Izikiɛ 2:3 - Ŋ̀âla Kɔlɔ Maa Waai

³ È mò ḿâ ǹyɛɛi, “Núu-kpune ǹóŋ, ŋa ítɛɛ̂i Eezuɛ-ŋai pɔ́ naa. Ǹûai ŋí díkaa a tɔɔ mâ-ƃela nyii-ŋai da tɔɔ ḿâi, nyii-ŋai dínâŋ ni da ŋátɔ̂ŋ kara ǹyaŋ dia máŋ díkaa nɔ́ nîi ŋátɔ̂ŋ-ŋai karâi tãi-ŋai ŋí yée mui.

Izikiɛ 2:3 ပူးပေါင်းရင်းမြစ်များ

Kâloŋ Veerɛi 17:14

Kɛ́lɛ Eezuɛ-ŋai dífe woo-mɛni kɛ́ ní. Dí kɛ̀ nɔ́ a díwôlii kpɔ́lɔɔ yɛ̂ɛ dínâŋ-pɔlɔ-ŋai nyii-ŋai dífe fáa ní ma a gɛɛ dí Yâwɛɛ Díɣâla fɛ́li.

Kâloŋ Veerɛi 17:15

Dífe wɔ́lɔ díwoli tɔɔ ní Yâwɛɛ ŋɔlia-woo-ŋai da ŋɔtɔ̂ŋ-ŋai dîa ǹyaŋ dí díyee kùla Gbanaŋ-woo kpanaŋɔɔ lɛ́lɛɛi mu nyii Yâwɛɛ è wɔ́lɔ gɛ̀ dínâŋ-pɔlɔ-ŋai yêei. Dí pɛ̀lɛ ɣâla-pɔkɔɔŋ kpɛ́ni-kpɛni-ŋa fɛliɛɛ ma ǹyaŋ dia kpîŋ dí kɛ̀ nɔ́ kpɛ́ni-kpɛni. Yâwɛɛ è wɔ́lɔ mò Eezuɛ-ŋai dîa a gɛɛ dífe pìlaŋ mɛni-ŋai pôlu díkɔlɛ ma lɔii-ŋuŋ-ŋai dí kɛ̀ gɛ̂i, kɛ́lɛ Eezuɛ-ƃelai dí díkpîŋ kɛ̀ nɔ́ yɛ̂ɛ dia.

Ɛzura 9:7

É kúla kúnuu-pɔlɔ-ŋai díwɔ̂ ɣele-ŋai dîa, é tóo sâa ma, kúai a ínûai, kwa sɔnyɔ̂ŋ kɛ́ a yá a zu kɛ́tɛ. Kúsɔnyɔ̂ŋ-ŋai da gɛ́ kúkâloŋ-ŋai da kúsâla láa soŋ-ƃelai é pɛ́lɛ kúa kpîŋ kûa kwa too lɔii ŋuŋ da kpɛ́ni-ŋa mɛi kâloŋ-ŋa yêei. Da kú ta-ŋa paa, da sãâ kula kú ta-ŋa yêei, da lí a kúta-ŋa luɛ-laa su. Da ƃâa kula kûa a ŋ̀ánaa, ǹyaŋ díkaa nɔ́ niî sɔnyɔ̂ŋ kɛ̂i.

Niɛmaya 9:26

“Berei máŋ í kɛ̀ m̀ɛni lɛ́lɛɛ-ŋai ŋí kélee kɛ̂i la dîɛi, dí íwoo pìli, dí díyee kúla ítɔ̂ŋ-ŋai mu, dí tɔ́ɔ yâ. Dí ílono kɛ́-ƃelai pàa nyii-ŋai kɛ̀ dísɔnyɔ̂ŋ-ŋai maa mɛ̂ni ƃôi dîai. Dí díŋɛi nàɣiŋ ímɛi a gbɛ́ɛ pôlu.

