Ifisiɛŋ 5:32 - Ŋ̀âla Kɔlɔ Maa Waai

³² Nyíŋi ŋá káa la walai, kɛ́lɛ, ŋa lônoi é pîlaŋ Kôrai ma da Kôrai-toli-kpɔŋ.

Ifisiɛŋ 5:32 ပူးပေါင်းရင်းမြစ်များ

Azaya 54:5

Íkpɛtɛ-nuui a pâi kɛ̂i yɛ̂ɛ ípɔ̂ŋ. Íkpɛtɛ-nuui kpîŋ láa ƃa Ŋ̀wála-wâla kélee Yâwɛɛ. Eezuɛ Ŋɔɣâla Maa Waai ƃa íŋuŋ ma ƃó nuui. Ǹyaa ƃa ŋ̀éniɛi kélee kpɛtɛ Ɣâlai.

Zɔ̂ŋ 3:29

Ǹúui nyii nɛnî káa ǹyêei, ǹyaa ƃe gáa a nɛnî-kula-nuui. Ǹɛnî-kula-nuui ǹaoi nyii a tɔɔ̂ni, gɛ ŋ̀óo mɛni, nɛnî-kula-nuui wóo a ǹíi nɛ̀ɛ a dámaa. À kɛ̀ ti, gɛ̀ ní, ŋálii-nɛɛi ŋi lá a nâa fɛɛ.

Kɔleŋtiɛŋ Veerɛi 11:2

Ɣâla-tolo káa ńii su kámɛni ma, kpɛ́ni fêi, ŋá kátɛ̀ɛ Kôrai pɔ́ a gɛ́ɛ ŋá ká lɛ́ yɛ̂ɛ núu à kɛ̀ nɛnî maa-waa tɛɛ̂i ŋɔsurɔ̂ŋ pɔ́ nyíi gɔli-kao lai.

Ifisiɛŋ 5:31

“Sâpoi ŋí ma, surɔ̂ŋ a ǹâŋ lɛ̀ɛ da ǹee é kánaŋ ŋɔnɛnîi ma, dífeerɛ dí kɛ́ tɔnɔ.”

Ifisiɛŋ 5:33

Kɛ́lɛ, kákelee ka kánɛyâai wɛli tɔnɔ́-tɔnɔ́ yɛ̂ɛ kákpîŋ. Fɛ̂ɛ ǹyaŋ ǹɛyâai dí gáa a gɛ́ɛ dí ƃaa kɛ́-maa tɛɛ dísinâai pɔ.

Ifisiɛŋ 6:19

Ka Ɣâla fɛli máŋ ḿɛni ma a gɛ́ɛ ŋá m̀ɛnii kɔlɔŋ ŋa pâi m̀ôi tãi ŋà ńâ ƃò-la a gɛ́ɛ ŋa Duŋ Lɛ́lɛɛi su loo-mɛnii ƃo a lii-kpelei.

Kolasiɛŋ 2:2

a gɛ́ɛ dílii su é kpanaŋ yɛ̂ɛ berei díɣiriɛi la díkîe-ni dîa a wɛli-kɛ-maai, a gɛ́ɛ Ɣâla ŋɔloo-mɛnii su-tɔɔ-laai maa-tarei é kɛ́ káyêei a gbanaŋɔɔ, nyíi gáa a Kôrai, ká ŋá káa,

Temete Maa-ŋuŋ 3:16

Kwa mò a gɛ́ɛ Kúɣâla-mɛnii ŋɔloo-mɛnii kɛ́tɛ̂i a tɔ̃yâ. È gbîŋ lɛ̀ núu-kpune kɛ-pere su, Ɣâla è fâa Ŋɔmɔlêŋ ma, Ɣâla-taa kela-ŋa dí gáa, nûa dí maa-mɛni ƃò ǹɔii-ŋai su, ǹɔii-su-ƃelai dí láa la, Ɣâla é tɛ̀ la fólo-laa su.

Temete Maa-ŋuŋ 3:8

Ǹyaŋ bere nɔ́ ƃe máŋ gáa la, fɛ̂ɛ díkɛŋ-ŋai dí dímɛi kaa, dífe kɛ̀ a ǹûai dínɛŋ káa díla feerɛ, dífe kɛ̀ a lɔɔ-kpele-ƃela, dífe kɛ̀ a sɛŋ-kao wɛli-ƃela.

M̀ɛni-lɛɛi 21:2

Ŋá daa-lee maa waai kâa, nyíi gáa a Zerusâlɛŋ ninai gɛ́ kúla Ɣâla yêei Ɣâla-taa, gbɛ́tɛɛ yɛ̂ɛ nɛnî ƃe maa-ɣiriɛ gɛ́ ŋɔsurɔ̂ŋ maa kpɛ̂ŋ a gɛɛ é gùla a nɛnî.