Zɔ̂ŋ 15:2 - Ŋ̀âla Kɔlɔ Maa Waai

² Ŋoŋoi kélee nyii va ƃâi, a dèe e bili. Ŋoŋo nyii-ŋai da ƃâi e díŋa tée e dímaa kpɛtɛ, a gɛɛ dí ƃa a dámaa.

Zɔ̂ŋ 15:2 ပူးပေါင်းရင်းမြစ်များ

Zôo 17:9

É máŋ kɛ́ tí, ǹúui nyii ǹâai a Ɣâlai a pâi kɛ̂i nɔ́ Ɣâla pôlu. Ǹyaŋ ǹúui nyii ǹyée ma waâi dɔɔ̂i a pâi kɛ̂i nɔ́ a gbanaŋɔɔ a ɣele kélee.

Wule-woo-ŋa 92:14

A nɛ̃ɛ ma dípɔlɔ, da pâi kɛ̂i nɔ́ ƃâi, dílaa kɛ́ ƃò a ŋúnu, díkponôi kpanaŋɔɔ a ɣele kélee.

Táre-woo-ŋa 4:18

Kɛ́lɛ dɔ̃yâ-ƃelai díperei káa yɛ̂ɛ fólo-nɛnɛŋ. A lɛ̂ɛ fôloi é lɛ́ɛ la zu vólo su é kɛ́tɛ.

Azaya 27:9

Eezuɛ-ŋai da díyee kùla ɣâla-ŋai dí díkpɛtɛi mɛni su, dí m̀aa teƃele-ŋai wólo dí vũa-fũa, dí díyee kúla géreŋ sãa kúŋ nɛ̃ɛ-ŋai kéreŋ mɛni su, ŋ̀úrui da lì mu díkpɛtɛ ŋ̀âlai Asira fɛli mɛni mai, dí bɔ̀ŋ, dí géreŋ, Yâwɛɛ a pâi dísu-mɛni lɛɛ̂i zɔnyɔ̂ŋ-ŋai da gɛ́i mɛ̂ni ma.

Azaya 29:19

Yâwɛɛ a pâi gɛ̂i lii-nɛ̃ɛ kɛ́ ƃò diai dîa nûa díkɛ díluâni. Eezuɛ Ŋɔɣâla Maa Waai a pâi gɛ̂i gôlo-ƃelai dí kɛ́ lii-nɛ̃ɛ kùla.

Danîa 11:35

Da pâi dáre-ƃelai da-ŋa paâi. Nyíŋi a pâi gɛ̂i núu támaa dí maa wâa-laa sɔlɔ ƃó. A pâi lɛɛ̂i kɛ̂i tí ŋ̀éniɛi kpɛɛ ŋá tãi é seri tãi Ɣâla è ǹɛi.

Osia 6:3

Kwaa kɔ́ kú Yâwɛɛ kɔ́lɔŋ. Ŋɔmɛni kpɛtɛɛi káa a tɔ̃yâ yɛ̂ɛ ɣele ƃɔ́ɔ. A pâi pâi kúpɔ yɛ̂ɛ sama-ya ɣele-tuna nyii a ǹɔii yɔ̂ɔi.”

Malakai 3:3

A pâi é mɛni ŋá tée yɛ̂ɛ kɔli ɣale-nûu a kpɛ̃́ɛ kùla káne ma. Yɛ̂ɛ berei kɔli-ɣale-nûu a kpɛ̃́ɛ kùla la káne ma da gôoi, berei nɔ́ ƃé Yâwɛɛ ŋɔworɛ̂-woo ƃó-nuui a pâi zâla láa-soŋ-ƃelai maa waâi la é lɛ́ɛ la zu dí pá a sama-sɛ̂ŋ lɛ́lɛɛ Yâwɛɛ pɔ́.

Maafîu 13:12

Kpɛ́ni fêi, ǹúui sɛŋ da káa ǹyêei, da pâi dámaa tɛɛ̂i bɔ a gɛ́ɛ é táma. Kɛ́lɛ, ǹúui sɛŋ da fé ǹyêei, ǹyii máŋ gáa ǹyêei, da pâi kulâi ǹyêei.

