Izikiɛ 4:2 - Ŋ̀âla Kɔlɔ Maa Waai

² Bɔkɔɔŋ mâ kpɛtɛ yɛ̂ɛ sɛŋ ƃé núu da tínaŋɔ̂ɔi mà a gɛɛ dí gula yêei kɛ. Bɔkɔɔŋ ŋí é kɛ́ yɛ̂ɛ pɔ̂rɔ-kane-ŋa ƃé dítinaŋɔ̂ɔi daai mâ. Kɔ́kɔ-ƃela díƃûu pɔkɔɔŋ tínaŋ daai mâ. Ŋuru-kpono-ŋai da ziɣãŋ wólo lai pɔkɔɔŋ tínaŋ daai mâ.

Izikiɛ 4:2 ပူးပေါင်းရင်းမြစ်များ

Samia Veerɛi 20:15

Zoa ŋɔkuluƃa-ŋai kélee dí pà dí tínaŋ daai ma a kɔ́. Dí pɔ̂rɔ tɔ̀ɔ ziɣãŋ ma yɛ̂ɛ ya-galaŋ dí tɛ́ mɛi a gɛ́ɛ dí ŋ̀ólo.

Azaya 22:7

Ǹûai ŋí da pâi kátiŋ-tiŋ su lɔii lɛ́lɛɛ-ŋai láa fɛ̂ɛi a dí díkɔkɔ-keleŋ-ŋai dí dísoo-ŋai tɔ́ɔ Zerusâlɛŋ ŋɔsiɣãŋ lá.

Zɛlemaya 32:24

“Babelɔŋ kɔ-kuluƃa-ŋai da dí sãai kpɛtɛ da dínaŋ daa-lêei ma a gɛɛ dí daai sóŋ. Da nâa pɛlɛ daai ma a kɔ́. Kɔ́, puru, da kɔlɔ-fela da pâi gɛ̂i dí daa-lêei sóŋ. Ye gáa a gɛɛ m̀ɛnii í mòi, gélee kpɔ́ a kɛ̂i.

Zɛlemaya 33:4

Ńyãa Yâwɛɛ nyíi gáa a Eezuɛ Ŋɔɣâlai, m̀ɛnii ká ŋí ŋa môi é pîlaŋ Zerusâlɛŋ pɛrɛ-ŋai da gâloŋ pɛrɛ-ŋai dîa nyii-ŋai ká dí wòlo a gɛɛ ká daa-lêei maa kɔ̃ɔ a tãi dí pɛ̀lɛ la daa-lêei mai.

Zɛlemaya 52:4

Nya ƃe Nɛbukinaza è ŋɔkɔ-kuluƃa-ŋai kélee kpɔ́ sìɣe é pá a dia dí kɔ́ pɛ́lɛ Zerusâlɛŋ ma. Dí pɛ̀lɛ Zerusâlɛŋ ma a Zɛdikaya kɛ́ɛ a kâloŋ ŋɔkóraŋ ǹɔ́ɔlu-mɛi náaŋ ŋɔɣáloŋ buui ŋɔfólo puu ɣêle. Dí pà dí díƃûu-ŋai pú dí dínaŋ Zerusâlɛŋ ma. Dí kwaa ma-ŋa kpɛ̀tɛ a gɛɛ dí tɛ́ ziɣãŋ mɛi.

Zɛlemaya 6:6

Ŋ̀wála-wâla kélee Yâwɛɛi è mò ǹyɛɛi, “Ka ŋ̀úru-ŋai tée a gɛɛ ká ziɣãŋ wólo la. Pɛlɛ Zerusâlɛŋ ma, í ǹaa su kara. Gáa a sɛŋ kú daa-lêei ŋí kùla maa kɛ́. Mɛni lɛ́lɛ da fé naa fɛ́ɛ nɔ́ ŋwana lɔ̂ɔ mɛni tée-tee.

Izikiɛ 21:22

Nya ƃe zɔlâi è nɛ̃ɛ-ǹaa mii yée mɛi pere, nyii ǹɛ a gɛɛ é li é kɔ́ pɛlɛ Zerusâlɛŋ ma. È tinaŋ Zerusâlɛŋ ma é wuru-kpono kɛ́tɛ siɣe é zɔ̀ɔ̂ŋ ziɣãŋ láƃelei a gɛɛ é gbôŋ wólo é lɔ́ naa. È laɣi kpɔ́ a zukɛtɛ gɛ mò a gɛɛ a pâi daai sonii. A pâi pɔ̂rɔ tɔ̂ɔi gîe mɛi é lɛɛ la zu é tɛ́ ziɣãŋ mɛi. A pâi yeŋkeŋ tɔ̂ɔi daai soŋ mɛ̂ni ma.

Izikiɛ 21:27

Ŋa pâi kátaa-leei lɛɛ̂i a gbolôŋ. Kɛ́lɛ ḿve pâi gɛi fɛ̂ɛ ŋa núu tɛɛ nyii pâi daa-leei ŋɔ m̀ɛnii ŋa-teei. Nya ƃe ŋa pâi dɛɛi bɔ.”

Izikiɛ 5:2

Gbua tɔ̂nɔ siɣe í géreŋ Zerusâlɛŋ taa-lee pɔkɔɔŋ sâmai a tãi dí Zerusâlɛŋ soŋ lai maa fôlo kuui kpɛɛ-ŋa tãi. À kɛ̀ tí, í gbulu tɔ̂nɔ siɣe í dáa tâa a m̀óa-sɔ̂kpɔi ítinaŋ la daa lêei ma. Gbua kpéli síɣe í dáa tâa vãai é vɛ́ɛ. Ŋa pâi ŋá ƃóai kulâi daâi ŋ́gɛ ƃò la dípôlu.

Danîa 11:15

Asiria kaloŋ a pâi ziɣãŋ maa tínanîi é daa-leei sóŋ. Ize kaloŋ ŋɔkɔ́ kɔ́-ƃela wála-walaa-ŋai dífe pâi pɔrîi tɔɔ̂i dí ŋɛ́i. Pɔ̂ri mâa fé pâi kɛ̂i kpîŋ gɔ-kuluƃa-ŋai yêei dí tɔ́ɔ.