Ifisiɛŋ 4:6 - Ŋ̀âla Kɔlɔ Maa Waai

⁶ da Ɣâla tɔnɔ nyíi gáa a kúkelee Kúnâŋ, nyíi gáa kúkelee kúmɛi, gɛ tíi kɛ̀ kúkelee kúkponôi, gɛ ƃo ŋɔ́nɔ kúkelee kúkponôi.

Ifisiɛŋ 4:6 ပူးပေါင်းရင်းမြစ်များ

Zɛnɛse 14:19

Nya ƃe è lûwa làa Eberaŋ ma ǹyɛɛi, “Ɣâla nyii Màa Tɛɛ̂i a Gɛ́tɛi, nyii ŋ̀elei kpɛ̀tɛ da ǹɔii ŋɔlûwai é kɛ́ Eberaŋ ma!

Wule-woo-ŋa 95:3

Yâwɛɛ káa a Ɣâla kɛ́tɛ, gɛ́ ƃò a Kâloŋ kɛ́tɛ ŋ̀âla-ŋai kélee mɛi.

Azaya 63:16

Yá ƃé íkaa a kúnâŋ. Kúnâŋ-pɔlɔ-ŋai Eberaɣɛ̃ɛ da Zeeka dífe kú kɔ́lɔŋ, kɛ́lɛ yá, Yâwɛɛ ƃa kúnâŋ. Yá ƃa ǹúui nyii a wɔ́lɔ kúŋuŋ-ma ƃò a tãi kéleei.

Malakai 2:10

Kúkelee kúnâŋ fé tɔnɔɔ? Ŋ̀âla tɔnɔi fé kúkpɛtɛ ní? Gɛ̀ ní lé ŋaŋ ƃé kúfe kúkono-tee-ŋai ŋaa-see kɛ̂i la kúkîe ni yêei? Lé mɛni ƃé kúkaa gono-tee-ŋai kpɔarâi la Ɣâla è gbɛ̀tɛ kúnuu-pɔ̂lɔ-ŋai yêei?

Nɔŋba 16:22

Mose da Eelɔŋ dí díŋuŋ pìlaŋ ǹɔii ma díyɛɛ mai, “Óo Ɣâla, ƃíai íkaa a fúlu-laa kpɛtɛ Ɣâlai, ƃa pâi ílii ŋwanâi ǹúui kélee ma núu tɔnɔ ŋɔsɔnyɔ̂ŋ mɛni ma?”

Maafîu 6:13

Tɔɔ kútuɛ kúfe píli yee-laa-maa su, Kɛ́lɛ, í kúkula mɛni nyɔ́mɔɔ su. (Kpɛ́ni fêi, ƃia ƃe ípɔɔ ƃa gâloŋ-laai, ŋwála-wala-laai, da vólo-laai, wɔlɔ-wɔlɔ da wɔlɔ-wɔlɔ. É kɛ́ tí.’)

Maafîu 6:9

Mɛni ma, ka Ɣâla fɛli a bere sii ŋi. ‘Kúnâŋ gáa ŋele sui, Tɔɔ ku ílaâi síɣe a maa waa.

Zɔ̂ŋ 14:23

Zîsɛ e ŋ̀óo su tòo, ǹyɛɛi, “À kɛ̀ núu da à ŋ́wɛ̀li, a pâi ŋ́ooi mɛi kâai. Ńâŋ a pâi ŋ̀wɛ̂lii, gɛ̀ ní kwa pâi pâi bɔ ku kúkɛ̂i kpɛtɛ ǹyêei.

Zɔ̂ŋ 17:26

Ŋá ílaai lɛ́ dîa, ŋa pâi ŋɔ́nɔ ǹɛ̂i, a gɛɛ ŋ̀wɛli-kɛ-maai nyii í ŋ́wɛ̀li lai, é kɛ́ díkponôi, ńyãa máŋ ŋá kɛ́ díkponôi.”

Zɔ̂ŋ 20:17

Zîsɛ è mò ma, ǹyɛɛi, “Ífe ńzòŋ, kpɛ́ni fêi, fé niî tɛ́ ní Nàŋ-nuui pɔ́naa. Kɛ́lɛ, lí ńêɣe-ni pɔ í m̀ó dîa a gɛɛ ŋa tɛ̂i Ńâŋ pɔ́naa da Kánâŋ, Ŋáɣâlai pɔ́naa da Káɣâlai.”

