Zɔ̂ŋ 13:5 - Ŋ̀âla Kɔlɔ Maa Waai

⁵ È kɛ̀ tí, é yá pù pâne su, gɛ ŋɔpôlu-ƃelai kɔ́ɔ maa waa la, gɛ dímaa kɔ̀ɔ a tâƃai è ŋìri ǹeŋêi.

Zɔ̂ŋ 13:5 ပူးပေါင်းရင်းမြစ်များ

Lûu 7:44

Gɛɛ tínanîi nɛnîi pɔ naai, e mò Samaŋ ma, ǹyɛɛi, “Ya nɛnîi ŋi kâai? Ŋa lɔ̀ ípɛrɛi mu, ífe yá tɛɛ ni ḿbɔ ŋ́gɔɔ mɛni ma, kɛ́lɛ, nɛnîi a ŋ́gɔɔ yɔɔ a ŋ̀ɛi-ya, a dímaa kɔ̂ɔ a ŋ̀uŋ-leɣa.

Wule-woo-ŋa 51:2

Ŋá ŋwana-lɔ̂ɔ-tuai wáa mî ḿâ, ímaa wáa í ŋ́gula mî ŋásɔnyɔ̂ŋ su.

Zɛnɛse 19:2

ǹyɛɛi, “Núu-namela, ŋa kákpera fêi ká pá káyee mu-nuui ŋɔpɛ́rɛi mu ká kákɔɔ maa wáa, ká nyii naa. Ka pâi tínaa liî a ɣele-wala pɛpɛ.” Dí mò ma dîyɛɛi, “Kpao! Kwa pâi nyii berei mâ.”

Temete Maa-ŋuŋ 5:10

Bɔɔ-nɛnii nyíi da ǹáa pɔ̃yɛ kɔlɔ ma a pɔɔ-nɛnii, fɛ̂ɛ nûa dí ŋɔtíi lɛ́lɛɛi m̀aa sêre-faa kɛ́. Fɛ̂ɛ é kɛ́ a ǹúui a nîa-pɛlɛɛ kula zu, gɛ nûa soŋ a ǹɛ́lɛɛ, gɛ Ŋâla-ƃelai kɔ́ɔ maa waa, gɛ mɛni-kpɔ̂lu káa ƃelai kùla mɛni-kpɔ̂lu su, gɛ gbîŋ pu tíi lɛ́lɛɛ kɛ́ɛ su pere sii kélee sui.

Zɛnɛse 18:4

Tɔɔ dí pá a yá loŋ ká kákɔɔ maa wáa, ká káfii tɔ́ɔ ŋ̀úrii mu.

M̀ɛni-lɛɛi 7:14

Ŋá mò mà, nyɛɛi, “Ńâŋ, í gɔlɔŋ.” Nya ƃe è mò mà, nyɛɛi, “Diai dí kùla mɛni-kpɔ̂lu kɛ́tɛi sui, dia ká ŋí. Da díyokpo-ŋai wáa da díkole M̀ála-loŋ ŋãai su.

Ibulu 10:22

kwaa lɛ́ɣɛ mà a tɔ̃yâ-lii laa-la láa fɛ́ɛ su da kúlii nyíi m̀aa waâi kúlaa kili-ŋa-sia nyɔ́mɔɔ su, é pɛ́lɛ kúkpono ma nyíi ŋ̀waâi a yá maa waai.

Ifisiɛŋ 5:26

a gɛ́ɛ é m̀aa waai. È m̀aa wâa a yá da ŋ̀óoi,

Kɔleŋtiɛŋ Maa-ŋuŋ 6:11

Ǹyaŋ bere ƃe kata-ni ká kɛ̀ la. Kɛ́lɛ, dí kámaa waa, dí kálɛ, dí kákɛ a tɔ̃yâ-ƃela Kúnuu-namui Zîsɛ Kôrai láai su da Kúɣâlai Ŋɔmɔ̂leŋ.

Zia-ƃelai Kɛ́-mɛni-ŋai 22:16

Lé ƃé ya maa kpɛnîi? Ímu siɣe dí íbatâi kɛ́ ísɔnyɔ̂ŋ é wáa yâ, í Kúnuu-namui láa tóli.’

Kâloŋ Veerɛi 3:11

Kɛ́lɛ Zeosafa è mare kɛ̂ɛ kɛ̀ ǹyɛɛi, “Yâwɛɛ ŋɔlóno kɛ́-nuu da fé ƃɛ́ a gɛɛ kú Yâwɛɛ marê kɛ́ zârai?” Eezuɛ kaloŋ ŋɔyée-mu-nuui dɔnɔ è zu tòo ǹyɛɛi, “Safa ǹóŋ Ilasa káa ƃɛ́. Nya ƃe à kâa kɛ̀ a Ilaiza ŋɔyée mù-nuu.”

Samia Maa-ŋuŋ 25:41

Nya ƃe è ŋuŋ ma pìlaŋ ǹyɛɛi, “Ŋa ŋ̀wɛ̂lii ŋá kɛ́ a Deeƃé yée mu-nuu ŋ́gɛ ŋɔyée mu-ƃelai kɔ́ɔ ma waa.”

Levetekɔ 14:8

Ǹyaŋ nuui gɔlɔ-felai è kɛ̀ mai a pâi ŋɔseɣe-ŋai waâi, é gɔlɔ leɣa kélee pú è gbîŋ waa. Naa pôlu ma a pâi pâi pôlu m̀ûui su, kɛ́lɛ vé pâi lɔ̂i gbîŋ pɛrɛi mu é lɛ́ɛ la zu fólo lɔ́ɔlu mɛi feerɛ é tɛ́ɛ.

