Ifisiɛŋ 5:20 - Ŋ̀âla Kɔlɔ Maa Waai

²⁰ Ka sɛɣɛi-fei tɛɛ Kúnâŋ Ɣâla pɔ a tãi kélee sɛŋ kélee mɛni ma Kúnuu-namui Zîsɛ Kôrai láai su.

Ifisiɛŋ 5:20 ပူးပေါင်းရင်းမြစ်များ

Zôo 1:21

È mò ǹyɛɛ, “Ḿve pá ní ƃɛ́ a sɛŋ da, ǹyaŋ fé pâi liî a sɛŋ da. Yâwɛɛ ƃé dɛ̀ɛ ǹyaŋ, Yâwɛɛ aâ ŋɔ́nɔ zìɣe pôlu. Laa ma-tɛ é tɛ́ɛ Yâwɛɛ pɔ́.”

Wule-woo-ŋa 34:1

Ŋa pâi kɛ̂i nɔ́ sɛɣɛ-fei tɛɛ̂i Yâwɛɛ pɔ́ a ɣele kélee. Fé pâi wɔ́lɔ kperâi laa maa tɛ̂ tɛɛ̂i bɔ́.

Azaya 63:7

Ŋa pâi Yâwɛɛ ŋɔwɔ́lɔ-wɔlɔ wɛ̂li-kɛ-maai maa mɛ̂ni ƃôi. Ŋa ǹáa maa tɛ̂i é pîlaŋ la m̀ɛnii a gɛ̀ kûɛi, mɛni ma. A lûwa láa kpɔ́ Eezuɛ ma a ŋ̀ánaa ŋɔwɔ́lɔ-wɔlɔ wɛli-kɛ-maai da ŋɔmaloŋ kâa laai mɛ̂ni ma.

Zɔ̂ŋ 15:16

Káfe ńziɣe ni. Kɛ́lɛ, ŋá kásìɣe ŋá kálɛ a gɛɛ ká lí ká ƃa a gɛɛ ǹyaŋ káƃa é lɛ́ɛ. A gɛɛ sɛŋ kélee ka m̀are-kɛ̂ɛ kɛ̀ Nàŋ-nuui ma ńaai sui é dɛɛ kápɔ.

Zia-ƃelai Kɛ́-mɛni-ŋai 5:41

Zia-ƃelai kúlaa gbɔŋ sui, dí li a lii-nɛ̃ɛ, kpɛ́ni fêi, Ɣâla a fáa ma a gɛ́ɛ dímaa nɛ̃ɛi kɛ̀ dí mɛni-soli káa a ŋumɛ pere Zîsɛ láai mɛni ma.

Lomaŋ 1:8

M̀aa-ŋuŋ, ŋa Ŋáɣâlai sɛɣɛ̂i fêi kákelee kámɛni ma Zîsɛ Kôrai sârai, kpɛ́ni fêi, kálaa-lai maa-mɛni káa nûa lá ǹɔii su gwaa kélee.

Kɔleŋtiɛŋ Maa-ŋuŋ 1:4

Ŋa Ŋáɣâlai sɛɣɛ̂i fè kámɛni ma a tãi kélee m̀ɛlɛ-seei mɛni ma nyíi Ɣâla è dɛ̀ɛ kápɔ Zîsɛ Kôrai kponôi,

Kɔleŋtiɛŋ Maa-ŋuŋ 15:24

Gɛ̀ ní gbɛɛ ŋá a nâa pá, tãi a ǹúu mɛi-ƃelai su kàra la da ŋwála-wala-ƃelai, é Ɣâla ŋɔkâloŋ-laai tɛ́ɛ Ɣâla Nàŋ-nuui pɔi.

Ifisiɛŋ 5:4

Lono maa liƃiɛ, ƃoo-lono, da ŋumɛ-lono fè kɛ̀ kásama, nyíi-ŋai dífe lɛlɛ níi. Kɛ́lɛ, sɛɣɛi-fei é kɛ́ káyêei.

Felepiɛŋ 1:3

Tãi kámaa-mɛni a tôo la ŋ́gili ŋái, ŋa sɛɣɛi-fei tɛ̀ɛ Ŋáɣâlai pɔ.

