Izikiɛ 5:2 - Ŋ̀âla Kɔlɔ Maa Waai

² Gbua tɔ̂nɔ siɣe í géreŋ Zerusâlɛŋ taa-lee pɔkɔɔŋ sâmai a tãi dí Zerusâlɛŋ soŋ lai maa fôlo kuui kpɛɛ-ŋa tãi. À kɛ̀ tí, í gbulu tɔ̂nɔ siɣe í dáa tâa a m̀óa-sɔ̂kpɔi ítinaŋ la daa lêei ma. Gbua kpéli síɣe í dáa tâa vãai é vɛ́ɛ. Ŋa pâi ŋá ƃóai kulâi daâi ŋ́gɛ ƃò la dípôlu.

Izikiɛ 5:2 ပူးပေါင်းရင်းမြစ်များ

Izikiɛ 5:12

Kákpulu sêei saaƃai dɔnɔ a pâi saâi a puru, kpaa máŋ a kɔlɔ-fela nyɔ́mɔ. Kákpɔara-ƃela da pâi ká paâi a ƃóa-sɔkpɔ. Ǹyaŋ ŋa pâi kákpulu dɔnɔ táa tâai a fãa, ŋá dí kpɛ́ a ƃóa-sɔkpɔ kuláa daâi.’

Levetekɔ 26:33

Ŋa pâi gɛ̂i kákpɔara-ƃelai dí kɔ́ pɛ́lɛ kâa kátaa-tàa lɔii ŋuŋ da kpɛni-ŋa su. Ŋa pâi kálɔii su karâi kátaa-lee-ŋai dílɛɛ a pilêŋ ŋá.

Izikiɛ 12:14

Ŋa pâi ŋɔtíi-kɛ ƃelai kélee da ŋɔkɔ-kuluƃa-ŋai kélee kpɔ́ taa-taai díkɔlɛ ma lɔii-ŋuŋ-ŋai su. Ŋa pâi díkpɛ̂i a ƃóa-sɔ̂kpɔ kuláa daâi.

Zɛlemaya 15:2

À kɛ̀ da ímarê kɛ̀, ‘Mí ƃé kwa liî naa?’ M̀ó dîa, m̀ɛnii Yâwɛɛ è mòi ƃa: ‘Diai gbɛtɛɛ̂i dímɛni ma a gɛɛ dí sáai, dísaa. Diai pâi lɛɛ̂i kɔ́-sui, dílɛɛ kɔ́ su. Diai gáa a sɛŋ puru é dípâai, é dípaa. Diai da pâi liî a dia kɔ-sôŋ laa sui, dí lí kɔ-sôŋ laa su.’

Zɛlemaya 9:16

Ŋa pâi dítaa taâi ǹɔii-ŋuŋ-ŋai su nyíi dínâŋ pɔlɔ-ŋai, kpaa máŋ dia kpîŋ dífe zu kɔ́lɔŋ. Ŋa pâi kɛ̂i dípôlu a ƃóa-sɔ̂kpɔ é lɛ́ɛ la zu ŋá díkelee kpɔ́ dípaa.”

Zɛlemaya 38:2

Yâwɛɛ aâ mó ǹyɛɛ, “Ǹúui nyíi pâi lɛɛ̂i Zerusâlɛŋ, a pâi lɛɛ̂i kɔ́ su, puru, kpaa máŋ kɔlɔ-fela é bàa. Kɛ́lɛ, ǹúui nyíi pâi liî é gbîŋ tɛɛ Babelɔŋ-ŋai pɔ́i, dífe pâi baâi, kɛ́lɛ a pâi lɛɛ̂i ɣele ma.”

Zɛlemaya 24:10

Ŋa pâi kɔ́ toôi dísama, ŋá puru tóo dîa, ŋá tela kɔlɔ-fela nyɔ́mɔɔ píli dîa é lɛ́ɛ la zu ŋá díkelee kpɔ́ dípaa díkula ǹɔii ŋí su nyíi ŋá wɔ́lɔ dɛ̀ɛ dínâŋ pɔlɔ-ŋai pɔi.”

Zɛlemaya 13:24

“Ŋa pâi kátaa-taai yɛ̂ɛ bere tí fɛ̃ɛ kpalaŋ-su fãa a kala tàa-taa lai.

Zɛlemaya 39:1

Zɛdikaya kɛ́ɛ a kâloŋ Zuda lɔii mɛi ŋɔkóraŋ ǹɔ́ɔlu mɛi náaŋ ŋɔɣáloŋ buui su ƃé Babelɔŋ kaloŋ Nɛbukinaza da ŋɔkɔ kuluƃa-ŋai kélee dí pà la dí kɔ́ pɛ́lɛ Zerusâlɛŋ ma.

Zɛlemaya 39:2

Tãi Zɛdikaya è kɛ̀ la gâloŋ-laai su ŋɔkóraŋ puu-kao tɔnɔi ŋɔɣáloŋ ǹáaŋ ŋɔfólo lɔ́ɔlu-mɛi-náaŋ ɣele ƃé dí ziɣãŋ wôlo la Zerusâlɛŋ ma.

Izikiɛ 5:3

Naa pôlu ma, íŋuŋ-leɣa gbului da-loŋ siɣe í gbulɔ̂ŋ í yɛkɛi wóŋ lá.

Izikiɛ 5:10

Ǹaŋ-ƃelai da pâi dílônii miî. Lônii díkɛ dínâŋ-ni mìi. Ŋa pâi ká kula maa tí-tí kɛ̂i. Ǹyaŋ diai pâi lɛɛ̂i ɣele mai, ŋa pâi dítaa-taai ǹɔii su gwaa kélee.

Izikiɛ 17:21

Ŋɔ kɔkuluƃai ǹɛ́lɛɛ-ŋai da pâi lɛɛ̂i kɔ́ su. Diai pâi pui da pâi taa-tâai dí-ŋuŋ-ma. A kɛ tí, ka pâi gɔlɔni a gɛɛ ńyãai ǹuu-namui ńyãa ƃe mò tí.”

Zɛkɛrâya 13:8

Kúnuu-namui è mò ǹyɛɛi, “Ǹûai dámaa da pâi saâi ǹɔii gwaa kélee, núu kpûlu-loŋ nɔ́ ƃé pâi lɛɛ̂i ɣele ma.

Zɛlemaya 9:15

M̀ɛni ma, ńyãai a Ŋ̀wála-wâla kélee Yâwɛɛ nyíi gáa a Eezuɛ-ŋai Díɣâlai, ŋa môi a gɛɛ ŋa pâi sɛŋ ŋwánaa tɛɛ̂i dípɔ a dí kɔ̃́nɔŋ. Ŋá ŋ̀ale-maa tɛ́ɛ dípɔ a díkpele-sɛŋ.

Emɔ 9:4

A nɛ̃ɛ máŋ díkpɔara-ƃelai dí lí a dia luɛ-laa su, ŋa pâi m̀óa-sɔkpɔi kɛ̂i é dípaa. Ŋ́ɛi a pâi kɛ̂i dîa, mɛni nyɔ́mɔɔ mɛni ma, mɛni lɛ́lɛɛ fêi.”