Izikiɛ 8:3 - Ŋ̀âla Kɔlɔ Maa Waai

³ È sɛŋ da kɛ́ɛ yɛ̂ɛ ǹúu yèe sãa, é ńzôŋ a ŋuŋ-leɣa. Mɔ̃lêŋ è ńdɛ ŋ̀elei su, é pá a ńyãa zĩ̂a su Zerusâlɛŋ. È ńziɣe é lí a ńyãa bɛrɛ mu pere siɣãŋ ŋɔkpôŋ láƃelei nyii kɛ̀ yá-ŋua pere Ŋ̀âla-pɛrɛ Kɛ́tɛi mai. Ɣâla pɔkɔɔŋ kɛ́tɛ tɔnɔ è kɛ̀ gwaai ŋí mâ nyii gɛ̀ Yâwɛɛ é ǹíi ŋwana kpɔ́ a ŋ̀anaai.

Izikiɛ 8:3 ပူးပေါင်းရင်းမြစ်များ

Dutɛrɔnome 32:16

Dí gɛ̀ Yâwɛɛ é ǹíi ŋwána dîa díɣâla da kpɛ́ni-ŋai fɛli mɛni ma.

Izikiɛ 11:1

Ɣâla ŋɔmɔ̂leŋ è ńzîɣe é pá a ńyãa vóloi kulâi pere siɣãŋ-la Yâwɛɛ ŋɔpɛ́rɛ kɛ́tɛi-la. Tãi ŋá ziɣãŋ-laƃelei kàa lai, ŋá kpakolo buu-feerɛ kao-lɔ́ɔlu kâa naa. Azɔɔ ǹóŋ Zezania da Bɛnaya ǹóŋ Pelatia nyii-ŋai kɛ̀ a Eezuɛ-ŋai laa-tuɛ ƃelai díkɛ máŋ dísama.

Izikiɛ 5:11

“M̀ɛni ma, Ŋ̀wála-wâla kélee Ɣalai è mò ǹyɛɛi, ‘Tɔ̃yâ ma, tãi nɔ́ ka ŋápɛrɛ-maa waai maa tĩa kara la a ɣâla-pɔkɔɔŋ-ŋa da sâla nyɔ́mɔɔ-ŋa kulaai, ŋa pâi ǹyée kulâi ká mu. Ḿve pâi ká malôŋ kâai a dɔnɔ kpîŋ.

Danîa 5:5

È kɛ̀ kpɔ́ nɔ́ tí dí núu yée-gbua-ŋa káa bɛrɛ-kaŋ ma gâloŋ-pɛrɛi mu gɛ́ wóo-ŋa pɔ̃yɛ bɛ́rɛ kâŋ ma, laŋpo wurui tɔɔ̂i kɔlɛ ma. Gâloŋ è kɛ ǹúu yeei maa kpɛɛ̂i nyii kɛ̀ ŋ̀óoi pɔ̃yɛ̂i.

Izikiɛ 40:2

Ɣâla è ńzîɣe zĩ̂a su é lí a ńyãa Eezuɛ lɔii su. È ńzèe yée kɛ́tɛ tɔnɔ tôŋ su. Tãi ŋá ńduɛ pere kàa lai, ǹaa è kɛ̀ yɛ̂ɛ taa lêe tɔnɔ.

Izikiɛ 11:24

Nya ƃe Ɣâla ŋɔmɔ̂leŋ è ńzìɣe zĩ̂ai su é pá a ńyãa gɔ-sôŋ-ŋai pɔ naa Babelɔŋ. Gɛɛ tii, zĩ̂ai ŋa gaai è nâa kula ŋ̀ɛi.

Izikiɛ 2:9

Ǹyaŋ tãi ŋá nàa kàa lai, ŋá núu yée kàa zã́a ḿbɔ naa pere, kɔlɔ-pɔ̃yɛɛ kɛ́ ƃò zu.

Dutɛrɔnome 32:21

Da ŋ́gɛ, ŋ́gɛ tólo kùla. Díɣâla da kpɛ́ni-ŋa fɛli mɛnii a gɛ́ ŋa níi ŋwána dîa. Ŋa pâi díkɛi díkɛ tólo kula kpɛ́ni fêi ŋa pâi lûwa toôi ǹɔii ŋûŋ da kpɛ́ni-ŋa dîa. Ŋa pâi gɛ̂i lɔii-ŋuŋ nyii kɛ̂i fé mai é dílii ŋwána. Ŋa pâi dítolo kula ǹɔii-ŋûŋ-ŋai dîa dífa mɛni ŋá kaai.

