Zɔ̂ŋ 3:16 - Ŋ̀âla Kɔlɔ Maa Waai

¹⁶ Kpɛ́ni fêi, Ɣâla e ǹɔii wɛ̀li a ŋánaa, nya ƃe e Ǹóŋ tɔnɔi tɛ̀ɛ, a gɛɛ ǹúui kélee a laa lai, ŋuŋ la fe pâi pilîi, kɛ́lɛ, ŋwɔlɔ-wɔlɔ fulu-laai káa ǹyêei.

Zɔ̂ŋ 3:16 ပူးပေါင်းရင်းမြစ်များ

Zɛnɛse 22:12

Ŋ̀âla-taa-kelai ǹyɛɛ mai, “Ífe íyee pɛ̀lɛ ǹôloŋ ma, kpaa máŋ í mɛni da kélee kɛ̀ la, kpɛ́ni fêi, ŋâa gɔ́lɔŋ nâa a gɛɛ ƃa yào Ɣâla ma, ífe ílii ma loŋ kùla ní ǹyêei.”

Zɛnɛse 22:2

Ɣâla ǹyɛɛ ma, “Ílii ma loŋ Aise siɣe, nyii í ŋ́wɛlini a ŋánaai, í lí la Mɔraya lɔii su, í gula naa a kéreŋ sala ǹyée-ŋai dɔnɔ ma nyii ŋa pâi ǹɛ̂i yâi.”

Azaya 9:6

Daâ lóŋ maa sɔlɔ ƃó kûɛ! Daâ lóŋ-surɔ̂ŋ tɛ̀ɛ kúpɔ! Ǹyaa ƃé pâi kɛ̂i a kúkâloŋ. Kwa pâi kɛ̂i ma, “Ǹia-woo ƃó-nuu Kɛ́tɛi, Ŋ̀wála-wâla kélee Ɣalai, Ŋ̀wɔ́lɔ-wɔlɔ da Wɔ́lɔ-wɔlɔ Naŋ. Ǹii-sêe Tɛɛ Kâloŋ.”

Maafîu 9:13

Ka lí ká nyiŋi su-kulâi maa kɔ́ri, ‘Ŋa malôŋ-kaa wɛlii, kɛ́lɛ, sâla kúla fêi.’ Fe pa ni a gɛɛ ŋa tɔ̃yâ-ƃela toli fɛ̂ɛ sɔnyɔ̂ŋ-ƃela.”

Mâki 12:6

Ǹúu tɔnɔ kpéŋ nɔ́ lɛ̀ɛ ƃé kɛ̀ a ǹalôŋ ŋɔwɛli kɛ́-maa loŋ. Nya ƃe è dɛ̀ɛ a gbɛɛ ŋái, ǹyɛɛi, ‘Ńâai kpɔ́ la da pâi ŋumɛ mâa tɛɛ̂i bɔ́.’

Lûu 2:14

“Laa-maa-tɛ é tɛ́ Ɣâla pɔ ɣelêi-pere póŋ-póŋ. Lii-see é kɛ́ ǹûai sama ǹɔii ma diai ǹíi lâai dímɛni mai!”

Zɔ̂ŋ 1:14

Ǹyaŋ Ŋ̀óoi è kɛ̀ a núu-kpune gɛ́ ƃò kúsama. Kú ŋɔfólo-laai kâa gɛɛ yɛ̂ɛ Nâŋ Ɣâla Ǹóŋ tɔnɔi ŋɔi, ǹáa fɛ́ɛ a tɔ̃yâ da ƃɛlɛ-sêe.

Zɔ̂ŋ 1:18

Núu da kélee fé tá wɔ́lɔ Ɣâla káa ní. Ǹóŋ tɔnɔi nyii gáa Ǹâŋ kɔ̃ɔŋ sui, ǹyaa ƃe a ǹɛ́.

Zɔ̂ŋ 1:29

Bôlu ma-ɣelei Zɔ̂ŋ e Zîsɛ kàa, gɛ pa bɔ-pere. E mò, ǹyɛɛi, “Ka Ɣâla Ŋɔƃála-loŋ káa, nyii a ǹɔii ŋɔsɔnyɔ̂ŋ sìɣei!

Zɔ̂ŋ 10:28

ńyaŋ ŋa wɔlɔ-wɔlɔ fulu-laa tɛ̀ɛ dípɔ, ǹyaŋ díŋuŋ la fe pâi wɔ́lɔ pilîi, núu da kélee fe pâi díkulâi ńyêei.

Zɔ̂ŋ 3:15

a gɛɛ ǹúui nyii kélee a lâa lai, ŋ̀ɔ́lɔ-wɔ́lɔ fulu-laai é kɛ́ ǹyêei.”

Zɔ̂ŋ 3:18

Ǹúui nyii a lâa lai, tɔ̂ŋ fe mà, kɛ́lɛ, ǹúui nyii va lâa lai, tɔ̂ŋ puɔɔ̂i mà nâa, kpɛ́ni fêi, ve niî Ɣâla Ǹóŋ tɔnɔi láa siɣe ni a tɔ̃yâ.

