Ifisiɛŋ 6:1 - Ŋ̀âla Kɔlɔ Maa Waai

¹ Nîa-pɛlɛɛ, ka kákaa-ƃela wóo mɛni Kúnuu-namui kponôi, kpɛ́ni fêi, nyíŋi káa a tɔ̃yâ.

Ifisiɛŋ 6:1 ပူးပေါင်းရင်းမြစ်များ

Zɛnɛse 28:7

Ǹyaŋ Zeeka è ǹâŋ wóo mɛ̀ni da ǹee é lí Mɛsopotemia.

Zɛnɛse 37:13

Nya ƃe Zeeka è mò Zosɛ ma ǹyɛɛi, “Ílîa-ni díkaa m̀ála-ŋai mɛi kâai Sɛkɛŋ. Pá ŋá ítɛɛ dípɔ naa.” È mò mà ǹyɛɛi, “Ńyãa ká ŋí.”

Zɛnɛse 48:12

Nya ƃe Zosɛ è díkùla ǹâŋ kɔ́ɔ mɛi é pɛ́lɛ ŋ̀úme ŋá é ŋ̀uŋ pîlaŋ ǹɔii ma.

Zɛnɛse 50:12

Zeeka ǹônii-sinaai dí gɛ̀ yɛ̂ɛ berei è mò la diai.

Niɛmaya 9:13

Í kùla ŋ̀elei su póŋ-poŋ, í yéŋ Sana Yeei ma. Í núu-kpune tûa-pere mɛni lɛ́lɛɛ-ŋa lɛ̀ kúnûa pɔ̂lɔ-ŋai dîa, í tɔ̂ŋ lɛ́lɛɛ-ŋa tɛɛ dípɔ.

Ɛtɛ 2:20

Kɛ́lɛ Ɛtɛ fé wɔ́lɔ ŋɔsîi m̀aa mɛ̂ni su kula ní núu da kélee ma. Ɛtɛ è Mɔdikai wóo mɛ̀ni nɔ́ yɛ̂ɛ berei a kâa ŋ̀óo mɛ̀ni la a tãi è kɛ̀ la a lôloŋ.

Zôo 33:27

Nyíŋi à kɛ̀, a pâi kɛ̂i môi gîe mɛi núu-kpune kélee ŋɛ́i-tuɛ ǹyɛɛi, ‘Ḿve mɛni lɛ́lɛɛ kɛ́ ní. Ŋá dɔ̃yâ-perei lɛ̂ɛ. Kɛ́lɛ Ɣâla fé ŋ́gula maa kɛ́ ní yɛ̂ɛ berei maa-nɛ̃ɛi é gɛ́ la a ńyãai.

Wule-woo-ŋa 119:128

M̀ɛni ma, ŋà ńyee sée ísɛŋ-lɛɛi mu, tùa-pere nyɔ̂ŋ ƃɛlɛ fé ŋ́goi.

Wule-woo-ŋa 119:75

Yâwɛɛ, ŋá gɔ́lɔŋ a gɛɛ ya mɛni ŋá tèe a teniŋ ƃô-pere, ǹyaŋ í ŋ́gula-maa kɛ̂ kpɛ́ni fêi, íteniŋ ƃôɔɔi.

Wule-woo-ŋa 19:8

Yâwɛɛ ŋɔtɔ̂ŋ sãai. Diai da lâa lai da lii nɛ̃ɛ kùla. Yâwɛɛ ŋɔtɔ̂ŋ káa a tɔ̂ŋ maa waa. A núu ŋɛ́i-la ƃò.

Táre-woo-ŋa 1:8

Ńoŋ, íwoli tɔ́ɔ ínâŋ ŋɔsɛŋ-lɛɛi ma. Ífe ílee ŋɔlia-wooi pîli

Táre-woo-ŋa 23:22

Ínâŋ wóo mɛ́ni, kpɛ́ni fêi, ǹyaa ƃé í maa sɔlɔ ƃô. Ílee à pɔ̀lɔ, ífe íyee kùla mu.

Táre-woo-ŋa 30:11

Núu da-ni káa naa da dínâŋ náɣaŋ-laa, dífa máŋ ƃaa-kɛ-maa tɛ̀ɛ dílee pɔ́.

Táre-woo-ŋa 30:17

Ǹúu a ɣɛ́lɛ-maa kùla ǹâŋ kponôi gɛ́ ǹee wóo pilii, kuɛ-ŋa da pâi ŋ̀ɛ́i-gao kulâi, gɔ̃ɔ-ŋa dí ǹuu kpéle.

Táre-woo-ŋa 6:20

Ńoŋ, ínâŋ ŋɔtɔ̂ŋ-ŋai mɛi káa, ífe nìa ílee ŋɔsɛŋ-lɛɛi ma.

Zɛlemaya 35:14

Zonada ŋɔsuui su-ƃelai da ŋ̀óo ŋ̀aa-see kɛ́. É síɣe tãi tí ma é seri tãi ŋí ma ŋa lòno la kápɔi dífe niî ŋwã̂ai kpele ní yɛ̂ɛ berei è wɔ́lɔ mò la dîai. Kɛ́lɛ, ŋ́gaa nɔ́ wɔ́lɔ lônoi kápɔ káfa ŋ́oo m̀ɛni.

