Ifisiɛŋ 5:8 - Ŋ̀âla Kɔlɔ Maa Waai

⁸ kpɛ́ni fêi, ká kɛ̀ a kpini a tãi da, kɛ́lɛ, kákaa nâa a kwaa-ponoɔ Kúnuu-namui kponôi. Ka sia yɛ̂ɛ kwaa-ponoɔɔ su-nia-pɛlɛɛ.

Ifisiɛŋ 5:8 ပူးပေါင်းရင်းမြစ်များ

Wule-woo-ŋa 74:20

Gbanaŋ-wooi í gɛ̀ díyêei, ífe ǹia m̀ɛni ma. Núu nyɔ́mɔɔ-ŋa díkaa ǹɔii m̀éla kélee ma.

Azaya 2:5

M̀ɛni ma, káai a Zeeka ŋɔsuui su-ƃelai, kwaa sia gwaa ponoɔɔi su nyii Yâwɛɛ a dɛ̀ɛ kúpɔi.

Azaya 42:16

“Ŋa pâi tɔɔ̂i ŋánûa ŋɛ́i púɔɔ-ŋai túɛ, ŋá tɛ́ɛ a dia a berei dífe tá tɛ̀ɛ ní lai. Ŋa pâi díkpinii kɛ̂i a kwaa ponoɔɔ. Ŋa pâi bere kilɛ-kilɛ-ŋai su sãâi. Ŋákono teei ká ŋí, ǹyaŋ fé pâi wɔ́lɔ m̀aa fálenîi.

Azaya 49:6

Yâwɛɛ è m̀o ǹyɛɛi, “Ŋátii kɛ́-nuui, tíi kpânaŋ káa ńyêei ímɛni ma. Vé nɔ́ a gɛɛ ípa a ŋɔnûai Eezuɛ-ŋai pôlu nyii-ŋai kùla gɔ́i zui, kɛ́lɛ ŋa pâi íkɛ̂i a kwaa ponóɔɔ ŋ̀éniɛi gwaa kélee mɛni ma. Ŋ̀éniɛi su-ƃelai kélee da pâi ŋuŋ ma ƃô sɔlɔ ƃôi ísarâi.”

Azaya 49:9

Ŋa pâi m̀ôi diai dîa díkaa kpini-pɛ̂rɛ mu ńyɛɛ dîai, ‘Kaŋuŋ ma a ƃó.’ Diai díkaa kpínii ńyɛɛ dîai, ‘Ka kúla gbínii su ká lí kâa.’ Da pâi kɛ̂i yɛ̂ɛ ƃála-ŋa ƃé yée ma kala ŋûnu ŋá dí kɛ́ dílaa mìi.

Azaya 50:10

Gbɛɛ-ni ƃé kásama da yâo Yâwɛɛ ma, díkɛ díwoli tɔ̀ɔ ŋɔtíi kɛ́-ƃelai dîai? Gbɛ̂ɛ-ni ƃé kásama díkaa kpînii dífa kwaa ponóɔɔ kàai? Tɔɔ dí láa a Yâwɛɛ, dí díkili tɔ́ɔ Ɣâla ma.

Azaya 9:2

Diai kɛ̀ siâi kpînii, daâ kwaa ponóɔɔ su-kɛ́tɛ káa. Diai kɛ̀ lɔii kpíniɛɛ maa pɔlɔ-pɔlɔɔ sui, díkaa nâa kwaa ponóɔɔ kɛ́tɛ su.

Zɛlemaya 13:16

Ka ƃaa kɛ́-maa tɛ́ɛ Káɣâlai Yâwɛɛ pɔ́, va lâ kpíni kɛ́tɛ too lâ kâa, kákɛ kàreŋ ǹyée kpaya-kpayai dîa nyíi-ŋai pâi kɛ̂i a dímaa kpiniɛi. Va lâ gwaa ponoɔɔi nyíi kákili káa mai kɛ́ lá yɛ̂ɛ tuna-ya kpini maa pɔlɔ-pɔlɔɔ.

Maafîu 3:8

Maa mɛ̂ni ma, ka nɛ̀ɛ naa káƃa é kálii-penêi lɛ́.

Maafîu 4:16

ǹûai nyii-ŋai kɛ̀ sêe ni kpînii, dí kwaa ponoɔ kɛ́tɛ kàa, nyii-ŋai kɛ̀ see ni saa-taa kpíni su da ŋɔninîŋ mui, kwaa-ponoɔ a kula a dia.”

Lûu 1:79

a gɛɛ e kwaa-ponoɔ tɛɛ dípɔ diai díkaa seêni kpini da saa-ninîŋ sui, e kúsia-pere lɛ kûa lii-sêe-pere su.”

