Ifisiɛŋ 4:22 - Ŋ̀âla Kɔlɔ Maa Waai

²² a gɛ́ɛ ká tée kátûa-pere pɔlɔi ma, nyíi pâi karâi, kpɛ́ni fêi, ŋɔmɛni-wɛliɛi káa a pɛlɛ.

Ifisiɛŋ 4:22 ပူးပေါင်းရင်းမြစ်များ

Zôo 22:23

À kɛ̀ ya pâi lâai a Ŋ̀wála-wâla kélee Ɣalai, a pâi ítɔɔ̂i ítɔɔ̂i pɔlɔi ma. À kɛ̀ ya sɔnyɔ̂ŋ kɛ̂i, ípôlu tɔɔ ma í mɛni sãa kɛ́. Gɛ̀ ní mɛni sãa a pâi kɛ̂i ípɛrɛi mu.

Táre-woo-ŋa 11:18

Ŋwana-lɔ̂ɔ-nuu ŋɔfela-fei káa nɔ́ kpɛ́ni-kpɛni, kɛ́lɛ tɔ̃yâ-nuu ŋɔfela-fêi a lɛ̂ɛ ǹyêei.

Zɛlemaya 17:9

“Gbɛ̂ɛ ƃa târe núu-kpune ŋɔkili-ŋa-siâi su? Sɛŋ tá fé naa gɛ̀ núu pɛ̀lɛ yɛ̂ɛ ǹyaa. A kɔ̂lɛi kpɔ́ zale fé ma.

Zɛlemaya 49:16

Ká yoŋkai a kápɛlɛ. Núu da fa yâo kâa yɛ̂ɛ berei ka kákili-ŋa siâi la é pîlaŋ dîai. Kákaa kpɔ́ seêni gɔni yee kɛ́tɛi tôŋ su gɔni wôloi su. Kɛ́lɛ, a nɛ̃ɛ ma kpîŋ kákɛ kpɔ́ ŋ̀elei su póŋ-poŋ yɛ̂ɛ kuɛ, Yâwɛɛ a pâi pâi a káa ǹɔii ma. Ńyãa Yâwɛɛ ƃé mò tí.”

Obadaya 1:3

Íyôŋkai a ípɛlɛ kpɛ́ni fêi, ítaa-lêei káa kɔni yêe ma, ípɛrɛi kɛ́ ƃò ǹyée tɔɔ-ŋai su. M̀ɛni ma ƃa mò yɛ̂ɛ, ‘Gbɛ̂ɛ ƃa pɔ̂ri ŋ́gulâi ƃɛ́ é ḿbîlaŋ?’

Lomaŋ 6:6

Kú gɔ́lɔŋ a gɛ́ɛ kúkpîŋ tua-pere pɔlɔ-ŋai da wɔ́lɔ saa a díkpamoɔɔ zaa-wurui ma da dîa-ni, a gɛ́ɛ kúsɔnyɔ̂ŋ kpono-ŋai su é kara, a gɛ́ɛ é síɣe sâa ma kúfe wɔ́lɔ ŋɔ́nɔ pâi kɛ̂i a sɔnyɔ̂ŋ ŋɔluɛ,

Lomaŋ 7:11

Kpɛ́ni fêi, dɔ̂ŋ e sɔnyɔ̂ŋ ŋɔtíi kɔ́ɔ pîlaŋ ŋ́gbonôi. Sɔnyɔ̂ŋ è ḿbɛ̀lɛ é ḿbaa a dɔ̂ŋ.

Kɔleŋtiɛŋ Veerɛi 11:3

Kɛ́lɛ, ŋ́gaa yaôi a gɛ́ɛ yɛ̂ɛ berei nɔ́ galii è Iî pɛ̀lɛ la a ŋɔwôyai, bere ƃe kákili-ŋa-siai a pâi kákulâi la Kôrai ŋɔsã́a-laai da ŋɔtɔ̃yâ laa-lai maa-wɛli-kɛ-maai ma.

Galesiɛŋ 1:13

Ka ŋáfulu-laai kɔ́ɔ pîlanii maa-mɛni mɛni Zûu-ŋai Díɣâla-m̀ɛnii su, berei ŋá Ɣâla ŋɔtóli-kpɔŋ kpɔ̂ara la a ŋ̀wana-lɔ̂ɔ-pere, ŋ́gɛ kɔ̀ a gɛ́ɛ ŋá zu karai.

Ifisiɛŋ 2:3

Kú kɛ̀ nyíi-ŋai ŋí sama a maa-ŋuŋ, diai díkɛ ɣeniɛi kɛ̀ a díkpîŋ-tua-pere-nyɔŋ maa-sɛŋ-wɛliɛi. Kú kɛ́ kúkili-ŋa-siai da kúkponôi dísɛŋ wɛliɛɛi pôlu. Mɛni ma kúkpîŋ tua-perei su Ɣâla ŋɔtɔŋ-kpɛ́-maai è kɛ̀ kúmɛni ma nɔ́ yɛ̂ɛ núu kpeli-ŋai.

Ifisiɛŋ 4:17

Mɛni ma ŋá nyíŋi ƃó kâa ŋa sere-faa kɛ̀ Kúnuu-namui kponôi a gɛ́ɛ káfe ŋɔ́nɔ tua yɛ̂ɛ berei Zɛ̃tai-ŋai da tûa la díkili-ŋaisiai kɛ́ ƃo kpɛni-kpɛni.

