Ifisiɛŋ 6:9 - Ŋ̀âla Kɔlɔ Maa Waai

⁹ Nuu-mɛi-ƃela, ka mɛni tɔnɔi ti kɛ́ a dia. Káfe dímaa yao. Ka gɔ́lɔŋ a gɛ́ɛ ǹúui gáa a ka dîa-ni kámɛi-nuui gáa Ɣâla-taa. Gáa núu kélee mɛni ma.

Ifisiɛŋ 6:9 ပူးပေါင်းရင်းမြစ်များ

Niɛmaya 5:5

Kwa dîa-ni kú fé kula ní koo ƃɔ̂lɔŋ tɔnɔ su? Dínîa pɛlɛi mɛni kpanaŋɔ̂ɔi é tɛ́ɛ kúwɔ̂-ŋai dîa? Gáa, kwa kúnîa pɛlɛɛi da-ŋa tɛɛ̂i luɛ lâa su, kúkɛ kúlônii-nɛyãai kɔ̂lɛ. Pɔ̂ri mâa tɔnɔ kpîŋ fé ŋɔ́nɔ kûɛ, kpɛ́ni fêi, da kú kpâlaŋ-ŋai da kú kpɔmɔ-ƃa kpâlaŋ-ŋai kélee kúla kúyêei.”

Zôo 34:19

Ɣâla fa tɔ̂ɔ ǹúu láa-tuɛ-ƃelai pôlu. A dɔɔ-ƃelai da gôlo-ƃelai dímɛnii ŋá tèe a bɔriɛɛ, kpɛ́ni fêi ǹya ƃé díkelee díkpɛ̀tɛ.

Wule-woo-ŋa 140:12

Yâwɛɛ, ŋá gɔ́lɔŋ a gɛɛ ya tɔ̂ɔ gôlo-ƃelai pôlu, íkɛ ǹúu doo-mu-ŋai maa kɔ̃̂ɔ.

Ikilisiati 5:8

Ya gàa ǹúu mɛi-ƃelai díkɛ gôlo-ƃelai lùaŋ núu da fé naa é lóno dímɛni ma, vé kɛ̀ a gúlaa a yá. Kpɛ́ni fêi, kâloŋ-ŋa kélee díkaa díkîe-ni wóo pôlu, ǹyaŋ ǹúui ŋɔwála-walai tɛɛ̂i díwɔ̂i mai gɛ́ ƃò dípôlu.

Azaya 47:6

Ŋá ńii ŋwàna ŋánûai dîa, ŋá tûa a dia yɛ̂ɛ ǹyaa ƃé dífe a ŋánûa, ŋá dítɛɛ ípɔ. Kɛ́lɛ ífe díŋɛi malôŋ káa ní. Ífe kpîŋ ǹúu pɔlɔ-ŋai ŋɛ́i malôŋ káa ní. Í kpîri wuyɛɛ-ŋa làa díŋûa.

Danîa 3:15

Da pâi dúrui fɛ̂ɛi, m̀ɔɔi, gɔnîŋ da ŋ̀ale-sãai kpéli-ŋai kélee. Kà maa wôo-ŋai ŋí mɛni, kà tòo ŋáɣâlai ŋá gbɛtɛi kɔ́ɔ mu ká vɛ̀li. Kɛ́lɛ kà wàla gɛ́ tí, da pâi kápilîi ŋ̀ɔŋ kpɔ̂lui su kpɔ́ nɔ́ ŋ̀á ma. A kɛ̀ tí, ɣâla nênɛ ƃé pâi káŋuŋ ma ƃôi ńyêei.”

Danîa 3:6

Ǹúui à wàla gɛ́ tíi, dí m̀aa nûui píli ŋ̀ɔŋ kpɔ̂lui su ŋ̀á ma.”

Levetekɔ 19:13

“Káfe káƃarâŋ nuu ŋuŋ mɛi tée tûa kɛ̀ la, kpaa máŋ ká vili. Kátii kɛ́-ƃelai dífela-fei fé nyîi kâa.

Malakai 3:5

Ŋ̀wála-wâla kélee Yâwɛɛ a môi ǹyɛɛi, “Ŋa pâi pâi kápɔ ŋá kámɛnii ŋá tée, ŋá sêre-faa kɛ́ ŋɔ́nɔ é pîlaŋ bóniŋ kɛ́-ƃelai dîa da ŋ̀ulu-wulu kɛ́-ƃelai, ǹɛ́ɛ-sere-faa kɛ́-ƃelai, da diai da díi-kɛ́-ƃelai dífela-fei mîi a wôya perei, diai da díŋɛi nàɣiŋ bɔɔ-nɛyãai mɛi, dee-lônii, ǹɔii da kpɛ́ni su-ƃelai, é pɛ́lɛ diai dîa dífa ƃaa-kɛ́-maa tɛ̀ɛ ḿbɔi.

Maafîu 22:10

Nya ƃe ǹyée-mu-ƃelai dí lì bere-tãaŋ-ŋai lá dí ǹûai kélee ŋá tɛ gîe ma dí díkàai, núu nyɔ́mɔɔ-ŋa da núu lɛ́lɛɛ-ŋa. Nya ƃe ǹɛnî-kula-pɛrɛi lá è fɛ̀ɛ a ŋɔ̃yâ-ŋa.

Maafîu 22:8

Nya ƃe è mò ǹyée-mu-ƃelai dîa, ǹyɛɛi, ‘Ǹɛnî-kula-kuui dãi a seri. Kɛ́lɛ diai ŋá ƃɛlɛ-tôli ƃò a diai, dímaa fé kɛ́ ní a nɛ̃ɛ.

