Ifisiɛŋ 4:2 - Ŋ̀âla Kɔlɔ Maa Waai

² da maa-yeŋ-pere, ƃɛlɛ-laa, é pɛ́lɛ lii-kpele ma, a gɛ́ɛ ká kálii kpele kákîe-ni yêei wɛli-kɛ-maa su.

Ifisiɛŋ 4:2 ပူးပေါင်းရင်းမြစ်များ

Wule-woo-ŋa 138:6

Berei máŋ íkaa la sɛŋ kélee mɛi, íkaa diai dí maa-yeŋɔɔ̂i dí mɛ̂ni ma, ǹyaŋ diai díŋɛi tɛ̂ɛi, í díkɔlɔŋ.

Wule-woo-ŋa 45:4

Ímu-siɣe ímu wûyɛ-laai su í kɔ́ yée mɛi ɣále tɔ̃yâ-laa da teniŋ ƃô-laa maa kɔ̃ɔ mɛni ma. Ya pâi lɔii ŋuŋ láa túɛ-ƃela wála-wala-ŋa dámaa yée mɛi ɣâlei a íwala-walai.

Táre-woo-ŋa 16:19

Ǹɛ̂lɛɛi a gɛɛ núu é kɛ́ a maa-yeŋɔɔ, gôloɔɔ é tɛ́ɛ la núu kɛ́ɛ é tɔɔ-laa sɔlɔ ƃó wôya-pere su.

Táre-woo-ŋa 3:34

Dɔɔ̂i ǹyoŋka-ƃelai dîa, gɛ́ lûwa tòo m̀aa-yeŋ-ƃelai dîa.

Ikilisiati 7:8

Mɛni kpɛɛ-ŋa lɛ̂lɛɛi é tɛ́ɛ gɔ́ɔ pîlanii ma. Lii-kpele lɛ́lɛɛi é tɛ́ɛ su-mɛni kɛ̂tɛ ma.

Azaya 57:15

“Ŋ́gaa a Ŋ̀âlai nyíi dɛ̂ɛi ɣelêi wɔ́lɔ-wɔlɔ da wɔ́lɔ-wɔlɔi, nyíi ǹáa maa waai. Ŋ́gaa ɣele ma wɔ́lɔ-wɔlɔ da wɔlɔ-wɔlɔ. Ŋ́gɛ̂i káa ŋ̀elêi su póŋ-poŋ gwaa maa waai ma. Kɛ́lɛ ŋ́gaa diai sáma dímaa yeŋɔɔ̂i, díkɛ dílii maa fâleŋ a gɛ́ɛ ŋá dílaa-laai, da díkili-kɛ-zui su-kpanaŋ.

Zɛfɛnâya 2:3

Ka tínaŋ Yâwɛɛ pɔ́ káai kálii maa yeŋɔɔ̂i ǹɔii sui, káai kà ŋɔtɔ̂ŋ mɛi kâai, ká mɛni sãa kɛ́. Ka ká maa yéŋ Yâwɛɛ ŋɛ́i-tuɛ tãi da ka pɔ̂ri kɛ̂i a káloɔɔ a Yâwɛɛ ŋɔlii-ŋwâna ɣelei.

Zɛkɛrâya 9:9

Óo lii-nɛ̃̂ɛ kúla Zãiyɔŋ-loŋ-nɛnii! Óo Zerusâlɛŋ ǹóŋ-nɛnii, láɣi ɣelêi! Gáa, íkâloŋ káa pâi ípɔ! Zã̂ai ƃálo-laa kɛ́ ƃò ǹyêei, ǹíi maa yeŋɔɔ, gɛ́ ƃò seêni wɛlɛ-sôo-loŋ mɛi.

Nɔŋba 12:3

Mose è kɛ̀ a ǹíi maa yeŋɔɔ kpɔ́ é tɛ́ɛ núu kélee ma ŋ̀éniɛi su.

Maafîu 11:29

Ka ŋákpîrii sìɣe ka ḿaa-mɛni maa kɔ́ri, kpɛ́ni fêi, ḿaa yeŋɔɔ̂i, ńii maa yeŋɔɔ. Gɛ̀ ní, ka pâi fii-tɔɔ sɔlɔ ƃôi kámɔlêŋ su.

