Zɔ̂ŋ 13:8 - Ŋ̀âla Kɔlɔ Maa Waai

⁸ Pitɛ e mò ma, ǹyɛɛi, “Ífe pâi wɔ́lɔ ŋ́gɔɔ maa waâi.” Zîsɛ e ŋ̀óo su tòo, ǹyɛɛi, “À kɛ̀ fé íkɔɔ maa waa ni, gɛ̀ ní ḿbôlu nuui da fa yâ.”

Zɔ̂ŋ 13:8 ပူးပေါင်းရင်းမြစ်များ

Zɛnɛse 42:38

Kɛ́lɛ è mò ma ǹyɛɛi, “Ńoŋ fé lɛ̀ɛi kápôlu. Kpɛ́ni fêi, ǹîa a saa. Ǹyaa tɔnɔ nɔ́ ƃa lɛ̀ɛ. Tãi da mɛni da a pâi gɛ̂i ziai su. Ǹyaŋ ŋ́gaa a núu pɔlɔ. Gɛ̀ ní maa lii-soli a pâi ḿbaâi.”

Samia Veerɛi 20:1

Ŋaa-ƃaraŋ-maa naloŋ tɔnɔ è kɛ̀ Geegaa, ǹáa ƃé kɛ̀ a Siƃa. Ǹâŋ láa ƃé kɛ̀ a Bikiri. È kɛ̀ a Bɛŋsima suui su nuui dɔnɔ. È lì é dúruii fɛ́ɛ ǹyɛɛi, “Gâloŋ Deeƃé fé a kúta. Kúlaa fé Zɛse ǹóŋ mɛnii. Óo Eezuɛ-ƃela kwaa lí kûɛ kúpɛrɛ-ŋai lá.”

Kâloŋ Maa-ŋuŋ 12:16

Eezuɛ-ƃelai kélee kɛ́ɛ da gàa a gɛ́ɛ gâloŋ fé fáa ní é ŋ̀óli tɔ́ɔ dîai, dí gâloŋ wóo su tòo dîyɛɛi, “Vé kûa a kpa a gɛ́ɛ kúkɛ Deeƃé ŋɔsuui yée mu. Lé ƃé Zɛse ǹóŋ a gɛ́ kûɛi? Eezuɛ-ƃela, kwaa lí kúpɔ taai! Óo Deeƃé, ípɛrɛi mɛi káa yá kpîŋ.” Nya ƃe Eezuɛ-ŋai dí lì dípɔ taai.

Wule-woo-ŋa 51:2

Ŋá ŋwana-lɔ̂ɔ-tuai wáa mî ḿâ, ímaa wáa í ŋ́gula mî ŋásɔnyɔ̂ŋ su.

Wule-woo-ŋa 51:7

Ŋásɔnyɔ̂ŋ wáa ḿâ, gɛ̀ ní ŋa pâi kɛ̂i a ḿaa waa. Ŋ́waa ḿî, gɛ̀ ní ŋa pâi kɛ̂i fôloi yɛ̂ɛ yee-fũa.

Azaya 4:4

É lɛ́ɛ pâi kɛ̂i tí, Ǹuu-namui a pâi ǹɔii-ŋuŋ ŋɔmɛnii ŋá têei é m̀aa waa. A pâi Zerusâlɛŋ ŋɔsɔnyɔ̂ŋ waâi ma, é ŋãai dí bù naai kélee wáa.

Izikiɛ 36:25

Ŋa pâi yá lɛ́lɛɛ kpɛ́mɛnîi kâa. À kɛ̀ tí, gɛ̀ ní ka pâi kɛ̂i a ká maa-waa. Gɛ̀ ní, ŋa pâi ńyee seêi ká mu. Ŋa pâi ká maa waâi ŋa ká kúla m̀ɛni nyɔ́mɔɔ-ŋai su nyii-ŋai gɛ̀ ká maa fé waa nii. Ŋa pâi ká maa waâi ŋa ká kúla ŋ̀âla da kpɛ́ni-ŋai fɛli mɛ̂ni-ŋai su.

Zɛkɛrâya 13:1

“Maa ɣêlei tí ya-tôŋ-ma láa a pâi ƃôi Deeƃé ŋɔpɛ́rɛi mu-ƃelai da Zerusâlɛŋ-ƃelai mɛni ma a gɛɛ é dísɔnyɔ̂ŋ waa dîa da m̀ɛni-ŋai dímaa fé waa nii.

Maafîu 16:22

Nya ƃe Pitɛ è lì la é pɛlɛ lônoi ma, ǹyɛɛi, “É folôŋ yâ, Kúnuu-namui! Nyiŋi fé pâi wɔ́lɔ kɛ̂i a yá.”

Maafîu 21:29

Kɛ́lɛ, è ŋ̀óo su tòo ǹyɛɛi, ‘Fé gɛ̂i.’ Kɛ́lɛ, nàa pôlu ma è ǹíi pène é li.

Maafîu 26:33

Nya ƃe Pitɛ è ŋ̀óo su tòo, ǹyɛɛ mai, “À kɛ̀ ǹúui kélee da pâi díyee kulâi ímaa mɛni su, fé pâi wɔlɔ ńyee kulâi ímaa mɛni su.”

Maafîu 26:35

Nya ƃe Pitɛ è mò m̀a, ǹyɛɛi, “A nɛ̀ɛ ma kpîŋ kwa yá kú sáa, fé pâi wɔlɔ ímaa sîa toôi.” Bere nɔ́ ƃe máŋ ŋɔpôlu-ƃelai kpéli-ŋai dí mò la.

