Zɔ̂ŋ 16:2 - Ŋ̀âla Kɔlɔ Maa Waai

² Da pâi kakulâi Ŋ̀âla-fɛli-kêre-ŋai mu; kɛ́lɛ, tãi káa pâi nyii su ǹúui kélee à kápaâi, a pâi kɛ̂i gíli ŋá a gɛɛ a tíi kɛ̂i Ɣâla mì.

Zɔ̂ŋ 16:2 ပူးပေါင်းရင်းမြစ်များ

Azaya 65:5

Ǹûai ŋí da kɛ̂ m̀ôi dí ƃaraâi dîa dîyɛɛi, ‘Ka kula kú kɔlɛ, kúmaa waâi, káfa pɔ̂ri lɛɣɛ̂i kûa.’ Ḿva pɔ̂ri ńyee seêi nûa-sii kɛ́ɛ tí mu. Ŋá lii-ŋwânai káa yɛ̂ɛ ŋɔŋ dímɛni ma nyii va nîiŋ.

Azaya 66:5

Káai ka yâo Yâwɛɛ ma, kákɛ ŋ̀óo mɛnii, ka káwoli tɔ́ɔ m̀ɛnii mâ a m̀ôi. Ǹyɛɛi, “Kákpɔɔi-ƃelai da kákpɔara dîɛ ka dia ni káfa mɛni kpɛtɛɛ da kɛ̀ gîe ma, kpɛ́ni fêi, kákaa a teniŋ ƃô-ƃela. Ká ƃɛlɛ fé kákpɔɔi-kpɔɔi ƃelai da-ni koi. Da ɣɛ́lɛ maa kulâi kákponôi ńaai mɛni ma dîyɛɛi, ‘Tɔɔ Yâwɛɛ é ŋɔwála-wâla kɛ́tɛi lɛ́ é díŋuŋ ma ƃó kú ǹaa káa díkɛ koi-nɛ̃̂ɛ kùla.’ Kɛ́lɛ dia ƃé m̀baa kula-maai tí a pâi sɛ̂lɛnii dîa.

Danîa 11:33

Ǹúu láa túɛ-ƃela táreɛ-ŋai da pâi dítarei lɛ̂i núu támaa ma. Kɛ́lɛ da pâi da-ŋa paâi a ƃóa-sɔ̂kpɔ kpaa máŋ dí díkereŋ. Da pâi sãa kulâi da-ŋa yêei a wála-wâla-laa dí dípili kpini-pɔrɔŋ.

Maafîu 10:28

Káfe yâo diai dîa da núu kpono pâa kɛ́lɛ, dífa pɔ̂ri ŋɔmɔ̂leŋ paâi. Kɛ́lɛ, fɛ̂ɛ ka yao ǹúui ḿâ nyii a pɔ̂ri núu kponoi da ŋɔmɔ̂leŋ su karâi Dɛ̂ƃele-taai.

Maafîu 24:9

“Gɛ̀ ní, da pâi kápilîi mɛni kpɔ̂lu támaa su, dí kápaa. Ŋ̀éniɛi su-ƃela kélee da pâi kákpɔarâi ńaai mɛni ma.

Lûu 6:22

“Lûwa káa kâa tãi ǹûai da pâi kákpɔarâi la, dí kákula dísamai, díkɛ lii-ŋwana woo-ŋa ƃo kâa, dí kálaa ƃo a nyɔ́mɔɔ núu-kpune Ǹóŋ maa-mɛni mai!

Zɔ̂ŋ 12:42

E máŋ kɛ̀ ti ǹúu kpaya-kpayai kpîŋ dámaa dí làa la. Kɛ́lɛ, dí kɛ́ɛ yáôi Faresii-ŋai diai, dífe m̀o ni, a gɛɛ dífe làa díkula la Ŋ̀âla-fɛli-kerei mu.

Zɔ̂ŋ 16:25

“Ŋa nyíŋi ƃó kâa sáŋ su; tãi káa pâi nyii su fe pâi ŋɔ́nɔ lônoi kápɔ sáŋ su, kɛ́lɛ, ŋa pâi lônoi kápɔ a zu ponoɔ é pîlaŋ Nàŋ-nuui ma.

