Ifisiɛŋ 4:31 - Ŋ̀âla Kɔlɔ Maa Waai

³¹ Ka ƃó lii-ŋwana ma, lii-nyɔŋ, sóoŋ, larâŋ, da ŋɛi-kpala sii kélee.

Ifisiɛŋ 4:31 ပူးပေါင်းရင်းမြစ်များ

Zɛnɛse 27:41

Ǹyaŋ Isɔɔ è nâa Zeeka kpɔ̀ara ǹûwai mɛni ma ǹâŋ è nàa mai. Nya ƃe è mò ǹyɛɛi, “Ńâŋ saa tãi a kɛ́ lɛɣɛ̂i. À sàa, ŋa pâi ńêɣe Zeeka paâi.”

Zɛnɛse 37:21

Kɛ́lɛ tãi Lubiŋ è mɛni-kpɛtɛɛi ŋí mɛ̀ni lai, è kɛ̀ ŋ̀wɛ̂lii é Zosɛ kula ǹîa-ni yêei. È mò dîa ǹyɛɛi, “Kúfe bàa.”

Zɛnɛse 37:4

Kɛ́lɛ tãi ǹîa-ni dí gàa la a gɛɛ dínâŋ è kɛ̀ a ŋwɛ́liɛɛ é tɛ́ɛ díkelee diai, dí gbɔ̀ara dífe ŋɔ́nɔ kɛ́ ní lônoi bɔ́ a ǹɛ́lɛɛ.

Zɛnɛse 4:8

Nya ƃe Kîŋ è mò ǹêɣe Ebɛɛ ma ǹyɛɛi, “Kú lí gbâlaŋ ŋá.” Tãi dí kɛ̀ la gbâlaŋ ŋái, Kîŋ è pɛ̀lɛ ǹêɣe Ebɛɛ ma é bàa.

Samia Veerɛi 13:22

Asalɔŋ fé lóno nyɔ́mɔɔ kpaa máŋ lɛ́lɛɛ da kɛ́ ní Amɔŋ pɔ́. È gbɔ̀ara, kpɛ́ni fêi, è zaaƃɔlɔ sòŋ a wála-wala é nyíi la.

Samia Veerɛi 19:27

Kɛ́lɛ è ńɛɛ é lí é lɛ́ɛ kɛ́ a ńaa. Kɛ́lɛ ŋánuu-namui, íkaa yɛ̂ɛ Ɣâla-taa kela. M̀ɛnii kɛ́ nyíi ǹâai ílii mai.

Samia Veerɛi 19:43

Eezuɛ-ŋai dí mò dîa dîyɛɛi, “Deeƃé mɛni kpanaŋɔɔ̂i kûa é tɛ́ɛ kâa, kpɛ́ni fêi, kúkaa a núu-suu puu. Ká káŋɛi ǹaɣiŋ kúmɛi lé mɛni ma? Kûa fa ǹûai maa-ŋuŋ m̀ɛni kpɛ̀tɛ a gɛ́ɛ kú pá la pôlui?” Zuda-ŋai dí lóno kpanaŋ kɛ̀ Eezuɛ-ŋai pɔ́.

Wule-woo-ŋa 101:5

Ǹúui kélee a gɔlɛ maa-nuu láa kàrai, ŋa pâi maa-nuui su karâi. Fé pâi ńyee seêi yoŋka-nuu da su-mɛni kɛ̂tɛ-nuu da kélee mu.

Wule-woo-ŋa 140:11

Tɔ́ɔ diai da lɛ́ɛ mɛni pɛ̀lɛ núu da mai, dí mɛni kpɛ́tɛɛi ŋàa sèe fé kɛ̀. Tɔ́ɔ mɛni kpɔ̂lu é láa ŋɛi-maa-nɛ̃ɛ-ƃelai dîa í dísu kara.

Wule-woo-ŋa 15:3

Dia ƃa diai dífa lɛ́ɛ mɛni da ƃò a núu da láai. Dia ƃa diai dífa mɛni nyɔ́mɔɔ da kɛ̀ a díƃarâŋ-nuu dai, kpaa máŋ dí lɛ́ɛ tuŋ táa é pîlaŋ díƃarâŋ-nuu mai.

Wule-woo-ŋa 37:8

Ílii fé sɛ̀lɛŋ kpaa máŋ í ílii ŋwána. Lii-sɛlɛŋ da lii-ŋwana da gɛ̀ núu kɛ́ ƃò mɛni kpɔ̂lu su.