Ifisiɛŋ 4:25

Mɛni ma kà kɛ̀ teêi wôya-pere ma, ká lóno a tɔ̃yâ kákɔlɛ-mâ-ƃelai pɔ, kpɛ́ni fêi, kúkaa a kúkîe-ni pɔ́ɔ.

Ifisiɛŋ 4:31

Ka ƃó lii-ŋwana ma, lii-nyɔŋ, sóoŋ, larâŋ, da ŋɛi-kpala sii kélee.

Kolasiɛŋ 2:11

Dí kásee kpono mâ máŋ gbonôi. Ǹyaŋ dífe kásee-ní kpono mâ a díyee. Kɛ́lɛ, Kôrai è kásee kpono mâ a kákpîŋ-tua-pere-nyɔŋ kúlaa kâa.

Taitɔ 3:3

Kpɛ́ni fêi, kûa kpîŋ kú kɛ̀ a ƃoo-ƃela a tãi da. Kúfe kɛ́ ní a woo-mɛni ƃela. Kú pɔ̀ara berei mâ. Kú kɛ̀ a mɛni nyɔ́mɔɔ sii támaa wɛ́liɛɛ ŋɔluɛ-ŋa da nîa kɛ. Kúkɛ̀ kúɣele-ŋai tɛɛ̂i lii-ŋwâna su da tólo. Nûa dí kúkpɔara, kúkɛ kúkîe-ni kpɔara.

Ibulu 12:1

Mɛni ma tãi nɔ́ sére támaa tínaŋɔɔ̂i la kûa yɛ̂ɛ ɣele-kɔlɔŋ kolei, fɛ̂ɛ nɔ́ kúa máŋ kú gbîri-wuyɛɛ-ŋai láa da zɔnyɔ̂ŋ ŋai nyíi-ŋai da kúkpàaŋ kú gba-kpa fúlɔi maa kîrɛ siɣe kpɔ́ a gbanaŋɔɔ nyíi gáa kútuɛi.

Ibulu 3:13

Kɛ́lɛ, ka kákîe-ni lia-woo ƃó a ɣele kélee, a gɛɛ kátɔnɔ kpîŋ káfe kálii kpanaŋ a sɔnyɔ̂ŋ ŋɔnúu pɛlɛɛ, tãi nɔ́ ŋ̀óoi da kɛ́ mà “sâa” nyii gáa Ŋ̀âla kɔlɔi sui káa niî naa nyíi bîlaŋɔɔi kûai.

Zĩi 1:21

Mɛni ma ka káyee kúla tua-pere-nyɔŋ sii kélee su da ŋwana-lɔ̂ɔ sii kélee, ka ŋ̀óoi sɔlɔ ƃó a maa-yeŋ-pere nyíi ziɛi kálii sui. Pɔ̂ri káa mì a gɛɛ é kámɔlêŋ ƃáloi.

Zĩi 1:26

À kɛ̀ núu da káa kásama a gbîŋ kàa a Ɣâla-nuu, va ǹɛ́ŋ tɔɔ ǹóno-woo-perêi, kɛ́lɛ, gɛ gbɔɔ̂i pɛ̀lɛ, maa-nuui Ŋɔɣâla mɛnii káa nɔ́ kpɛ́ni-kpɛni.

Pitɛ Maa-ŋuŋ 1:18

Ka gɔlɔŋ a gɛɛ dí kámaa tèe mɛni kpɛ́ni-kpɛni ŋai sú nyii-ŋai ká gùla kánâŋ-ni yêei. Dífe kámaa tée ní a zãâi nyíi-ŋai da tɛ̂ɛi, yɛ̂ɛ káne da gôo.

Pitɛ Maa-ŋuŋ 4:3

Kpɛ́ni fêi, ka wɔ́lɔ tãi támaa siɣe kákɛ m̀ɛnii kɛ̂ Zɛ̃tai-ŋai da ŋ̀wɛ̂lii dí gɛ́i. Ǹyaa ƃa núu kɛ́ɛ wolii-kpɔ̂lɔ su, núu ŋɔkɛ-pere nyɔŋ maa-sɛŋ wɛliɛi, lɔɔ-kpeleɛ, ƃoo-pele, lɔɔ-kpele kûu, da ɣâla-pɔkɔɔŋ fɛliɛ nyíi vé Kôrai-ƃelai dítɔ̂ŋ sui.

Pitɛ Veerɛi 2:13

Da pâi mɛni-soli kâai dímɛni nyɔ́mɔɔ-kɛɛi mɛni ma. Da gàa a lii-nɛ̃ɛ-mɛni a gɛɛ díkaa ƃoo-pele kɛ̂i máŋ a fólo ŋá. Díkaa yɛ̂ɛ pɔɔ liƃiɛ-ŋa da pala, dílii kɛ́ nɛ̃ɛ a kápɛlɛɛ tãi ka dîa-ni ka kɛ̂ kúu kɛ̂i lai.

Pitɛ Veerɛi 2:7

È dɔ̃yâ-nuui La kula-yeei kɛ̀ nyíi ǹíi a kɛ̀ sɛ̂lɛnii kpɔ́ a ŋ̀ánaa a ŋwana-lɔ̂ɔ-ƃelai díwolii-kpɔlɔ mɛnii.

Samia Maa-ŋuŋ 1:14

Ilai è mò ma ǹyɛɛi, “Yâ pâi kɛ̂i a íkpeleɛɛ ɣele ɣɛɛlu yée mu? Ǹɛɛ naa íŋuŋ su é séɣeŋ.”