Ifisiɛŋ 4:32 - Ŋ̀âla Kɔlɔ Maa Waai

³² Sɔŋ-lɛlɛ da lii-lɛlɛ dí kɛ́ káyêei kákîe-ni mɛni ma. Ka kákîe-ni su-mɛni lɛɛ nɔ́ yɛ̂ɛ berei Ɣâla è kasu-mɛni lɛɛ la Kôrai sarâi.

Ifisiɛŋ 4:32 ပူးပေါင်းရင်းမြစ်များ

Samia Veerɛi 7:21

Ya m̀ɛni-ŋai kélee kɛ́ í díkpɛ̀tɛ ílii sui, ya ǹɛɛ naa íyee mu-nuui a díkɔlɔŋ.

Wule-woo-ŋa 112:9

Ǹyée lá ƃôɔi sɛŋ tɛɛ mɛni ma ǹúui pɔ́ pɔ̂ri mâa fé mìi. Ŋɔmɛni lɛ́lɛɛi káa nɔ́ naa wɔ́lɔ-wɔlɔ da wɔlɔ-wɔlɔ. A pâi kɛ̂i a ŋ̀wála-walaa, nûa díkɛ ŋumɛ mâa tɛ̀ɛ bɔ́.

Wule-woo-ŋa 145:9

Yâwɛɛ sɔŋ lɛ̂lɛɛi núu kélee mɛni ma, zãâi kélee è gbɛ̀tɛi, gélee malôŋ káa mà.

Táre-woo-ŋa 12:10

Tɔ̃yâ-nuu a ŋɔtaa-tulɛi sòŋ a ǹɛ́lɛɛ, kɛ́lɛ ŋwana-lɔ̂ɔ-nuu a ŋ̀ɔɔ-ŋai sôŋ a nyɔ́mɔɔ.

Táre-woo-ŋa 19:11

Táre-nuu líi kpeleɛ̂i. À núu ŋɔsɔnyɔ̂ŋ su-mɛni lɛ̀ɛ, a ƃaa-kɛ-maa sɔlɔ ƃô.

Táre-woo-ŋa 19:22

Sɛŋ wɛ̂li ŋánaa a pâ a ƃaa kûla-maa núu pɔ́. Kôlo-nuu lɛ̂lɛɛi é tɛ́ɛ lɛ́ɛ-nuu ma.

Azaya 57:1

Ǹúu sɔŋ lɛ́lɛɛ-ŋai da sâa, kɛ́lɛ núu da fa târe m̀aa mɛ̂ni-ŋai su, kpaa máŋ nûa díkɛ a díkpaaŋɔɔ m̀ɛni ma. Da sàa, da kûla m̀ɛni kpɔ̂lu-ŋai su.

Zɛlemaya 38:12

Dí mò ḿâ a gɛɛ ŋá zeɣei láa ŋ́gbûmuŋ a gɛɛ ŋ̀ɛlii fa lâa ŋ́wana la. Ŋá gɛ̀ yɛ̂ɛ berei dí mò la ḿâi.

Maafîu 6:12

Í ípôlu fé kútɔ̂ŋ-karaa-ŋai dîa, Yɛ̂ɛ berei kwa kúpôlu fè la kúƃarâai dítɔ̂ŋ-karaa-ŋai diai;

Mâki 11:25

Kà kɛ̀ Ɣâla fɛlîi, núu da kélee sɔŋ à kɛ̀ kâa, kà maa nuui su-mɛni lɛɛ, a gɛ́ɛ Kánâŋ máŋ gáa ŋ̀elei sui, é kásu mɛni lɛɛ zɔnyɔ̂ŋ-ŋai ka gɛ́i mɛni ma. [

Lûu 1:78

Kúɣâlai ŋɔmaloŋ kaai sârai, tãi ɣele-ƃɔ́i a pâi pâi la kúmɛi é kúla ɣelei póŋ-póŋ,

Lûu 11:4

í ípôlu fé kútɔ̂ŋ karaa-ŋai dîa, yɛ̂ɛ bere la kwa kúpôlu fè la káƃarâa dítɔ̂ŋ-karaa-ŋai diai; tɔɔ kútuɛ kúfe pìli yee-laa-maa su.”

Lûu 17:4

À mɛni nyɔ́mɔɔ kɛ̀ a yá ɣele tɔ̂nɔ yée mu lɔ́ɔlu mɛi feerɛ, é tínaŋ é mó la kɛ̀ yâ lɔ́ɔlu mɛi feerɛ, ǹyɛɛi, ‘Ńii a pene,’ fɛ̂ɛ í zu-mɛni lɛɛ mì.”

Lûu 6:35

Kɛ́lɛ, ka kákpɔara-ƃelai wɛli, ka mɛni lɛ́lɛɛ kɛ́ a dîa, ka kpa pìli dîa diai kákili fé dîa a gɛɛ dí deêi, gɛ̀ ní, káfela-fei a pâi kɛ̂i a gɛ́tɛ, ka pâi kɛ̂i a Ǹúui Gɛ́tɛi lonii, kpɛ́ni fêi, zɔŋ lɛ́lɛɛ̂i kpîŋ ǹûai dîa sɛɣɛi-fei fe díyêei bɛlɛɛ zɔnyɔ̂ŋ-ƃelai dîa.