Lûu 16:8

Nya ƃe ǹâmui e ǹyée-mu-nuu sɔŋ nyɔ́mɔɔi láa maa tɛ̂ berei a táre kɛ́ lai; kpɛ́ni fêi, ŋ̀éniɛi ŋi su-lonii-ŋai táreɛɛ̂i e pîlaŋ díkaa-ƃelai dîa é tɛ́ɛ víyeŋ ǹônii-ŋai dîa.

Zɔ̂ŋ 1:9

Dɔ̃yâ kwaa-ponoɔi nyii a fôlo núu-kpune kélee mai, è kɛ̀ pâi ǹɔii su.

Zɔ̂ŋ 12:35

Zîsɛ e mò dîa, ǹyɛɛi, “Gwaa-ponoɔi káa kákɔlɛ a tãi su kôyaa kuro. Ka sia tãi gwaa-ponoɔi káa káyêei, kpíni fe làa pɛlɛ la kâa; ǹúui a sîa a kpinii, ve ƃɛi kɔ́lɔŋ a liî naai.

Zɔ̂ŋ 12:36

Tãi gwaa-ponoɔi káa la káyêei, ka láa a gwaa-ponoɔi, a gɛɛ ka kɛ́ a gwaa-ponoɔi ǹônii.” Tãi Zîsɛ e nyiŋi ƃòi, e kùla naa e gbîŋ loo dîa.

Zɔ̂ŋ 12:46

Ŋá pá yɛ̂ɛ kwaa-ponoɔ ǹɔii su, a gɛɛ ǹúui nyii kélee à làa a ńyãai, ve lɛɛ kpinîi.

Zɔ̂ŋ 8:12

Zîsɛ e ŋɔ́nɔ lóno dípɔ, ǹyɛɛi, “Ńyãa ƃa ǹɔii ŋɔkwaa-ponoɔi; ǹúui nyii a pîlaŋ ḿbôlui ve pâi siâi kpinii. Kɛ́lɛ, gwaa-ponoɔ fulu-laai a pâi kɛ̂i ǹyêei.”

Zia-ƃelai Kɛ́-mɛni-ŋai 17:30

Ɣâla è ŋ̀ɛ́i nàɣiŋ mɛni-ŋai mɛi ká gɛ̀ a tãi káfe kɛ́ ní a gɔ́lɔŋɔɔ lai. Kɛ́lɛ, a nâa núu kélee tóli a gɛ́ɛ dí dílii pene.

Zia-ƃelai Kɛ́-mɛni-ŋai 26:18

a gɛ́ɛ í díŋɛi lá ƃo í díkula kpinîi í pa a dia kwaa-ponoɔ su í díkula Sêtɔŋ ŋɔwála-walai su í pa a dia Ɣâla pɔ, a gɛ́ɛ dí sɔnyɔ̂ŋ su-mɛni-lɛɛ maa sɔlɔ ƃo. A gɛɛ ŋɔ́nɔ dí kwaa ma sɔlɔ ƃo diai sama, nyíi-ŋai dímaa waâi a naa-laai gáa díyêei ḿɛni mai.’

Lomaŋ 1:21

Berei máŋ dí kɛ̀ a Ɣâla kɔ́lɔŋɔɔ lai, dífe ƃâa kɛ́ ni mà yɛ̂ɛ Ɣâla, dífe tela zɛɣɛ̂i fé ní, kɛ́lɛ, díkili ŋa-siai è kɛ̀ nɔ́ a vólo, díkili ŋá púɔɔ.

Lomaŋ 13:12

gbínii a gbâa tɛɛ, ŋele-ƃɔɔi a nâa lɛɣɛ. Mɛni ma kwaa ku gbini tii píli ku ŋele-ƃɔɔi ŋɔtii-kɛ sãai siɣe.

Lomaŋ 2:19

Ílaâi kpɔ́ la yá ƃa ŋ̀ɛi-puu-ƃelai tuɛ-nuu, í ƃo a kwaa-ponoɔɔ diai kélee mɛni ma kpinîi.

Kɔleŋtiɛŋ Maa-ŋuŋ 1:30

Nya ƃe kúfulu-laai a kûla ǹyêei Zîsɛ Kôrai kponôi, nyíi ǹyaa Ɣâla e gɛ̀ a ku-tárei, kútɔ̃yâ laa-lai, kúmaa-waa-laai, da kúmaa-tee-laai.

Kɔleŋtiɛŋ Veerɛi 3:18

Ǹyaŋ kúkelee kúai kúŋɛi mɛi fé pɛlɛ níi, kwa Kúnuu-namui ŋɔfólo-laai kâa, kúmaa a fâleŋ ku kɛ́ yɛ̂ɛ ǹyaa, ku kúla folo-laa-loŋ su, kú píli fólo-laa kɛ́tɛ su. Kpɛ́ni fêi, nyíŋi a kulâi Kúnuu-namu yêei, nyíi gáa a M̀ɔlêŋ.