Maafîu 13:33

E sáŋ da kpɛni sɔ̀ɔ dîɛ, ǹyɛɛi, “Ŋ̀âla-taa kâloŋ-laai káa yɛ̂ɛ kpólo-tɛ-sɛŋ nyii nɛnî tɔnɔ è zìɣe é bène a felaƃa bɔki tɔnɔ é lɛ́ɛ la zu felaƃai é tɛi.”

Maafîu 15:13

Kɛ́lɛ, è díwoo su tòo, ǹyɛɛi, “Sí-sɛŋ nyii kélee Ŋáɣâla-taa Naŋ fé zí níi, da pâi múlenîi.

Maafîu 21:19

È fîi wuru tɔnɔ kàa berei kɔlɛ é lí naa, kɛ́lɛ, ve m̀á kaa ní ŋ̀á fɛ̂ɛ nɔ ǹáa. Nya ƃe è mò ma, ǹyɛɛi, “Ífa ŋɔnɔ wɔlɔ ƃà!” Nya ƃe fîi-wuruii è kpàla nɔ́ ŋá ma.

Maafîu 25:29

Kpɛ́ni fêi, ǹúui kélee sɛŋ da káa ǹyêei, da pâi dámaa tɛɛ̂i bɔ. Kɛ́lɛ, ǹúui nyii sɛŋ da fé ǹyêei, nyíi máŋ gáa ǹyêei, da pâi gulâi ǹyêei.

Maafîu 3:10

Loníi ma máŋ, ǹyuɔ̂i ŋá seɛɛ̂i ŋ̀úru-ŋai same ḿâ. M̀ɛni ma ŋurii nyii kélee va ƃâi a m̀á lɛ́lɛɛi, da bɔ̀ŋ dí bili ŋɔŋ ŋá.

Maafîu 3:12

Ŋɔlâai káa ǹyêei a gɛ́ɛ é ŋɔmɔlɔŋ tánîi kɔ̀ɔ é vɛ́ɛ a gɛ́ɛ é dɛ́ ŋɔkêrei su. Kɛ́lɛ, a pâi mɔlɔŋ-kalai kérenîi a ŋɔŋ nyíi va wɔlɔ niîŋ.”

Maafîu 7:19

Ŋúrii nyii kélee m̀á fa kɛ̂ a ǹɛ́lɛɛi, da dèe dí bili ŋɔŋ ŋá.

Mâki 4:20

Kɛ́lɛ, nyii-ŋai tòo ǹɔii lɛ́lɛɛi mai, dia ƃa ǹûai da ŋ̀óoi mɛ̀ni dí ziɣe a tɔ̃yâi. A kɛ̀ tí, da ƃûu ƃò, dí ƃá, díƃa da-ŋa kɛ́ ƃò ŋ̀á buu saaƃa, da-ni buu lɔ́ɔlu mɛi da, da-ni ŋuŋ tɔnɔ.”

Lûu 8:13

Nyii-ŋai tôo gɔnii ŋái, dia ƃa ǹûai da ŋ̀óoi mɛ̀ni, dí zɔlɔ ƃo a lii-nɛ̃ɛ. Kɛ́lɛ, dísame fé dímu, da lâa la a tãi kpua, kɛ́lɛ, su-kɔɔŋ a pâ dípɔ dí too pôlu.

Zɔ̂ŋ 15:1

“Ńyãa ƃa dɔ̃yâ-kpɔmɔi, Ńâŋ ƃa gbɔmɔi mɛi-kaa-nuui.

Zɔ̂ŋ 15:16

Káfe ńziɣe ni. Kɛ́lɛ, ŋá kásìɣe ŋá kálɛ a gɛɛ ká lí ká ƃa a gɛɛ ǹyaŋ káƃa é lɛ́ɛ. A gɛɛ sɛŋ kélee ka m̀are-kɛ̂ɛ kɛ̀ Nàŋ-nuui ma ńaai sui é dɛɛ kápɔ.

Zɔ̂ŋ 15:3

Kámaa waâi nâa a ŋ̀óo-ŋai ŋa m̀ó kâai.

Zɔ̂ŋ 15:6

À kɛ̀ núu da à wàla kɛ́ ŋ́gbonôi, da bìli yɛ̂ɛ kpɔmɔ-woŋo é fɛ̃ɛ. Da maa-woŋo-ŋai ŋá tɛ̀ ma, dí bili ŋɔŋ su dí géreŋ.

