Izikiɛ 7:2 - Ŋ̀âla Kɔlɔ Maa Waai

² “Nuu-kpune ǹóŋ, mò Eezuɛ-ŋai dîa yɛ̂ɛi, Ŋ̀wála-wâla kélee Ɣâlai ǹyɛɛi, m̀ɛnii kélee kpɛɛ-ŋa aâ seri! Mɛni-kpɛɛ ŋa aâ pá ǹɔii m̀éla náaŋ mɛ̂ni ma.

Izikiɛ 7:2 ပူးပေါင်းရင်းမြစ်များ

Zɛnɛse 6:13

Ɣâla è mò Nôa ma ǹyɛɛi, “Ŋa gbɛ̀tɛ ŋ́gili ŋa a gɛɛ ŋá fúlu-sãa kélee su kara, kpɛ́ni fêi, ǹɔii láa fɛɛ̂i a díŋwana-lɔɔi. Mɛni ma ŋa pâi dísu karâi.

Kɔlɔnikɔ Veerɛi 34:7

È ŋâla-teƃele-ŋai da ŋâla-nɛnii Asira ŋɛi-kɛ-maa wuruii kélee kpɔ́ wólo, é ŋâla-pɔkɔɔŋ-ŋai kélee kpɔ́ fũa-fũa. È gereŋ-sɛŋ kûŋ-nɛɛi kereŋ-ɣâla-teƃelei su tée-têe a gbua-kpûa Eezuɛ gwaa kélee ma. É lene pôlu é lí Zerusâlɛŋ.

Azaya 47:7

Íkɛ gâai ya pâi lɛɛ̂i ǹɛnî kâloŋ-laai su wɔ́lɔ-wɔlɔ da wɔ́lɔ-wɔlɔ. M̀ɛni ƃé í ínûai sòŋ la a ǹyɔ́mɔɔ. Ífe íkili ŋá sia ní a gɛ́ɛ mɛni kélee kóyaŋ káa ma.

Zɛlemaya 12:4

Tãi ɣɛɛlu ƃé ǹɔii a pâi kɛ̂i la maloŋ tôo maa su, galai kɛ́ kpàla nɔ́ ǹɔii su? Kpɛ́ni fêi, ǹûai díkaa ǹɔii sui, dísɔŋ nyɔ́mɔɔ̂i. Vɛnɛ-sãai da ŋ̀ɔni-ŋai da saa. Ǹaa pôlu ma, ǹûai da môi dîyɛɛi, ‘Vé pâi m̀ɛnii kâai kwa gɛ̂i.’ ”

Zɛlemaya 5:31

Ɣâla ŋɔlóno kɛ́-ƃelai dífa ŋɔ́nɔ mɛni da kpɛ́ni ƃò, fɛ̂ɛ dílɛɛ kɛ́. Zâla láa-soŋ-ƃelai da tûa nɔ́ yɛ̂ɛ ƃerei Ɣâla ŋɔlóno kɛ́-ƃelai da kɛ́ dîa ka tûa lai, ǹyaŋ ŋánûai dífa díyee kùla díwoo mu. Kɛ́lɛ, lé ƃé da pâi gɛ̂i à kɛ̀ m̀ɛni-ŋai ŋí kélee a seri gɔ̃yɛŋ mai?”

Zɛlemaya 51:13

Ya-lee támaa káa ǹɔii ŋí su da tɔɔ-sãa támaa, kɛ́lɛ ŋɔkɛ ŋ̀éniɛi su aâ tée.

Zerusâlɛŋ Karáa Maa Wɔ̂lɔ-wooi 1:9

M̀aa lîƃi-pere a too pono ŋá. Vé kpîŋ kpáaŋ ní a m̀ɛnii pâi kɛ̂i lai. Berei è tòo la pôlui, è kɛ̀ a zu kɛ́tɛ. Núu da fé kpáaŋ ní kɛ̀ m̀ɛni ma. Gbɔara-ƃelai da ǹyée mɛi ɣále. Ǹyaŋ a wɔ̂lɔi Ɣâla Yâwɛɛ ma a gɛɛ é m̀alôŋ káa.