Lûu 6:37

“Káfe káƃarâŋ-nuu ŋɔmɛni ŋá tèe, gɛ̀ ní, káwɔ̂-mɛni ŋá fé pâi teêi. Káfe mɛni lɛɛ káƃarâa dîa, gɛ̀ ní, mɛni fé pâi lɛɛ̂i káŋûa. Ka káƃarâŋ-nuu sɔŋ su-mɛni lɛɛ, gɛ̀ ní, kásɔŋ su-mɛni a pâi lɛɛ̂i.

Zia-ƃelai Kɛ́-mɛni-ŋai 28:2

Ǹɔii-ƃelai kɛ̀ naai, dí kúsoŋ kpɔ́ a ǹɛ́lɛɛ. Dí díyee sèe kúkelee kúmu dí ŋɔŋ tóo kúmɛni ma, kpɛ́ni fêi, tuna è nâa kɛ̀ pûi, gɔ́lɛi kɛ́ tela kúkɛ.

Lomaŋ 12:10

ka kákîe-ni wɛli a núu-laa wɛli-kɛ-maa; ka kɔ́ kpɔ́ a gbanaŋɔɔ ka ƃaa kɛ́-maa tɛ́ɛ kákîe-ni pɔ.

Kɔleŋtiɛŋ Maa-ŋuŋ 13:4

Wɛli-kɛ-maa líi kpeleɛ̂i, zɔŋ lɛ́lɛɛ. Wɛli-kɛ-maa fé tólo ní, wɛli-kɛ-maa fa yoŋka tee.

Kɔleŋtiɛŋ Veerɛi 2:10

Ǹyaŋ ǹúui kélee ka zu mɛ̂ni lɛɛi, ńyãa máŋ ŋa zu mɛni lɛ̀ɛ. À kɛ̀ ŋà mɛni da kélee su mɛni lɛ̀ɛ, gɛ̀ ní ŋa zu mɛni lɛɛ kámɛni ma Kôrai ŋɛ́i,

Kɔleŋtiɛŋ Veerɛi 2:7

M̀ɛni ma fɛ̂ɛ ka tinaŋ ka zu mɛni lɛɛ ka ŋá nɛnɛ, à wàla kɛ́ ti maloŋ-too-maa támaa a pâi pâi bɔ.

Kɔleŋtiɛŋ Veerɛi 6:6

a maa-waa-laa, a táre, a lii-kpele, a sɔŋ lɛ́lɛ, a M̀ɔlêŋ Maa Waai, a tɔ̃yâ wɛli-kɛ-maa,

Ifisiɛŋ 5:1

Mɛni ma ka kɛ́ a Ɣâla-pɔkɔɔŋ-ƃela yɛ̂ɛ wɛli-kɛ-maa nîa-pɛlɛɛ,

Zĩi 5:11

Ka gáa, diai tɔ̀ɔ a gbanaŋɔɔ̂i, kwa dítòli a lii-nɛ̃ɛ-ƃela. Ka mɛni berei Zôo è tɔ̀ɔ la a dɔɔ̂i gbanaŋɔɔ̂i, ǹyaŋ ka Kúnuu-namui ŋɔsapoi káa, berei wɛli-kɛ-maa da maloŋ-kaa káa la Kúnuu-namui yêei.

Pitɛ Veerɛi 1:7

Ka Ɣâla-mɛni-kɛɛi da pú mà a lii-lɛlɛ kákîe-ni mɛni ma. Ka kálii-lɛ̂lɛi da pú mà kákîe-ni mɛni ma a wɛli-kɛ-maa.

Zɔ̂ŋ Maa-ŋuŋ 1:9

À kɛ̀ kwa kúsɔnyɔ̂ŋ-ŋai ƃô, gɛ̀ ní deniŋ m̀ôɔi, zɔŋ lɛ́lɛɛ, ǹyaŋ a pâi kúsɔnyɔ̂ŋ su-mɛni lɛɛ̂i, é ŋɔ́nɔ kúsɔnyɔ̂ŋ kélee wáa kûa.

Zɔ̂ŋ Maa-ŋuŋ 2:12

Ŋa kɔlɔ pɔ̃yɛɛ̂i kápɔ naa, ńônii, kpɛ́ni fêi, kásɔnyɔ̂ŋ-ŋai su-mɛni a lɛ̂ɛ zarâi.

Lûfi 2:20

Naomi è mò ǹóŋ ŋɔnɛnîi ma ǹyɛɛi, “Yâwɛɛ nyíi ŋɔmɛni lɛ́lɛɛ káa vúlu-ƃelai da zaa-ƃelai mɛni mai, é lûwa láa ǹúui kpîŋ ma.” Ǹyɛɛ ma máŋ, “Ǹalôŋ tí káa a kúkaayɔɔi da. Gáa a kúmaa tée-ƃelai dɔnɔ.”