Zɔ̂ŋ 2:4 - Ŋ̀âla Kɔlɔ Maa Waai

⁴ Zîsɛ è mò mà, “Nɛnîi, nàa lɛɛ nɔ ńyêei. Ŋátãi fé niî seri ni.”

Zɔ̂ŋ 2:4 ပူးပေါင်းရင်းမြစ်များ

Samia Veerɛi 16:10

Kɛ́lɛ gâloŋ è mò ma ǹyɛɛi, “Zeruia ǹônii, lé ƃé ŋá gɛ̀ a káa? À kɛ̀ Yâwɛɛ ƃé mò mà a gɛ́ɛ é lóno ḿâ, gbɛ̂ɛ ƃé naa é m̀arê kɛ́ ǹyɛɛ ma, ‘Ya gɛ̂i tí lé mɛni ma?’ ”

Samia Veerɛi 19:22

Kɛ́lɛ Deeƃé ǹyɛɛ m̀ai, “Zeruia ǹônii, lé ƃé ŋa pâi gɛ̂i a káai. Káfe mɛni-ŋai kâai kɛ̂i? Da pɔri núu da paâi sâa Eezuɛ lɔii su? Fé gɔ́lɔŋ a gɛ́ɛ ńyãa ƃa Eezuɛ-ŋai díkâloŋ sâa?”

Kâloŋ Maa-ŋuŋ 17:18

Ǹɛnîi è mò Ilaiza ma ǹyɛɛi, “Ɣâla-nuu, lé ƃé íkoi é pîlaŋ mai? Í pà a gɛ́ɛ í ŋásɔnyɔ̂ŋ mɛni too Ɣâla kíli ŋá a gɛ́ɛ é ńoŋ surɔŋ-looi páa?”

Ikilisiati 3:1

Mɛni kélee kɛ́ tãi káa ma ŋ̀éniɛi ŋí su.

Maafîu 15:28

Nya ƃe Zîsɛ è ŋ̀óo su tòo, ǹyɛɛ mai, “Óo nɛnîi, ílaa-lai kɛ́tɛ̂i! Tɔɔ mɛnii ya ŋ̀wɛ̂lii é kɛ́ ímɛni ma.” Ǹyaŋ ŋɔlóŋ-nɛnîi è ƃàlo kpɔ́ nɔ a maa aƃai ti.

Maafîu 8:29

Nya ƃe dí làɣi, dîyɛɛi, “Le ƃe yɛ̂ɛ í gɛ́ a kûa, yái íkaa a Ɣâla Ǹóŋ? Í pà a gɛɛ í kúŋa mɔ̃lɛ tãi é lɛ́ɛ serîi?”

Lûu 2:49

Kɛ́lɛ, è mò dîa, ǹyɛɛi, “Le ƃe kɛ̀ ka ŋ́gɔrîi? Káfe gɔlɔŋ fɛ̂ɛ ŋa kɛ́ Ńâŋ ŋɔpɛ́rɛi mu?”

Zɔ̂ŋ 12:23

Zîsɛ è díwoo su tòo, ǹyɛɛi, “Tãi a seri a gɛɛ núu-kpune Ǹóŋ ŋɔfólo-laai maa é tɛ́.

Zɔ̂ŋ 13:1

Dɛɛ-mɛi kúui é lɛ́ɛ pâi serîi, tãi Zîsɛ è nâa gɔ̀lɔŋ la a gɛɛ ŋɔtãi a seri a gɛɛ é kúla ǹɔii sú é lí Nàŋ-nuui pɔi, berei è ŋɔ-ŋai wɛ̀li lai, nyii-ŋai kɛ̀ ǹɔii sui. È díwɛli kpɔ́ é tóo máŋ gbɛɛ ŋa.

Zɔ̂ŋ 2:3

Tãi ŋwã̂aii è kpɛ̀ɛ lai, Zîsɛ ǹee è mò m̀a, ǹyɛɛi, “Ŋwãai fé díyêei.”

Zɔ̂ŋ 20:13

Dí m̀arê kɛ̀, dîyɛɛ ma, “Nɛnîi, le ƃe kɛ̀ ya wɔ́lɔ̂i?” E mò dîa, ǹyɛɛi, “Kpɛ́ni fêi, da Ŋánuu-namui síɣe, ǹyaŋ fe ƃɛi kɔ́lɔŋ dí ǹaa naai.”

Zɔ̂ŋ 20:15

Zîsɛ e m̀arê kɛ̀, ǹyɛɛ ma, “Nɛnîi, le ƃe kɛ̀ ya wɔ́lɔ̂i? Gbɛ̂ɛ ƃe ya gɔ́rii?” È kɛ̀ gaâi yɛ̂ɛ zûai mɛi káa-nuui, nya ƃe è mò ma, ǹyɛɛi, “Nalôŋ, à kɛ̀ yá ƃe zìɣei, m̀ó ḿâ ƃɛi í ǹaa naai. Gɛ̀ ní ŋa pâi liî naa ŋa ziɣe.”

Zɔ̂ŋ 7:30

Nya ƃe dí pere kɔ̂ri a gɛɛ dí zoŋ; kɛ́lɛ, núu da fe ǹyée pɛlɛ ni ma, kpɛ́ni fêi, ŋɔtãi fe niî kɛ̀ seri ni.

Zɔ̂ŋ 7:6

Zîsɛ e mò dîa, ǹyɛɛi, “Ŋátãi fe niî seri ni. Kɛ́lɛ, kátãi káa nɔ ma.

Zɔ̂ŋ 7:8

Káa kpîŋ ka lí gúui su; fé liî gúui su (niî), kpɛ́ni fêi, ŋátãi fe niî sere ni a náa fɛ́ɛ.”

Zɔ̂ŋ 8:20

E ŋ̀óo-ŋai ŋi ƃò zɛŋ-kao laai-kɛ-kwaai ma, gɛ́ɛ Ɣâla mɛni lɛ̂i Ŋ̀âla-pɛrɛ Kɛ́tɛi mu; kɛ́lɛ, núu da fe zoŋ ni, kpɛ́ni fêi, ŋɔtãi fe niî kɛ̀ seri ni.

Kɔleŋtiɛŋ Veerɛi 5:16

Mɛni ma é síɣe tãi ŋí ma e li tuɛ-pere, kúfa núu maa-mɛni ŋá tèe yɛ̂ɛ núu-kpune ŋɔmɛni ŋá-tee-pere; berei máŋ tãi tɔnɔ ku Kôrai maa-mɛni ŋá tèe la yɛ̂ɛ núu-kpune ŋɔmɛni ŋá-tee-perei, kúfa ŋɔ́nɔ maa-mɛni ŋá tèe ti.

Dutɛrɔnome 33:9

Da ƃaa kɛ́-maa kɛ́tɛ tɛ̀ɛ ípɔ é tɛ́ɛ kpîŋ dílee, dínâŋ, da díkaa-laai su-ƃelai dîa. Da íwoo mɛni, díkɛ íkono-teei mɛni sìɣe a gbanaŋɔɔ.