Zɔ̂ŋ 13:6

E kùla Samaŋ Pitɛ ma; nya ƃe Pitɛ e mò ma, ǹyɛɛi, “Kúnuu-namui, ya ŋ́gɔɔ maa waâi?”

Zɔ̂ŋ 13:9

Samaŋ Pitɛ e mò ma, ǹyɛɛi, “Kúnuu-namui, ŋ́gɔɔ nɔ fêi, kɛ́lɛ, ǹyée da ŋ́uŋ!”

Zɔ̂ŋ 3:5

Zîsɛ e zu tòo, “Tɔ̃yâ kpîŋ, ŋá m̀ó yâ, fɛ̂ɛ da núu maa sɔlɔ ƃo a ǹyái da Mɔleŋ, à wàla kɛ́ ti, va pɔ̂ri liî Ɣâla ŋɔkâloŋ-laai su.

Zia-ƃelai Kɛ́-mɛni-ŋai 22:16

Lé ƃé ya maa kpɛnîi? Ímu siɣe dí íbatâi kɛ́ ísɔnyɔ̂ŋ é wáa yâ, í Kúnuu-namui láa tóli.’

Kɔleŋtiɛŋ Maa-ŋuŋ 6:11

Ǹyaŋ bere ƃe kata-ni ká kɛ̀ la. Kɛ́lɛ, dí kámaa waa, dí kálɛ, dí kákɛ a tɔ̃yâ-ƃela Kúnuu-namui Zîsɛ Kôrai láai su da Kúɣâlai Ŋɔmɔ̂leŋ.

Ifisiɛŋ 5:26

a gɛ́ɛ é m̀aa waai. È m̀aa wâa a yá da ŋ̀óoi,

Dutɛrɔnome 12:12

Ǹaa ƃé káa, kálônii sinaai da nɛyãai, káyee mu-sinaai da nɛyãai, ka pâi lii-nɛ̃ɛ kulâi naa Káɣâlai Yâwɛɛ ŋɛ́i-tuɛ ka Liiva-ŋai. Kɛ́lɛ ka kákili-ŋa sía Liiva-ŋai mɛni ma díkaa ká taa-ŋai sui nyii-ŋai ǹɔii da fé a dípɔɔi.

Kolasiɛŋ 2:18

Káfe ǹɛɛ naa núu da é mɛni ŋá tee a káa a nyɔ́mɔɔ a gɛ́ɛ fɛ̂ɛ ka tɔ̂ŋ kpɛ́ kákpîŋ ma ka Ɣâla-taa kela-ŋai fɛli. Ǹúui a zĩai maa-mɛni ƃo kásamâi, káfe laa a maa-nuui ti. Maa-nuui ŋí líi kɛ́tɛ̂i nɔ́ kpɛni. Ŋɔkili-ŋa-siai maa-sâpo fé ma. Gáa nɔ́ a núu-kpune kpîŋ-tua-pere-nyɔŋ maa-kili-ŋa-sia.

Kolasiɛŋ 2:23

Nyii-ŋai díkaa kpɔ́ yɛ̂ɛ táre a tɔ̃yâ. Da Ɣâla fɛli-pere kpanaŋ, díkɛ tɔ̂ŋ kpɛ́ díkpîŋ ma, dí ŋwana-lɔ̂ɔ kɛ́ a díkpono, kɛ́lɛ, nyíi-ŋai kélee fela-fei fé ma a gɛ́ɛ dí núu-kpune kpîŋ-tua pere-nyɔŋ kpera.

Taitɔ 3:5

è kúƃalo a kúwaa mì a gɛɛ kú kɛ́ a núu nina da M̀ɔlêŋ Maa Waai kɛ́ɛ a nina kúkponôi. Kútii lɛ́lɛɛ kɛ́ɛ fêi nyíi kwa gɛ́i, kɛ́lɛ, ŋɔƃɛlɛ-sêei su ƃe.

Ibulu 10:22

kwaa lɛ́ɣɛ mà a tɔ̃yâ-lii laa-la láa fɛ́ɛ su da kúlii nyíi m̀aa waâi kúlaa kili-ŋa-sia nyɔ́mɔɔ su, é pɛ́lɛ kúkpono ma nyíi ŋ̀waâi a yá maa waai.

M̀ɛni-lɛɛi 1:5

Ƃɛlɛ-sêe é kɛ́ kâa da lii-sêe é kúla zere-faa kɛ-nuu sã́ai Zîsɛ Kôrai yêei, nyíi kɛ̀ a ǹúui maa-ŋuŋ kùla saa yêei, gɛ̀ ƃò ŋɔ́nɔ a ǹɔii su-kaloŋ-ŋai mɛi-nuui. Ǹúui kúwɛli ni nyíi kúŋuŋ ma ƃò kúsɔnyɔ̂ŋ yêei a ŋãai,

M̀ɛni-lɛɛi 7:14

Ŋá mò mà, nyɛɛi, “Ńâŋ, í gɔlɔŋ.” Nya ƃe è mò mà, nyɛɛi, “Diai dí kùla mɛni-kpɔ̂lu kɛ́tɛi sui, dia ká ŋí. Da díyokpo-ŋai wáa da díkole M̀ála-loŋ ŋãai su.