Zɔ̂ŋ 1:7 - Ŋ̀âla Kɔlɔ Maa Waai

⁷ È pà sêre-faa kɛ́ mɛni ma. È gwaa-ponoɔi maa-sêre-faa kɛ̀ a gɛɛ núu kélee é láa la zarâi.

Zɔ̂ŋ 1:7 ပူးပေါင်းရင်းမြစ်များ

Malakai 3:1

Ŋ̀wála-wâla kélee Yâwɛɛ a môi ǹyɛɛi, “Ŋa pâi ŋáworɛ̂-woo ƃó-nuui tɛɛ̂i a gɛɛ é ŋáperei su kpɛtɛ. À kɛ̀ tí, Ŋ̀âlai ka gɔ̂rii a pâi pâi Ŋɔpɛ́rɛi Kɛ́tɛi mu a maa félaa. Gɛ̀ ní ŋ̀orɛ̂-woo ƃó-nuui ka wɔ́lɔ berei kâai, a pâi pâi é ŋáworɛ̂-wooi ƃó kâa.”

Zɔ̂ŋ 1:12

Ǹúui kélee ǹyée sèe mùi, é ǹáa síɣe a tɔ̃yâi, è wála-wâla tɛ̀ɛ dípɔ a gɛɛ dí kɛ́ a Ɣâla lônii,

Zɔ̂ŋ 1:15

Zɔ̂ŋ è maa-sêre-faa kɛ̀ é láɣi la, ǹyɛɛi, “Ǹyaa ƃe ŋá kɛ̀ faâi ma, ńyɛɛi, ‘Ǹúui gáa pâi ḿbôlu mai, gáa ḿɛi. Kpɛ́ni fêi, ǹyaa fúlɔi è kɛ̀ ɣele ma.’ ”

Zɔ̂ŋ 1:19

Zɔ̂ŋ ǹyaŋ ŋɔsêre-faai ká ŋí, tãi Zûu-ŋai dí zâla láa soŋ-ƃela kpaya-kpayai da Liivai-ŋai kùla Zerusâlɛŋ dí dítɛɛ m̀are kɛ̂i, dîyɛɛ mà, “Gbɛ̂ɛ ƃa yâ?”

Zɔ̂ŋ 1:36

È ŋ̀ɛi pîlaŋ Zîsɛ ma gɛ sia, ǹyɛɛ, “Ka Ɣâla Ŋɔƃála-loŋ káa!”

Zɔ̂ŋ 1:9

Dɔ̃yâ kwaa-ponoɔi nyii a fôlo núu-kpune kélee mai, è kɛ̀ pâi ǹɔii su.

Zia-ƃelai Kɛ́-mɛni-ŋai 19:4

Pɔ̂ɔ è mò dîa ǹyɛɛi, “Zɔ̂ŋ è batâi kɛ̀ lii-pene mɛni ma, gɛ́ m̀o ǹûai dîa a gɛ́ɛ dí láa a ǹúui nyíi kɛ̀ pâi pâi bôlu mai. M̀aa-nuui ƃa Zîsɛ.”

Galesiɛŋ 3:26

Kpɛ́ni fêi, kákelee kákaa a Ɣâla ŋɔnîa-pɛlɛɛ Zîsɛ Kôrai kponôi laa-la sarâi.

Ifisiɛŋ 3:9

Ɣâla è m̀ɛlɛ-seei ŋí tɛ̀ɛ ḿbɔ a gɛ́ɛ ŋá gɛ́ núu kélee é noo-mɛnii káa nyíi zɛŋ kélee kpɛtɛ-Ɣalai è nòo a tãi su kôyaai,

Temete Maa-ŋuŋ 2:4

nyíi ŋ̀wɛ̂lii a gɛ́ɛ núu kélee é ƃálo dí dɔ̃yâi maa-tare kɔ́lɔŋ.

Taitɔ 2:11

Kpɛ́ni fêi, Ɣâla ŋɔƃɛlɛ-sêei a pá núu kélee ƃalo mɛni ma.

Pitɛ Veerɛi 3:9

Kúnuu-namui maa fé tínaŋ ní ŋɔkono-teei ŋa-see kɛ́ mɛni ma yɛ̂ɛ berei núu da-ŋa da dòli la a maa tinaŋ. Kɛ́lɛ, a ǹíi kpèle kâa, va ŋ̀wɛli núu da kélee é sáa. Kɛ́lɛ, a ŋ̀wɛli núu kélee é ǹíi pene.