Ifisiɛŋ 6:4 - Ŋ̀âla Kɔlɔ Maa Waai

⁴ Lóŋ kaa-naŋ-ŋa, káfe kálônii líi ŋwana-mɛni kɛ̀, kɛ́lɛ, ka dítɔɔ Kúnuu-namui ŋɔsɛŋ-lɛɛi su da ŋɔyao-maai.

Ifisiɛŋ 6:4 ပူးပေါင်းရင်းမြစ်များ

Zɛnɛse 18:19

Kpɛ́ni fêi, ŋá nɛ̀ a gɛɛ é ǹônii da ŋɔpɛ́rɛi mu-ƃelai kɛ́ dí ŋápɛrɛi mɛi káa bôlu ma a tɔ̃yâ-mɛni kɛ́ɛ da teniŋ-mo laa, a gɛɛ ŋá gbanaŋ-wooi ŋàa-see kɛ́ ŋá gɛ̀ Eberaɣɛ̃ɛ yêei.”

Kɔlɔnikɔ Maa-ŋuŋ 28:20

Ǹaa kɛ́ɛ tíi, Deeƃé è mò ǹóŋ Saloma m̀a ǹyɛɛi, “Kɛ́ a ítɔɔ̂i kpanaŋɔɔ, íkili kuláa a ǹɛ́lɛɛ í díi ŋí kɛ́. Ífe yao, kpaa máŋ ílii é kɔ́ kɔ̀, kpɛ́ni fêi, Íɣâlai Yâwɛɛ, kpaa máŋ Ŋáɣâlai káa íkɔlɛ. Vé pâi ǹɛɛ̂i naa í fɛ́ɣɛ, kpaa máŋ é bôlu tɔɔ yâ é lɛ́ɛ la zu díi-ŋai díkaa Yâwɛɛ ŋɔpɛ́rɛi mai é kpɛ́ɛ.

Kɔlɔnikɔ Maa-ŋuŋ 29:19

Ǹɛɛ naa nóŋ Saloma kíli é kɛ́ a dɔɔ́ yâ, é íwoo mɛni, é ítɔ̂ŋ-ŋai mɛi káa é díŋaa-see kɛ́ a gɛ́ɛ é bɛ́rɛi tɔ́ɔ nyíi ŋa dɔɔ-sãa kélee ŋá tɛ́ mai.”

Táre-woo-ŋa 19:18

Ílôloŋ kula-maa kɛ́ tãi kili kɛ-zu káa la íyêei a gɛɛ m̀aa a pâi fáleni. Kɛ́lɛ ƃa wàla gɛ́ tí, íkaa kpɔnîi ma a gɛɛ zu é kara.

Táre-woo-ŋa 22:15

Ƃoo-mɛni káa lôloŋ líi su, kɛ́lɛ ƃa gula-maa kɛ̂ a ǹɛ́lɛɛ, a pâi teêi ŋɔƃoo-tuai ma.

Táre-woo-ŋa 22:6

Sɛŋ lɛ́ lôloŋ ma berei a pɔ̂ri siâi la a zãai. À kɛ̀tɛ, gɛ̀ ní vé pâi kulâi bere sã́ai ma.

Táre-woo-ŋa 29:15

Fáa da tɔ̂ŋ-kpɛ-maa a pâ a táre, kɛ́lɛ lôloŋ nyii a gbîŋ nîa-mɛni kɛi, a ǹee ŋûmɛ.

Táre-woo-ŋa 29:17

Ƃa íloŋ kula-maa kɛ̂, a pâi lii-see tɛɛ̂i ípɔ da lii-nɛ̃ɛ.

Azaya 38:19

Vúlu-ƃelai nɔ́ ƃé da pɔ̂ri ílaa maa tɛ̂i yɛ̂ɛ berei ŋa gɛ̂i lai. Ǹóŋ káa-ƃelai nɔ́ ƃé da íteniŋ ƃô-laai maa mɛni ƃò dínîa-pɛlɛɛi dîa.

Ifisiɛŋ 6:3

“a gɛ́ɛ í mɛni lɛ́lɛɛ sɔlɔ ƃo, ífulu-laai su é kôyaa ǹɔii ma ƃɛ.”

Dutɛrɔnome 4:9

Ka kákpîŋ mɛi káa ká mɛni maa kpɛɛ a ǹɛ́lɛɛ káfa lâa nia la dɔ̂ŋ-ŋai dîa. Ka dɔ̂ŋ-ŋai lɛ́ kálônii dîa da díwɔ̂ lonii.

Dutɛrɔnome 6:7

Ka ǹɛ́ kálônii dîa. Ka doo díkili ŋá tãi ka kɛ̀ seêni la kápɛrɛ-ŋai lai, ka kɛ̀ siai bere-ŋai su, tãi ka kɛ̀ laa-ni lai, da tãi ka kámu siɣe lai.

Kolasiɛŋ 3:21

Lóŋ káa-sinaa, káfe kánîa-pɛlɛɛi líi-ŋwana mɛni kɛ̀, kà gɛ̀ ti, gɛ̀ ní dífii a pâi kpɛɛ̂i.

Temete Veerɛi 1:5

Ítɔ̃yâ laa-lai maa-mɛni káa ŋ́gili ŋá, ǹaa-lai nyíi kɛ̀ ílee ŋɔlee Loe kponôi a maa-ŋuŋ da ílee Yune. Tãi ŋí su ńaâi la a gɛ́ɛ gáa íkponôi.

Temete Veerɛi 3:15

da berei é síɣe íloloŋ tãi ma ya gɔlɔ-pɔ̃yɛ maa-waa-ŋai kɔ́lɔŋ la, nyíi-ŋai da pɔ̂ri ítenîŋ tɔɔ̂i íƃalo-laai mɛni ma laa-la sarâi Zîsɛ Kôrai kponôi.

Zasua 24:15

À kɛ̀ káfe ŋ̀wɛ̂lii a gɛ́ɛ ká tíi kɛ́ Yâwɛɛ mì, ka sâa ǹúui lɛ́ nyíi ka pâi kɛ̂i tíi kɛ̂i m̀ii. À kɛ̀ kà pâi tíi kɛ̂i ŋ̀âla-ŋai kánûai díkɛ̀ dífɛlîi Mɛsopotemia kpiniŋ sui, kpaa máŋ Amɔra-ŋai díɣâla-ŋai nyíi-ŋai kákaa dílɔii sui, ka m̀ó ḿâ. Kɛ́lɛ, mɛni a kpera ḿâ, kwa ŋá ǹûai, kwa pâi tíi kɛ̂i Yâwɛɛ mì.”

M̀ɛni-sâa Ƃó-ƃelai 13:12

Manoa è mò ma ǹyɛɛ, “À kɛ̀ íwooi ŋ̀aa sèe à kɛ̀, gɛ̀ ní lé ƃé fɛ̂ɛ ǹôloŋ é gɛ́i? É ŋɔkɛ-ɣéniɛi kɛ́-pere kɛ́ léŋ?”