Wule-woo-ŋa 50:20

Ká kpîŋ kpɛtɛ̂ɛi a gɛɛ ká mɛni lɛ́ɛ kákaayɔɔ-ŋai dîa, kákɛ dísɔŋ kɔ̂ri dîa.

Wule-woo-ŋa 64:3

Dínɛŋ ŋá liɛɛ̂i yɛ̂ɛ ƃóa sɔkpɔ. Díwoo kɛ́ ƃɔ̀ núu kponôi yɛ̂ɛ sɔla.

Táre-woo-ŋa 10:12

Kpɔara a pâ a laa-saa, kɛ́lɛ wɛli-kɛ-maa a pâ a su-mɛni lɛ̂ɛ.

Táre-woo-ŋa 10:18

Ǹúui a kpɔara mɛi pɛ̂lɛi, gáa a lɛ́ɛ-nuu, ǹyaŋ ǹúui nyii a m̀arâai láa kàrai, gáa a ƃoo-nuu.

Táre-woo-ŋa 14:17

Ǹúui ǹíi ŋwana-la nɛ̃ɛ̂i a ƃoo-tua kɛ̀, kɛ́lɛ wôya-nuu ƃɛlɛ kpɛɛ̂i núu koi.

Táre-woo-ŋa 18:8

Laa-ƃo-kɛ-nuu wóo káa yɛ̂ɛ sɛŋ nɛ̃ɛ nyii núu a mìi a maa félaa é yéŋ goi a ǹɛ́lɛɛi.

Táre-woo-ŋa 19:12

Kâloŋ ŋɔlii-ŋwana káa yɛ̂ɛ yala-sulu kpéɣe-woo, kɛ́lɛ à kɛ̀ ǹíi lâai íyêei, gáa yɛ̂ɛ lúu a pù sí-sɛŋ ma.

Táre-woo-ŋa 25:23

Yá-ŋua-pere tuna-fãa a pâ a tuna. Laa-ƃo kɛ́-nuu a pâ a lii-ŋwana.

Táre-woo-ŋa 26:20

Kɔi à wàla kɛ́ naa, ŋɔŋ a nîiŋ. Ƃɛ́i láa-ƃo-kɛ-nuu fé naai, laa-saa fé naa.

Táre-woo-ŋa 29:22

Lii-ŋwana-nuu a pâ a laa-saa, lii-fãa-goi-nuu kɛ́ pà a sɔnyɔ̂ŋ támaa.

Táre-woo-ŋa 29:9

Táre-nuu à ǹúui va mɛni ŋá kàa a ǹɛ́lɛɛi kɔlɔ sîɣe, ǹúui tí va mɛni ŋá kàa a ǹɛ́lɛɛi à kɛ̂ nɔ́ ɣɛ̂lɛi, gɛ́ làɣi, gɛ́ woo-nyɔ̂ŋ pìli, ǹyaŋ lii-see fa kɛ̂ naa.

Táre-woo-ŋa 6:19

wôya-sere-faa kɛ́ɛ a núu láa, da káa-laa ŋɔŋ sɔ̂ɔ gîe-ma mɛni.

Ikilisiati 7:9

Ífe kɛ̀ a ǹúui a ǹíi ŋ̀wana a maa félaai. Lii-ŋwana káa a ƃoo mɛni.

Zɛlemaya 6:28

Díkaa a tɔɔ mâ-ƃela wôlii kpɔ́lɔɔ. Díkɛ lóno nyɔ́mɔɔ kɛ̀ é pîlaŋ ḿâ. Díkaa yɛ̂ɛ ƃara da kɔli. Díkelee kpɔ́ da tûa a wôya-pere.

Zɛlemaya 9:4

Ka ká mɛi káa a kálâoi-ni. Káfe kákili tɔ̀ɔ kákaayɔɔ-ŋai dîa. Kpɛ́ni fêi, kákaayɔɔ-ŋai díkaa a núu pɛlɛ-ƃela yɛ̂ɛ Zeeka. Ǹyaŋ núu kélee káa a núu láa kara-ƃela.

Zia-ƃelai Kɛ́-mɛni-ŋai 21:30

Daai su-ƃelai kélee dí kɛ̀ wúlee, dí kîrɛ siɣe gîe ma dí Pɔ̂ɔ soŋ dí ŋ̀ála dí gula Ŋ̀âla-pɛrɛ kɛ́tɛi mu. Dí gbôŋ lá tɛ̀ kpɔ́ a maa félaa.

Lomaŋ 3:14

Díla naɣâŋ-laa káa yɛ̂ɛ ŋ̀ale-maa.