Felepiɛŋ 4:6

Káfe kpaaŋ mɛni kélee ma, kɛ́lɛ, Ɣâla fɛliɛ su da mare-kɛɛ é pɛ́lɛ sɛɣɛi-fei ma, mɛni kélee ka ŋ̀wɛ̂lii ka ǹɛɛ naa Ɣâla é gɔ́lɔŋ.

Kolasiɛŋ 3:17

Mɛni kélee ka gɛ̀ a káwooi kpaa a kátûa-perei, ka gélee kɛ́ Kúnuu-namui Zîsɛ láai su, ka sɛɣɛi-fei tɛɛ Nàŋ-nuui Ɣâla pɔ zarâi.

Tɛsɛlôniɛŋ Maa-ŋuŋ 3:9

Kwa Ɣâla sɛɣɛ̂i fè kámɛni ma, nii-nɛ̃ɛi kélee gáa kúkponôi kámɛni ma Ɣâla ŋɛi mɛni ma.

Tɛsɛlôniɛŋ Maa-ŋuŋ 5:18

ka sɛɣɛi-fei tɛɛ mɛni-sii kélee su. Kpɛ́ni fêi, nyíŋi káa a Ɣâla nîa-mɛni kámɛni ma Zîsɛ Kôrai kponôi.

Tɛsɛlôniɛŋ Veerɛi 1:3

Ŋánûa, fɛ̂ɛ nɔ́ kú sɛɣɛi-fei tɛɛ Ɣâla pɔ́ a ɣele kélee ká mɛni ma, yɛ̂ɛ berei maa nɛ̃ɛ̂i kú gɛ lai, kpɛ́ni fêi, kálaa-lai a ƃɔlɔ̂i a zu kɛ́tɛ. Ŋ̀wɛli-kɛ-maai gáa káyêei kákîe-ni mɛni mai, gɛ ƃɔlɔ.

Tɛsɛlôniɛŋ Veerɛi 2:13

Kɛ́lɛ, ŋánûa, gáa a sɛŋ a gɛ́ɛ fɛ̂ɛ kú sɛɣɛi-fei tɛɛ Ɣâla pɔ́ a ɣele kélee kámɛni ma, káai kákaa a Kúnuu-namui ŋɔwɛli-kɛ-maa ƃelai. Kpɛ́ni fêi, Ɣâla a kálɛ gɔ́ɔ pîlanii a gɛ́ɛ ká ƃálo M̀ɔlêŋ ŋɔmaa-waa-laai sârai da ǹaa-lai gáa káyêei dɔ̃yâi sui.

Ibulu 13:15

Mɛni ma kwaa laa-maa-tɛ sala kúla Ɣâla ma a tãi kélee zarâi, ǹyaa ƃa ǹáa tóli-wooi nyíi a kúla núu lái.

Pitɛ Maa-ŋuŋ 2:5

Ka kákpîŋ tɔ̀ɔ a Mɔlêŋ ŋɔpɛ́rɛ yɛ̂ɛ fúlu-laa kɔni-ŋa. Ka kɛ́ a sâla láa soŋ-ƃela. Ka Mɔlêŋ ŋɔsâlai kúla Zîsɛ Kôrai sarâi nyíi a Ɣâla líi làai.

Pitɛ Maa-ŋuŋ 4:11

Núu à kɛ̀ lônoi, tɔɔ é lóno yɛ̂ɛ núu à kɛ̀ Ɣâla wóo kpîŋ ƃôi. Núu à kɛ̀ kpɔŋ-mâa kɛ̂i, tɔɔ é gɛ́ a gbanaŋ yɛ̂ɛ berei Ɣâla è dɛ̀ɛ la bɔi, a gɛɛ mɛni kélee su Ɣâla ŋɔfólo-laai maa é tɛ́ Zîsɛ Kôrai sarâi, nyíi fólo-laa káa a bɔ́ɔ da wala-wala-laa wɔlɔ-wɔlɔ da wɔlɔ-wɔlɔi. É kɛ́ tí.