Zɔ̂ŋ 10:4 - Ŋ̀âla Kɔlɔ Maa Waai

⁴ Tãi a ŋɔ-ŋai kélee kùlai, a lî dítuɛ, m̀ála-ŋai díaŋ dí pîlaŋ bôlu. Kpɛ́ni fêi, dí ŋ̀óo kɔ́lɔŋ.

Zɔ̂ŋ 10:4 ပူးပေါင်းရင်းမြစ်များ

Wule-ŋa Kélee Mɛi Wûle 2:8

Ŋá ŋáwɛli kɛ́-maa nuui wóo mɛ̀ni. Gáa kîrɛ siɣêi gɛ́ kùla ǹyée kɛ́tɛi tôŋ su, gɛ́ tɛ̂ɛ guro-téi tôŋ su, gɛ́ pà ḿbɔ yɛ̂ɛ lóma kpaa máŋ tôa.

Wule-ŋa Kélee Mɛi Wûle 5:2

Ŋá kɛ̀ nyiî, kɛ́lɛ ŋ́gili è kɛ̀ banaŋ ma. Tɔɔ tí, ŋáwɛli tíŋ ká tí. Bɛ́rɛi lá ƃó mî ŋáwɛlii, ŋátoloŋ, ŋáwɛli kɛ́-maa nuu sɔŋ kpɛ̂ɛ mai. Ǹɛŋ aâ ńyɔɔ, kpíni a pɛlɛ mâ.

Maafîu 16:24

Nya ƃe Zîsɛ è mò ŋɔpôlu-ƃelai dîa, ǹyɛɛi, “À kɛ̀ núu da a ŋ̀wɛ̂lii é lɛ́ɛ ḿbôlu, tɔɔ é gíli kula gbîŋ kponôi é ŋɔsaa-wuruii síɣe é lɛ́ɛ ḿbôlu.

Zɔ̂ŋ 10:16

Ǹyaŋ ƃála-ŋa da kpɛni-ŋa díkaa ńyêei, nyii ve m̀ála-kpului ŋi su; fɛ̂ɛ ŋa pa a dia máŋ, da pâi ŋ́oo mɛnîi. Gɛ̀ ní, da pâi kɛ̂i a ƃála-kpulu tɔnɔ da ƃála mɛi-kaa-nuu tɔnɔ.

Zɔ̂ŋ 10:27

Ŋáƃala-ŋai da ŋ́oo mɛ̀ni, ńyaŋ ŋá díkɔlɔŋ, díyaŋ da pîlaŋ ḿbôlu;

Zɔ̂ŋ 10:3

Góraŋ láƃelei mɛi-kaa-nuui a ǹá ƃò mì; m̀ála-ŋai da ŋ̀óo mɛ̀ni, ǹyaŋ a ŋɔƃála-ŋai tóli a dílaa, é kúla a dia.

Zɔ̂ŋ 10:5

Dífa pîlaŋ ŋɔ̃yâ pôlu. Kɛ́lɛ, da pû ma. Kpɛ́ni fêi, dífe ŋɔ̃yâ wóo kɔ́lɔŋ.”

Zɔ̂ŋ 10:8

Ǹúui kélee lɔ̀ ńduɛi díkaa a ŋúma-ƃela da sɛŋ-kula-yee kɛ-ƃela; kɛ́lɛ, m̀ála-ŋai dífe díwoo mɛni ni.

Zɔ̂ŋ 12:26

À kɛ̀ núu da à tíi kɛ̀ mîi, fɛ̂ɛ é pîlaŋ ḿbôlu; ƃɛi ŋ́gaa naai naa ƃe ǹyée-mu-nuui a pâi kɛ̂i naa máŋ; à kɛ̀ núu da ǹyaŋ à tíi kɛ̀ mîi, Nàŋ-nuui a pâi ƃâa kɛ̂i ma.

Zɔ̂ŋ 13:15

Kpɛ́ni fêi, ŋa gɛ-pere lɛ́ káa a gɛɛ káa máŋ ká gɛ́ yɛ̂ɛ bere ŋa gɛ́ la a káai.

