Ifisiɛŋ 4:14 - Ŋ̀âla Kɔlɔ Maa Waai

¹⁴ Gɛ̀ ní kúfe ŋɔ́nɔ pâi kɛ̂i yɛ̂ɛ nîa-pɛlɛɛ. Sɛŋ-lɛɛ nina kélee maa-fãai fé pâi kulâi ƃɛ-pere kpaa manaa-pere, kpaa máŋ é kútinâŋ-tinaŋ. Zɛŋ-lɛɛ ninai ŋí a kûla nûa díwôya-pere su, dítare-kiri, da dínuu-pɛlɛ lɛ̂ɛ-ŋai.

Ifisiɛŋ 4:14 ပူးပေါင်းရင်းမြစ်များ

Wule-woo-ŋa 10:9

Da kɛ̂ maa kpɛ̂ŋ kɛ̂i díloo-pere-ŋai su yɛ̂ɛ yala-sulu-ŋa. Da dílòo gôlo-ƃelai perêi. Da dísòŋ a díƃare-ŋai díkɛ dí ɣâla.

Wule-woo-ŋa 59:3

Gáa, da gbã tée ḿberêi a gɛɛ dí ḿbaa. Ŋwana-lɔ̂ɔ-ƃela tɔɔ̂i ḿâ. Fé tá sɛŋ da kɛ́ ní a dia, kpaa máŋ mɛni nyɔ́mɔɔ da kpɛ́ni.

Azaya 28:9

Da kɛ̂ díŋuŋ su-woo saâi é pîlaŋ ḿâ. Da kɛ̂ m̀ôi dîyɛɛi, “Ɣâla ŋɔlóno kɛ́-nuui tí a gbîŋ kâai yɛ̂ɛ gbɛ̂ɛ? Gbɛ̂ɛ ƃé gbáaŋɔɔ̂i ŋɔworɛ̂-wooi mɛ̂ni mai? Ŋɔworɛ̂-wooi káa nɔ́ zia-lonii mɛni ma nyii-ŋai díkaa-ƃela da dítɛ nɔ́ gbìŋ ŋá a ninai.

Maka 7:2

Tɔ̃yâ-nuu da kélee fé ŋɔ́nɔ ǹɔii su. Núu kélee fé naa nyii a yào Ɣâla mai. Ǹúui kélee a maa-kpɛ̂ŋ kɛ̂i gɛ́ pere kɔ̂ri a gɛɛ é núu páa. Núu kélee kɛ́ kɔ̀ a gɛɛ é gbɔ́ɔi nuai maa liî tée.

Maafîu 11:7

Tãi dí lì la pôlui, Zîsɛ e nâa pɛ̀lɛ lónoɔ ma gbɔŋ pɔ é pîlaŋ Zɔ̂ŋ ma: “Le ƃe ká lì gáâi vɛ̃ɛ-kpâlaŋ sui? Kpalo nyii vãai a dúmôi?

Maafîu 24:11

Ɣâla maa-wôya lóno-kɛ-ƃela támaa da pâi siɣêi dí tɔɔ dí núu támaa pɛlɛ.

Maafîu 24:24

Kpɛ́ni fêi, lɛ́ɛ-Kôrai-ƃela da Ɣâla-maa-wôya lono-kɛ-ƃela da pâi siɣêi dí tɔɔ, díkɛ ŋɛ́i-kɛ-maa kpaya-kpaya lɛ da mɛni kpaya-kpaya a gɛɛ, pɔ̂ri à kɛ̀ naa, dí díyee laa zu-ɣɛɛ-ƃelai dîa máŋ.

Zia-ƃelai Kɛ́-mɛni-ŋai 23:21

Kɛ́lɛ, ífe íwoli tɔɔ díwoo ma. Núu tɛ̂ɛi buu náaŋ ma da kperɔ mii a gɛ́ɛ dífe mii-sɛŋ mii, kpaa máŋ dí díkpele é lɛ́ɛ la zu dí bàa. Da gbã tée berêi. Díkpɛtɛɛ̂i a gɛ́ɛ dí gɛ́ tí nyaŋ da ímaa kpɛ̂nii í m̀ɛnii ƃó dîa da pɔ̂ri gɛ̂i.”

Kɔleŋtiɛŋ Maa-ŋuŋ 12:2

Ka gɔ́lɔŋ a gɛ́ɛ ká kɛ́ɛ a Zɛ̃tai-ŋai ká làŋ kálɛɛ ɣâla-pɔkɔɔŋ-ŋa pôlu nyíi-ŋai dífa lônoi. Ƃɛ́i kélee dí pɔ̂ri liî naa a káai, ká lì naa.

