Izikiɛ 7:3 - Ŋ̀âla Kɔlɔ Maa Waai

³ “M̀ɛnii gbɛɛ-ŋai aâ pá ká mɛ̂ni ma. Ǹyaŋ ŋa pâi ǹíi ŋwanai kâa. Ŋa pâi ká mɛni-ŋai ŋá teei yɛ̂ɛ berei kátua-pere káa lai. Ŋa pâi kákula maa kɛ̂i ká tua pere nyɔ̂ŋ ŋánaai mɛ̂ni ma.

Izikiɛ 7:3 ပူးပေါင်းရင်းမြစ်များ

Zɛnɛse 6:13

Ɣâla è mò Nôa ma ǹyɛɛi, “Ŋa gbɛ̀tɛ ŋ́gili ŋa a gɛɛ ŋá fúlu-sãa kélee su kara, kpɛ́ni fêi, ǹɔii láa fɛɛ̂i a díŋwana-lɔɔi. Mɛni ma ŋa pâi dísu karâi.

Azaya 47:7

Íkɛ gâai ya pâi lɛɛ̂i ǹɛnî kâloŋ-laai su wɔ́lɔ-wɔlɔ da wɔ́lɔ-wɔlɔ. M̀ɛni ƃé í ínûai sòŋ la a ǹyɔ́mɔɔ. Ífe íkili ŋá sia ní a gɛ́ɛ mɛni kélee kóyaŋ káa ma.

Zɛlemaya 13:14

À kɛ̀ tí, ŋa pâi dítôoi ŋá díwolo yɛ̂ɛ gònoŋ-ŋa da sɔ̀ɔ díkîe-ni dîa. Ŋa m̀ɛni ŋí kɛ̂i a ǹúu pɔ̂lɔ-ŋai da ǹyáŋkpa-ŋai kélee. Ḿve pâi díŋɛi malôŋ kâai a dɔnɔ kpîŋ. Ŋa pâi dípaâi.”

Izikiɛ 11:21

Kɛ́lɛ, ŋa pâi diai da zãa nyɔ́mɔ-ŋai da ŋ̀âla-pɔkɔɔŋ-ŋai fɛlii, díkula maa kɛ̂i. Ŋa pâi díkula maa kɛi mɛni nyɔmɔɔ-ŋai mɛ̂ni ma nyii ŋai dí gɛi.” Ńyãa Yâwɛɛ Ɣâla ƃe mò ti.

Izikiɛ 16:38

Ŋa pâi ǹíi ŋwanai ŋa íkula maa kɛ yɛ̂ɛ nɛnî ƃe a ǹyée kula sirɛ-kaa mɛ̂ni su, kpaa máŋ yɛ̂ɛ núu-paa ǹûui. Ŋa pâi í kula maa kɛ̂i a ípâa.

Izikiɛ 16:43

Kpɛ́ni fêi ya nîa m̀ɛnii m̀â ŋá gɛ a yâ a tãi íkɛ la a lôloŋ. Kɛ́lɛ í ǹíi ŋwana mɛ̂ni kɛ́ a ítûa-pere. M̀ɛni ƃé ŋá gɛ la í ísɔnyɔ̂ŋ mãa fela-fêi kɛ. Lé mɛni ƃé í wulu-wulu kɛ́ mɛni tòo la í mɛni nyɔ́mɔ-ŋai diai?” Ŋ̀wála-wâla kélee Yâwɛɛi ƃé mò tí.

Izikiɛ 16:59

Ŋ̀wála-wâla kélee Yâwɛɛi è mò ǹyɛɛi, “Ŋa pâi í kula-maa kɛ̂i yɛ̂ɛ berei ítûa pere káa lai. Kpɛ́ni fêi yâ í pôlu tɔɔ ŋá kono-teei mâ, ya ŋátɔ̂ŋ kara.

Izikiɛ 18:30

“M̀ɛni ma ńyãai a Ŋ̀wála-wâla kélee Yâwɛɛi, ŋa pâi ká mɛnii ŋá têei káai a Eezuɛ-ƃelai yɛ̂ɛ berei ká tûa-perei káa la tɛi-tɛ́i. Ka kálii pene ká kápôlu tɔɔ kásɔnyɔ̂ŋ-ŋai dîa a gɛɛ kásɔnyɔ̂ŋ fa lâ ká lɛ́ la.

Izikiɛ 21:25

“Kaai a Eezuɛ mɛi-ƃela ŋwana-lɔ̂ɔi, ká mɔ̃lɛ-laai gbɛɛ-ŋai ŋɔ tãi a seri.

Izikiɛ 22:31

M̀ɛni m̀a, ŋa pâi ńii ŋwanai dîa. Ŋa pâi díkereni a ŋá lii-ŋwanai. Ǹyaŋ ŋa pâi díkereni a ŋálii-ŋwanai dímɛni nyɔ́mɔɔi mɛ̂ni ma yɛ̂ɛ ŋɔŋ a sɛŋ kêreŋ. Ńyãai a Ŋ̀wála-wâla kélee Yâwɛɛi ńyãa ƃé mò tí.”

