Zɔ̂ŋ 10:3 - Ŋ̀âla Kɔlɔ Maa Waai

³ Góraŋ láƃelei mɛi-kaa-nuui a ǹá ƃò mì; m̀ála-ŋai da ŋ̀óo mɛ̀ni, ǹyaŋ a ŋɔƃála-ŋai tóli a dílaa, é kúla a dia.

Zɔ̂ŋ 10:3 ပူးပေါင်းရင်းမြစ်များ

Wule-woo-ŋa 80:1

Íwoli tɔ́ɔ kûa, óo yái ya Eezuɛ mɛi kâa yɛ̂ɛ ƃála mɛi káa-nuui, í Zosɛ ŋɔsuui téniŋ tɔ́ɔ yɛ̂ɛ ƃála mɛi káa-nuu. Íkaa seêni íkâloŋ see-sɛŋ ŋá ŋ̀âla-taa kooŋ-sãai kélee mɛi-pere.

Ɛsedɔ 33:17

Nya ƃe Yâwɛɛ è mò Mose ma ǹyɛɛi, “Mɛnii ŋí ƃa lônoi é pîlaŋ mai, ŋa pâi gɛ̂i. Kpɛ́ni fêi, ǹíi lâai íyêei, ŋ́gɛ ƃò a íkɔlɔŋɔɔ a ǹɛ́lɛɛ.”

Táre-woo-ŋa 27:23

Íƃala-ŋai da ítaa-tulɛ-ŋai kɔ́lɔŋ tɛi-tɛi í dímɛi káa a ǹɛ́lɛɛ,

Wule-ŋa Kélee Mɛi Wûle 8:13

Ŋáwɛli kɛ́-maa nûui, yái tí zûai sui, lóno ŋa íwoo mɛ́ni. Ḿarâai da ŋ̀wɛ̂lii dí íwoo mɛ́ni máŋ.

Azaya 40:11

A pâi ŋɔƃála-ŋai ŋá kɔnîi yɛ̂ɛ ƃála mɛi káa-nuu. A pâi ŋɔƃála lônii ŋá tɛ́i gîe m̀a ǹyée-tɔ̃ɔi, é lí a dîa. A pâi tɔ̂ɔi dílee-ni túɛ é lí a dia a gɔlɔ-saá m̀a.

Azaya 42:16

“Ŋa pâi tɔɔ̂i ŋánûa ŋɛ́i púɔɔ-ŋai túɛ, ŋá tɛ́ɛ a dia a berei dífe tá tɛ̀ɛ ní lai. Ŋa pâi díkpinii kɛ̂i a kwaa ponoɔɔ. Ŋa pâi bere kilɛ-kilɛ-ŋai su sãâi. Ŋákono teei ká ŋí, ǹyaŋ fé pâi wɔ́lɔ m̀aa fálenîi.

Zɔ̂ŋ 10:14

Ŋ́gaa a m̀ála mɛi-kaa-nuu lɛ́lɛɛi; ŋá ḿbɔɔ kɔ́lɔŋ, ǹyaŋ ḿbɔɔ kɛ́ ƃo a ŋ́gɔlɔŋɔɔ,

Zɔ̂ŋ 10:16

Ǹyaŋ ƃála-ŋa da kpɛni-ŋa díkaa ńyêei, nyii ve m̀ála-kpului ŋi su; fɛ̂ɛ ŋa pa a dia máŋ, da pâi ŋ́oo mɛnîi. Gɛ̀ ní, da pâi kɛ̂i a ƃála-kpulu tɔnɔ da ƃála mɛi-kaa-nuu tɔnɔ.

Zɔ̂ŋ 10:4

Tãi a ŋɔ-ŋai kélee kùlai, a lî dítuɛ, m̀ála-ŋai díaŋ dí pîlaŋ bôlu. Kpɛ́ni fêi, dí ŋ̀óo kɔ́lɔŋ.

Zɔ̂ŋ 10:9

Ńyãa ƃe ŋ́gaa a góraŋ lá. À kɛ̀ núu da à tɛ̀ɛ ŋ́gbonôi é lɔ́, a pâi ƃálôi, gɛ̀ ní, a pâi lɔ̂i é kúla é gɔnɔŋ sɔlɔ ƃo.

Zɔ̂ŋ 6:37

Nyii kélee Nàŋ-nuui a dɛ̀ɛ ḿbɔi a pâi pâi ḿbɔ. Ǹyaŋ nyii a pà ḿbɔi, fe pâi gbɛ̂i.

Zɔ̂ŋ 6:45

Bɔ̃yɛɛ̂i Ɣâla ŋɔlóno-kɛ-ƃelai wóo su, ‘Díkelee Ɣâla a pâi sɛŋ lɛ̂i dîa.’ Ǹúui nyii kélee a Nàŋ-nuui wóo mɛni é sɛŋ kɔ́lɔŋ ǹyée ŋái, a pà ḿbɔ.

