ́ ƃo zu, woo-mɛni kɛ́ ƃo zu, ǹáa fɛ́ɛ a maloŋ kâa da tíi-lɛlɛ, woo-kɛ-ńâ-feerɛ fé zu, kiri-mɛni fé zu.

Pitɛ Maa-ŋuŋ 1:3

Lûwa é kɛ́ Zîsɛ Kôrai Ŋɔɣâlai da Ǹâŋ ma! Ŋɔmaloŋ-kaa kɛ́tɛi su, da ŋɔ́nɔ kúmaa sɔlɔ ƃó a nina kwa kɛ́ fulu-laa kili-kɛ-zu su, Zîsɛ Kôrai ŋɔmu-siɣe saa-yeei sarâi,

Zɔ̂ŋ Maa-ŋuŋ 2:29

À kɛ̀ ká gɔlɔŋ a gɛɛ gáa a tɔ̃yâ-nuu, ká gɔlɔŋ a gɛɛ ǹúui kélee a mɛni-sãa kɛ̀i, Kôrai a zɔlɔ ƃo a lóŋ.

Zɔ̂ŋ Maa-ŋuŋ 3:9

Ǹúui kélee gáa a Ɣâla ǹóŋ, va sɔnyɔ̂ŋ kɛ̀, kpɛ́ni fêi, Ɣâla káa gbonôi. Va pɔ̂ri sɔnyɔ̂ŋ kɛ̀i, kpɛ́ni fêi, gáa a Ɣâla ǹóŋ.

Zɔ̂ŋ Maa-ŋuŋ 5:1

Ǹúui kélee a lâa la a gɛɛ Zîsɛ káa a Kôrai, maa-nuui káa a Ɣâla ǹóŋ. Ǹúui kélee a nàŋ-nuui wɛ̂lii, è ǹônii wɛ́li ni máŋ.

Zɔ̂ŋ Maa-ŋuŋ 5:18

Ku gɔ̀lɔŋ ǹúui kélee gáa a Ɣâla ǹóŋ va sɔnyɔ̂ŋ kɛ̀, kɛ́lɛ, Ɣâla Ǹóŋ a m̀ɛi kâa, ŋ̀wana-lɔ̂ɔ-nuui fa lɛ̂ɣɛ mà.

Zɔ̂ŋ Maa-ŋuŋ 5:4

Kpɛ́ni fêi, ǹúui kélee gáa a Ɣâla ǹóŋ, ǹyée tɛɛ̂i ǹɔii ma. Ǹyaŋ kúlaa-lai ƃa ǹyee-tɛɛ-maai nyíi ǹɔii yée mɛi ɣálêi.

M̀ɛni-lɛɛi 3:14

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Leodisiɛi ŋɔkélai pɔ́naa: ‘É kɛ́ tí, nyíi gáa a dɔ̃yâ-sere-faa kɛ-nuu sã́ai, nyíi gáa a Ɣâla ŋɔsɛŋ-kpɛtɛɛi kɔ́ɔ-pîlanii wóo ká ni.