Zerusâlɛŋ Karáa Maa Wɔ̂lɔ-wooi 4:18

Kúkpɔara-ƃelai dí kɛ̀ tɔɔ̂ni dí kɛ́ kúmaa kpɛ̂ɛ. Pɔri mâa fé kɛ́ ní kûɛ a gɛɛ kú sía bere lêei-ŋai da ma daa lêei su. Kúfulu-laai kpɛɛ-ŋa tãi è nâa sèri.

Izikiɛ 11:13

Tãi ŋá kɛ̀ ŋ̀âla-wooi ŋí ƃôi lai, Bɛnaya ǹóŋ Pelatia è tòo é sáa. Nya ƃe ŋáŋuŋ ma pìlaŋ ǹɔii mâ ŋá láɣi ńyɛ̂ɛi, “Óo Ŋ́wala-wala kélee Ɣâlai, ya pâi ǹɛɛ̂i naa diai da lɛɛ ɣele mâ Eezuɛi díkelee dísaa?”

Izikiɛ 12:22

“Núu-kpune ǹóŋ, lé mɛni ƃe ǹûai da zã́ŋ tɔnɔi ŋí sɔ̂ɔi la a tãi kélee é pîlaŋ la Eezuɛ lɔii mai? ‘Tãi támaa yée mu, lé ƃe kɛ̀ m̀ɛni-ŋai da môi ŋ̀aa sèe fa kɛ̂i?’

Izikiɛ 21:2

“Nuu-kpune ǹóŋ, íŋɛi tinaŋ Zerusâlɛŋ pere í lóno é pîlaŋ m̀a. Lóno é pîlaŋ ƃɛi ŋai da ɣâla fɛli naai mâ. Lóno ŋɔ́nɔ é pîlaŋ Eezuɛ ƃelai dîa.

Izikiɛ 21:25

“Kaai a Eezuɛ mɛi-ƃela ŋwana-lɔ̂ɔi, ká mɔ̃lɛ-laai gbɛɛ-ŋai ŋɔ tãi a seri.

Izikiɛ 21:4

Kpɛ́ni fêi ŋa pâi deniŋ-ƃo ƃelai da ŋ̀wana-lɔ̂ɔ ƃelai kélee paâi ká samai, ŋa pâi ŋá ƃoai kulâi daai ŋá ǹûai kélee páa la è siɣe yá-ŋua pere é too séɣai pere.

Izikiɛ 21:7

Ǹyaŋ a kɛ̀ da í marê kɛ dîɛi, ‘Lé mɛni ƃé ya nyîɛi lai,’ mò dîa yɛ̂ɛi, ‘Ŋa nyîɛi duŋ ŋá m̀ɛnii maa mɛ̂ni ma. A kɛ̀ kà m̀ɛni, núu kélee líi a pâi karâi goi. Díyee é sáa dîa. Díkili-tɔɔ mai kélee su a pâi karâi. Díkpeleŋ a pâi kɛ̂i a vii-kpɛ̂ɛ yɛ̂ɛ yá. Ǹyaŋ a pâi pâi a tɔ̃yâ.’ ” Ŋ̀wála-wâla kélee Yâwɛɛi ƃé mò ti.

Izikiɛ 35:5

“ ‘Ká kɛ̀ a Eezuɛ ŋɔkpɔara-ƃela a tãi su kôyaa. Ká Eezuɛ-ŋai pâa a ƃóa-sɔkpɔ a tãi mɛni kpɔ̂lu è kɛ̀ la dîai. Tãi ŋi ƃe díkɛ̀ dísɔnyɔ̂ŋ maa mɔ̃lɛ kɛ̂i la.

Izikiɛ 40:2

Ɣâla è ńzîɣe zĩ̂a su é lí a ńyãa Eezuɛ lɔii su. È ńzèe yée kɛ́tɛ tɔnɔ tôŋ su. Tãi ŋá ńduɛ pere kàa lai, ǹaa è kɛ̀ yɛ̂ɛ taa lêe tɔnɔ.

