Zɔ̂ŋ 15:4 - Ŋ̀âla Kɔlɔ Maa Waai

⁴ Ka kɛ́ tɔnɔɔ ŋ́gbonôi, ǹyaŋ ŋa pâi kɛ̂i kákponôi. Berei gbɔmɔ-woŋoi fa pɔ̂ri ƃâi gbɔɔ̂i-yee mai, fɛ̂ɛ e kɛ́ gbɔmɔi kponôi, káa máŋ káfa pɔ̂ri, fɛ̂ɛ ka kɛ́ ŋ́gbonôi.

Zɔ̂ŋ 15:4 ပူးပေါင်းရင်းမြစ်များ

Wule-ŋa Kélee Mɛi Wûle 8:5

Gbɛ̂ɛ ƃé ŋí kulâi vɛ̃ɛ-kpâlaŋ su, gɛ́ pà díɣîŋɔɔ ŋɔwɛ́lii mai? Ŋá íŋɛi lá ƃò âpɔ wurui mu, ƃɛ́i ílee è ímaa sɔlɔ ƃô naai.

Osia 14:8

Óo Eezuɛ, ka ká pôlu tɔɔ Ɣâla da kpɛ́ni-ŋa dîa. Ńyãa ƃé ŋa káwoo mɛni ŋ́gɛ kámɛi kâa. Ŋ́gaa yɛ̂ɛ wúru kɛ́tɛ lɛ́lɛɛ. Káƃɛlɛ-seei kélee a kulâi ńyêei.”

Maafîu 12:33

“À kɛ̀ kà sí-sɛŋ lɛ́lɛɛ sì, m̀á a pâi kɛ̂i a ǹɛ́lɛɛ. A kɛ̀ kà sí-sɛŋ nyɔ́mɔɔ sì, m̀á a pâi kɛ̂i a nyɔ́mɔɔ. Kpɛ́ni fêi, da sí-sɛŋ kɔ̀lɔŋ m̀á ma.

Lûu 8:15

Nyii-ŋai ǹɔii lɛ́lɛɛi mai, dia ƃa ǹûai da m̀ɛni dí ŋ̀óoi lâai kɛ́ a tɔ̃yâ-lii lɛ́lɛɛ dí ƃa a lii-kpele-perei.

Zɔ̂ŋ 14:20

Maa-ɣele-kuui ti su ka pâi gɔ́lɔnîi a gɛɛ ŋ́gaa Ńâŋ kponôi, káaŋ kakɛ ƃo ŋ́gbonôi, ńyaŋ ŋ́gɛ ƃo kákponôi.

Zɔ̂ŋ 17:23

Ŋ́gɛ ƃò díkponôi, yáŋ íkɛ ƃo ŋ́gbonôi, a gɛɛ dí kɛ́ kpɔ́ tɔnɔɔ, a gɛɛ ǹɔii e gɔlɔŋ ƃia ƃe ńdɛ̀ɛ, ǹyaŋ ya díwɛli yɛ̂ɛ berei í ŋ́wɛ̀li lai.

Zɔ̂ŋ 6:56

Ǹúui nyii a núu mìi, é ŋ́ãai kpélei, gáa ŋ́gbonôi, ńyaŋ ŋ́gɛ ƃò gbonôi.

Zɔ̂ŋ 8:31

Zîsɛ e mò Zûu-ŋai dia, diai dí làa lai, ǹyɛɛ dîa, “À kɛ̀ kà lɛ̀ɛ ŋ́ooi su kákaa a ŋápôlu-ƃela kpîŋ.

Zia-ƃelai Kɛ́-mɛni-ŋai 11:23

Báa kɛ̀ naai, m̀ɛni lɛ́lɛɛ-ŋai Ɣâla è gɛ̀ naa ǹûai dîɛi è ǹaa kàa, ǹíi é nɛ̃ɛ. È dília-woo ƃò a gɛ́ɛ dí fɔlɔ-fɔlɔ dílaa-lai su Kúnuu-namui mɛni ma.

Zia-ƃelai Kɛ́-mɛni-ŋai 14:22

Dí gɛ̀ Zia-ƃelai kponôi é kpanaŋ dí dílii kúla a lii kpele woo-ŋa a gɛ́ɛ dí tɔ́ɔ a gbanaŋɔɔ dílaa-lai su. Dí mò dîa máŋ a gɛ́ɛ fɛ̂ɛ kú tɛ́ɛ mɛni-soli támaa su kú lɛ́ɛ pâi liî Ɣâla ŋɔkâloŋ-laai su.

