Zɔ̂ŋ 17:3 - Ŋ̀âla Kɔlɔ Maa Waai

³ Ǹyaŋ wɔlɔ-wɔlɔ fulu-laa ká ŋi a gɛɛ dí íkɔlɔŋ a Dɔ̃yâ Ɣala tɔnɔi, ka Zîsɛ Kôrai nyii ya dɛɛi.

Zɔ̂ŋ 17:3 ပူးပေါင်းရင်းမြစ်များ

Kɔlɔnikɔ Maa-ŋuŋ 28:9

“Ńoŋ Saloma, ínâŋ-ni Díɣâlai kɔ́lɔŋ, ítii kɛ́ mi a ílii kélee. Íkili kúla kpɔ́ ítii kɛ́ mi, kpɛni fêi, Yâwɛɛ è núu líi su mɛni kélee da ŋɔkili-ŋa siai kɔ́lɔŋ. A kɛ̀ yâ gɔ̀ri, yâ pâi gâai. Kɛ́lɛ, a kɛ̀ yâ ípôlu tɔɔ m̀a, a pâi ípilîi kpɔ́ wɔ́lɔ-wɔlɔ da wɔ́lɔ-wɔlɔ.

Kɔlɔnikɔ Veerɛi 15:3

Tãi su kôyaa yée mu, dɔ̃yâ Ɣalai fé kɛ́ ní ŋɔ́nɔ Eezuɛ. Zâla láa-soŋ-ƃelai dífe kɛ́ ní naa a gɛ́ɛ dí sɛŋ lɛ́. Ɣâla ŋɔtɔ̂ŋ fé kɛ́ ní naa máŋ.

Wule-woo-ŋa 9:10

Diai dí ílaa kɔ́lɔŋ dia ƃa dílaa-lai pù íkponôi. Núu da a pà ípɔ óo Yâwɛɛ, ífa íyee kùla maa nûui mu.

Táre-woo-ŋa 8:35

Diai da ŋ́gɔ̂ri dí ŋ́gaai, da fúlu-laa sɔlɔ ƃô, Ɣâla Yâwɛɛ líi láa dímɛni ma.

Azaya 48:16

“M̀ɛni ma, ka lɛɣɛ a ńyãa ká káwoli tɔ́ɔ m̀ɛnii ma ŋa pâi m̀ôi kâai. Fé m̀ɛni-ŋai ŋí da ƃó ní kâa loo perei a gɔ́ɔ pîlanii. M̀ɛni-ŋai kélee ŋa m̀ôi gáa a tɔ̃yâ.” Ǹuu-namui Yâwɛɛ a ŋɔmɔ̂leŋ pú ŋ́gbonôi a ńdɛɛ.

Azaya 53:11

Ŋɔmɔ̃́lɛ-laai pôlu ma, lii-nɛ̃̂ɛ a pâi kɛ̂i m̀a. Ŋɔmɔ̃́lɛ-laai fé pâi kɛ̂i kpɛ́ni-kpɛni. Ńii lâai ŋátíi kɛ́-nuui mɛ̂ni ma. A pâi núu támaa dímɛni kula maa kɛ́ɛi maa mɛni solii siɣêi. Ŋa pâi núu támaa dísɔnyɔ̂ŋ su mɛni lɛɛ̂i zarâi.

Azaya 61:1

Ŋ̀wála-wâla kélee Yâwɛɛi Ŋɔmɔ̃̂leŋ káa ḿbôlu. A ńziɣe zu a ńdɛɛ, a gɛ́ɛ ŋá dùŋ lɛ́lɛɛi ƃô gôlo-ƃelai dîa, diai dílii toɔɔ̂i pôlui, ŋá díŋa nɛnɛ, diai díkaa kɔ-sôŋ laa sui, ŋá díŋuŋ-mâ ƃó túŋ tòo, diai díkaa kpini-pɛrɛ mui ŋá dí maa-tee.

Zɛlemaya 10:10

Kɛ́lɛ, Yâwɛɛ ƃa dɔ̃yâ Ɣâlai. Ǹyaa ƃé gáa a gɛ̀-ɣele-ma Ɣalai da ŋ̀ɔlɔ-wɔ́lɔ Kaloŋ. A ńii ŋwàna, ǹɔii a pû zu. Lɔii-ŋuŋ da fa pɔ̂ri tɔɔ̂i ŋɔlii ŋwânai ŋɛ́i túɛ.

