Izikiɛ 4:3 - Ŋ̀âla Kɔlɔ Maa Waai

³ Kɔli ƃela siɣe í dɔɔ káloai yɛ̂ɛ sɛŋ ƃé a kɛ̀ ká ŋáa kɔlɛi ka daai. Íŋɛi tínaŋ daai mâ père yɛ̂ɛ sɛŋ ƃé kɔ́kɔ-ƃela da kɛ gula yêei kɛ̂i. Ŋ̀ɛi kɛ́ maai ŋí káa Eezuɛ-ŋai mɛ̂ni ma.

Izikiɛ 4:3 ပူးပေါင်းရင်းမြစ်များ

Azaya 20:3

Tãi dí Asɔdɔ taa-leei láa túɛ-ƃelai yée mɛi ɣàle la dí ǹaa siɣei, Yâwɛɛ è m̀o ǹyɛɛi, “Ńyee-mu-nuui a kɛ́ a gáa kâŋ gɛ́ ƃò a gɔ́ɔ ŋá fòlo kóraŋ saaƃa yée mu. M̀ɛnii pâi kɛ̂i a Ize da Itiopiai lɔii-ŋai, maa ŋɛi kɛ-maa ká ŋí.

Azaya 22:7

Ǹûai ŋí da pâi kátiŋ-tiŋ su lɔii lɛ́lɛɛ-ŋai láa fɛ̂ɛi a dí díkɔkɔ-keleŋ-ŋai dí dísoo-ŋai tɔ́ɔ Zerusâlɛŋ ŋɔsiɣãŋ lá.

Azaya 8:18

Kwa ǹîa pɛlɛɛi nyii-ŋai Yâwɛɛ a dítɛɛ ḿbɔi, kúkaa a ŋɛi kɛ́-maa Eezuɛ-ƃelai sáma Ŋ̀wála-wâla kélee Yâwɛɛi mɛ̂ni ma nyii ŋɔkɛ-naai káa Zãiyɔŋ Yeei mai.

Zɛlemaya 39:1

Zɛdikaya kɛ́ɛ a kâloŋ Zuda lɔii mɛi ŋɔkóraŋ ǹɔ́ɔlu mɛi náaŋ ŋɔɣáloŋ buui su ƃé Babelɔŋ kaloŋ Nɛbukinaza da ŋɔkɔ kuluƃa-ŋai kélee dí pà la dí kɔ́ pɛ́lɛ Zerusâlɛŋ ma.

Zɛlemaya 39:2

Tãi Zɛdikaya è kɛ̀ la gâloŋ-laai su ŋɔkóraŋ puu-kao tɔnɔi ŋɔɣáloŋ ǹáaŋ ŋɔfólo lɔ́ɔlu-mɛi-náaŋ ɣele ƃé dí ziɣãŋ wôlo la Zerusâlɛŋ ma.

Izikiɛ 12:11

M̀ó dîa yɛɛ m̀ɛnii ŋí káa a ŋ̀ɛi-kɛ maa ká maa mɛni ma. Bere ŋí ŋa tûai lai bere ƃe a pâi kɛ̂i la a dîa. Da pâi liî a dîa a kɔ-sôŋ-ŋa luɛ-laa su.

Izikiɛ 12:6

Ye ítiyãi tɛ́ íkaraŋ-ŋa ǹûai ŋ̀ɛi íkɛ li gbínii su. Yâ kɛ liî, ye íŋɛi mɛi pɛlɛ ífa la ǹɔii káa la ya kulâi zui. M̀ɛnii ŋí yâ pâi kɛ̂i gɛi, káa a ŋɛi-kɛ-maa maa Eezuɛ-ŋai maa mɛ̂ni ma.”

Izikiɛ 5:2

Gbua tɔ̂nɔ siɣe í géreŋ Zerusâlɛŋ taa-lee pɔkɔɔŋ sâmai a tãi dí Zerusâlɛŋ soŋ lai maa fôlo kuui kpɛɛ-ŋa tãi. À kɛ̀ tí, í gbulu tɔ̂nɔ siɣe í dáa tâa a m̀óa-sɔ̂kpɔi ítinaŋ la daa lêei ma. Gbua kpéli síɣe í dáa tâa vãai é vɛ́ɛ. Ŋa pâi ŋá ƃóai kulâi daâi ŋ́gɛ ƃò la dípôlu.

Danîa 11:17

“A pâi ŋɔkɔ́ kɔ́-ƃelai siɣêi da dîa-ni dí lí Ize kaloŋ pɔ́naa da ǹyaa dí díwoo pú gîei tɔnɔ é ǹóŋ-nɛnii tɛ́ɛ bɔ́ a ŋɔnɛnî. A pâi gɛ̂i tí a gɛɛ é pere kɔ́ri é ǹyée mɛi ɣále é ŋɔkâloŋ-laai kúla ǹyêei. Kɛ́lɛ ŋɔmɛni kpɛtɛɛi ŋàa-see fé pâi kɛ̂i a ǹɛ́lɛɛ. Vé pâi kpɔŋ mâa da sɔlɔ ƃôi zu.

Levetekɔ 2:5

À kɛ̀ mii-sɛŋ sama-sɛŋ káa a kpólo nyii í gbɛ̀tɛ kpólo kpɛtɛ pâne sui, é kɛ́ a gbóloi nyii í gbɛ̀tɛ a ǹɛ́lɛɛ zumoɔɔ a ɔle-wulɔ nyii tɛ́-sɛŋ fé zui.

Lûu 2:34

Simiɔŋ e lûwa tòo dîa, ǹyɛɛ ǹee Mere ma, “Gáa, ǹôloŋ ŋi seɛɛ̂i Eezuɛ-ŋai dámaa-ɣele too-mɛni da dímu siɣe-mɛni ma, gɛ ƃo ŋɔnɔ a ŋɛi-kɛ-maa nyii da pâi wóo nyɔ́mɔɔ ƃôi e pîlaŋ mai

Ibulu 2:4

Ɣâla è maa sere-faa kɛ̀ máŋ a ŋɛ́i-kɛ-maa-ŋa, da mɛni kpaya-kpaya, da wála-wala sii tamaa-ŋa, é pɛ́lɛ M̀ɔlêŋ Maa Waai ŋɔsama-sãai dîa nyíi-ŋai Ɣâla è díŋaa kɔ̀lɛ yɛ̂ɛ berei gbîŋ nia-mɛnii káa lai.