Zɔ̂ŋ 3:36

Ǹúui nyii a lâa a Ǹóŋ a pâi ŋwɔlɔ-wɔlɔ fulu-laai sɔlɔ ƃôi. Ǹúui nyii va Ɣâla Ǹóŋ wóo mɛni ve pâi fulu-laa kâai, kɛ́lɛ. Ŋ̀âla-lii-ŋwanai káa mà.

Zɔ̂ŋ 6:40

Kpɛ́ni fêi, Ńâŋ ǹîa-mɛnii ká ŋí, a gɛɛ ǹúui nyii kélee a Nòŋ-nuui kàa é láa lai, a wɔlɔ-wɔlɔ fulu-laa sɔlɔ ƃò, ǹyaŋ ŋa pâi m̀u siɣêi a ŋ̀elei kpɛɛ ŋai.”

Lomaŋ 5:10

À kɛ̀ tãi kú kɛ̀ la a Ɣâla kpɔara-ƃelai, Ǹóŋ ŋɔsaai è pà a kúa pôlu Ɣâla pɔ́, gɛ̀ ní gáa a tɔ̃yâ a gɛ́ɛ Ǹóŋ ŋɔfúlu-laai a pâi kúƃalôi, kpɛ́ni fêi, a nâa pá a kúa pôlu Ɣâla pɔ́.

Lomaŋ 5:8

Kɛ́lɛ, Ɣâla a ŋɔwɛli kɛ́-maai lɛ̀ kûa a gɛ́ɛ, berei máŋ kúkɛ̀ niî la a sɔnyɔ̂ŋ-ƃelai, Kôrai è sàa kúmɛni ma.

Lomaŋ 8:32

Ǹúui nyíi ve gbîŋ-Loŋ malôŋ káa ni, kɛ́lɛ, e dɛɛ kúkelee kúmɛni mai, ve pâi máŋ sɛŋ kélee tɛɛ̂i kúpɔ e pɛlɛ mà?

Ifisiɛŋ 2:4

Kɛ́lɛ, Ɣâla ŋɔmaloŋ-kaai kɛ́tɛ̂i, kpɛ́ni fêi, wɛli-kɛ-maa kɛ́tɛ káa ǹyêei kúmɛni ma,

Tɛsɛlôniɛŋ Veerɛi 2:16

Tɔɔ Kúnuu-namui Zîsɛ Kôrai ǹyaa kpîŋ da Kúɣâla-taa-naŋ, nyíi kúwɛ̀lii, é wɔlɔ-wɔlɔ ŋanɛnɛ tɛ̀ɛ kúpɔ da kili-kɛ-zu lɛ́lɛɛ ƃɛlɛ-sêe sarâi.

Taitɔ 3:4

Kɛ́lɛ, tãi Kúƃalo-nuui Ɣâla ŋɔmɛni lɛ́lɛɛi da ŋɔwɛli-kɛ-maai gáa núu-kpune mɛni mai dí pa lai,

Ibulu 2:9

Kɛ́lɛ, kwa Zîsɛ kàa nyíi Ɣâla è gɛ̀ ŋ̀âla-taa kela-ŋai mu-pere a da-loŋ. È fólo-laa da ƃaa-kɛ-maa ƃɔrɔ sèe ŋ̀ûa, kpɛ́ni fêi, è mɛni-soli kàa saa yêei a gɛɛ Ɣâla ŋɔƃɛlɛ-sêei sarâi é sáa kɔɔ̂ŋ núu kélee mɛni ma.

Zɔ̂ŋ Maa-ŋuŋ 3:1

Ka ŋwɛli-kɛ-maa kɛ́tɛi káa Nàŋ-nuui a gɛ̀ a kûai, a gɛ́ɛ díkɛ kútoli a Ɣâla ńonîi, ǹyaŋ kúkaa la. Sapoi ŋ̀éniɛi fé kúkɔlɔŋ lai ƃa, ŋ̀éniɛi fé gɔ̀lɔŋ.

Zɔ̂ŋ Maa-ŋuŋ 4:19

Wɛli-kɛ-maa káa kúyêei, kpɛ́ni fêi, ǹyaa fulɔi è kúwɛ̀li.

M̀ɛni-lɛɛi 1:5

Ƃɛlɛ-sêe é kɛ́ kâa da lii-sêe é kúla zere-faa kɛ-nuu sã́ai Zîsɛ Kôrai yêei, nyíi kɛ̀ a ǹúui maa-ŋuŋ kùla saa yêei, gɛ̀ ƃò ŋɔ́nɔ a ǹɔii su-kaloŋ-ŋai mɛi-nuui. Ǹúui kúwɛli ni nyíi kúŋuŋ ma ƃò kúsɔnyɔ̂ŋ yêei a ŋãai,