Zɔ̂ŋ 3:2 - Ŋ̀âla Kɔlɔ Maa Waai

² Nalôŋ ŋí è pà Zîsɛ pɔ a kpini é m̀ó ma, ǹyɛɛi, “Kaamɔ̂ɔ, ku gɔlɔŋ a gɛɛ ya ƃa sɛŋ-lɛ-nuu nyii kùla Ɣâla yêei, kpɛ́ni fêi, núu da kélee fa pɔ̂ri ŋɛi-kɛ-maa-ŋai ŋí kɛ̂i nyii ya gɛ̂i, fɛ̂ɛ Ɣâla é kɛ́ bôlu.”

Zɔ̂ŋ 3:2 ပူးပေါင်းရင်းမြစ်များ

Kâloŋ Maa-ŋuŋ 17:24

Ǹɛnîi ǹyɛɛ Ilaiza mai, “Ŋaâ gɔ́lɔŋ a gɛ́ɛ íkaa a Ɣâla-nuu. Yâwɛɛ ŋɔwóoi a kula ílai gáa a tɔ̃yâ woo.”

Azaya 51:7

“Ka káwoli tɔ́ɔ ḿâ, káai kélee ká tɔ̃yâ mɛni kɔ́lɔŋ, ŋátɔ̂ŋ maa mɛni kɛ́ ƃò kálii sui. Káfe yào diai dîa da ɣɛ́lɛ maa kûla kákponôi, díkɛ kálàraŋ, dí gɛ́ kámaa é kpɛ̃liŋ.

Zɛlemaya 38:16

Nya ƃe Gâloŋ Zɛdikaya è góno tèe ńyêei loo-pere su, ǹyɛɛ ḿâi, “Ŋa ḿvoo a gɛ̀ ɣele-ma Ɣalai, Ŋ̀âlai nyíi a fúlu-laa tɛ̀ɛ kúpɔi, a gɛɛ ḿve pâi ípaâi, kpaa máŋ ŋá ítɛɛ ǹûai pɔ́ nyii-ŋai ŋ̀wɛ̂lii dí ípaai.”

Maafîu 22:16

Dí dípôlu-ƃelai tɛɛ bɔ naa é pɛ́lɛ Ɛɛlɔ-ƃelai dîa, dîyɛɛi, “Kaamɔ̂ɔ, ku gɔ́lɔŋ a gɛɛ íkaa a tɔ̃yâ-nuu, íkɛ Ɣâla ŋɔperei lɛ́ a tɔ̃yâ, ífa yao núu da kélee ma. Ífe kpaaŋ ni núu tɔɔ̂i mɛni ma.

Maafîu 23:7

Da kɛ́ ŋ̀wɛ̂lii a gɛɛ ǹûai díkɛ dí láa-ti-dîa ǹɔ́ɔ-kpalaŋ-ŋai ŋá. Díkɛ ŋ̀wɛli a gɛɛ nûa dí dítoli a kaamɔ̂ɔ-ŋa.

Maafîu 23:8

Kɛ́lɛ, maa fé nɛ̃ɛ ní a gɛɛ dí kátoli a kaamɔ̂ɔ-ŋa. Kpɛ́ni fêi, kásɛŋ-lɛ-nuui káa nɔ́ tɔnɔɔ, kákelee kákɛ ƃò a káa-laa tɔnɔ su-ƃela Ɣâla ŋɛ́i.

Mâki 12:14

Dí pà bɔ́ dí m̀o ma, “Kaamɔ̂ɔ, kú gɔ́lɔŋ a gɛ́ɛ íkaa a tɔ̃yâ nuu, ífa tɔɔ núu da kélee pôlu, kpɛ́ni fêi, ífe kpaaŋ ní núu tɔɔ̂i mɛni ma, kɛ́lɛ, ya Ɣâla ŋɔperei lɛ̂ tɔ̃yâ ma. Gáa dɔ̂ŋ lá-woo ma a gɛ́ɛ kú ŋuŋ-fela-fei tɛɛ Gâloŋ Siizɛ pɔ́, kpaa vé tí?

Zɔ̂ŋ 1:38

Zîsɛ e tìnaŋ e díkaa pîlanii bôlu, e mò diai, ǹyɛɛi, “Le ƃe ka gɔ́rii?” Díyɛɛ ma, “Lɛ̂ƃai, (zu-kulâi ƃa Kaamɔ̂ɔ), mi ƃe íkaa naai?”

Zɔ̂ŋ 10:38

Kɛ́lɛ, à kɛ̀ ŋà díkɛ̀, berei máŋ káfe lâai a ńyãai, ka láa a díi-ŋai, a gɛɛ ká gɔ́lɔŋ ká táre zu a gɛɛ Nàŋ-nuui káa ŋ́gbonôi ńyaŋ ŋ́gaa Nàŋ-nuui kponôi.”

Zɔ̂ŋ 12:37

Berei máŋ è ŋɛi-kɛ-maa támaa kɛ̀ la díŋɛi tuɛi, dífe laa ni la.

Zɔ̂ŋ 14:10

Ífe laa ni la a gɛɛ ŋ́gaa Nàŋ-nuui kponôi, ǹyaŋ gɛ ƃo ŋ́gbonôi? Ŋ̀óo-ŋai ŋa mò kâai, fa mo a ŋ́gbɔɔi-wala-wala; kɛ́lɛ, Nâŋ-nuui gáa ŋ́gbonôi, ǹyaa ƃa díi-ŋai kɛ̀.