Kɔleŋtiɛŋ Maa-ŋuŋ 14:20

Ŋánûa, káfè kɛ̀ a nîa-pɛlɛɛ kákili-ŋa-siai su. Ka kɛ́ a kwâtara-ŋa mɛni nyɔ́mɔɔ kɛ́ɛ su, kɛ́lɛ, ka kɛ́ a núu kpaya-kpaya kákili-ŋa-siai su.

Kɔleŋtiɛŋ Maa-ŋuŋ 5:8

Mɛni ma kwaa ku gúui kɛ́ kúfe gɛ a gbólo-tɛ-sɛŋ pɔlɔi nyíi gáa a mɛni nyɔ́mɔɔ da lii-ŋwana, kɛ́lɛ, ku gɛ́ a dɛ-sɛŋ-fe-zu-kpoloi nyíi gáa a tenîŋ-ƃo-laa da tɔ̃yâ-laai.

Kɔleŋtiɛŋ Veerɛi 12:20

Kpɛ́ni fêi, ŋ́gaa yáôi a gɛ́ɛ tãi da ŋà pà fa kákàa yɛ̂ɛ berei ŋa ŋ̀wɛ̂lii lai, káa máŋ káfa ŋ́gaa yɛ̂ɛ berei ka ŋ̀wɛ̂lii lai. Tãi da laa-saa a pâi kɛ̂i kásama, tólo, lii-ŋwana, ŋɛi-kpala, laa-kara, laa-ƃo, lii-kɛtɛ, da woo-taa-taa.

Galesiɛŋ 5:20

ɣâla-pɔkɔɔŋ fɛliɛ, wúlu-mɛni, kpɔara, laa-sâa, tólo, lii-ŋwâna, woo-taa-taa, ŋa-kɔlɛ, núu-kpulu-ŋa,

Ifisiɛŋ 4:22

a gɛ́ɛ ká tée kátûa-pere pɔlɔi ma, nyíi pâi karâi, kpɛ́ni fêi, ŋɔmɛni-wɛliɛi káa a pɛlɛ.

Ifisiɛŋ 4:25

Mɛni ma kà kɛ̀ teêi wôya-pere ma, ká lóno a tɔ̃yâ kákɔlɛ-mâ-ƃelai pɔ, kpɛ́ni fêi, kúkaa a kúkîe-ni pɔ́ɔ.

Ifisiɛŋ 4:26

Kálii à ŋwàna, káfe sɔnyɔ̂ŋ kɛ̀. Kálii-ŋwanai fé lɛ̀ɛ zu fólo é li.

Kolasiɛŋ 3:19

Sinâa, ka kánɛyâai wɛli. Káfe lono ŋɛi tɛ́ɛ ɣelêi kɛ̀ dîa.

Kolasiɛŋ 3:8

Kɛ́lɛ, ka tée nyíi-ŋai kélee dîa máŋ, lii-ŋwana, kpɔara, laa-kara, larâŋ woo-ŋa dí kula kála.

Temete Maa-ŋuŋ 3:11

Nɛyâai máŋ fɛ̂ɛ dí díkpîŋ mɛi kaa, dífe kɛ̀ a laa-kara-ƃela, kɛ́lɛ, dí kɛ́ a nuu sãa-ŋa mɛni kélee su.

Temete Maa-ŋuŋ 3:3

Vè kɛ̀ a lɔɔ-kpele-nuu, kpaa máŋ a ŋɛi-tɛ-nuu, kɛ́lɛ, é kɛ́ a maa yeŋɔɔ. Vè kɛ̀ a laa-saa-nuu, kpaa máŋ é kɛ́ a sɛŋ-kao wɛli-nuu.

Temete Maa-ŋuŋ 5:13

Nyíti pôlu ma da nyɛ̃ŋ-nyɛ̃ŋ maa kɔ́ri, díkɛ sìa-sia pɛ́rɛ kélee lá, dífa nyɛ̃ŋ-nyɛ̃ŋ maa kɔ̂ri nɔ́, kɛ́lɛ, da laa ƃô kɛ̀ díla fa sêe. M̀ɛnii vé a díƃo-mɛnii, nya ƃe da mò.

Temete Veerɛi 2:23

Ífe íyee pìli ƃoo-mɛni-ŋa su da mɛni-folo-ŋa maa-sia toɔɔ; í gɔ́lɔŋ a gɛ́ɛ da pâ a laa-saa.

