Ifisiɛŋ 6:6 - Ŋ̀âla Kɔlɔ Maa Waai

⁶ Káfe nuu-ŋɛi-woo mɛni kɛ̀ nɔ́ a dia. Káfè kɛ̀ nɔ́ a núu lii-laa-ƃela. Kɛ́lɛ, ka kɛ́ yɛ̂ɛ Kôrai yée-mu-ƃela, ká kɛ́ Ɣâla nia-mɛni kɛ̀ é kúla kálii su.

Ifisiɛŋ 6:6 ပူးပေါင်းရင်းမြစ်များ

Zɛlemaya 24:7

Ŋa pâi gɛ̂i ḿaa mɛ̂ni é lɛ́ɛ díkili ŋá dí gɔ́lɔŋ a gɛɛ ńyãa ƃa Yâwɛɛ. À kɛ̀ tí, da pâi kɛ̂i a ŋánûa, ńyaŋ ŋ́gɛ ƃò a Díɣâla, kpɛ́ni fêi, da pâi tínanîi ḿbɔ naa pere a dí líi kélee.

Zɛlemaya 3:10

M̀ɛni-ŋai ŋí pôlu ma, Eezuɛ ŋɔkáayɔɔi Zuda nyíi ve kɛ́ ní a deniŋ ƃôɔɔi, vé tínaŋ ní ḿbɔ naa a ǹíi kélee, vé tûa ní a téniŋ ƃô pere. Ńyãa Yâwɛɛ ƃé mò tí.”

Maafîu 12:50

Kpɛ́ni fêi, ǹúui a Ńâŋ nîa-mɛnii kɛ̀ nyii gáa Ɣâla-taai, maa-nuui ƃa ńêɣe, kpaa ńzaaƃɔlɔ kpaa ńee.”

Maafîu 7:21

“Diai kélee da kɛ́ mâ, ‘Kúnuu-namui, Kúnuu-namui,’ díkelee dífe pâi liî Ŋ̀âla-taa kâloŋ-laai su, fɛ̂ɛ ǹúui a Ńâŋ nîa-mɛni kɛ̀ nyii gáa Ɣâla-taai.

Mâki 3:35

Ǹúui a Ɣâla nîa-mɛni kɛ̀i ǹyaa ƃé gáa a ńêɣe-surɔŋ, ńêɣe-nɛni kpaa máŋ ńee.”

Lomaŋ 6:17

Kɛ́lɛ, sɛɣɛi-fe é tɛ́ɛ Ɣâla pɔ́ a gɛ́ɛ káai wɔ́lɔ kɛ̀ a sɔnyɔ̂ŋ ŋɔluɛi, ka nâa kɛ́ a zɛŋ-lɛ́ɛi ka zɔlɔ ƃoi ŋɔwoo mɛni-ƃela é kúla kálii su.

Kɔleŋtiɛŋ Maa-ŋuŋ 7:22

Kpɛ́ni fêi, ǹúui dí dòli Kúnuu-namui kponôi yɛ̂ɛ luɛi, gáa a Kúnuu-namui ŋɔŋuŋ-ma-ƃo. Bere nɔ́ ƃe è kɛ̀ la a ǹúui kɛ̀ a ŋuŋ ma ƃóɔ tãi dí dòli lai, gáa a Kôrai ŋɔluɛ.

Galesiɛŋ 1:10

Ŋ́gaa ŋɛ́i lɛ́lɛɛ̂i núu-kpune yêei, kpaa Ɣâla? Kpaa máŋ ŋ́gaa kɔ̂i a gɛ́ɛ ŋá núu-kpune líi láa? Ŋâi kɛ̀ núu-kpune líi lâai, fêi pɔ̂ri kɛ̂i a Kôrai yée-mu-nuu.

Ifisiɛŋ 5:17

Maa-mɛni ma káfe ƃoo. Kɛ́lɛ, ka táre Kúnuu-namui ńîa-mɛnii su.