Izikiɛ 24:14

Ńyãa Yâwɛɛ ƃé mò tí. Ǹyaŋ ŋàa see a pâi kɛ̂i. Ŋa pâi gɛ́i tí. Ḿve pâi kɔyɛ̃nii perêi. Ḿve pâi í malôŋ kâai. Ḿve pâi ǹíi penei. Ŋa pâi íkula maa kɛ̂i yɛ̂ɛ berei ítâa-pere káa lai. Ńyãa Yâwɛɛ ńyãa ƃé mò tí.”

Izikiɛ 33:20

Kɛ́lɛ Eezuɛ-ƃelai dí mò a gɛɛ ńdûa-pere fé lɛ́lɛ ní, m̀ɛni ma, ŋa pâi dí mɛnii ŋá têei yɛ̂ɛ berei dí tûa pere káa lai.”

Izikiɛ 36:19

Ŋá díkula maa kɛ̂ dítûa-perei-ŋai mɛ̂ni ma ŋá dítaa tâa lɔii-ŋuŋ da kpɛ́ni-ŋa su. Ŋá díkula maa kɛ̂ dí mɛni nyɔ́mɔɔi mɛ̂ni ma.

Izikiɛ 5:12

Kákpulu sêei saaƃai dɔnɔ a pâi saâi a puru, kpaa máŋ a kɔlɔ-fela nyɔ́mɔ. Kákpɔara-ƃela da pâi ká paâi a ƃóa-sɔkpɔ. Ǹyaŋ ŋa pâi kákpulu dɔnɔ táa tâai a fãa, ŋá dí kpɛ́ a ƃóa-sɔkpɔ kuláa daâi.’

Izikiɛ 5:13

“Gɛ̀ ní, ŋálii ŋwânai ŋáa a pâi yenîi. Ŋá ńii ŋwàna dîa a gɛɛ ńii é láa. Ǹyaŋ tãi ŋa pâi ńii ŋwânai la dîai, da pâi gɔ́lɔnîi a gɛɛ Ńyãa ƃa Yâwɛɛ nyii lòno dípɔ a wála-wala laai.

Izikiɛ 7:2

“Nuu-kpune ǹóŋ, mò Eezuɛ-ŋai dîa yɛ̂ɛi, Ŋ̀wála-wâla kélee Ɣâlai ǹyɛɛi, m̀ɛnii kélee kpɛɛ-ŋa aâ seri! Mɛni-kpɛɛ ŋa aâ pá ǹɔii m̀éla náaŋ mɛ̂ni ma.

Izikiɛ 7:27

Malôŋ a pâi toôi galoŋ mâ. Lii-too pôlu a pâi kɛ̂i galoŋ ŋɔtíi-kɛ-ƃelai dîa. Ǹûai da pâi yaôi ǹɔii su díyee kɛ́ kpɛ̃liŋ. Ŋa pâi díkula maa kɛ̂i yɛ̂ɛ berei dítua-pere káa lai. Ŋa pâi dímɛnii-ŋá teêi yɛ̂ɛ berei da díƃaraai dímɛnii ŋa tèe lai. Nyiŋi a pâi ǹɛi kâa a gɛɛ ńyãa ƃa Yâwɛɛ.”

Izikiɛ 7:4

Ḿve pâi ká sɔnyɔ̂ŋ-ŋai su mɛni lɛɛ̂i, kpaa máŋ ŋá ká ŋ̀ɛ́i maloŋ káa. Ŋá pâi ká kula maa kɛ̂i ká mɛni nyɔmɔɔ̂i maa mɛ̂ni ma. À kɛ̀ tí, ka pâi gɔlɔni a gɛɛ ńyãa ƃa Yâwɛɛ.”

Izikiɛ 9:10

M̀ɛni ma ḿve pâi díŋɛi malôŋ kaai. Dí tɔnɔ kpîŋ fé pâi lɛɛ̂i. Ŋa pâi tuai a dîa yɛ̂ɛ berei dítua la a díƃaraai.”

Osia 12:3

Dílɛɛ pâi Zeeka da ǹîa maa-sɔlɔ ƃôi, è ǹîa túme sòŋ. Tãi è kɛ̀tɛ lai da Ɣâla dí kɔrɔ-ma kɔ̀.

Emɔ 8:2

È mò ǹyɛɛi, “Emɔ, lé ƃé ƃa gâai?” Ǹyɛɛ mà, “Wúru-ƃa kpɔ̂lu kpɔlɔ tɔnɔ.” Nya ƃe Ɣâla Yâwɛɛ è mò ḿâ, ǹyɛɛ, “Ŋánûai Eezuɛ-ŋai dítãi kpɛɛ ŋá a seri. Fé pâi ŋɔ́nɔ dísu-mɛni lɛɛ̂i.