Lomaŋ 8:30

Diai e dísèe díŋuŋ ŋá a maa-ŋuŋ e dítoli máŋ; diai e dítòlii, e díkɛ̀ a tɔ̃yâ-ƃela; diai e díkɛ̀ a tɔ̃yâ-ƃelai, e folo-laa tɛ̀ɛ dípɔ máŋ.

Kɔleŋtiɛŋ Maa-ŋuŋ 16:9

Kpɛ́ni fêi, tíi kpanaŋɔɔ kɛ́ɛ ŋɔkpôŋ lá a ƃó ḿberêi naa, ǹyaŋ kúkpɔara-ƃela támaa díkaa naa.

Felepiɛŋ 4:3

Ŋa ímarê kɛ̂i máŋ Sizigɔ, yái íkaa a tɔ̃yâ-nuu. Kpɔŋ nɛni-ŋai ŋí dîa, kpɛ́ni fêi, kwa dîa-ni kwa tíi kɛ̀ Duŋ Lɛ́lɛɛi su, é pɛlɛ Kilɛmɛ ma da marâa-tii-kɛ-ƃelai kpeli-ŋai, nyíi-ŋai dílaa káa vulu-laa-kɔlɔi sui.

Kolasiɛŋ 4:3

Ka Ɣâla fɛli kúmɛni ma máŋ a gɛ́ɛ Ɣâla é ŋ̀óoi ŋɔkpôŋ lá ƃo kûɛ a gɛ́ɛ kú Kôrai ŋɔloo-mɛnii lɛ́, nyíi ŋ́gaa kpini-pɛrɛ mu mɛni mai,

Temete Veerɛi 2:19

Kɛ́lɛ, Ɣâla ŋɔmɛni kɔ́ɔ pîlaŋɔɔi káa tɔ̂ɔni a gbanaŋɔɔ ŋ̀óo-ŋai ŋí pɔ̃yɛɛ ma: “Kúnuu-namui e dîai kɔ́lɔŋ díkaa a bɔ́ɔi.” “Tɔɔ dîai kélee da Kúnuu-namui láa tòlii dí disu kula ŋwana-lɔɔ ma.”

Pitɛ Maa-ŋuŋ 1:12

Ɣâla è ǹɛ dîa a gɛɛ dífe tíi kɛ́ ni díkpîŋ mì, kɛ́lɛ, dí tíi kɛ̀ kâa, mɛni-ŋai sarâi nyíi-ŋai diai Duŋ Lɛ́lɛɛi ƃo kâa M̀ɔlêŋ Maa Waai nyíi kula Ɣâla-taai zarâi. Dí mɛni-ŋai ƃò kâa, ŋ̀âla-taa kela-ŋai díkaa ŋ̀wɛ̂lii kpɔ́ a gbanaŋɔɔ a gɛɛ dí ŋ̀á káa.

Zɔ̂ŋ Maa-ŋuŋ 4:6

Kúkaa a Ɣâla pɔ́ɔ. Ǹúui kélee Ɣâla kɔ́lɔŋ, a ŋ̀óli tɔ̀ɔ kûa, ǹyaŋ ǹúui vé a Ɣâla pɔ́ɔi, va ŋ̀óli tɔ̀ɔ kûa. Nyíŋi su ƃe kwa dɔ̃yâ-mɔleŋ da ǹɛ́ɛ-mɔleŋ kɔ̀lɔŋ naa.

Zɔ̂ŋ Zaaƃai 1:14

Gáa ŋ́gili ŋá a gɛɛ ŋá íkaa a maa félaa, ǹyaŋ kwa pâi lônoi kúkîe pɔ.

M̀ɛni-lɛɛi 20:15

Ǹyaŋ à kɛ̀ dífe núu da láa káa ní vúlu-laa-kɔlɔi su, dí maa-nuui píli ŋɔŋ kɛ́tɛi su nyíi gáa yɛ̂ɛ poai.

M̀ɛni-lɛɛi 3:20

Gáa, ŋ́gaa tɔɔ ni gbôŋ lá ŋ́gɛ dua. A kɛ̀ núu da kélee à ŋ́oo mɛ̀ni é gbôŋ lá ƃó, ŋa pâi pâi bɔ kwa ǹyaa ku sée ku kúlaa mii gîe ma.

M̀ɛni-lɛɛi 7:17

Kpɛ́ni fêi, M̀ála-loŋ gáa gâloŋ-see-sɛŋ samai, a pâi kɛ̂i a diai a m̀ála-ŋai dímɛi-kaa-nuu., É tɔ́ɔ dítuɛ é lí a dia vúlu-laa ya-loŋ lá. Ǹyaŋ Ɣâla a pâi díŋɛi-ya kélee kɔɔ̂i díŋɛi.”