Ifisiɛŋ 4:18 - Ŋ̀âla Kɔlɔ Maa Waai

¹⁸ Díkaa kpinîi dímɛni ŋa-kaai su, dí kúlaa Ɣâla ŋɔfúlu-laai ma, kpɛ́ni fêi, maa-tare fé diɛ, kpɛ́ni fêi ŋɔ́nɔ dílii kpanaŋɔɔ̂i.

Ifisiɛŋ 4:18 ပူးပေါင်းရင်းမြစ်များ

Wule-woo-ŋa 74:20

Gbanaŋ-wooi í gɛ̀ díyêei, ífe ǹia m̀ɛni ma. Núu nyɔ́mɔɔ-ŋa díkaa ǹɔii m̀éla kélee ma.

Azaya 25:7

M̀ɛni-sôlii núu-kpune a tɛɛ̂i zu ŋ̀éniɛi sui, a pâi gɛ̂i gélee mɛni é kperâ gúui ŋí su.

Izikiɛ 14:5

Ŋa pâi gɛi tí a gɛɛ ŋá Eezuɛ-ŋai nyii-ŋai ŋ̀âla-pɔkɔɔŋ ŋai da dílii penei kɛ́ dítinaŋ ḿbɔ naa pere.

Danîa 5:20

Kɛ́lɛ tãi è ǹíi pène la é pɛ́lɛ sɔnyɔ̂ŋ kɛ̂i da ŋɛi-tɛi, gâloŋ-laai è kùla ǹyêei é tóo.

Levetekɔ 11:16

soloŋ-kɔnɔŋ, lawɔ-kpɔ̂lui muu, ya kɔ̂rɔ-kɔrɔ, kpãaŋ da dísîi kélee.

Maafîu 13:15

Kpɛ́ni fêi, ǹûai ŋí líi su kpanaŋɔɔ̂i, díwolii kpanaŋɔɔ, díŋɛi lá tɛ́ɛ. A gɛɛ dífe kwaa kâa a dí ŋɛi, kpaa máŋ dífe mɛni mɛ̂ni a díwoli, kpaa máŋ dífe tàre m̀ɛni su a dílii, a gɛɛ dífa la pene la pôlu, a gɛɛ ŋá díƃalo Ɣâla ƃé m̀o tí.’

Mâki 3:5

È kɛ̀ díkâai a lii-ŋwana pere. Ǹíi è kɛ̀ solîi díwoli-kpɔlɔ̂i mɛnii ma. Nya ƃe è m̀o ǹalôŋ ma ǹyɛɛi, “Íyee sã́a.” E ǹyée sã̀a é gáa a gɛ́ɛ a ƃálo.

Zɔ̂ŋ 12:40

“A díŋɛi pú, a dílii su kpánaŋ, a gɛɛ dífa la kwaa káa la a díŋɛi, dífe lâa mɛni siɣe la dílii su, a gɛɛ dí tinaŋ ḿbɔ-pere a gɛɛ ŋa díƃalo.”

Zia-ƃelai Kɛ́-mɛni-ŋai 17:30

Ɣâla è ŋ̀ɛ́i nàɣiŋ mɛni-ŋai mɛi ká gɛ̀ a tãi káfe kɛ́ ní a gɔ́lɔŋɔɔ lai. Kɛ́lɛ, a nâa núu kélee tóli a gɛ́ɛ dí dílii pene.

Zia-ƃelai Kɛ́-mɛni-ŋai 3:17

“M̀ɛni ma ŋánûa, ŋá gɔ́lɔŋ a gɛ́ɛ káfe kɛ́ ní a m̀ɛnii kɔ́lɔŋɔɔ ká kɛ̀ gɛ̂i, yɛ̂ɛ berei nɔ́ kánuu kpaya-kpayai dí gɛ̀ lai.

Lomaŋ 1:28

È kɛ̀ tí, kpɛ́ni fêi, dífe Ɣâla maa mɛni sìɣe ní a tɔ̃yâ. Ɣâla è nɛ̀ɛ dí díkɛ-ɣeniɛi kɛ́ a kili-ŋa-sia nyɔ́mɔɔ da tua-pere nyɔŋ nyíi m̀aa fé nɛ̃ɛ ní kɛ̀ dí gɛ́i.

Lomaŋ 11:25

Ŋánûa, ŋa ŋ̀wɛ̂lii a gɛ́ɛ ka noo-mɛnii ŋí ŋá káa a gɛ́ɛ káfe su-mɛni kɛtɛ kɛ̀ kákpîŋ mɛni ma. Lii-kpanaŋ a pá Eezuɛ-ŋai da-ni pɔ, e lɛɛ la zu Zɛ̃tai-ŋai kélee dí lɔ Ɣâla ŋɔkâloŋ-laai su,

Lomaŋ 11:7

Le ƃe ŋaŋ? Eezuɛ-ŋai dí fɛ̀ɣɛ a gɛ́ɛ dí mɛnii sɔlɔ ƃo dí kɛ̀ gɔ́rii. Diai Ɣâla e dílɛ̀i, dí zɔlɔ ƃo. Kɛ́lɛ, ǹúui gbeli-ŋai líi su è kɛ̀ a gbanaŋɔɔ,

Lomaŋ 2:19

Ílaâi kpɔ́ la yá ƃa ŋ̀ɛi-puu-ƃelai tuɛ-nuu, í ƃo a kwaa-ponoɔɔ diai kélee mɛni ma kpinîi.