Zɔ̂ŋ 15:24

Eêi kɛ̀ fé díi kɛ́ ni dísama nyii núu da fe tá gɛ níi, dísɔŋ fei kɛ̀ dîa. Kɛ́lɛ, da nâa díkaa, da ŋ́gbɔara kwa Ńâŋ.

Zɔ̂ŋ 2:11

Zîsɛ ŋɔŋɛi-kɛ-maa kɛɛi maa-ŋuŋ ká ŋi è gɛ̀ Kena, Galalii-lɔii su a gɛɛ é ŋɔfólo-laai lɛ́, ǹyaŋ ŋɔpôlu-ƃelai dí laa la.

Zɔ̂ŋ 20:16

Zîsɛ è mò ma, ǹyɛɛi, “Mere.” È tìnaŋ è m̀o Zîsɛ ma Ibulu-wooi su, ǹyɛɛi, “Laƃônii!” (nyii zu-kulâi ƃa Kaamɔ̂ɔ).

Zɔ̂ŋ 3:26

Nya ƃe dí pà Zɔ̂ŋ pɔ dí m̀o ma, dîyɛɛi, “Kaamɔ̂ɔ, ǹúui ka ǹyaa kakɛ Zɔdiŋ pôlui, nyii í m̀aa-sere-faa kɛ̀i, ǹyaa ká ŋi batâi kɛ̀i, ǹúui kélee kɛ́ li bɔi.”

Zɔ̂ŋ 4:31

Nàa e kɛ̀ ti ŋɔpôlu-ƃelai dí gbera fè, dîyɛɛ mà, “Kaamɔ̂ɔ, ílaa mii.”

Zɔ̂ŋ 5:36

Kɛ́lɛ, zêre-wooi gáa ńyêei, dɛɛ̂i Zɔ̂ŋ ŋɔi ma, kpɛ́ni fêi, díi-ŋai nyii Nàŋ-nuui e dɛ̀ɛ ḿbɔ a gɛɛ ŋá gɛ́i, díi-ŋai ŋi kpîŋ nɔ nyii ŋa gɛ́i, díkaa a ŋásêre a gɛɛ Nàŋ-nuui ƃe ńdɛ̀ɛ.

Zɔ̂ŋ 6:2

Kpɔŋ kɛ́tɛ e pìlaŋ bôlu. Kpɛ́ni fêi, dí ŋɛi-kɛ-maa-ŋai kàa e gɛ̀ a diai kɛ̀ kɔ́lɛ̂i.

Zɔ̂ŋ 7:31

Ǹúui dámaa dí làa la; dí mòi, dîyɛɛi, “Kôrai à pà, a pâi ŋɛi-kɛ-maa-ŋa kɛ̂i é tɛ́ɛ nyiŋi-ŋai dîa nalôŋ ŋi a gɛ́i?”

Zɔ̂ŋ 9:16

Faresii-ŋai da-ni dí mò, dîyɛɛi, “Nalôŋ ŋi fe kulâi Ɣâla yêei. Kpɛ́ni fêi, va Vii-tɔɔ-ɣelei mɛi kaa.” Ǹúui gbeli-ŋai dîyɛɛi, “A kɛ̂ leŋ ǹúui gáa a sɔnyɔ̂ŋ-nuui e ŋɛi-kɛ-maa-ŋai ŋi kɛ́?” Sia e kɛ̀ díloai.

Zia-ƃelai Kɛ́-mɛni-ŋai 10:38

Ɣâla è M̀ɔlêŋ Maa waai pù Nâzarɛ Zîsɛ kponôi é wála-wala tɛ̀ɛ bɔ́. È kɛ̀ liî a mɛni lɛ́lɛɛ kɛ́ɛ, gɛ́ diai ƃàlo Dɛ̂ƃele è kɛ̀ díkponôi, kpɛ́ni fêi, Ɣâla è kɛ̀ bôlu.

Zia-ƃelai Kɛ́-mɛni-ŋai 2:22

“Eezuɛ sinaa, ka ŋ́oo ŋí mɛni: Nâzarɛ Zîsɛ nyíi gáa a ǹúui Ɣâla è nɛ̀ kâa a tíi kpaya-kpaya da mɛni kpaya-kpaya é pɛ́lɛ ŋɛi kɛ́-maa-ŋa nyíi Ɣâla a gɛ̀ zarâi kásamâi, yɛ̂ɛ berei káa kpîŋ ka gɔ́lɔŋ lai.

Felepiɛŋ 1:14

Ŋánûai dámaa-ɣele da nâa láa a Kúnuu-namui ḿbiliɛɛ kpini-pɛrɛ mu sarâi, dílii a kpele kpɔ́ a ŋ̀ánaa a gɛ́ɛ dífe yao a Ɣâla ŋɔwóoi ƃoɔɔ.

M̀ɛni-sâa Ƃó-ƃelai 6:27

Nya ƃe Gidiɔŋ è ǹyée mu-ƃelai buu sîɣe a gɛ́ɛ dí m̀ɛnii kélee kɛ́ Yâwɛɛ è mò mai. Kɛ́lɛ è kɛ̀ yaôi ŋɔkáayɔɔ-ŋai dîa da Ofura taai su-ƃelai. M̀ɛni ma, dí m̀ɛni-ŋai ŋí kɛ̀ a kpíni.