Ifisiɛŋ 5:10 - Ŋ̀âla Kɔlɔ Maa Waai

¹⁰ Ka kɔ́ ká m̀ɛnii maa kɔri nyíi a Kúnuu-namui líi làai.

Ifisiɛŋ 5:10 ပူးပေါင်းရင်းမြစ်များ

Wule-woo-ŋa 19:14

Tɔɔ m̀ɛni-ŋai kélee ŋa m̀ôi da nyii-ŋai kélee ńii sui, díkɛ a ílii láa mɛni-ŋa, óo Yâwɛɛ, yái íkaa a ŋá kili tɔɔ-maa kɔnii da ŋ́uŋ ma ƃó-nuui.

Táre-woo-ŋa 21:3

Ɣâla Yâwɛɛ è tɔ̃yâ-laa da sã́a-laa wɛlini é tɛ́ɛ sâla-kuláa ma.

Azaya 58:5

Kà kɛ̀ sûŋ siɣêi, ka kákpîŋ m̀ɔ̃lɛ. Ka luu sîa kâa, ká malôŋ tôo-maa sêɣe tòo kâa, ká káŋuŋ ma pîlaŋ yɛ̂ɛ wúru-lâa. Nyíŋi ƃé kà dòli a suŋ siɣeɛɛi? Ka gâai kà gɛ̀ tí, ńii a pâi lâai káyêei?

Zɛlemaya 6:20

Ŋ́gbaaŋɔɔ̂i ká kéreŋ-sɛŋ kúŋ-nɛ̃ɛ-ŋai ká kùla a dîa Siƃai dímɛni ma da zɛŋ kúŋ nɛ̃ɛ-ŋai ka bù kámii-sãai ma nyíi-ŋai ká kùla a dia lɔii su kôyaa-ŋa sui? Vé tí a dɔnɔ kpîŋ. Ńyee fé kákereŋ sama-sãai dɔnɔ kpîŋ mu. Ká sâla-ŋai dífa tela ńii làa.

Lomaŋ 14:18

Ǹúui à tíi kɛ̀ Kôrai mi a bere-sii tii, a Ɣâla líi làa, nûa da díyee see mù.

Felepiɛŋ 1:10

a gɛ́ɛ ka pɔ̂ri mɛni lɛ́lɛɛ lɛ̂i, a gɛ́ɛ ŋɔ́nɔ kákɛ a kámaa waa kásɔŋ fé kɛ́ káa Kôrai ŋɔɣelei mɛni ma.

Felepiɛŋ 4:18

Ŋa fela-fei sɔlɔ ƃo a ǹáa fɛɛ, dɛɛ nyíti ma máŋ. Náa fɛɛ̂i. Zama-sɛŋ ká dɛ̀ɛ a Ipafulɔditɔi, ŋá zɔlɔ ƃò. È kɛ̀ a sâla-sɛŋ kúŋ nɛ̃ɛ nyíi Ɣâla è ǹyée see mu lii-laa sui.

Kolasiɛŋ 1:10

a gɛ́ɛ kútûa-perei é kɛ́ a maa nɛ̃ɛ Kúnuu-namui mɛni ma, ǹíi é láa kpɔ́ a ǹɛ́lɛɛ, ká ƃá tíi lɛ́lɛɛ kélee su, ká ƃɔlɔ Ɣâla mɛni kɔlɔŋɔɔ su.

Tɛsɛlôniɛŋ Maa-ŋuŋ 5:21

Kɛ́lɛ, ka mɛni kélee maa kpɛ́ɛ. M̀ɛnii nyíi ǹɛ́lɛɛ̂i ka zoŋ a gbanaŋɔɔ.

Temete Maa-ŋuŋ 2:3

Nyíŋi lɛ́lɛɛ̂i, ǹyaŋ gɛ ƃo a lii-laa Kúƃalo-nuui Ɣâla ŋɛ́i,

Temete Maa-ŋuŋ 5:4

À kɛ̀ pɔɔ-nɛnî ǹônii da kɛ̀ ma, kpaa máŋ ǹônii-lonii, tɔɔ fulɔi dí m̀aa kɔ́ri berei da pɔ̂ri ƃaa kɛ́-maa tɛɛ̂i la dínûai pɔ dí díkpâi da kula. Kpɛ́ni fêi, nyíŋi káa a Ɣâla lii-laa mɛni.

Ibulu 12:28

Mɛni ma sɛɣɛi-féi é kɛ́ kúyêei Ɣâla ŋɔkâloŋ-laai sɔlɔ ƃó-mɛni ma nyíi va tûmoi, gɛ̀ ní kwa Ɣâla fɛ̀li a lii-laa-pere a ƃaa-kɛ-maa da yao-maa.

Pitɛ Maa-ŋuŋ 2:20

Lé mɛni lɛ́lɛɛ ƃe naa, à kɛ̀ kà mɛni nyɔ́mɔɔ kɛ́, ka mɛni-soli káa mɛni ma a lii-kpele? Kɛ́lɛ, à kɛ̀ kà mɛni lɛ́lɛɛ kɛ̀, ka mɛni-soli káa mɛni ma a lii-kpele, gáa a Ɣâla nîa-mɛni.

Pitɛ Maa-ŋuŋ 2:5

Ka kákpîŋ tɔ̀ɔ a Mɔlêŋ ŋɔpɛ́rɛ yɛ̂ɛ fúlu-laa kɔni-ŋa. Ka kɛ́ a sâla láa soŋ-ƃela. Ka Mɔlêŋ ŋɔsâlai kúla Zîsɛ Kôrai sarâi nyíi a Ɣâla líi làai.

Samia Maa-ŋuŋ 17:39

Deeƃé è m̀óa-sɔkpɔi pìli gbã̀ai, gɛ́ kɔ̀ a Siaa la. Kɛ́lɛ zãai vé kɛ́ ní a Deeƃé kɔ́lɔŋɔɔ. Ǹyɛɛ Sɔ̂ɔ mai, “Ḿva pɔri siai a zãai ŋí. Ḿva dítoo ḿâ a bɔlɔ.” Deeƃé è gba-ƃɛlɛi kùla ŋûa.