Zɔ̂ŋ 18:37

Pâle è m̀arê kɛ̀, ǹyɛɛi, “Gɛ̀ ní kâloŋ ƃa yá, Kɛrɛ̂e?” Zîsɛ è zu tòo, ǹyɛɛi, “Ya mò a gɛɛ ŋ́gaa a kâloŋ. Nyiŋi mɛni ƃe dí ńzɔlɔ ƃô la, nyiŋi mɛni ƃe ǹyaŋ ŋa bá kɛ̀ ǹɔii su, a gɛɛ ŋá dɔ̃yâi maa-sere-faa kɛ́. Núu nyii kélee gáa dɔ̃yâi mai a ŋ́oo mɛni.”

Zɔ̂ŋ 3:29

Ǹúui nyii nɛnî káa ǹyêei, ǹyaa ƃe gáa a nɛnî-kula-nuui. Ǹɛnî-kula-nuui ǹaoi nyii a tɔɔ̂ni, gɛ ŋ̀óo mɛni, nɛnî-kula-nuui wóo a ǹíi nɛ̀ɛ a dámaa. À kɛ̀ ti, gɛ̀ ní, ŋálii-nɛɛi ŋi lá a nâa fɛɛ.

Kɔleŋtiɛŋ Maa-ŋuŋ 11:1

Ka kɛ́ a ḿbɔkɔɔŋ-ƃela, yɛ̂ɛ berei ŋ́gaa la a Kôrai-pɔkɔɔŋ-nuui.

Ifisiɛŋ 5:1

Mɛni ma ka kɛ́ a Ɣâla-pɔkɔɔŋ-ƃela yɛ̂ɛ wɛli-kɛ-maa nîa-pɛlɛɛ,

Dutɛrɔnome 1:30

Káɣâlai Yâwɛɛ nyii gáa kátuɛi a pâi kɔ̂i kámɛni ma, yɛ̂ɛ berei è gɛ̀ la kámɛni ma Ize lɔii su,

Ibulu 12:2

Kwaa kúŋɛi kɛ́ Zîsɛ ma nyíi kúlaa-lai kɔ́ɔ pìlaŋ é maa waai, nyíi zaa-wurui siɣe a ǹii-nɛ̃ɛi nyíi kɛ̀ ŋ̀ɛi-tuɛi é ŋ̀ɛi nàɣîŋ ŋumɛ mɛ́i é see Ɣâla ŋɔsee-sɛŋ láa-mii-yee mɛi.

Ibulu 6:20

ƃɛ́i Zîsɛ a lí naa yɛ̂ɛ kútuɛ-kpɛtɛ-nuui, a kɛ́ a sâla láa soŋ nuu kɛ́tɛ wɔlɔ-wɔlɔ da wɔlɔ-wɔlɔ yɛ̂ɛ berei Mɛkisɛdɛ è kɛ̀ la a sâla láa soŋ-nuu kɛ́tɛi.

Pitɛ Maa-ŋuŋ 2:21

Da kátoli nyíŋi ma, kpɛ́ni fêi, Kôrai ǹyaa máŋ è mɛni-soli kàa kámɛni mà, é ŋɔmɛni kɔɔ̂ŋ maai lɛ́ɛ káyêei, a gɛɛ ká lɛ́ɛ ŋɔtûa-perei su.

Pitɛ Maa-ŋuŋ 4:1

Mɛni ma tãi nɔ́ Kôrai kpono è mɛni-soli kàa la kúmɛni mai, kâa máŋ ka kákpîŋ kpɛ̀tɛ a gili-ŋa-sia tɔnɔi tí, kpɛ́ni fêi, ǹúui gbono a mɛni-soli káai, a kpera sɔnyɔ̂ŋ ma,

Pitɛ Maa-ŋuŋ 5:3

Diai kákaa dímɛi, káfe dímɛi kàa a wala-wala-laa, kɛ́lɛ, ká kɛ́ a pɔkɔɔŋ ǹúu-kpului mɛni ma.