Ifisiɛŋ 5:23 - Ŋ̀âla Kɔlɔ Maa Waai

²³ Kpɛ́ni fêi, surɔ̂ŋ ƃe gáa a ŋɔnɛnîi tuɛ-nuu, yɛ̂ɛ berei Kôrai káa la a Kôrai-toli-kpɔŋ ŋuŋ, gbono kɛ́ ƃo a Kôrai-toli-kpɔŋ. Kôrai ǹyaa kpîŋ káa a Kôrai-toli-kpɔŋ ƃálo-nuu.

Ifisiɛŋ 5:23 ပူးပေါင်းရင်းမြစ်များ

Zia-ƃelai Kɛ́-mɛni-ŋai 20:28

M̀ɛni ma, ka kámɛi káa da Kôrai-ƃela kpului kélee, nyíi-ŋai M̀ɔlêŋ Maa Waai a kákɛ a dímɛi-ƃela a gɛ́ɛ ka Kúnuu-namui ŋɔtóli-kpɔŋ su-ƃelai ŋá kɔ́ŋ, nyíi è díyà a gbɔɔi ŋãai.

Kɔleŋtiɛŋ Maa-ŋuŋ 6:13

“Mii-sɛŋ káa núu koi mɛni ma, núu koi kɛ́ ƃo mii-sɛŋ mɛni ma.” Ǹyaŋ Ɣâla a pâi dífeerɛ dísu karâi. Núu kpono fe wulu-wulu kɛ́-mɛni ma, kɛ́lɛ, gáa Kúnuu-namui mɛni ma, ǹyaŋ Kúnuu-namui kɛ́ ƃo núu kpono mɛni ma.

Ifisiɛŋ 4:15

Kúfe ǹɛɛ naa nyíŋi-ŋai ŋí dí kɛ́ a kúa, kɛ́lɛ, fɛ̂ɛ kú dɔ̃yâi ƃo wɛli-kɛ-maa su, kú ƃɔlɔ a pere sii kélee Kôrai kponôi nyíi gáa a kúŋuŋ tuɛ-nuui.

Ifisiɛŋ 5:24

Berei Kôrai-toli-kpɔŋ káa la Kôrai mui, tɔɔ ǹɛyâai máŋ dí kɛ́ ti dísinâai mu mɛni kélee su.

Kolasiɛŋ 1:18

Gáa a gbonoi ŋuŋ nyíi gáa a Kôrai-toli-kpɔŋ. Gáa a gɔɔ-pîlanii, gɛ ƃo a ǹúui maa-ŋuŋ kùla saa yêei, a gɛ́ɛ dɔɔ̂i é kɛ́ a gɛ́tɛ mɛni kélee su.

Tɛsɛlôniɛŋ Maa-ŋuŋ 1:10

e pɛlɛ berei ma ka Ǹóŋ maa kpɛ̂ŋ la nyíi kùla Ɣâla-taai. Ɣâla è m̀u siɣe saa yêei. Gáa a Zîsɛ nyíi kúkùla Ɣâla ŋɔlii-ŋwanai su nyíi pâi.

M̀ɛni-lɛɛi 19:7

Kwaa lii-nɛ̃ɛ kùla kú kúkpîŋ maa tɛ́ kú fólo-laa tɛ̀ɛ bɔ̀, kpɛ́ni fêi, M̀ála-loŋ ŋɔnɛnî-kula-tãi a pá. Ǹyaŋ Ŋɔnɛnîi a gbîŋ kpɛtɛ.

M̀ɛni-lɛɛi 5:9

Ǹya ƃe dí kɛ̀ wule nina toôi, díyɛɛi, “Ímaa nɛ̃ɛ̂i a gɛɛ í gɔlɔi siɣe, í gɔlɔ lá-tɛ-sãai kúla ńâ. Kpɛ́ni fêi, dí ípàa, ya núu-kpune ŋuŋ ma ƃó a íŋãai Ɣâla mɛni ma, da kûla nuu-suu kélee su, sii-woo kélee su, da núu kélee, é pɛ́lɛ lɔii-ŋûŋ kélee ma.