Ifisiɛŋ 4:5 - Ŋ̀âla Kɔlɔ Maa Waai

⁵ Nuu-namu tɔnɔ nɔ́ ƃe naa, laa-la tɔnɔ, batâi tɔnɔ,

Ifisiɛŋ 4:5 ပူးပေါင်းရင်းမြစ်များ

Zɛkɛrâya 14:9

Gɛ̀ ní Yâwɛɛ a pâi kɛ̂i a kâloŋ ǹɔii gwaa kélee. Maa ɣêlei tí Yâwɛɛ a pâi kɛ̂i nɔ́ tɔnɔ, ǹyaŋ ǹáa kɛ́ ƃò tɔnɔ.

Maafîu 28:19

Mɛni ma, ka lí ká ǹɔii kélee su-ƃela kɛ́ a m̀bôlu-ƃela, ká díbatâi kɛ́, Ǹâŋ láai sú, da Ǹóŋ láai sú da M̀ɔlêŋ Maa Waai láai sú.

Zia-ƃelai Kɛ́-mɛni-ŋai 10:36

Ŋ̀orɛ̂-wooi è dɛ̀ɛ Eezuɛ-ŋai pɔ́ naai, ƃa lii-sêe maa mɛni ƃóɔɔ Zîsɛ Kôrai sarâi, nyíi gáa a Duŋ Lɛ́lɛɛi. Ǹyaa ƃé gáa a núu kélee ǹâmu.

Zia-ƃelai Kɛ́-mɛni-ŋai 2:36

“M̀ɛni ma tɔɔ Eezuɛ lɔii gwaa kélee é gɔ́lɔŋ a tɔ̃yâ a gɛ́ɛ Zîsɛ ŋí ka gbàmo ŋ̀úru su-tíyeŋɔɔ̂i mai, Ɣâla a gɛ́ a Nuu-namu da Kôrai.”

Lomaŋ 3:30

Ɣâla káa nɔ́ tɔnɔ. A pâi Zûu-ŋai siɣêi a tɔ̃yâ-ƃela yɛ̂ɛ berei dílaa-lai káa lai, é Zɛ̃tai-ŋai síɣe a tɔ̃yâ-ƃela yɛ̂ɛ berei dílaa-lai káa lai.

Kɔleŋtiɛŋ Maa-ŋuŋ 1:13

Kôrai ŋá kɔlɛɛ̂i? Dí Pɔ̂ɔ kpàmo wúru su-tíyeŋɔɔ ma kámɛni ma? Kpaa máŋ dí kábatâi kɛ̀ Pɔ̂ɔ láai su?

Kɔleŋtiɛŋ Maa-ŋuŋ 1:2

Ɣâla-toli-kpɔŋ gáa Kɔleŋ da diai dímaa waai Zîsɛ Kôrai kponôi, e pɛlɛ diai kélee dîa díkaa kwaa kélee mai Ɣâla e dítòli a Ɣâla-ƃela gîe ma dí Kúnuu-namui Zîsɛ Kôrai láa tóli nyíi gáa a kwa dîa-ni Kúnuu-namui:

Kɔleŋtiɛŋ Maa-ŋuŋ 12:13

Kpɛ́ni fêi, M̀ɔlêŋ tɔnɔi sarâi dí kúkelee kúbatâi kɛ̀ kpono tɔnɔ su Zûu-ŋai kpaa máŋ Gurii-ŋai, luɛ-ŋa kpaa máŋ diai díŋuŋ ma ƃôɔi, Ɣâla è kúkɛ̀ kú kúkpele M̀ɔlêŋ tɔnɔi su.

Kɔleŋtiɛŋ Maa-ŋuŋ 12:5

Tíi sii támaa káa naa, kɛ́lɛ, Kúnuu-namui káa nɔ́ tɔnɔ.

Kɔleŋtiɛŋ Maa-ŋuŋ 8:6

É máŋ kɛ́ tí, a kɛ̀ a kúa, Ɣâla tɔnɔ nɔ́ ƃe gáa naa. Ǹyaa ƃa Nàŋ-nuui nyíi sɛŋ kélee è kùla ǹyêei da nyíi kúkaa ɣele ma mɛni mai. Nuu-namu tɔnɔ nɔ́ ƃe gáa naa. Ǹyaa ƃa Zîsɛ Kôrai, nyíi sɛŋ kélee káa ɣele ma zarâi da nyíi kúkaa ɣele ma zarâi.

Kɔleŋtiɛŋ Veerɛi 11:4

Kpɛ́ni fêi, à kɛ̀ núu da à pà é Zîsɛ da kpɛ́ni maa-mɛni ƃó káa é kúla nyíi pôlu kú maa-mɛni ƃò kâa a maa-ŋuŋ, kpaa máŋ kà mɔlêŋ da kpɛ́ni sɔlɔ ƃô é kúla nyíi pôlu ká zɔlɔ ƃô a maa-ŋuŋ, kpaa máŋ kà káyee sèe tuŋ da kpɛ́ni mu é kúla nyíi pôlu ká káyee sèe mu a maa-ŋuŋ, gɛ̀ ní káyee-see-mui a pâi kɛ̂i a nàa fii kpɛ̂ɛ.

Galesiɛŋ 5:6

Kpɛ́ni fêi, diai díseɛɛi kpono mai da diai dífe see-ní, kpono mai, dímaa-mɛni fé a mɛni kpanaŋ Kôrai kponôi, kɛ́lɛ, fɛ̀ɛ laa-la nyíi a tíi kɛ̀ wɛli-kɛ-maa sarâi.