Zɔ̂ŋ 15:8

Nyíŋi mɛni ƃé Ńâŋ ŋɔfólo-laai maa tɛ̂ɛi la a gɛɛ ká ƃá a dámaa, ǹyaŋ à kɛ̀ tí, ká kɛ́ a ḿbôlu-ƃela.

Zɔ̂ŋ 17:12

Tãi ŋa kɛ̀ la díkɔlɛi, ŋá dímɛi kàa ílaâi su, diai í dítɛ̀ɛ ḿbɔi. Ŋá dímɛi kàa, ǹyaŋ díta fé laŋ ní, fɛ̂ɛ ǹóŋ láŋɔɔi, a gɛɛ Ŋ̀âla-kɔlɔi ŋa-see é kɛ́.

Lomaŋ 11:17

A kɛ̀ ŋulɔ-wurui nyii dí zìi ŋoŋo da a ɣàle m̀a, gɛ̀ ní ya pɔ̂ri ŋulɔ-wurui nyii dífe zì nîi ŋoŋo da siɣêi í ŋulɔ-wuru lɛ́lɛɛi ŋoŋo pɔ́ɔ tɔ́ɔ la, a gɛ́ɛ í ŋuru lɛ́lɛɛi ŋɔlɛ́lɛ-laai da sɔlɔ ƃo.

Lomaŋ 11:22

Ya pɔ̂ri Ɣâla ŋɔsɔŋ lɛ̂lɛi kâai da ŋɔlii-kpanaŋ: ǹíi kpanaŋɔɔ̂i diai dîa da tooi, kɛ́lɛ, Ɣâla ŋɔsɔŋ-lɛ̂lɛi káa yâ à kɛ̀ yà lɛ̀ɛ nɔ́ ŋɔsɔŋ-lɛ̂lɛi su; à wàla kɛ́ ti da pâi íteêi ya máŋ.

Lomaŋ 8:28

Ku gɔ́lɔŋ a gɛ́ɛ diai dí Ɣâla wɛli ni mɛni kélee a kɛ̂ gîe ma a ǹɛ́lɛɛ dímɛni ma, nyíi-ŋai e dítoli yɛ̂ɛ berei ŋɔsapoi káa lai.

Kɔleŋtiɛŋ Maa-ŋuŋ 13:1

A kɛ̀ máŋ ŋà lòno a núu-kpune da Ɣâla-taa kela-ŋa lá-sii woo-ŋa, ǹyaŋ wɛli-kɛ-maa fé ńyêei, gɛ̀ ní ŋ́gaa nɔ́ lônoi yɛ̂ɛ taya-saa ɣale-woo, kpaa máŋ kóno ɣale-woo.

Taitɔ 2:14

nyíi gbîŋ tɛ̀ɛ kúmɛni ma a gɛɛ é kúmaa tée sɔnyɔ̂ŋ kélee sui, é kúmaa wáa gbîŋ mɛni ma a gɛɛ kú kɛ́ a ŋɔnûa kpîŋ-ŋa tíi lɛ́lɛɛ kɛ́ mɛni ma.

Ibulu 12:15

Ka gáa a gɛɛ núu da kélee fé fɛ̀ɣɛ a Ɣâla ŋɔƃɛlɛ-sêei sɔlɔ ƃóɔɔ. Ka gáa a gɛɛ “wúru ŋwánaa” kélee da fé pɔmuŋ kásama nyíi a mɛni nyɔ́mɔɔ kùlai, ǹyaŋ maa-wurui tí a núu támaa kàra.

Zɔ̂ŋ Maa-ŋuŋ 2:19

Dí kùla kúsama, kɛ́lɛ, dífe kɛ́ ni a kúta. Kpɛ́ni fêi, eêi kɛ̀ dîi kɛ̀ a kúta, dîi lɛɛ kúsama. Kɛ́lɛ, dí kùla kûa a gɛɛ é lɛ́ a gɛɛ díkelee dífe a kúta.

M̀ɛni-lɛɛi 3:19

Diai ŋa díwɛli níi, ŋa lôno dîa ŋá tɔ̂ŋ kpɛ́ dîa. M̀ɛni ma kpanaŋ í ílii pene.