Zɔ̂ŋ Maa-ŋuŋ 5:6

Zîsɛ Kôrai è pà yá da ŋãa sarâi. Yá tɔnɔ nɔ́ fêi, kɛ́lɛ, è pà yá da ŋãa sarâi.

Zɔ̂ŋ Maa-ŋuŋ 1:7

Kɛ́lɛ, à kɛ̀ kwa sìa gwaa-ponoɔi su yɛ̂ɛ berei gáa la a gwaa-ponoɔi, gɛ̀ ní kwa dai-ni kúlii káa tɔnɔ, gɛ̀ ní Nòŋ-nuui Zîsɛ Kôrai ŋɔŋãai a kúsɔnyɔ̂ŋ kélee wáa kûa.

Zɔ̂ŋ 19:34

Kɛ́lɛ, ǹɔii maa kpɛ́-ƃelai dɔnɔ è zɔ̀ɔ bɛ̂rɛ ma a kpála. È kɛ̀ tí, ŋãa da yá dí kùla naa kpɔ́ a maa félaa.

Lûu 7:38

Gɛɛ kɛ̀ tɔɔ̂ni gɔ́ɔ pôlu-pere, gɛ wɔlɔi, è pɛ̀lɛ gɔ́ɔ ma yɔɔ̂i a ŋ̀ɛi-ya, gɛ dímaa kɔ̂ɔ a ŋ̀uŋ-leɣa. È ǹá-gbɔ sèe gɔ́ɔ ma, é ŋ̀úru-ya kúŋ nɛ̃ɛi pú gɔ́ɔ ma.

Zɛkɛrâya 13:1

“Maa ɣêlei tí ya-tôŋ-ma láa a pâi ƃôi Deeƃé ŋɔpɛ́rɛi mu-ƃelai da Zerusâlɛŋ-ƃelai mɛni ma a gɛɛ é dísɔnyɔ̂ŋ waa dîa da m̀ɛni-ŋai dímaa fé waa nii.

Izikiɛ 36:25

Ŋa pâi yá lɛ́lɛɛ kpɛ́mɛnîi kâa. À kɛ̀ tí, gɛ̀ ní ka pâi kɛ̂i a ká maa-waa. Gɛ̀ ní, ŋa pâi ńyee seêi ká mu. Ŋa pâi ká maa waâi ŋa ká kúla m̀ɛni nyɔ́mɔɔ-ŋai su nyii-ŋai gɛ̀ ká maa fé waa nii. Ŋa pâi ká maa waâi ŋa ká kúla ŋ̀âla da kpɛ́ni-ŋai fɛli mɛ̂ni-ŋai su.

M̀ɛni-lɛɛi 1:5

Ƃɛlɛ-sêe é kɛ́ kâa da lii-sêe é kúla zere-faa kɛ-nuu sã́ai Zîsɛ Kôrai yêei, nyíi kɛ̀ a ǹúui maa-ŋuŋ kùla saa yêei, gɛ̀ ƃò ŋɔ́nɔ a ǹɔii su-kaloŋ-ŋai mɛi-nuui. Ǹúui kúwɛli ni nyíi kúŋuŋ ma ƃò kúsɔnyɔ̂ŋ yêei a ŋãai,

Azaya 1:16

Ka kpera mɛni nyɔ́mɔɔ kɛ́ɛ ma, ká ǹanii wáa kâa. Tɔ̃yâ ma ka kpera mɛni nyɔ́mɔɔ kɛ́ɛ ma.

Ɛsedɔ 29:4

“Pá a Eelɔŋ da ǹônii Ŋásua kɔlɔ seɣe pɛrɛ maa waai lá í díwaa a yá.

Zɔ̂ŋ 13:10

Zîsɛ e mò ma, ǹyɛɛi, “Ǹúui nyii a ŋ̀waâi, maa nɛɛ̂i nɔ a gɛɛ e gɔ́ɔ maa waa a gɛɛ mà kélee e waa; ǹyaŋ kámaa waâi nâa, berei máŋ kákelee fêi.”

Zɔ̂ŋ 13:8

Pitɛ e mò ma, ǹyɛɛi, “Ífe pâi wɔ́lɔ ŋ́gɔɔ maa waâi.” Zîsɛ e ŋ̀óo su tòo, ǹyɛɛi, “À kɛ̀ fé íkɔɔ maa waa ni, gɛ̀ ní ḿbôlu nuui da fa yâ.”

Zɛnɛse 43:24

Nalôŋ è pà a ǹûai Zosɛ ŋɔpɛ́rɛi mu, é yá tɛ́ɛ dípɔ dí díkɔɔ ma waa, é mii-sɛŋ tɛɛ díwɛlɛ-sôo-ŋai pɔ́.

M̀ɛni-sâa Ƃó-ƃelai 19:21

Nya ƃe è lí a dia ŋɔpɛ́rɛi lá. È yá tɛ̀ɛ dípɔ dí díkɔɔ ma wáa, é mii-sɛŋ tɛɛ dípɔ. È mii-sãa tɛ̀ɛ díwɛlɛ-sôo-ŋai pɔ́ máŋ.

Zɔ̂ŋ 13:6

E kùla Samaŋ Pitɛ ma; nya ƃe Pitɛ e mò ma, ǹyɛɛi, “Kúnuu-namui, ya ŋ́gɔɔ maa waâi?”