Wule-woo-ŋa 106:28

Kɛ́lɛ ǹia-wooi ŋí fé lɛ̀ɛ ní díkili ŋá. Dí pɛ̀lɛ ŋɔ́nɔ ŋ̀âlai fɛlîi nyii da kɛ̂ m̀a Bêe nyii vúlu fé zui Piɔ Yeei ma, dí kɛ́ zâla sãai mîi nyii da dɛ̀ɛ zaa-ƃelai pɔi.

Azaya 30:1

Yâwɛɛ è m̀o ǹyɛɛi, “Kpalo-ƃêlai Zuda lɔii láa túɛ-ƃelai dîa, kpɛ́ni fêi, dí tɔɔ̂i ḿâ. Da mɛni kpɛtɛ́ɛ-ŋa kɛ̀ dífa díŋuŋ ma pìlaŋ a ńyãa. Da lɔii-ŋuŋ da kpɛ́ni-ŋa da mɛni kpɛ̂tɛ díkîe-ni loai dífa mò ḿâ. Díkaa nɔ́ niî dísɔnyɔ̂ŋ pûi gîe mɛi.

Zɛlemaya 1:7

Kɛ́lɛ, Yâwɛɛ è mò ḿâ ǹyɛɛi, “Ífe kɛ̀ yɛ̂ɛ íkuro têi. Lí kpɔ́ ǹûai kélee pɔ́ ŋa pâi ítɛɛ̂i naai, í m̀ɛnii ƃó ŋa pâi m̀ôi yâ a gɛɛ í m̀ó dîai.

Zɛlemaya 3:25

Tɔ́ɔ kúlaa kú-ŋumɛi su, kú ƃaa-kula maa tûai é kúmɛi pɛ́lɛ. Kpɛ́ni fêi, kwa kúnâŋ-ni kwa sɔnyɔ̂ŋ kɛ́ a Kúɣâlai Yâwɛɛ é síɣe kúlôloŋ tãi ma. Ǹyaŋ kúfe tá kúwoli tɔɔ ní ŋ̀óo ma.”

Zɛlemaya 36:2

“Kɔlɔ-lâa siɣe í m̀ɛnii kélee pɔ̃yɛ ŋa pâi môi yâ nyíi-ŋai ŋá mò é pîlaŋ Eezuɛ, Zuda da ǹɔii-ŋuŋ-ŋai kélee dîai. M̀ɛni-ŋai ŋá mò yâi gélee kpɔ́ pɔ̃yɛ. Gɔ́ɔ pîlaŋ tãi ma Zosaya è kɛ̀ la a kâloŋ é tóo tãi ŋí ma.

Zɛlemaya 44:20

Zinâai da ǹɛyâai nyíi-ŋai ŋ́oo su tòo a bere sîi tíi, ŋá mò dîa ńyɛɛi,

Zɛlemaya 44:21

“Ka gâai yɛ̂ɛ sɛŋ ƃé zâlai-ŋai ka kánâŋ pɔlɔ-ŋai, kákâloŋ-ŋai, kálaa túɛ-ƃelai da ǹûai kélee ká gùla Zuda taa-ŋai su da bere-ŋai ma Zerusâlɛŋ, Yâwɛɛ fé mɛni da kɔ́lɔŋ é pîlaŋ dîa kpaa máŋ a nia dîa? Vé tí.

Zɛlemaya 7:2

“Tɔɔ ziɣãŋ lá Yâwɛɛ Ŋɔpɛ́rɛ Kɛ́tɛi láƃelei í ŋ̀orɛ̂-wooi ŋí ƃó ǹûai dîa, yɛ̂ɛ dîa káai a Zuda-ƃelai, káai pà ƃɛ́ ká kɛ́ Ɣâla fɛlii, ka Yâwɛɛ wóo mɛni.