Zɔ̂ŋ 16:32

Tãi káa pâi, ǹyaŋ a nâa seri, tãi ka pâi taa-taâi núu kélee é lí bɔ naa, ka pâi ńɛɛ̂i ńyãa tɔnɔ; kɛ́lɛ, ńyãa tɔnɔ fei. Kpɛ́ni fêi, Nàŋ-nuui káa ŋ́gɔlɛ.

Zɔ̂ŋ 4:21

Zîsɛ e mò ma, ǹyɛɛi, “Nɛnîi, láa a ńyãa, tãi káa pâi nyii su núu da fe pâi Nàŋ-nuui fɛlîi ǹyéei ŋi ma, kpaa máŋ Zerusâlɛŋ.

Zɔ̂ŋ 4:23

Kɛ́lɛ, tãi a pâi, gáa nâa ƃɛ, tãi Dɔ̃yâ ɣala-fɛli-ƃelai da pâi Nàŋ-nuui fɛlîi mɔ̂leŋ su da tɔ̃yâ. Kpɛ́ni fêi, diai ti ƃe Nàŋ-nuui a díkɔ̀ri a gɛɛ dí vɛli.

Zɔ̂ŋ 9:22

Ŋɔkáa-ƃelai dí nyiŋi ƃò. Kpɛ́ni fêi, dí kɛ̀ yáôi Zûu-ŋai dîa. Kpɛ́ni fêi, Zûu-ŋai da nâa fáa ma a gɛɛ núu da a mò a gɛɛ Zîsɛ káa a Kôrai, da pâi gulâi Ŋ̀âla-fɛli-kerei mu.

Zɔ̂ŋ 9:34

Dí ŋ̀óo su tòo, dîyɛɛ ma, “Dí ísɔlɔ ƃô sɔnyɔ̂ŋ kpɛɛ pôlu su. Ǹyaŋ ya pɔ̂ri sɛŋ lɛ̂i kûa?” Nya ƃe dí gùla naa.

Zia-ƃelai Kɛ́-mɛni-ŋai 5:33

Kɛ́lɛ, ǹûai kɛ́ɛ da nyíŋi mɛnii, dílii è tèe díkoi a ŋ̀ánaa, díkɛ ŋ̀wɛli dí dípaa.

Zia-ƃelai Kɛ́-mɛni-ŋai 7:56

é m̀ó, ǹyɛɛi, “Ŋa ŋ̀elei su kâai ǹá ƃóɔɔ, núu-kpune Ǹóŋ kɛ́ ƃò tɔ̂ɔni Ɣâla láa mii yée mɛi.”

Kɔleŋtiɛŋ Maa-ŋuŋ 4:13

Núu à kúlaa kàra, kú kɔ́ a gɛ́ɛ lii-sêe é kɛ́ kúloai kwa dîa-ni. É síɣe tãi ŋí ma kúkaa yɛ̂ɛ ŋ̀éniɛi ŋɔkala. Kúkaa a sɛŋ kélee maa-pɔrɔ.

Felepiɛŋ 3:6

À kɛ̀ a ŋátii kɛ-pere su, ŋá kɛ̀ a Kôrai-toli-kpɔŋ kpɔara-nuu. À kɛ̀ a tɔ̃yâ laa-la yɛ̂ɛ berei dɔ̂ŋ káa lai, ńzɔŋ fe kɛ́ ni má.

M̀ɛni-lɛɛi 6:9

Tãi è gɔlɔ láa tɛ-sãai nɔɔlu-ɣelei láa ƃo lai, diai dí wɔ́lɔ dípàa Ɣâla wòo ƃô mɛni ma da zere-faai dí gɛ̀i, ŋá dímɔlêŋ-ŋai kâa Ŋ̀âla-teƃelei mu.

M̀ɛni-sâa Ƃó-ƃelai 6:30

Zinâai kélee kɛ̀ daai sui, dí lì dí mò Zoasi ma dîyɛɛi, “Íloŋ-surɔŋ Gidiɔŋ ƃé Bêe-ɣalai ŋɔteƃelei wôlo, é Asira ŋɔwúru maa wáai su tée. Kwa baâi dûa-perei ŋí mɛni ma.”