Kɔleŋtiɛŋ Veerɛi 13:5

Ka kákpîŋ maa kpɛɛ ká gáa à kɛ̀ kálaa-lai káa niî káyêei. Ka kákpîŋ su kɔɔ̂ŋ. Káfe gɔ́lɔŋ Zîsɛ Kôrai káa kákponôi? Tɔ̃yâ ma, ǹyaŋ fɛ̂ɛ nɔ́ ka fɛɣɛ su-kɔɔŋ su.

Galesiɛŋ 2:20

Kwa Kôrai dí kúkpàmo wúru su-tíyeŋɔɔ ma. Ǹyaŋ fé ŋɔ́nɔ ɣele ma, fɛ̂ɛ Kôrai nyíi gáa ŋ́gbonôi. Vulu-laai ŋa nâa gɛ̂i ŋ́gbonôi, ŋa gɛ̂i a laa-la Ɣâla Ǹóŋ kponôi nyíi ŋ́wɛ̀li é gbîŋ tɛɛ ḿɛni mai.

Ifisiɛŋ 3:17

a gɛ́ɛ Kôrai é kɛ́ kálii su laa-la sarâi. A gɛ́ɛ gbɛɛ ŋái tãi kásame à lɔ̀ lai, káseêi é kpanaŋ wɛli-kɛ-maa su,

Felepiɛŋ 1:11

Kálaa fɛɛ̂i a tɔ̃yâ laa-la ŋɔƃa nyíi pa Zîsɛ Kôrai sarâi Ɣâla ŋɔfólo-laai da ŋɔlaa-maa-tɛi mɛni ma.

Kolasiɛŋ 1:23

Nyíŋi a pɔ̂ri kɛ̂i à kɛ̀ kà lɛ̀ɛ nɔ́ naa-lai su, kálii kɛ́ ƃo tɔnɔ ká fɔlɔ-fɔlɔ, káfa kákili kùla Duŋ Lɛ́lɛɛi ŋɔkili-kɛ-zui su nyíi ká mɛ̀nii. Duŋ Lɛ́lɛɛi ŋí è ƃo ŋeniɛi su gwaa kélee, nyíi ńyãa Pɔ̂ɔ ŋá kɛ̀ a maa-tii-kɛ-nuui.

Kolasiɛŋ 1:27

Ɣâla è gbɛ̀tɛ gíli ŋá a gɛ́ɛ é ǹɛ́ berei noo-mɛnii ŋí ŋɔtɔɔ-laai da ŋɔfólo-laai kɛ́tɛ̂i la Zɛ̃tai-ŋai sama, nyíi gáa a Kôrai kákponôi. Ǹyaa ƃa volo-laai maa-kili-kɛ-zui.

Kolasiɛŋ 2:6

Mɛni ma berei ká Kúnuu-namui Zîsɛ Kôrai sɔlɔ ƃô lai, ka kɛ́ ti gbonôi.

Tɛsɛlôniɛŋ Maa-ŋuŋ 3:5

Nyíŋi mɛni ma tãi lii-kpele fé ŋɔ́nɔ kɛ́ ni la ńyêei, ŋá núu tɛ̀ɛ naa a gɛ́ɛ ŋá kálaa-lai káa, kpɛ́ni fêi, ŋá kɛ̀ yáôi a gɛ́ɛ tãi da zu-kɔɔŋ-nuui a kákponôi kɔɔ̂ŋ a gɛ́ɛ tãi da kútii-kɛɛi a pâi kɛ̂i kpɛni-kpɛni.

Ibulu 10:39

Kɛ́lɛ, kúfe diai sama da pène pôlu a gɛɛ dísu é karai, kɛ́lɛ, kúkaa diai sama laa-la káa díyêei a gɛɛ dí dímɔlêŋ ƃáloi.

Zɔ̂ŋ Maa-ŋuŋ 2:6

Ǹúui a mò a gɛɛ gáa gbonôi, fɛ̂ɛ é sía yɛ̂ɛ berei è sía lai.

Zɔ̂ŋ Veerɛi 1:9

Ǹúui kélee a lî a gbîŋ nia-perei va kɛ̂ Kôrai ŋɔsɛŋ-lɛɛi sui, Ɣâla fé maa-nuui yêei. Ǹúui gáa Kôrai ŋɔsɛŋ-lɛɛi mui, Nàŋ-nuui da Nòŋ-nuui díkaa ǹyêei.