Zɔ̂ŋ 3:18 - Ŋ̀âla Kɔlɔ Maa Waai

¹⁸ Ǹúui nyii a lâa lai, tɔ̂ŋ fe mà, kɛ́lɛ, ǹúui nyii va lâa lai, tɔ̂ŋ puɔɔ̂i mà nâa, kpɛ́ni fêi, ve niî Ɣâla Ǹóŋ tɔnɔi láa siɣe ni a tɔ̃yâ.

Zɔ̂ŋ 3:18 ပူးပေါင်းရင်းမြစ်များ

Mâki 16:16

Ǹúui a lâa la dí ŋɔbatâi kɛ́i, a pâi ƃâloi. Kɛ́lɛ, ǹúui vé pâi lâai lai, Ɣâla a pâi tɔ̂ŋ pûi m̀aa nuui ma.

Zɔ̂ŋ 1:12

Ǹúui kélee ǹyée sèe mùi, é ǹáa síɣe a tɔ̃yâi, è wála-wâla tɛ̀ɛ dípɔ a gɛɛ dí kɛ́ a Ɣâla lônii,

Zɔ̂ŋ 1:18

Núu da kélee fé tá wɔ́lɔ Ɣâla káa ní. Ǹóŋ tɔnɔi nyii gáa Ǹâŋ kɔ̃ɔŋ sui, ǹyaa ƃe a ǹɛ́.

Zɔ̂ŋ 20:31

Kɛ́lɛ, nyiŋi-ŋai ŋi pɔ̃yɛɛ̂i a gɛɛ ká láa la a gɛɛ Zîsɛ ƃe gáa a Kôrai, Ɣâla Ǹóŋ, a gɛɛ ǹyaŋ kà làa la, fulu-laa é kɛ́ káyêei ǹáai su.

Zɔ̂ŋ 3:16

Kpɛ́ni fêi, Ɣâla e ǹɔii wɛ̀li a ŋánaa, nya ƃe e Ǹóŋ tɔnɔi tɛ̀ɛ, a gɛɛ ǹúui kélee a laa lai, ŋuŋ la fe pâi pilîi, kɛ́lɛ, ŋwɔlɔ-wɔlɔ fulu-laai káa ǹyêei.

Zɔ̂ŋ 3:36

Ǹúui nyii a lâa a Ǹóŋ a pâi ŋwɔlɔ-wɔlɔ fulu-laai sɔlɔ ƃôi. Ǹúui nyii va Ɣâla Ǹóŋ wóo mɛni ve pâi fulu-laa kâai, kɛ́lɛ. Ŋ̀âla-lii-ŋwanai káa mà.

Zɔ̂ŋ 5:24

Tɔ̃yâ kpîŋ, ŋá m̀ó kâa, ǹúui a ŋ́oo mɛ̀ni é láa a ǹúui ńdɛ̀ɛi, wɔlɔ-wɔlɔ fulu-laa káa ǹyêei. Va pâ mɛni-ŋa-teɛɛi su, kɛ́lɛ, a kula saa-yeei e li fulu-laa su.

Zɔ̂ŋ 6:40

Kpɛ́ni fêi, Ńâŋ ǹîa-mɛnii ká ŋí, a gɛɛ ǹúui nyii kélee a Nòŋ-nuui kàa é láa lai, a wɔlɔ-wɔlɔ fulu-laa sɔlɔ ƃò, ǹyaŋ ŋa pâi m̀u siɣêi a ŋ̀elei kpɛɛ ŋai.”

Zɔ̂ŋ 6:47

Ŋa tɔ̃yâ kpîŋ, m̀ói kâa, ǹúui à lâa lai, ŋ̀wɔ́lɔ-wɔlɔ fulu-laai káa ǹyêei.

Lomaŋ 5:1

M̀ɛni ma, tãi nɔ́ Ɣâla a kútoli la a tɔ̃yâ-ƃela laa-la sârai, kwa kúkɛ lii-sêe su kwa Ɣâla-ni Kúnuu-namui Zîsɛ Kôrai sârai.

Lomaŋ 8:1

Mɛni ma diai díkaa Zîsɛ Kôrai kponôi dífe pâi nâa tɔ̂ŋ pûi dîa.

Lomaŋ 8:34

gbɛ̂ɛ ƃa mɛni lɛ̂ɛ núu mai? Zîsɛ Kôrai ƃe nyíi sàa e ŋɔ́nɔ mu siɣe máŋ saa yêei, nyíi gáa seêni Ɣâla laa-mii-yee mɛi, nyíi a tɔ̂ɔ kúmɛni ma Ɣâla ŋɛi tuɛi?

Ibulu 12:25

Ka gáa a gɛɛ ǹúui gáa lônoi, káfe káyee kùla mu. Kpɛ́ni fêi, à kɛ̀ diai díyee kùla ǹúui mu nyíi dília-woo ƃò ǹɔii ma ƃɛi, dífe kula ni tɔŋ-kpɛ́-maa su, gɛ̀ ní kûa máŋ kwa pɔ̂ri kɛ̂i leŋ tɔŋ kpɛ-maa su, à kɛ̀ kwa kúyee kùla ǹúui mu nyíi gáa Ɣâla-taa gɛ́ kúlia-woo ƃòi.

Ibulu 2:3

Gɛ̀ ní kwa pâi kula-pere kɛ̂i leŋ tɔŋ-kpɛ́-maa yêei, à kɛ̀ kwa kúŋɛi nàɣîŋ ƃalo-laa kɛ́tɛ kɛ́ɛ tí mɛi? Kúnuu-namui ƃe mò a maa-ŋuŋ, diai ŋ̀óo mɛ̀nii dí m̀ó kûa, dí ǹɛ a gɛɛ gáa a tɔ̃yâ.

Ibulu 3:19

Mɛni ma kwa gáa a gɛɛ pɔ̂ri fé kɛ́ ni dîɛ dí li ŋɔfii-tɔɔi su, kpɛ́ni fêi, laa-la fé kɛ́ ni díyêei.

Zɔ̂ŋ Maa-ŋuŋ 3:23

Ŋɔtɔ̂ŋ ká ŋí a gɛɛ fɛ̂ɛ kú láa a Ǹóŋ Zîsɛ Kôrai láa, kú kúkîe-ni wɛ́li yɛ̂ɛ berei è mò la kûai.

Zɔ̂ŋ Maa-ŋuŋ 4:9

Berei-sii ŋí ƃe Ɣâla è ŋɔwɛli-kɛ-maai lɛ̀ naa kûa. È Ǹóŋ tɔnɔi tɛ̀ɛ ǹɔii su a gɛɛ fulu-laa é kɛ́ kúyêei zarâi.

Zɔ̂ŋ Maa-ŋuŋ 5:10

Ǹúui a lâa a Ɣâla Ǹóŋ, sere-faa káa gbonôi. Ǹúui va lâa a Ɣâlai, a gɛ́ a lɛ́ɛ-nuu, kpɛ́ni fêi, vé niî laa ní a Ɣâla ŋɔsêre-faai è gɛ̀ Ǹóŋ mɛni mai.

Zɔ̂ŋ Maa-ŋuŋ 5:12

Ǹúui Nòŋ-nuui káa ǹyêei, fúlu-laa káa ǹyêei. Ǹúui Nòŋ-nuui fé ǹyêei, fúlu-laa fé ǹyêei.