Ifisiɛŋ 4:13

é lɛ́ɛ la zu kúkelee kúlaa-lai é kɛ́ tɔnɔ da Ɣâla Ǹóŋ maa-tarei, a gɛ́ɛ kú ƃɔlɔ kúmɔlêŋ kponôi kú kɛ́ yɛ̂ɛ Kôrai.

Felepiɛŋ 2:11

a gɛ́ɛ ŋɔ́nɔ la-gbɔ kélee é m̀o a gɛ́ɛ Zîsɛ Kôrai káa a Kúnuu-namui Kúnâŋ-Ɣala ŋɔfólo-laai mɛni ma.

Felepiɛŋ 3:8

Tɔ̃yâ ma ŋá ńyee ŋá-sɛŋ kélee kàa kpɛ́ni-kpɛni, kpɛ́ni fêi, Ŋánuu-namui Zîsɛ Kôrai kɔlɔŋɔɔ mî tɛɛ̂i mɛni kélee ma. Ŋá sɛŋ kélee làŋ m̀aa mɛni ma. Ŋa sɛŋ kélee káa nɔ́ a kala, kpɛ́ni fêi, ŋa ŋ̀wɛ̂lii ŋa Kôrai sɔlɔ ƃo.

Taitɔ 1:1

Ńyãa Pɔ̂ɔ, ŋ́gaa a Ɣâla yée-mu-nuu, ŋ́gɛ ƃò ŋɔ́nɔ a Zîsɛ Kôrai ŋɔsia-nuu. Diai Ɣâla è dílɛ̀i, kwa dîa-ni kúlaa-lai káa zu tɔnɔɔ da dɔ̃yâi maa-tarei gáa díyêei nyíi da Ɣâla mɛni-kɛɛ díkaa zu tɔnɔi.

Taitɔ 1:4

Ŋa gɔlɔi ŋí pɔ̃yɛ̂i Taitɔ pɔ́, nyíi gáa a tɔ̃yâ-loŋ nyíi kwa ǹyaa kúlaa-lai káa tɔnɔi. Ƃɛlɛ-sêe da lii-sêe dí kúla Kúnâŋ-Ɣâla yêei da Kúƃalo-nuui Zîsɛ Kôrai dí kɛ́ yâ.

Ibulu 13:7

Ka kákili ŋá sia é pîlaŋ kátuɛ-ƃelai dîa nyíi-ŋai Ɣâla ŋɔwóoi ƃò kâai. Ka kákili ŋá sia é pîlaŋ la m̀ɛnii mâ kɛ̀ a dífulu-laai, ka dílaa-lai pɔ́ɔ kɔɔ̂ŋ.

Ibulu 6:6

À kɛ̀ da tòo pôlu dílaa-lai su, núu fa pɔ̂ri pâi ŋɔnɔ pôlu a dia lii-pene su, kpɛ́ni fêi, da Ɣâla Ǹóŋ kpamo saa-wuru ma díkpîŋ mɛni ma da ŋ̀umɛ kpɔŋ su.

Zĩi 2:18

Kɛ́lɛ, núu da a pâi m̀ôi, nyɛɛi, “Laa-la káa íyeêi, ǹyaŋ tíi kɛ̀ ƃo ńyêei.” Ílaa-lai lɛ́ mâ é kúla ítii pôlu. A kɛ̀ tí, ńyaŋ ŋa pâi ŋálaa-lai lɛ̂i yâ a ŋátii.

Pitɛ Maa-ŋuŋ 3:21

Batâi, nyíi gáa nɔ́ yɛ̂ɛ m̀ɛnii ŋí, a nâa kámaa wáa, zu-kulâi fa kákponôi líƃi a kpɛ̂ɛ mà, kɛ́lɛ, gáa a kúliɛ Ɣâla pɔ́ a gɛɛ é kúkili-ŋa-siai maa waa Zîsɛ Kôrai ŋɔmu-siɣe saa-yeei sarâi,

Pitɛ Veerɛi 1:1

Ńyãa Samaŋ Pitɛ, ŋ́gaa a Zîsɛ Kôrai yée-mu-nuu da ŋɔsia-nûu, Diai ǹaa-laa maa-mɛni kpanaŋɔɔi sɔlɔ ƃo nyíi da kúwɔ̂i dí pɔ̂riɛɛi dɔ̃yâ-laai sârai nyíi kùla Kúɣâlai da Kúƃalo-nuui Zîsɛ Kôrai yêei.

Zûu 1:20

Kɛ́lɛ káa, ŋáwɛli-kɛ-maa-ƃelai, ka kákpîŋ tɔ̀ɔ kálaa-la kɛ́tɛ maa waai sarâi. Ka Ɣâla fɛli M̀ɔlêŋ Maa Waai ŋɔwala-wala-laai su.

Zûu 1:3

Ŋáwɛli-kɛ-maa ƃelai, berei ŋá ŋ̀wɛ̂lii kpɔ́ la a gbanaŋɔɔ a gɛɛ ŋá kɔlɔ pɔ̃yɛ̂ kápɔ naa kúƃalo-laa tɔnɔi mɛni mai, ŋá gàa a mɛni lɛ́lɛɛ a gɛɛ ŋá kɔlɔ pɔ̃yɛ̂ kápɔ naa ŋá kálîa-woo ƃo a gɛɛ ká ǹaa-lai maa-namu kɔ́ nyíi dí dɛ̀ɛ Ŋ̀âla-ƃelai pɔ́ nɔ́ zu tɔnɔi.