Osia 6:3

Kwaa kɔ́ kú Yâwɛɛ kɔ́lɔŋ. Ŋɔmɛni kpɛtɛɛi káa a tɔ̃yâ yɛ̂ɛ ɣele ƃɔ́ɔ. A pâi pâi kúpɔ yɛ̂ɛ sama-ya ɣele-tuna nyii a ǹɔii yɔ̂ɔi.”

Mâki 9:37

“Ǹúui a ǹyée sèe lôloŋ kɛ́ɛ ŋí mu ńaai sui, m̀aa nuui a ǹyée sée ḿû. Ǹúui ŋɔ́nɔ a ǹyée sèe ḿûi, m̀aa nuui fa ǹyée sèe nɔ́ ḿû, kɛ́lɛ, m̀aa nuui a ǹyée sée nuui mu ńdɛ̀ɛi.”

Lûu 9:48

Nya ƃe e mò dîa, ǹyɛɛi, “Ǹúui nyii a ǹyée sèe zia-lôŋ ŋí mu ńaai sui, a ǹyée sée ḿû, ǹyaŋ ǹúui nyii a ǹyée sèe ḿûi, a ǹyée sée ǹúui mu ńdɛ̀ɛi, kpɛ́ni fêi, ǹúui kákelee kásama a doo-mui, ǹyaa ƃa ǹúui gɛ́tɛi.”

Zɔ̂ŋ 10:36

ka pɔ̂ri m̀ôi e pîlaŋ ǹúui ma nyii Nàŋ-nuui e m̀aa wàa e dɛɛ ǹɔii sui, ‘Íkaa tɛ̀ Ɣâla ŋɛi kɛ̀i,’ kpɛ́ni fêi ŋá mò ‘Ŋ́gaa a Ɣâla Ǹóŋ?’

Zɔ̂ŋ 11:42

Ŋá gɔ́lɔŋ a gɛɛ ya ŋ́oo mɛ̀ni nɔ a tãi kélee. Kɛ́lɛ, ŋa nyiŋi ƃôi nɔ ǹûai ŋí mɛni ma díkaa tɔɔ ni ŋ́gɔlɛi, a gɛɛ dí láa la a gɛɛ yá ƃe ńdɛ̀ɛ.”

Zɔ̂ŋ 14:26

Kɛ́lɛ, Gbɔŋ-ma-nuui, ǹyaa ƃa M̀ɔlêŋ Maa Waai nyii Nâŋ-nuui a pâi dɛɛ̂i ńaâi sui, a pâi sɛŋ kélee lɛ̂i káa é pá a mɛni-ŋai kélee kákili ŋá nyii ŋa m̀ó kâai.

Zɔ̂ŋ 17:18

Yɛ̂ɛ berei í ńdɛ̀ɛ la ǹɔii sui, bere nɔ ƃe ŋa dítɛɛ la ǹɔii su.

Zɔ̂ŋ 17:21

Ŋa ífɛlîi a gɛɛ díkelee dí kɛ́ zu tɔnɔ, yɛ̂ɛ berei la yá Ńâŋ íkaa la ŋ́gbonôi, ǹyaŋ ŋ́gɛ ƃò íkponôi, a gɛɛ dia máŋ dí kɛ́ kúkponôi a gɛɛ ǹɔii é láa la a gɛɛ yá ƃe ńdɛ̀ɛ.

Zɔ̂ŋ 17:23

Ŋ́gɛ ƃò díkponôi, yáŋ íkɛ ƃo ŋ́gbonôi, a gɛɛ dí kɛ́ kpɔ́ tɔnɔɔ, a gɛɛ ǹɔii e gɔlɔŋ ƃia ƃe ńdɛ̀ɛ, ǹyaŋ ya díwɛli yɛ̂ɛ berei í ŋ́wɛ̀li lai.

Zɔ̂ŋ 17:25

Óo zɔŋ-lɛlɛ-Naŋ, ǹɔii fe niî íkɔlɔŋ ni, kɛ́lɛ, ŋa íkɔlɔŋ; ǹyaŋ nyii-ŋai ŋi dí gɔ́lɔŋ a gɛɛ yá ƃe ńdɛ̀ɛ.

