Zɔ̂ŋ 1:3 - Ŋ̀âla Kɔlɔ Maa Waai

³ Sɛŋ kélee è kpɛ̀tɛ zarâi, ǹyaŋ sɛŋ da kélee fé kɛ́ ní a gbɛ́tɛɛ ŋ̀ɛi pôlu nyii kɛ̀ a gbɛtɛɛ̂i.

Zɔ̂ŋ 1:3 ပူးပေါင်းရင်းမြစ်များ

Zɛnɛse 1:1

Gɔ́ɔ pîlanii Ɣâla è ŋ̀elei kpɛ̂tɛ da ǹɔii.

Zɛnɛse 1:26

Nya ƃe Ɣâla è nâa mò ǹyɛɛ, “Kwaa kú núu-kpune kpɛtɛ a kúƃoloŋ maa é kɛ́ nyɛ̃ɛ-ŋai mɛi, ŋɔni-ŋai, daa-tulɛ-ŋai, é kɛ́ ǹɔii kélee mɛi da tɔara-sãa kélee.”

Wule-woo-ŋa 102:25

Yá ƃé ǹɔii kpɛ̂tɛ tãi su kôyaa tɛɛ pôlu ma, í ŋ̀elei kpɛtɛ a yá kpîŋ íyee.

Wule-woo-ŋa 33:6

Yâwɛɛ è ŋ̀ele-kɔlɔŋ-ŋai kpɛ̂tɛ a ŋ̀óo, da dísu sãa kélee, vóloi, ŋ̀áloŋ da bɛmɛlɛŋ kao-ŋai.

Táre-woo-ŋa 8:30

Ŋá kɛ̀ gɔlɛ ma a ŋɔkpɔŋ maa-nuu ḿaa mɛ̂ni kɛ́ ńii làa a ɣele kélee. Ŋá kɛ̀ naa ŋ́gɛ lii nɛ̃ɛ kùla.

Azaya 45:12

Ŋá ǹɔii kpɛ̂tɛ, ŋá núu-kpune kpɛ̀tɛ, ŋá bú naa mɛi. Ńyãa ƃé ŋ̀elei kpɛ̀tɛ da zu sãa kélee. Ńyãa ƃa vóloi, ŋ̀áloŋ da bɛmɛlɛŋ-kao-ŋai kélee téniŋ tɔ̀ɔ.

Azaya 45:18

Yâwɛɛ ƃé ŋ̀ele-kɔ̂lɔŋ-ŋai kpɛ̀tɛ. Ǹyaa nɔ́ ƃa Ɣâla! Ǹyaa ƃé ǹɔii pù gîe ma, é gbɛ̀tɛ. È gbɛ̀tɛ a gbanaŋɔɔ. Gáa naa wɔ́lɔ-wɔlɔ da wɔlɔ-wɔlɔ. Vé gbɛ̀tɛ ní kpɛ́ni-kpɛni. È gbɛ̀tɛ a núu-kpune kɛ̂i. Ǹyaa ƃé m̀o ǹyɛɛi, “Ńyãa ƃa Yâwɛɛ. Ɣâla da kpɛ́ni fé naa é kúla ḿbôlu.

Zɔ̂ŋ 1:10

È kɛ̀ ǹɔii su, ǹɔii ǹyaŋ è kpɛ̀tɛ zarâi, kɛ́lɛ, ǹɔii fé gɔ́lɔni.

Zɔ̂ŋ 1:2

È kɛ̀ Ɣâla kɔlɛ a gɔ́ɔ pîlanii.

Kɔleŋtiɛŋ Maa-ŋuŋ 8:6

É máŋ kɛ́ tí, a kɛ̀ a kúa, Ɣâla tɔnɔ nɔ́ ƃe gáa naa. Ǹyaa ƃa Nàŋ-nuui nyíi sɛŋ kélee è kùla ǹyêei da nyíi kúkaa ɣele ma mɛni mai. Nuu-namu tɔnɔ nɔ́ ƃe gáa naa. Ǹyaa ƃa Zîsɛ Kôrai, nyíi sɛŋ kélee káa ɣele ma zarâi da nyíi kúkaa ɣele ma zarâi.

Ifisiɛŋ 3:9

Ɣâla è m̀ɛlɛ-seei ŋí tɛ̀ɛ ḿbɔ a gɛ́ɛ ŋá gɛ́ núu kélee é noo-mɛnii káa nyíi zɛŋ kélee kpɛtɛ-Ɣalai è nòo a tãi su kôyaai,

Ibulu 11:3

Laa-la sarâi ƃe kwa târe la zu a gɛɛ Ɣâla è ŋ̀éniɛi kpɛ̀tɛ a ŋ̀óo, ǹyaŋ zãâi kwa díkâai é díkpɛ̀tɛ a zãâi kúfa díkàai.

Zɔ̂ŋ Maa-ŋuŋ 5:1

Ǹúui kélee a lâa la a gɛɛ Zîsɛ káa a Kôrai, maa-nuui káa a Ɣâla ǹóŋ. Ǹúui kélee a nàŋ-nuui wɛ̂lii, è ǹônii wɛ́li ni máŋ.

M̀ɛni-lɛɛi 3:14

“Ŋ̀óo-ŋai ŋí pɔ̃yɛ Kôrai-toli-kpɔŋ gáa Leodisiɛi ŋɔkélai pɔ́naa: ‘É kɛ́ tí, nyíi gáa a dɔ̃yâ-sere-faa kɛ-nuu sã́ai, nyíi gáa a Ɣâla ŋɔsɛŋ-kpɛtɛɛi kɔ́ɔ-pîlanii wóo ká ni.

M̀ɛni-lɛɛi 4:11

“Ímaa nɛ̃ɛ̂i, Kúnuu-namui da Kúɣâlai, a gɛɛ í folo-laa, ƃaa-kɛ-maa, da wala-wala sɔlɔ ƃo, kpɛni fêi, í sɛŋ kélee kpɛ̀tɛ, ǹyaŋ í díkpɛ̀tɛ, dí ƃo ɣele ma a ínîa-mɛnii.”