Kɔleŋtiɛŋ Veerɛi 4:6

Ŋ̀âlai ŋí ƃé m̀o, ǹyɛɛi, “Tɔɔ kwaa-ponoɔ é folo gbínii su,” nyíi a fólo kúlii su a gɛ́ɛ e Ɣâla ŋɔfólo-laai maa-tarei ŋɔkwaa-ponoɔi tɛ́ɛ kúpɔ volo-laai su nyíi gáa Kôrai mai.

Kɔleŋtiɛŋ Veerɛi 6:14

Diai laa-la fé díyêei káfe díkɛ a káƃarâa. Kpɛ́ni fêi, lé ƃé kɛ̀-zu-tɔnɔɔ a gɛ̀ a tɔ̃yâ laa-la da ŋ̀wana-lɔ̂ɔ? Kpaa máŋ, lé ƃé kɛ̀-zu-tɔnɔɔ a gɛ̀ a kwaa-ponoɔ da kpíni?

Galesiɛŋ 5:25

A kɛ̀ kúɣeniɛi káa M̀ɔlêŋ su, ǹɛ́lɛɛ̂i kú sía M̀ɔlêŋ su.

Ifisiɛŋ 2:2

Ká sia tɔ̂ŋ karaa su da sɔnyɔ̂ŋ a maa-ŋuŋ. Ká kɛ́ ŋ̀éniɛi ŋí su tua-perei pôlu, ká kɛ́ nyînaŋ nyɔ́mɔɔ-ŋai díkâloŋ pôlu, nyíi gáa tíi kɛ̂i diai sama da Ɣâla wóo pìlii.

Ifisiɛŋ 4:18

Díkaa kpinîi dímɛni ŋa-kaai su, dí kúlaa Ɣâla ŋɔfúlu-laai ma, kpɛ́ni fêi, maa-tare fé diɛ, kpɛ́ni fêi ŋɔ́nɔ dílii kpanaŋɔɔ̂i.

Ifisiɛŋ 5:2

ka sia wɛli-kɛ-maa su yɛ̂ɛ berei Kôrai máŋ è kúwɛli la é gbîŋ tɛɛ kúmɛni ma yɛ̂ɛ kereŋ-sɛŋ kúŋ nɛ̃ɛ da sâla kúlaa Ɣâla ma.

Ifisiɛŋ 6:12

Kpɛ́ni fêi, kúfe kɔ̂i núu-kpune pɔ, kɛ́lɛ, kúkaa kɔ̂i nuu-mɛi-ƃelai pɔ, nyíi-ŋai díkaa a ŋwála-wala-ƃelai. Díkaa a tãi ŋí su-lɔii kpiniɛi su-nuu tuɛ-ƃela nyɔ́mɔɔ-ŋa, dí ƃo a nyînaŋ nyɔ́mɔɔ-ŋa nyînaŋ nyɔ́mɔɔ-ŋai pɔ taai.

Kolasiɛŋ 1:12

Ka sɛɣɛi-fei tɛɛ Nàŋ-nuui pɔ nyíi kúkpɛtɛ a gɛ́ɛ kú kɛ́ a Ŋ̀âla-ƃelai tûa-perei da kɛ-ƃela gwaa-ponoɔi sui.

Kolasiɛŋ 1:13

A kúkula kpini ŋɔwála-walai su a li a kua ŋɔwɛli-kɛ-maa-Loŋ ŋɔkâloŋ-laai su,

Taitɔ 3:3

Kpɛ́ni fêi, kûa kpîŋ kú kɛ̀ a ƃoo-ƃela a tãi da. Kúfe kɛ́ ní a woo-mɛni ƃela. Kú pɔ̀ara berei mâ. Kú kɛ̀ a mɛni nyɔ́mɔɔ sii támaa wɛ́liɛɛ ŋɔluɛ-ŋa da nîa kɛ. Kúkɛ̀ kúɣele-ŋai tɛɛ̂i lii-ŋwâna su da tólo. Nûa dí kúkpɔara, kúkɛ kúkîe-ni kpɔara.

Zɔ̂ŋ Maa-ŋuŋ 1:7

Kɛ́lɛ, à kɛ̀ kwa sìa gwaa-ponoɔi su yɛ̂ɛ berei gáa la a gwaa-ponoɔi, gɛ̀ ní kwa dai-ni kúlii káa tɔnɔ, gɛ̀ ní Nòŋ-nuui Zîsɛ Kôrai ŋɔŋãai a kúsɔnyɔ̂ŋ kélee wáa kûa.