Dutɛrɔnome 6:15

kpɛ́ni fêi, Káɣâlai Yâwɛɛ káa a tólo Ɣâla. Ǹíi a pâi ŋwânai kâa é kásu kara ǹɔii su.

Dutɛrɔnome 5:9

ká pɛ́lɛ gɔ́ɔ mu ka vɛli, kpɛ́ni fêi, Ńyãai a Káɣâlai Yâwɛɛ ŋ́gaa a tólo ɣala. Ŋa ǹûai dísɔnyɔ̂ŋ gula maa kɛ̀ a dia. Diai da ŋ́gbɔarai ŋá díkula-maa kɛ̀. Ŋa dílônii díwɔ̂ lonii da díwɔ̂ lônii da díwɔ̂ lônii kula-maa kɛ́.

Dutɛrɔnome 4:24

Kpɛ́ni fêi, Yâwɛɛ káa yɛ̂ɛ ŋɔŋ, dóloɔɔ.

Ɛsedɔ 20:5

Ífe pɛ̀lɛ díkɔɔ mu kpaa máŋ í dífɛli. Kpɛ́ni fêi, ńyãai a Yâwɛɛ Íɣâlai, ŋ́gaa a tólo Ɣala. Ŋa lóŋ-naŋ-ŋa kélee dísɔnyɔ̂ŋ maa tɔ̂ŋ pú dílônii dîa. Ŋa bù dílônii díwɔ-lônii dîa da díwɔ lonii nyii-ŋai da ŋ́gbɔarai.

Zia-ƃelai Kɛ́-mɛni-ŋai 8:39

Díkulaa ǹyái sui, Kúnuu-namui ŋɔmɔ̂leŋ è Fele sìɣe. Ǹalôŋ fé gáa ní ŋɔ́nɔ. È lì kpɔ́ a líi-nɛ̃ɛ.

Danîa 10:18

È ǹyée lɛ̀ɣɛ ŋɔ́nɔ ḿâ ŋ́gonôi é kpanáŋ.

Danîa 10:10

È ńyee sòŋ, ŋá mu-sìɣe, ŋá pîlaŋ ŋ́gbêleŋ ŋá, ńyee pîlaŋɔɔ, ḿaa kɛ́ kpɛ̃liŋ

Izikiɛ 8:5

Naa kɛ́ɛ tii, è mò mâ ǹyɛɛi, “Núu-kpune ǹóŋ íŋuŋ mu siɣe í ŋ̀âla-teƃelei m̀éla nyii gáa yá-ŋua pere naa kaa.” Nya ƃe ŋá ŋuŋ mu siɣe ŋá ya-ŋua kpòŋ láƃelei pere kaa. Ŋá ɣâla-pɔkɔɔŋ ta káa naa nyii m̀ɛlɛ fé kɛ̀ ní Ɣâla koi.

Izikiɛ 7:20

Dígôo-ŋai da díkane yɔlɛ-ŋai dí gɛ̀ dísu mɛ̂ni é kɛ́tɛ díkɛ díɣâla pɔkɔɔŋ ŋai kpɛtɛ la da pɔkɔɔŋ nyɔmɔɔ-ŋai. M̀aa mɛ̂ni ƃe ŋa pâi zãai ŋí kɛ̂i m̀ɛlɛ é kpɛɛ díkoi.

Izikiɛ 3:14

Mɔ̂leŋ è ńdɛ ɣêlei é lí a ńyãa. Ńii è kɛ̀ kpɔ́ a ŋ̀wánaa. Kɛ́lɛ Yâwɛɛ yée è kɛ̀ kpɔ́ ḿâ a gbanaŋɔɔ.

Izikiɛ 3:12

Nya ƃe mɔ̂leŋ è ńzîɣe é ńdɛ ŋ̀elei su. Yâwɛɛ ŋɔfólo-laai è nâa siɣe dɔɔ̂i. Ŋá tíŋ kɛ́tɛ da mɛ̀ni yɛɛ ǹɔii a kɛ̀ pûi zu.