Izikiɛ 17:12

“Woo-pîli ƃela, ká fé zã́ŋ ŋí su-kulâi kɔ́lɔŋ? Babelɔŋ kaloŋ è wɔ́lɔ pà Zerusâlɛŋ é ǹaa kaloŋ da ŋɔtíi kɛ́-ƃelai síɣe é lí a dia Babelɔŋ.

Izikiɛ 24:3

Mó ŋátɔɔ mâ-ƃelai dîa yɛ̂ Ŋ̀wála-wâla kélee Yâwɛɛi ǹyɛɛ ŋá záŋ ŋí sɔ́ɔ kâa: ‘Ka ǹeɣii tɔ́ɔ ŋɔŋ-ŋa, ká yá pú zu.

Izikiɛ 40:4

Ǹalôŋ è mò ḿâ ǹyɛɛi, “Núu-kpune ǹóŋ, ƃɛ́ káa a ǹɛ́lɛɛ, í íwoli tɔ́ɔ a ǹɛ́lɛɛ m̀ɛnii ma ŋa pâi môi yâi. Dí pà ƃɛ́ a yá a gɛ́ɛ ŋá m̀ɛnii ŋí lɛ́ yâ. M̀ɛnii nyii kélee ya pâi gâai ye gélee kpɔ́ lɛ́ Eezuɛ-ƃelai dîa.”

Emɔ 7:15

Kɛ́lɛ Ɣâla Yâwɛɛ è ŋ́gùla ŋáƃala-ŋai túɛ, ǹyɛɛ ḿâi, ‘Lí í tuɛ mɛ̂ni ƃó ŋánûai Eezuɛ-ŋai dîa.’

Malakai 3:7

Kámaa mɛ̂ni kɛ̂ɛi nɔ́ yɛ̂ɛ kánuu-pɔ̂lɔ-ŋai, ka kápôlu tɔɔ ŋátɔ̂ŋ-ŋai dîa káfe niî dímɛi káa ní. Ka tínaŋ ḿbɔ-naa pêre ńyaŋ ŋa pâi tínanîi kápɔ-naa pêre. Kɛ́lɛ ka môi kâa, ‘Kwa pâi tínaŋ-pere kɛ̂i léŋ ípɔ-naa pêre?’

Nɔŋba 20:10

Nya ƃe Mose da Eelɔŋ dí ǹûai kélee ŋá tɛ̀ díkîe ma gɔnii kɔlɛ. Mose è lòno dípɔ ǹyɛɛi, “Ŋuŋ-su-kpanaŋ-ƃela, ka káwoli tɔ́ɔ. Kwa pɔ̂ri yá kulâi gɔnii ŋí su kámɛni ma?”

Zia-ƃelai Kɛ́-mɛni-ŋai 7:51

“Wolii-kpɔlɔ-ƃela, káai Ɣâla fé kálii su, kpaa máŋ káfa ŋ̀óo mɛnii, ka tɔɔ M̀ɔlêŋ Maa Waai ŋɔtíi tuɛ a tãi kélee. Berei kánâŋ-ni dí tùa lai, bere nɔ́ ƃé kákaa tuâi la.

Lomaŋ 10:15

Ǹyaŋ nûa da Ɣâla-woo ƃò leŋ, à kɛ̀ dífe dítɛɛ ni? Yɛ̂ɛ berei bɔ̃yɛɛ̂i lai, “Diai da Duŋ Lɛ́lɛɛi taa-taai dítuɛ ponoɔ̂i!”

Dutɛrɔnome 9:24

É síɣe tãi mâ ŋá kákɔlɔŋ lai, ká tɔɔi nɔ́ wɔ́lɔ Yâwɛɛ mà.

Dutɛrɔnome 9:27

Íkili ŋá sía í bîlaŋ ítii-kɛ-ƃelai Eberaɣɛ̃ɛ, Aise da Zeeka-ni dîa, í ǹûai ŋí su mɛni lɛ̀ɛ díwolii kpɔ̂lɔi da dítûa-pere nyɔ̂ŋ-ŋai mɛni ma.