Lomaŋ 11:36

Kpɛ́ni fêi, sɛŋ kélee a kûla ǹyêei, ǹyaŋ sɛŋ kélee kɛ́ kpɛ̀tɛ zarâi, sɛŋ kélee kɛ́ ƃo ŋɔ́nɔ a bɔ́ɔ. Ǹyaŋ folo-laa káa mà wɔlɔ-wɔlɔ da wɔlɔ-wɔlɔ. É kɛ́ ti.

Kɔleŋtiɛŋ Maa-ŋuŋ 12:6

Tíi kɛ́-pere támaa káa naa, kɛ́lɛ, Ɣâla káa nɔ́ tɔnɔ nyíi a mɛni kélee kɛ̀ núu kélee kponôi.

Kɔleŋtiɛŋ Maa-ŋuŋ 8:6

É máŋ kɛ́ tí, a kɛ̀ a kúa, Ɣâla tɔnɔ nɔ́ ƃe gáa naa. Ǹyaa ƃa Nàŋ-nuui nyíi sɛŋ kélee è kùla ǹyêei da nyíi kúkaa ɣele ma mɛni mai. Nuu-namu tɔnɔ nɔ́ ƃe gáa naa. Ǹyaa ƃa Zîsɛ Kôrai, nyíi sɛŋ kélee káa ɣele ma zarâi da nyíi kúkaa ɣele ma zarâi.

Kɔleŋtiɛŋ Veerɛi 6:16

Lé mɛni kpɛ́tɛɛ ƃe Ŋ̀âla-pɛrɛ kɛ́tɛi da ɣâla-pɔkɔɔŋ-ŋa da pɔ̂ri gɛ̂i? Kpɛ́ni fêi, kúa ƃa vulu-laa-Ɣalai ŋɔpɛ́rɛ kɛ́tɛi, yɛ̂ɛ berei Ɣâla è mò lai, “Ŋa pâi kɛ̂i díkponôi ŋá sía dísama, ŋa pâi kɛ̂i a Díɣâla, dí ƃo a ŋánûa.

Ifisiɛŋ 1:21

Nàa ƃe Kôrai káa naa ǹúu-mɛi-ƃelai kélee mɛi-pere póŋ-póŋ, ŋwála-wala-ƃelai, nuu-namela, da laa-see kélee nyíi zeɛɛ̂i. Ŋ̀éniɛi ŋí su nɔ́ fei, kɛ́lɛ, nyíi pâi pâi máŋ.

Ifisiɛŋ 2:22

Kápuɔ̂i kákîe-ni ma Kôrai kponôi kwaa ma mɛni ma ƃɛi Ɣâla Ŋɔmɔlêŋ a kɛ̂ naai.

Ifisiɛŋ 3:17

a gɛ́ɛ Kôrai é kɛ́ kálii su laa-la sarâi. A gɛ́ɛ gbɛɛ ŋái tãi kásame à lɔ̀ lai, káseêi é kpanaŋ wɛli-kɛ-maa su,

Ifisiɛŋ 6:23

Lii-see é kɛ́ ŋánûai dîa da laa-la wɛli-kɛ-maa é kúla Kúnâŋ Ɣâla yêei da Kúnuu-namui Zîsɛ Kôrai.

Dutɛrɔnome 6:4

“Óo Eezuɛ-ƃela, Ka káwoli tɔ́ɔ. Kúɣâlai Yâwɛɛ káa nɔ́ tɔnɔɔ.

Zɔ̂ŋ Maa-ŋuŋ 3:24

Diai kélee da ŋɔtɔ̂ŋ-ŋai mɛi kâai, díkaa gbonôi, ǹyaŋ gɛ̀ ƃò díkponôi. Berei ŋí ƃe kwa gɔ̀lɔŋ la a gɛɛ gáa kúkponôi, kpɛ́ni fêi a M̀ɔlêŋ Maa Waai tɛ́ɛ a gɛɛ é kɛ́ kúkponôi.