Zɛlemaya 32:34

Dí díɣâla-pɔkɔɔŋ ƃɛlɛ-kpɛɛ ŋ́goi tɔ̀ɔ Ŋ̀âla-pɛrɛ Kɛ́tɛi mu ƃɛ́i nûa da ḿvɛ̀li naai, dí ńaa sée m̀a. M̀ɛni ma da Ŋápɛrɛi maa-tĩa kara.

Zɛlemaya 7:30

“Zuda-ƃelai da mɛni nyɔ́mɔɔ kɛ́ ŋ́ɛi túɛ. Da dísãâ ƃɛlɛ kpɛɛ ŋ́goi sée ŋápɛrɛi mu da m̀aa tĩ̂a kara.

Wule-woo-ŋa 78:58

Dí díkpîŋ ɣala-ŋa fɛli kwaa-ŋa ma kpɛ̀tɛ, díkɛ díkpîŋ kpɛtɛ ɣâla-ŋai fɛli naa.

Kâloŋ Veerɛi 21:7

Yâwɛɛ è wɔ́lɔ mò gâloŋ Deeƃé da ǹóŋ Saloma ma, “Ŋâla-pɛrɛ Kɛ́tɛi ŋí mu da Zerusâlɛŋ taa-leei su ƃé ŋa dí síɣe zu Eezuɛ lɔii kélee su a gɛɛ ŋa ŋ̀wɛ̂lii ǹûai kélee díkɛ ḿvɛlîi naa. Naa káa a ŋ́gbɔɔi pɔ̀ɔ. Ńaa a pâi kɛ̂i naa ma ǹyaŋ naa ƃé da pâi kɛ̂i ḿvɛlîi naa wɔ́lɔ-wɔlɔ da wɔ́lɔ-wɔlɔ. Ŋ̀âla-pɛrɛi ŋí mu ƃé Manasɛ è ŋ̀úru kôyaai tɔ̀ɔ naa ŋ̀âla-pɔkɔɔŋ Asira fɛli mɛni ma.”

Kâloŋ Veerɛi 16:14

Nyíti pôlu ma, è m̀ara Ɣâla-teƃelei kùla zeêi é ŋ̀âla-teƃelei ninai sée bɔ́ɔ ŋá. È m̀ara Ɣâla-teƃele pɔlɔi sèe ŋ̀âla-teƃele ninai ŋɔyá-ŋua pere. È nyíŋi kɛ̀ kpɛ́ni fêi, è kɛ̀ ŋ̀wɛ̂lii a gɛɛ ŋɔɣâla-teƃelei ŋí é kɛ́ Yâwɛɛ ŋɔpɛ́rɛ kɛ́tɛi ŋɛ́i-tuɛ.

Kâloŋ Veerɛi 2:16

Dí mò ma dîyɛɛi, “Ƃɛ́ káa, kúai a íyee mu-ƃelai, kponoi kpânaŋ-ƃela buu lɔ́ɔlu díkaa kúyêei. Ǹɛɛ naa dí lí dí ínuu-namui kɔ́ri. Tãi da Yâwɛɛ Ŋɔmɔ̂leŋ è zìɣe é zee ǹyée-ŋai da tôŋ su kpaa máŋ diŋ-tiŋ-ŋai da su.” Ilasa è zu tòo ǹyɛɛi, “Kpao, káfe dí tɛ̀ɛ.”

Kâloŋ Maa-ŋuŋ 18:12

Ŋà kùla íkɔlɛ fé ƃɛ́i kɔ́lɔŋ Yâwɛɛ ŋɔmɔ̂leŋ a pâi liî naa a ƃíai. À kɛ̀ ŋà lì ŋà mò Eɣa ma à pà a wàla íkaa, a pâi ḿbaâi. Ŋa ŋ̀wɛ̂lii í gɔ́lɔŋ a gɛ́ɛ, ńyãai a íyee mu-nuui ŋa Yâwɛɛ fɛ̀li é síɣe ŋá núu tɔɔ tãi ma.

Zasua 24:19

Kɛ́lɛ, Zasua è m̀o ǹûai dîa ǹyɛɛi, “Káfa pɔ̂ri Yâwɛɛ fɛlîi, kpɛ́ni fêi, gáa a Ɣâla nyíi m̀aa waai, gɛ́ ƃò a tólo Ɣala. Vé pâi kásu mɛ̂ni lɛɛ̂i kátua pere nyɔ̂ŋ-ŋai mɛni ma, kpaa kásɔnyɔ̂ŋ-ŋai mɛ̂ni ma.