Felepiɛŋ 2:12

Mɛni ma ŋáwɛli-kɛ-maa-ƃelai, yɛ̂ɛ berei ka wɔ́lɔ woo mɛni kɛ̀ lai, ka nâa kákpîŋ ƃalo-laa kɔri a yao-maa da maa kpɛ̃liŋ. Vè kɛ̀ nɔ́ a ŋ́ɛi, kɛ́lɛ, fɛ̂ɛ nɔ́ ká gɛ́ máŋ ŋ́ɛi pôlu.

Kolasiɛŋ 1:9

Mɛni ma é síɣe tãi ma kú mɛ̀ni lai, kúfe niî kpera ni Ɣâla fɛlîi kámɛni ma, a gɛ́ɛ kálaa é fɛ́ɛ a ǹîa-mɛnii kɔ́lɔŋ-pere Ɣâla-mɛni ŋɔtáre su da ŋɔmɛni ŋá-kaai,

Kolasiɛŋ 4:12

Zîsɛ Kôrai yée-mu-nuui Ɛpafɔlɛ, nyíi gáa a kátài è fàa kâa. Gáa tɔɔ̂ni kámɛni ma kpɔ́ a gbanaŋɔɔ Ŋɔɣâla fɛliɛɛi su, a gɛ́ɛ ká tɔ́ɔ kpɔ́ a gbanaŋɔɔ ká Ɣâla nîa-mɛnii kélee kɔlɔŋ a ǹɛ́lɛɛ.

Tɛsɛlôniɛŋ Maa-ŋuŋ 2:4

Kɛ́lɛ, yɛ̂ɛ berei Ɣâla è kúlɛ̀ la a gɛ́ɛ é Duŋ Lɛ́lɛɛi lɛ́ɛ kúyêei, bere nɔ́ ƃe kwa lôno la, kúfa núu-kpune líi làa, kɛ́lɛ, kwa Ɣâla líi làa, nyíi a kúlii-ŋai su kɔ̀ɔŋ.

Tɛsɛlôniɛŋ Maa-ŋuŋ 4:3

Kpɛ́ni fêi, Ɣâla nîa-mɛni ká ŋí a gɛ́ɛ ká kɛ́ a maa-waa-ƃela a gɛ́ɛ ká kákɛ̂i kôyaa wulu-wulu-kɛɛ ma,

Ibulu 10:36

Kpɛ́ni fêi, fɛ̂ɛ lii-kpele é kɛ́ káyêei a gɛɛ ka Ɣâla nia-mɛni kɛ́ ká ŋɔkono-teei sɔlɔ ƃo.

Ibulu 13:21

é zɛŋ lɛ́lɛɛi kélee tɛ́ɛ kápɔ a gɛɛ ká ǹîa-mɛni kɛ́. É tíi kɛ́ kákponôi a zɛŋ nyíi ǹɛ́lɛɛ̂i ŋ̀ɛi, Zîsɛ Kôrai sarâi. Fólo-laa é kɛ́ m̀a wɔlɔ-wɔlɔ da wɔlɔ-wɔlɔ. É kɛ́ tí.

Pitɛ Maa-ŋuŋ 2:15

Ɣâla nîa-mɛni ƃá, a gɛɛ núu é mɛni lɛ́lɛɛ kɛ́, ŋɔmɛni lɛ́lɛɛ kɛɛ̂i é m̀oo-ƃelai díƃoo-lono-ŋai kélee kpera.

Pitɛ Maa-ŋuŋ 4:2

a gɛɛ vé ŋɔfúlu-laai kpéli kɛ̀ gbonôi a núu ŋɔkɛ-pere nyɔŋ maa sɛŋ wɛliɛi ŋɔ́nɔ, kɛ́lɛ, é kɛ́ a Ɣâla nia-mɛni.

Zɔ̂ŋ Maa-ŋuŋ 2:17

Ŋ̀éniɛi a tɛ̂ɛi da ŋɔsu-sɛŋ-wɛliɛi kélee. Kɛ́lɛ, ǹúui a Ɣâla nîa-mɛni kɛ̀i, a pâi kɛ̂i naa wɔlɔ-wɔlɔ da wɔlɔ-wɔlɔ.