Temete Veerɛi 3:3

Da pâi kɛ̂i a ŋɛi-kpala-ƃela, ǹûai dífe lii-sêe wɛli níi díloai da díƃarâai, laa-kara-ƃela, ǹûai dífa díkpîŋ mɛi kâai, ŋwana-lɔ̂ɔ-ƃela, mɛni lɛ́lɛɛ kpɔara-ƃela.

Taitɔ 1:7

Kpɛ́ni fêi, maa fé nɛ̃ɛ ní a gɛɛ Kôrai-tóli-kpɔŋ ŋɔtíi-mɛi-nuu nyíi gáa a Ɣâla ŋɔtíi-kɛ-nuui zɔŋ é kɛ́ mà. Vé kɛ̀ a yoŋka-nuu, kpaa máŋ lii fãa goi nûu, kpaa máŋ lɔ̂ɔ-kpele-nuu, kpaa máŋ namu-kɔ́-nuu, kpaa máŋ sɛŋ kao wɛ̂li-nuu.

Taitɔ 2:3

Nɛnî pɔlɔ-ŋai máŋ dí kɛ́ a ƃaa-kɛ-maa ƃela dítûa-perei su. Dífe kɛ̀ a laa-kara-ƃela da lɔɔ-kpeleɛ ŋɔluɛ-ŋa. Fɛ̂ɛ dí zɛŋ lɛ́ nyíi ǹɛ́lɛɛ̂i,

Zĩi 1:19

Nyíŋi é lɛ́ɛ kákili ŋá, ŋáwɛli-kɛ-maa-ƃelai. Tɔɔ núu kélee é m̀ɛnii mɛ́ni a maa félaa, é ǹóno-woo maa kpɛ́ɛ, ǹíi fé ŋwãna a maa félaa.

Zĩi 3:14

Kɛ́lɛ, à kɛ̀ tólo ŋánaa da ŋɛi-kpala káa kálii su, káfe yoŋka tèe kákɛ a dɔ̃yâi maa-woya-ƃela.

Zĩi 4:11

Ŋánûa, káfe kákîe-ni láa nyɔ́mɔɔ ƃo. Ǹúui a m̀arâŋ-nuu láa nyɔ́mɔɔ ƃò, kpaa máŋ é ŋɔmɛnii ŋá téei, gɛ̀ ní a lóno nyɔ́mɔɔ kɛ́ a pîlaŋ dɔ̂ŋ ma, a dɔ̂ŋ ŋɔmɛnii ŋá tée. Kɛ́lɛ, à kɛ̀ yà dɔ̂ŋ ŋɔmɛnii ŋá tèe, gɛ̀ ní ífe a dɔ̂ŋ ŋɔtûa-kɛ-nuu, kɛ́lɛ, íkaa a mɛni-ŋa-tee-nuu.

Pitɛ Maa-ŋuŋ 2:1

Mɛni ma ka tée lii-ŋwana kélee ma da wôya-mɛni kélee. Ka kɛ́ a tɔ̃yâ-ƃela. Ka tée tólo ma da laa kara mɛni kélee.

Zɔ̂ŋ Maa-ŋuŋ 3:12

Kúfe kɛ̀ yɛ̂ɛ Kîŋ nyíi kɛ̀ a ŋ̀wana-lɔ̂ɔ-nuui pɔ́ɔi. È ǹêɣe Ebɛɛ pàai. Lé mɛni ƃe è bàa lai? Kpɛ́ni fêi, gbîŋ-tua-perei è kɛ̀ a ŋwana-lɔ̂ɔ-tua. Ǹêɣe ŋɔi kɛ́ ƃo a tûa sãa.

Zɔ̂ŋ Maa-ŋuŋ 3:15

Ǹúui a gɔlɛ-ma-nuui kpɔarâi gáa a nuu-paa-nuu. Ká gɔlɔŋ wɔlɔ-wɔlɔ fúlu-laa fé nuu-paa-nuu kponôi.

M̀ɛni-lɛɛi 12:10

Nya ƃe ŋá wóo su kɛ́tɛ mɛ̀ni Ɣâla-taa, nyɛɛi, “Kúɣâlai ŋɔƃálo-laai, ŋɔwala-wala-laai, ŋɔkâloŋ-laai, da Kôrai ŋɔwala-wala-laai da nâa pá. Kpɛ́ni fêi, ǹúui a mɛni pɛ̂lɛ kú-ƃarâai diai, da dòo ǹɔii mâ, nyíi a mɛni pɛ̂lɛ dîa a fólo da kpíni Kúɣâlai ŋ́ɛi-tuɛi.