Zɔ̂ŋ 17:8

Kpɛ́ni fêi, ŋa ŋ̀óo-ŋai tɛ́ɛ dípɔ nyii í dɛ̀ɛ ḿbɔi, ǹyaŋ da díyee see dímu, da gɔ́lɔŋ a tɔ̃yâ a gɛɛ ŋá kùla íyeêi. Da ŋɔ́nɔ láa la a gɛɛ yá ƃe ńdɛ̀ɛ.

Zɔ̂ŋ 3:17

Kpɛ́ni fêi, Ɣâla e Ǹóŋ tɛ̀ɛ ǹɔii su, ve dɛɛ ni a gɛɛ e tɔ̂ŋ pu ǹɔii ma, kɛ́lɛ, a gɛɛ ǹɔii e ƃalo zarâi.

Zɔ̂ŋ 3:34

Kpɛ́ni fêi, ǹúui nyii Ɣâla e dɛ̀ɛi, a Ɣâla ŋɔwóoi ƃò, kpɛ́ni fêi, va Ŋɔmɔ̂leŋ da nɔ tɛ̀ɛ;

Zɔ̂ŋ 5:44

Ka pɔ̂ri leŋ lâai la, káai ka káyee sèe kákîe-ni díƃâa-kɛ-maai mu? Káfa ǹyaŋ mâa-kɛ-maai kɔri nyii a kùla Ŋ̀âla tɔnɔi yêei.

Zɔ̂ŋ 6:57

Yɛ̂ɛ berei Vúlu-laa-naŋ e ńdɛ̀ɛ lai, ǹyaŋ ŋ́gaa ɣele ma Nàŋ-nuui sârai, gɛ̀ ní, ǹúui a ḿîi a pâi kɛ̂i ɣele ma ńzârai.

Zɔ̂ŋ 7:29

Ŋá gɔ́lɔŋ, kpɛ́ni fêi, ŋa kùla ǹyêei, ǹyaa ƃe tela ńdɛ̀ɛ.”

Zɔ̂ŋ 8:19

Nya ƃe dí m̀arê kɛ̀, dîyɛɛi, “Mi ƃe Ínâŋ káa naa?” Zîsɛ e zu tòo, “Káfe ŋ́gɔlɔŋ, kpaa máŋ Ńâŋ; kâi kɛ̀ a ŋ́gɔlɔŋɔɔ, kâi Ńâŋ kɔ́lɔnîi máŋ.”

Kɔleŋtiɛŋ Maa-ŋuŋ 15:34

Ka pá pôlu ŋɔ́nɔ kákili-ŋa-sia lɛ́lɛɛ-ŋai su, káfe ŋɔ́nɔ sɔnyɔ̂ŋ kɛ̀. Kpɛ́ni fêi, Ɣâla maa-tarei fé ǹúui da-ni yêei. Ŋa nyíŋi ƃôi a gɛ́ɛ ŋa káŋumɛ.

Kɔleŋtiɛŋ Maa-ŋuŋ 8:4

Mɛni ma a kɛ̀ a mii-sɛŋ da dɛ̀ɛ ɣâla-pɔkɔɔŋ-ŋa pɔi da miɛɛ, kú gɔ́lɔŋ a gɛ́ɛ “ɣâla-pɔkɔɔŋ fé ɣele ma. Ɣâla tɔnɔ nɔ́ ƃe naa.”

Kɔleŋtiɛŋ Veerɛi 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Felepiɛŋ 3:10

a gɛ́ɛ ŋa gɔ́lɔŋ da ŋɔmu-siɣe saa-yeei ŋɔwála-walai, ŋa ŋɔmɛni-soli-kaai da sɔlɔ ƃo, ŋá tela kɛ́ yɛ̂ɛ ǹyaa ŋɔsaai su.

Felepiɛŋ 3:8

Tɔ̃yâ ma ŋá ńyee ŋá-sɛŋ kélee kàa kpɛ́ni-kpɛni, kpɛ́ni fêi, Ŋánuu-namui Zîsɛ Kôrai kɔlɔŋɔɔ mî tɛɛ̂i mɛni kélee ma. Ŋá sɛŋ kélee làŋ m̀aa mɛni ma. Ŋa sɛŋ kélee káa nɔ́ a kala, kpɛ́ni fêi, ŋa ŋ̀wɛ̂lii ŋa Kôrai sɔlɔ ƃo.