Mâki 9:19

Zîsɛ è m̀o dîa, “Óo, ŋ̀éniɛi ŋí su-ƃelai, laa-la fé káyêei, ɣele ɣɛɛlu ƃé fɛ̂ɛ ŋá kɛ́ la kákɔlɛi? Ɣele ɣɛɛlu ƃé fɛ̂ɛ ŋá ńii kpéle la káyêei? Ka pá la ḿbɔ.”

Zia-ƃelai Kɛ́-mɛni-ŋai 20:19

Ŋá tíi kɛ̀ Kúnuu-namui mi a lii maa yeŋ pere kélee, ŋ́ɛi-ya é pú, ŋá mɛni-soli támaa káa, nyíi-ŋai kɛ̀ a ńyãa é kúla Zûu-ŋai dímɛni kpɛtɛɛi su é pîlaŋ ḿâi.

Lomaŋ 15:1

Kúai kúkponôi kpanaŋɔɔ̂i, maa nɛ̃ɛ̂i kú kúlii kpéle vii-kpɛɛ-ƃelai díkili-ŋa-sia nyɔ́mɔɔ-ŋai yêei, kúfe kúkpîŋ líi làa.

Kɔleŋtiɛŋ Maa-ŋuŋ 13:7

Wɛli-kɛ-maa a mɛni kélee sìɣe, gɛ laa a mɛni kélee, gíli kɛ́ ƃò mɛni kélee su, ǹíi kpeleɛ mɛni kélee su.

Galesiɛŋ 6:2

Ka kákîe-ni díkpîri wuyɛɛ-ŋai síɣe, a gɛ́ɛ ká Kôrai ŋɔtɔ̂ŋ ŋ̀aa-see kɛ́.

Ifisiɛŋ 1:4

É lɛ́ɛ pâi ŋ̀éniɛi kpɛtɛɛ kɔ́ɔ pîlanii è kúlɛ̀ Kôrai kponôi a gɛ́ɛ kú kɛ́ a kúmaa waa kúsɔŋ fè kɛ̀ kûa ŋ̀ɛi wɛli-kɛ-maa su.

Kolasiɛŋ 1:11

Kákponôi é kpánaŋ a wála-wala kélee ŋɔfólo-laai ŋɔwála-walai sarâi lii-kpele kélee mɛni ma da mɔ̃lɛ su-koyaa a lii-nɛ̃ɛ.

Temete Maa-ŋuŋ 6:11

Kɛ́lɛ, à kɛ̀ a yái íkaa a Ɣâla ŋɔnúui, tée nyíŋi kélee ma. Kɔ́ a gɛ́ɛ í kɛ́ a tɔ̃yâ-nuu, í kɛ́ a Ɣâla-mɛni kɛ́-nuu, laa-la é kɛ́ íyeêi, wɛli-kɛ-maa, fɔlɔ-fɔlɔ, da sɔŋ lɛlɛ laa.

Temete Veerɛi 2:25

Diai da tɔ̂ɔ Kúnuu-namui ŋɔtíi-kɛ-nuui ŋɔsɛŋ-lɛ́ɛi mai, fɛ̂ɛ é díteniŋ tɔ́ɔ woo-lɛlɛ ǹá su. Tãi da Ɣâla a pâi dílɛɛ̂i naa dí dílii pene dí dɔ̃yâi kɔ́lɔŋ,

Zĩi 1:21

Mɛni ma ka káyee kúla tua-pere-nyɔŋ sii kélee su da ŋwana-lɔ̂ɔ sii kélee, ka ŋ̀óoi sɔlɔ ƃó a maa-yeŋ-pere nyíi ziɛi kálii sui. Pɔ̂ri káa mì a gɛɛ é kámɔlêŋ ƃáloi.

Pitɛ Maa-ŋuŋ 3:15

Kɛ́lɛ, ka Kôrai siɣe kálii su a maa-waa yɛ̂ɛ Nuu-namui. Ka kɛ́ a kákpɛtɛɛ a tãi kélee a gɛɛ ká kákpîŋ maa kɔ̃ɔ núu kélee yêei nyíi a kátoli a gɛɛ ká kákili-kɛ-zui maa-sapoi lɛ̂i, é máŋ kɛ́ tí ka gɛ́ a maa-yeŋ-pere yao-mâa-pere su.

Pitɛ Maa-ŋuŋ 3:8

Gbɛɛ-ŋai, kákelee kákili é kɛ́ tɔnɔ, maloŋ-see é kɛ́ káyêei, ká kákîe-ni wɛ́li, maloŋ-kaa é kɛ́ káyêei da líi-maa-yeŋɔɔ.