Maafîu 24:48

Kɛ́lɛ, à kɛ̀ ǹyée-mu-nuu sɔŋ nyɔ́mɔɔi tí à mò ǹíi su, ǹyɛɛi, ‘Ŋánuu-namui a tãi támaa siɣêi,’

Maafîu 24:51

A kɛ̀ tí ŋɔnuu-namui a pâi zu tée-teei. Gɛ̀ ní, ŋɔkɛ-ɣeniɛi kɛɛ̂i a pâi kɛ̂i a giri-ƃelai díkɛ-ɣeniɛi kɛ́ pere. Ǹaa ƃe a pâi kɛ̂i naa gɛ̀ wɔlɔ, gɛ́ ǹyíŋ-ŋa-mii.

Maafîu 7:12

Mɛni ma nyii kélee ka ŋ̀wɛ̂lii nûa dí gɛ a káai, ka gɛ tí máŋ a dia, kpɛ́ni fêi, bere ƃe Dɔ̂ŋ da Ɣâla ŋɔlóno-kɛ-ƃelai da nɛ̀ la.

Lûu 6:31

Yɛ̂ɛ berei ka ŋ̀wɛ̂lii núu e kásoŋ lai, berei ti nɔ ƃe ka dísoŋ la.

Zɔ̂ŋ 13:13

Ka ńdòli a Gaamɔ̂ɔi da Nuu-namui, ǹyaŋ káwoo sã̂ai, kpɛ́ni fêi, ŋ́gaa la.

Zia-ƃelai Kɛ́-mɛni-ŋai 10:34

Pitɛ è pɛ̀lɛ lônoi, ǹyɛɛi, “Tɔ̃yâ ma, ŋá gɔ́lɔŋ a gɛ́ɛ Ɣâla fa núu su ɣɛɛ.

Lomaŋ 2:11

kpɛ́ni fêi, Ɣâla káa núu sii kélee mɛni ma.

Kɔleŋtiɛŋ Maa-ŋuŋ 1:2

Ɣâla-toli-kpɔŋ gáa Kɔleŋ da diai dímaa waai Zîsɛ Kôrai kponôi, e pɛlɛ diai kélee dîa díkaa kwaa kélee mai Ɣâla e dítòli a Ɣâla-ƃela gîe ma dí Kúnuu-namui Zîsɛ Kôrai láa tóli nyíi gáa a kwa dîa-ni Kúnuu-namui:

Kɔleŋtiɛŋ Maa-ŋuŋ 7:22

Kpɛ́ni fêi, ǹúui dí dòli Kúnuu-namui kponôi yɛ̂ɛ luɛi, gáa a Kúnuu-namui ŋɔŋuŋ-ma-ƃo. Bere nɔ́ ƃe è kɛ̀ la a ǹúui kɛ̀ a ŋuŋ ma ƃóɔ tãi dí dòli lai, gáa a Kôrai ŋɔluɛ.

Dutɛrɔnome 10:17

kpɛ́ni fêi, Káɣâlai Yâwɛɛ káa a Ɣâla ŋ̀âla-ŋai kélee mɛi da núu-namela. Ǹyaa ƃa Ŋ̀âla kɛ́tɛi, gɛ́ mɛni kpaya-kpayaa. Va ŋa-kɔlɛ kɛ̀, va tela yee-pɛlɛ ǹá sɛŋ sòŋ.

Kolasiɛŋ 3:25

Kpɛ́ni fêi, mɛni nyɔ́mɔɔ-kɛ-nuui a pâi ŋɔfela-fei sɔlɔ ƃôi a mɛni nyɔ́mɔɔi è gɛ̀i. Su-ɣɛɛ-mɛni kélee fé zu.

Kolasiɛŋ 4:1

Nuu-mɛi-ƃela, ka káluɛ-ŋai soŋ a ǹɛ́lɛɛ ka tua a dia a zãa. Ka gɔ́lɔŋ a gɛ́ɛ káa máŋ Kámɛi-nuu káa ma Ɣâla-taa.

Zĩi 2:13

Kpɛ́ni fêi, maloŋ-kaa fé mɛni-ŋa-teɛɛ su diai mɛni ma dífa maloŋ-kaa kɛ̀i. Kɛ́lɛ, maloŋ-kaa a mɛni-ŋa-teɛɛ yée mɛi ɣàle.

Zĩi 2:8

À kɛ̀ kà dɔ̂ŋ kɛ́tɛi mɛi kâa kpɔ́ a ǹɛ́lɛɛ yɛ̂ɛ berei Ŋ̀âla-kɔlɔi a mò la, nyɛɛi, “Fɛ̂ɛ í íkɔlɛ-maa-nuui wɛ́li yɛ̂ɛ yá kpîŋ,” gɛ̀ ní ka gɛ́ a ǹɛ́lɛɛ.

Zĩi 5:4

Ka gáa, diai da tíi kɛ̀ kákpâlaŋ ŋái, dífela-féi nyíi ka ǹɛɛ pôlu wôya-pere sui, da wɔ́lɔ̂i a díwoo sú kɛ́tɛ. Ǹyaŋ dii-kɛ-ƃelai wɔ́lɔ-woo a lɔ́ Ŋ̀wála-wâla kelee-Namui wólii.

Samia Maa-ŋuŋ 15:17

Samia ǹyɛɛ m̀ai, “Íkili ŋá-siai a ǹɛ̂i yâ a gɛ́ɛ íkaa a lôloŋ. Kɛ́lɛ Yâwɛɛ è ísiɣe zu é íkɛ a kâloŋ. Yá ƃé Eezuɛ-ŋai díkaa ílaai su.