Tɛsɛlôniɛŋ Maa-ŋuŋ 1:9

Kpɛ́ni fêi, berei ka káyee sèe la kúmu a ǹɛ́lɛɛi dia kpîŋ dí m̀ɛni ƃò da berei ka káyee kùla la ɣâla-pɔkɔɔŋ-ŋa maa-mɛni su ká tinaŋ dɔ̃yâ-Ɣalai da vulu-laa-Ɣalai pɔ́pere a gɛ́ɛ ka tíi kɛ́ mì,

Tɛsɛlôniɛŋ Veerɛi 1:8

a gɛ́ɛ dí tɔ̂ŋ-kpɛ́ diai dîa dífe Ɣâla kɔ́lɔŋ da diai dífa díyee see Kúnuu-namui Zîsɛ ŋɔtuŋ lɛ́lɛɛi mui.

Ibulu 3:1

Mɛni ma, m̀arâa maa waa-ŋai, káai kwa kâa-ni kú ŋ̀âla-taa toli-wooi mɛnii, ka kákili ŋá sía é pîlaŋ Zîsɛ ma, nyíi gáa a zia-nuui da zâla láa soŋ-nuu kɛ́tɛi yɛ̂ɛ berei kúlaa-lai káa lai.

Pitɛ Veerɛi 1:2

Ƃɛlɛ-sêe da lii-sêe díkɛ káyêei a dámaa dárei sarâi nyíi kùla Ɣâla da Zîsɛ Kôrai Kúnuu-namui yêei.

Pitɛ Veerɛi 1:3

Ŋɔɣâla-laai su wala-walai a sɛŋ kélee tɛ́ɛ kúpɔ nyíi-ŋai díkaa fúlu-laa da Ɣâla-mɛni kɛ́-mɛni mai, dárei sarâi nyíi kùla ǹúui yêei kútòli a gbîŋ-folo-laai da ŋɔkɛ́tɛ-laai.

Pitɛ Veerɛi 1:8

Kpɛ́ni fêi, à kɛ̀ zãai ŋí kélee díkaa káyêei a ǹáa-fɛɛ, da pâi kákɛ̂i ká tíi lɛ́lɛɛ kɛ́ ká ƃá Kúnuu-namui Zîsɛ Kôrai maa-tarei su.

Zɔ̂ŋ Maa-ŋuŋ 1:2

Vúlu-laai è lɛ̀ kûa, kú gáa. Kwa m̀aa-sere-faa kɛ̀, kú ŋwɔlɔ-wɔlɔ fulu-laai mɛni ƃó kâa, nyíi kɛ̀ Nàŋ-nuui pɔ́naa, ǹyaŋ è ǹɛ kûai,

Zɔ̂ŋ Maa-ŋuŋ 1:3

nyíi kwa gáa, kwa mɛ̀nii, kwa m̀ôi kâa máŋ a gɛɛ kwa kâa-ni kú kɛ́ zu tɔnɔɔ. Ǹyaŋ kwa Nàŋ-nuui da Ǹóŋ Zîsɛ Kôrai-ni kúkaa zu tɔnɔ.

Zɔ̂ŋ Maa-ŋuŋ 2:23

Ǹúui kélee a Nòŋ-nuui maa sîa tòo Nàŋ-nuui fé ǹyêei. Ǹúui a Nòŋ-nuui maa-mɛni ƃòi, Nàŋ-nuui káa ǹyêei.

Zɔ̂ŋ Maa-ŋuŋ 4:6

Kúkaa a Ɣâla pɔ́ɔ. Ǹúui kélee Ɣâla kɔ́lɔŋ, a ŋ̀óli tɔ̀ɔ kûa, ǹyaŋ ǹúui vé a Ɣâla pɔ́ɔi, va ŋ̀óli tɔ̀ɔ kûa. Nyíŋi su ƃe kwa dɔ̃yâ-mɔleŋ da ǹɛ́ɛ-mɔleŋ kɔ̀lɔŋ naa.

Zɔ̂ŋ Maa-ŋuŋ 5:20

Kú gɔ̀lɔŋ Ɣâla Ǹóŋ a pá a mɛni-ŋa-kaa tɛ́ɛ kúpɔ a gɛ́ɛ kú ǹúui kɔ́lɔŋ gáa a dɔ̃yâ-nuui. Ǹyaŋ kúkaa dɔ̃yâ-nuui kponôi, ǹyaa ƃa Ǹóŋ Zîsɛ Kôrai. Ǹyaa ƃa Dɔ̃yâ-Ɣalai da wɔlɔ-wɔlɔ fulu-laai.