Izikiɛ 7:1

Naa pôlu ma, Yâwɛɛ è ŋɔ́nɔ lono ḿbɔ ǹyɛɛi,

Izikiɛ 7:3

“M̀ɛnii gbɛɛ-ŋai aâ pá ká mɛ̂ni ma. Ǹyaŋ ŋa pâi ǹíi ŋwanai kâa. Ŋa pâi ká mɛni-ŋai ŋá teei yɛ̂ɛ berei kátua-pere káa lai. Ŋa pâi kákula maa kɛ̂i ká tua pere nyɔ̂ŋ ŋánaai mɛ̂ni ma.

Zooɛ 1:15

Ŋ̀elei maloŋɔɔ̂i kpɛ́ni fêi, Yâwɛɛ ŋɔɣelei a lɛ̀ɣɛ, Ŋ̀wála-wâla kélee Ɣalai a pâi pâi a su-kâra.

Emɔ 8:10

Ŋa pâi kákuu-ŋai penêi a wɔ́lɔ-kuu, ŋá káwule-ŋai kélee pene a wɔ́lɔ-woo. Ŋa pâi maloŋ tôo-maa sêɣe toôi kákelee káleŋei, ŋá kpúlaŋ tóo kaŋûa nyii pâi ǹɛ̂i a gɛɛ kákaa maloŋ tôo-maa su. Ká pâi kɛ̂i wɔ̂lɔi yɛ̂ɛ núu ƃé lóŋ tɔnɔ kpéŋ maa-wɔlɔ kɛ̂i. M̀ɛni-ŋai ŋí kélee kpɛɛ-ŋa a pâi kɛ̂i a maloŋ too-maa kɛ́tɛ.”

Emɔ 8:2

È mò ǹyɛɛi, “Emɔ, lé ƃé ƃa gâai?” Ǹyɛɛ mà, “Wúru-ƃa kpɔ̂lu kpɔlɔ tɔnɔ.” Nya ƃe Ɣâla Yâwɛɛ è mò ḿâ, ǹyɛɛ, “Ŋánûai Eezuɛ-ŋai dítãi kpɛɛ ŋá a seri. Fé pâi ŋɔ́nɔ dísu-mɛni lɛɛ̂i.

Maafîu 24:6

Ka pâi kɔ́-kɔ-mɛni-ŋa mɛnîi da kɔ-tuŋ-ŋa. Kɛ́lɛ, kálii fé sɛlɛŋ. Kpɛ́ni fêi, fɛ̂ɛ mɛni-ŋai ŋí kélee dí tɛɛ, kɛ́lɛ vé pâi kɛ̂i a ŋ̀éniɛi kpɛɛ-ŋa.

Dutɛrɔnome 32:20

È mò ǹyɛɛi, ‘Ŋa pâi ŋ́ɛi loôi dîa, ŋá m̀ɛnii káa pâi kɛ́i a diai. Díkaa a nûa sɔŋ nyɔ́mɔɔ-ŋa. Dífe a tiniŋ ƃô-ƃela.

Pitɛ Maa-ŋuŋ 4:7

Sɛŋ kélee kpɛɛ ŋá a lɛ̂ɣɛ. M̀ɛni ma táre é kɛ́ káyêei kákili ŋá é pono Ɣâla fɛli mɛni ma.

M̀ɛni-lɛɛi 20:8

Ǹyaŋ a pâi kulâi a gɛɛ é ǹɔii-ŋuŋ-ŋai pɛlɛ, nyíi-ŋai díkaa ǹɔii-ƃela náaŋ mai. Zu-kulâi ƃa Gɔ̂ɔ da Magɔɔ, a gɛɛ é díŋa tɛ́ díkîe-ni dîa kɔ́-kɔ mɛni ma. Dítamaâi yɛ̂ɛ yúoi-ŋɛya.

M̀ɛni-lɛɛi 7:1

Nyíŋi pôlu ma, ŋá Ɣâla-taa-kela náaŋ kàa tɔɔ̂ni ǹɔii ŋɔsonôŋ náaŋ su, díkɛ ǹɔii ŋɔfãa náaŋ soŋ pôlu a gɛɛ fãa fé tɛ̀ɛ ǹɔii su, kpaa máŋ ǹyúoi ŋá, kpaa máŋ wuru kélee ma.