Ifisiɛŋ 5:9 - Ŋ̀âla Kɔlɔ Maa Waai

⁹ Kpɛ́ni fêi, kwaa-ponoɔɔ ŋɔƃa káa mɛni lɛ́lɛɛ kélee su, da mɛni sã́a, é pɛ́lɛɛ tɔ̃yâ ma.

Ifisiɛŋ 5:9 ပူးပေါင်းရင်းမြစ်များ

Maafîu 3:8

Maa mɛ̂ni ma, ka nɛ̀ɛ naa káƃa é kálii-penêi lɛ́.

Zɔ̂ŋ 1:47

Zîsɛ e Natɛnia kàa gɛ pa bɔ. E m̀aa-mɛni ƃo, ǹyɛɛi, “Ka gáa, Eezuɛ-nuu kpîŋ ká ŋi, nyii pɛlɛ fe gbonôi!”

Lomaŋ 15:14

Ŋánûa, ńyãa kpîŋ ńii lâai kámɛni ma a gɛ́ɛ káa kpîŋ kálaa fɛɛ̂i a lɛ́lɛ-laa, kálaa fɛ́ɛ a táre kélee, pɔ̂ri kɛ́ ƃo káa a gɛ́ɛ ka sɛŋ lɛ kákîe-ni dîa.

Lomaŋ 2:4

Kpaa máŋ ya íŋɛi naɣîŋ ŋɔsɔŋ lɛ̂lɛ-laa su-kɛ́tɛi mɛi, ŋɔmaloŋ-kaai da ŋɔlii-kpelei ma? Ífe gɔ́lɔŋ a gɛ́ɛ Ɣâla ŋɔsɔŋ lɛ̂lɛi su-kulai ƃa é íkɛ í ílii pene?

Ifisiɛŋ 4:15

Kúfe ǹɛɛ naa nyíŋi-ŋai ŋí dí kɛ́ a kúa, kɛ́lɛ, fɛ̂ɛ kú dɔ̃yâi ƃo wɛli-kɛ-maa su, kú ƃɔlɔ a pere sii kélee Kôrai kponôi nyíi gáa a kúŋuŋ tuɛ-nuui.

Ifisiɛŋ 4:25

Mɛni ma kà kɛ̀ teêi wôya-pere ma, ká lóno a tɔ̃yâ kákɔlɛ-mâ-ƃelai pɔ, kpɛ́ni fêi, kúkaa a kúkîe-ni pɔ́ɔ.

Ifisiɛŋ 6:14

Mɛni ma kà kpɛ̀ɛ a dɔ̃yâ-bɛ̂tii toɔɔ káleŋei, ká dɔ̃yâ-laa kɔli-kalaŋ pɛ́lɛ kákeŋe lá, ka Duŋ Lɛ́lɛɛi ŋɔlii-sêe kɔɔ-ŋa-kɔlɔi lɔ́ kákɔɔ ŋá kákpîŋ kpɛtɛ mɛ̂ni ma, ká tɔ́ɔ.

Felepiɛŋ 1:11

Kálaa fɛɛ̂i a tɔ̃yâ laa-la ŋɔƃa nyíi pa Zîsɛ Kôrai sarâi Ɣâla ŋɔfólo-laai da ŋɔlaa-maa-tɛi mɛni ma.

Kolasiɛŋ 3:18

Nɛyâa, ka kɛ́ kásinâai mu, yɛ̂ɛ berei gáa la a mɛni lɛ́lɛɛ Kúnuu-namui kponôi.

Temete Maa-ŋuŋ 6:11

Kɛ́lɛ, à kɛ̀ a yái íkaa a Ɣâla ŋɔnúui, tée nyíŋi kélee ma. Kɔ́ a gɛ́ɛ í kɛ́ a tɔ̃yâ-nuu, í kɛ́ a Ɣâla-mɛni kɛ́-nuu, laa-la é kɛ́ íyeêi, wɛli-kɛ-maa, fɔlɔ-fɔlɔ, da sɔŋ lɛlɛ laa.

Ibulu 1:8

Kɛ́lɛ, gáa lônoi gɛ́ pìlaŋ Ǹóŋ ma, ǹyɛɛi, “Óo Ɣâla, íkâloŋ-see-sɛŋ káa nɔ́ naa wɔ́lɔ-wɔlɔ da wɔ́lɔ-wɔlɔ. Deniŋ-mo wurui ƃa íkâloŋ-laai su-wuruii.

Ibulu 11:33

Laa-la sarâi ǹûai ŋí dí lɔii-ŋuŋ ŋa yée kùla, dí pá a tenîŋ-ƃo-mɛni, dí kono-tee támaa sɔlɔ ƃo, dí yala-sulu-ŋa lá tɛ́.

Zɔ̂ŋ Maa-ŋuŋ 2:29

À kɛ̀ ká gɔlɔŋ a gɛɛ gáa a tɔ̃yâ-nuu, ká gɔlɔŋ a gɛɛ ǹúui kélee a mɛni-sãa kɛ̀i, Kôrai a zɔlɔ ƃo a lóŋ.

Zɔ̂ŋ Zaaƃai 1:11

Ŋáwɛli-kɛ-maa nuui, ífe mɛni nyɔ́mɔɔ pɔ́ɔ kɔ̀ɔŋ, kɛ́lɛ, mɛni lɛ́lɛɛ pɔ́ɔ kɔɔ̂ŋ. Ǹúui a mɛni lɛ́lɛɛ kɛ̀i, gáa a Ɣâla pɔ́ɔ. Ǹúui a mɛni nyɔ́mɔɔ kɛ̀i, vé niî Ɣâla káa ní.