Kɔleŋtiɛŋ Maa-ŋuŋ 1:21

Kpɛ́ni fêi, berei Ɣâla ŋɔtárei káa lai, ŋ̀éniɛi su-ƃelai dífe Ɣâla kɔlɔŋ ni táre su, Ɣâla líi lâai a gɛ́ɛ diai laa-la káa díyêei, a díƃalo kúƃoo-Ɣâla-wooi sarâi.

Kɔleŋtiɛŋ Maa-ŋuŋ 2:8

Ŋ̀éniɛi ŋí su nuu mɛi-ƃelai dɔnɔ kpîŋ fé táre ní mɛnii ŋí su. Kpɛ́ni fêi, eêi kɛ̀ dîi táre zu, dîi fei Kúfolo laa-nuu-namui kpamôi wúru su-tíyeŋɔɔ ma.

Kɔleŋtiɛŋ Veerɛi 3:14

Kɛ́lɛ, dílii su è kɛ̀ a gbanaŋɔɔ, kpɛ́ni fêi, é séri tãi ŋí ma tãi da gbanaŋ-woo kɛɛ-pɔlɔi lôno lai, ǹúu ŋɛi mɛi pɛlɛ-sɛŋ ti káa nɔ́ niî naa, kpɛ́ni fêi, Kôrai sârai nɔ́ ƃe a kûla la naa.

Kɔleŋtiɛŋ Veerɛi 4:4

Diai laa-la fé díyêei ŋ̀éniɛi ŋí su-ɣalai a díkili ŋá tɛ̀i a gɛ́ɛ dífe Kôrai ŋɔfólo-laai maa-tuŋ lɛ́lɛɛi ŋɔkwaa-ponoɔi kàa, nyíi gáa a Ɣâla-pɔkɔɔŋ.

Galesiɛŋ 4:8

Tãi maa-ŋuŋ, tãi káfe kɛ́ ni a Ɣâla kɔ́lɔŋɔɔ lai, ká kɛ̀ a luɛ-ŋa ɣâla-ŋa yée mu nyíi-ŋai dífe kɛ́ ni ɣele mai.

Ifisiɛŋ 2:1

È ká kɛ̀ a káfulu tãi ka kɛ̀ la a kasaa tɔ̂ŋ karaa sarâi da sɔnyɔ̂ŋ.

Ifisiɛŋ 2:12

é lɛ́ɛ kákili ŋá a gɛ́ɛ ká kɛ̀ a kákulaa Kôrai m̀a a maa-tãi ti. Káfe kɛ́ ni a Eezuɛ-ŋai ta. Ká kɛ̀ a ŋɔ̃yâ-ŋa Ɣâla ŋɔkono-teei maa-mɛni kpɛtɛɛi mɛni ma. Kili-kɛ-zu fé kɛ́ ni káyêei, Ɣâla fé tela kɛ́ ni káyêei ŋ̀éniɛi su.

Kolasiɛŋ 1:21

Káai ká kɛ̀ a ŋɔ̃yâ-ŋa a tãi tɔnɔ, kálii su nyɔ́mɔɔ Ɣâla ma, ká kɛ́ mɛni nyɔ́mɔɔ-ŋa kɛ̀i,

Tɛsɛlôniɛŋ Maa-ŋuŋ 4:5

ve gula pere sii nyɔ́mɔɔ su yɛ̂ɛ diai dífe nîi láa ní a Ɣâlai,

Ibulu 5:2

A pɔ̂ri ǹíi kpelêi diai yêei dífe dísɔnyɔ̂ŋ kɔ́lɔŋ da bɔara-maa kɛ-ƃelai, tãi nɔ́ ǹyaa kpîŋ gáa la fii-kpɛɛ ŋɔwala-walai yée mui.

Ibulu 9:7

Kɛ́lɛ, loŋpoi zu-pere ŋɔi su, zâla láa soŋ-nuu kɛ́tɛi nɔ́ ƃa lî naa. A lî nɔ́ naa tɔnɔ kóraŋ tɔnɔ su. Va lî naa kpɛ́ni-kpɛni, fɛ̂ɛ é lí a ŋãa, nyíi a gula a sâla gbîŋ mɛni ma da ǹûai dísɔnyɔ̂ŋ.

Zĩi 4:4

Núu sã́a fa káa! Káfe gɔlɔŋ a gɛɛ ǹúui a ŋ̀éniɛi kɛ̀ a ŋɔwɛli-kɛ-maa sɛŋ, gáa a Ɣâla kpɔara mɛni? Mɛni ma ǹúui kélee a ŋ̀wɛli a gɛɛ é kɛ́ a ŋ̀éniɛi ŋɔwɛli-kɛ-maa nuui, a gbîŋ kɛ̀ a Ɣâla kpɔara nuu.

Pitɛ Maa-ŋuŋ 1:14

Kákaa a woo-mɛni ƃela. Káfe kɛ̀ a tua-pere-nyɔŋ maa-sɛŋ wɛli-ƃela yɛ̂ɛ berei ká wɔ́lɔ kɛ̀ la tãi káfe kɛ́ ni a bere sã́ai kɔlɔŋɔɔ lai.

Zɔ̂ŋ Maa-ŋuŋ 2:11

Kɛ́lɛ, ǹúui a m̀arâŋ-nuu kpɔ̀arai, gáa gbínii su, gɛ sia gbínii su, vé ƃɛ́i kɔ́lɔŋ a liî naai, kpɛ́ni fêi, gbínii a ŋ̀ɛi pú.