Zɛlemaya 35:18

Nya ƃe ŋá mò Lika ŋɔsuui su-ƃelai dîa a gɛɛ Ŋ̀wála-wâla kélee Yâwɛɛ, nyíi gáa a Eezuɛ Ŋɔɣâlai a môi ǹyɛɛ, “Ká káwoli tɔ̀ɔ m̀ɛnii ma kánâŋ pɔlɔi Zonada è mò kâai, ká tûa yɛ̂ɛ berei è mò lai, ká m̀ɛni-ŋai kélee ŋ̀aa sèe kɛ̀ yɛ̂ɛ berei è mò lai.

Zɛlemaya 35:8

M̀ɛni-ŋai Zonada è mò kûai, kwa kúyee sée kpɔ́ gélee mu. Kúa kpîŋ kúfe niî ŋwã̂ai kpele ní. Kúnɛyâai, kúlônii-sinaai da kúlônii-nɛyãai dia máŋ dífe niî ŋwã̂ai kpele ní.

Osia 14:9

Tɔɔ ǹúui nyii dáreɛɛ̂i é m̀ɛni-ŋai ŋí ŋá káa, é zíɣe ǹíi su. Yâwɛɛ ŋɔperei káa a tɔ̃yâ pere, ǹyaŋ dɔ̃yâ-ƃelai da sîa berei ŋí su, kɛ́lɛ zɔnyɔ̂ŋ-ƃelai da kâreŋ dí tóo berei ŋí su.

Levetekɔ 19:3

Fɛ̂ɛ kákelee ká ƃaa kɛ́ maa tɛ́ɛ kánâŋ-ni da kálee-ni pɔ, ka ŋáfii-tɔɔ ɣelei maa tɔ̂ŋ-ŋai mɛi káa. Ńyãa ƃa Yâwɛɛ, Káɣâlai.

Lûu 2:51

Gɛɛ ti, da dîa-ni dí lì, dí pa Nâzarɛ, gɛ díwoo siɣe. Kɛ́lɛ, ǹee e ŋ̀óo-ŋai ŋi kélee lâai kɛ̀ ǹíi su.

Lomaŋ 12:2

Káfè kɛ̀ yɛ̂ɛ ǹɔii ŋí su-ƃelai, kɛ́lɛ, kámaa é kɛ́ a váleŋɔɔ kákili nina-ŋai sârai, a gɛ́ɛ ka Ɣâla ǹîa-mɛni kɔri nyíi gáa a mɛni lɛ́lɛɛ, da lii-laa-mɛni, e pɛlɛ mɛni-sãa ma Ɣâla ŋɛi tuɛi.

Lomaŋ 16:2

a gɛ́ɛ ka káyee see mù Kúnuu-namui kponôi yɛ̂ɛ berei Ɣâla-ƃela da gɛ̀ lai. Ka kpɔŋ-mâa tɛɛ bɔ mɛni kélee su a ŋ̀wɛli káyêei. Kpɛ́ni fêi, a kpɔŋ-mâa tɛɛ núu támaa pɔ, a kpɔŋ mâa tɛɛ ḿbɔ máŋ.

Lomaŋ 7:12

Mɛni ma dɔ̂ŋ maa waâi. M̀ɛnii dɔ̂ŋ a m̀ôi maa waâi, gɛ́ ƃô a tɔ̃yâ, ǹɛ́lɛɛ.

Kɔleŋtiɛŋ Maa-ŋuŋ 15:58

Mɛni ma, ŋáwɛli-kɛ-maa-ƃelai, ka fɔlɔ-fɔlɔ, káfe síɣe kátɔɔ̂i. Ka Kúnuu-namui ŋɔtíi kɛ́ nɔ́ a tãi kélee. Ka gɔ́lɔŋ a gɛ́ɛ kátii fé kpɛ́ni-kpɛni Kúnuu-namui kponôi.

Dutɛrɔnome 21:18

“À kɛ̀ lóŋ-surɔ̂ŋ da káa kásama va ƃaa-kɛ-maa tɛ̀ɛ ǹâŋ da ǹee pɔ́, da gula maa kɛ̂ va ŋ̀óli tɔ̀ɔ dîa,

Temete Maa-ŋuŋ 5:4

À kɛ̀ pɔɔ-nɛnî ǹônii da kɛ̀ ma, kpaa máŋ ǹônii-lonii, tɔɔ fulɔi dí m̀aa kɔ́ri berei da pɔ̂ri ƃaa kɛ́-maa tɛɛ̂i la dínûai pɔ dí díkpâi da kula. Kpɛ́ni fêi, nyíŋi káa a Ɣâla lii-laa mɛni.

Pitɛ Maa-ŋuŋ 2:13

Ka gɔmɛnɛ-ƃelai kélee wóo mɛni da núu kpeli-ŋai díkaa kámɛi. Ka gâloŋ kɛ́tɛi woo mɛni. Kpɛ́ni fêi, ǹyaa ƃe ǹɔii mɛi,

Lûfi 3:5

Lûfi è ǹyuara wóo su tòo ǹyɛɛ m̀ai, “M̀ɛnii kélee yâ mò ḿâi ŋa pâi gɛ̂i.”

Samia Maa-ŋuŋ 17:20

Deeƃé è ǹâŋ wóo mɛni. Nya ƃe è mu siɣe a bôlu ma ɣele-wala pɛ-pɛi é núu da ŋɛ́i lɛ́ɛ m̀ála-ŋai dîa. È zãai tólo é pɛ́lɛ liɛɛ ma. Zeríɛɛ gɔ-kuluƃa-ŋai díƃûui sui, dí nâa kɛ̀ liî gɔ́ kɔ́-ɣenei ŋá díkɛ làɣi a kɔ́ kɔ́-woo.