Ɛsedɔ 34:14

“Káfe Ɣâla da kpɛ́ni fɛ̀li. Kpɛ́ni fêi, Ńyãai a Yâwɛɛ, ŋ́gaa a tólo Ɣâla.

Ɛsedɔ 20:4

“Ífe ɣâla da kpɛ́ni kpɛ̀tɛ ímɛni ma í ḿolôŋ sɛŋ nyii kélee gáa ŋ̀elei su da sɛŋ nyii kélee gáa ǹɔii ma da nyii kélee gáa ǹyái su ǹɔii sui dîa.

Izikiɛ 1:1

Ńyãa Izikiɛ, ŋ́gaa a sâla láa-soŋ nûu. Ńâŋ láa ƃa Buzi. Tãi kwa ḿarâa kɔ-soŋ-ŋai kú wɔ́lɔ kɛ̀ la Siƃa Ya-leei kɔlɛi, Ɣâla è lòno ḿbɔ. È kɛ̀ a kúkɛɛ gɔ-soŋ perei sui ŋɔkóraŋ buu-saaƃai, ŋɔŋáloŋ ǹáaŋ ŋɔfólo lɔ́ɔlu ɣele. Góraŋ ŋí ƃé Gâloŋ Zɛoasiŋ kɛ̀ la a kóraŋ lɔ́ɔlu gɔ-sôŋ laai su. Tãi ŋí ƃé ŋ̀ele-kɔlɔŋ láa è ƃò la ŋá zĩ̂a-ŋa káa gɛ́ pìlaŋ Ɣâla ma. Tãi ŋí yée mu, kúkɛ Siƃa Ya-leei kɔlɛ Babelɔŋ lɔii su. Yâwɛɛ è kɛ̀ ḿbôlu a m̀aa tãi tí.

Izikiɛ 10:3

Ŋ̀âla-taa kôoŋ-sãai díkɛ̀ tɔɔ̂ni Ŋ̀âla-pɛrɛ Kɛ́tɛi kaŋ kɔlɛ yá-kwara pere. Tãi ǹalôŋ è lɔ́ la naai, ŋ̀ele-kɔ̂lɔŋ-kolei è ziɣãŋ su pere siɣãŋ láa fɛ̀ɛ.

Izikiɛ 37:1

Yâwɛɛ ŋɔmɔlêŋ è pà ḿɛi é ńziɣe é lí a ńyãa é ńzee diŋ-tiŋ su ƃɛ́i núu-kao támaa díkɛ̀ naai.

Izikiɛ 43:5

Nya ƃe Yâwɛɛ ŋɔmɔ̂leŋ è ńziɣe é lɔ́ a ńyãa ziɣãŋ su-pere ŋ̀ɔi su. Yâwɛɛ ŋɔfólo-laai è kɛ̀ kpɔ́ a Ŋ̀âla-pɛrɛ Kɛ́tɛi láa fɛ́ɛ.

Izikiɛ 43:8

Eezuɛ kaloŋ-ŋai dí dípɛrɛ-ŋai lɛ̂ɛ a ŋá-pɛrɛi. Pɛ́rɛ kâŋ nɔ́ ƃé kɛ̀ kúloai. Dí dípɛrɛ-ŋai láƃelei kùla ŋ́ɔ̂i kɔlɛ ma dí díkpôŋ-ŋai lá kúla ŋápɛrɛi láƃelei kɔlɛ ma. Ǹûai ŋí ni da ŋápɛrɛi maa-waai maa tĩa kara a m̀ɛni nyɔ́mɔɔ-ŋai da gɛ̀i. M̀ɛni ma, ŋá ńii ŋwàna dîa ŋá dí su kàra.

Izikiɛ 9:2

Naa kɛ́ɛ tii, núu lɔ́ɔlu mɛi da dí kula ziɣãŋ la nyii ǹá è kɛ̀ a gúlaa yá-ŋua pere Ŋ̀âla-pɛrɛ Kɛ́tɛi la perei dí pa. Díkelee díkɔ-kɔ-sãai kɛ ƃo díyeei. Núu tɔnɔ è kɛ̀ dísama nyii kɛ a maa ɣiriɛɛ a seɣe nɛnɛ-fɛfɛ sɛŋ ta è kɛ̀ ǹyéei nyii da kɔlɔ pɔ̃yɛɛ lai. Nya ƃe dí li dítɔɔ m̀ara-ɣâla teƃelei kɔlɛ.