Kɔleŋtiɛŋ Maa-ŋuŋ 14:20

Ŋánûa, káfè kɛ̀ a nîa-pɛlɛɛ kákili-ŋa-siai su. Ka kɛ́ a kwâtara-ŋa mɛni nyɔ́mɔɔ kɛ́ɛ su, kɛ́lɛ, ka kɛ́ a núu kpaya-kpaya kákili-ŋa-siai su.

Kɔleŋtiɛŋ Maa-ŋuŋ 3:19

Kpɛ́ni fêi, ŋ̀éniɛi ŋí su-tarei káa a ƃoo Ɣâla ŋɛi. Kpɛ́ni fêi, bɔ̃yɛɛ̂i, “Ɣâla a dáre-ƃelai sôŋ díwôya-perei ma,”

Kɔleŋtiɛŋ Veerɛi 2:17

Kpɛ́ni fêi, kúfe yɛ̂ɛ núu támaa nyíi-ŋai da Ɣâla ŋɔwóoi kàrai; kɛ́lɛ, kúkaa yɛ̂ɛ ǹûai díkaa a tɔ̃yâ-ƃela, Ɣâla a dímaa wáa ŋɔtíi mɛni ma, kwa lôno Kôrai kponôi Ɣâla ŋɛi.

Kɔleŋtiɛŋ Veerɛi 4:2

Kwa kúyee kúla noo-mɛni-ŋai su nyíi-ŋai díkaa a ŋumɛ-mɛnii. Kúfe fâa ma a gɛ́ɛ kú wôya maa kɔ́ri, kpaa máŋ kú Ɣâla ŋɔwóoi ƃó a maa-faleŋɔɔ. Kɛ́lɛ, kwa kúkpîŋ lɛ̀ nuu-kpune ŋɔkili-ŋa-siai ma Ɣâla ŋɛi a Ɣâla ŋɔtɔ̃yâ-wooi ƃóɔɔ pono ŋá.

Galesiɛŋ 3:1

Óo káƃoɔɔ̂i káai a Galesia-ŋai! Gbɛ̂ɛ ƃe wúlu kɛ̀ kâa, káai dí Zîsɛ kpamo-mɛnii ƃò káŋɛi pono ŋái?

Ifisiɛŋ 6:11

Ka Ɣâla ŋɔkɔ-kɔ-sãai kélee tóo kâa a gɛ́ɛ pɔ̂ri é kɛ́ kâa ká tɔɔ Dɛ̂ƃele ŋɔwôya-tua-pere-ŋai dîa.

Temete Maa-ŋuŋ 3:6

Maa-nuui fé kɛ̀ a ǹúui nyíi ǹíi maa-faleŋɔɔ nàa fé niî tûa ni, à wàla kɛ́ ti, gɛ̀ ní maa-nuui a pâi gbîŋ kɛ́tɛ̂i a yoŋka, ǹyaŋ gɛ̀ ní Dɛ̂ƃele a pâi ǹyée mɛi ɣálêi.

Temete Veerɛi 1:15

Í gɔ́lɔŋ a gɛ́ɛ diai kélee díkaa Eesiai, dí dípôlu tɔ̀ɔ ḿâ, maa-ƃelai da-ni ƃa Fezilɔ da Ɛɛmɔzinii.

Temete Veerɛi 3:13

Ŋwana-lɔ̂ɔ-ƃela da wôya-ƃela da pâi kɛ̂i nɔ́ a núu nyɔ́mɔɔ-ŋa a tãi kélee, núu-pɛlɛ-ƃela díyaŋ, núu kɛ́ dípɛlɛ.

Temete Veerɛi 4:3

Kpɛ́ni fêi, tãi a pâi pâi núu-kpune fé pâi ŋɔ́nɔ ŋ̀óli tɔɔ̂i dɔ̃yâ sɛŋ-lɛɛi ma, kɛ́lɛ, da pâi díwoli tɔɔ̂i sɛŋ-lɛɛ sii da kpɛni ma dí díkpîŋ sɛŋ-lɛ-ƃela ŋá tɛ́ gîe ma nyíi-ŋai da díwɛli.

Ibulu 13:9

Káfe nɛ̀ɛ naa sɛŋ-lɛɛ nina sii da kpɛni-ŋa díka kásiɣe pere ma. Kpɛ́ni fêi, ǹɛ́lɛɛ̂i a gɛɛ Ɣâla ŋɔƃɛlɛ-sêei é núu líi su kpanaŋ, kɛ́lɛ, zu fé kpànaŋ a mii-sɛŋ sii da miɛɛ, nyíi mii-ƃela dífa mɛni lɛ́lɛɛ kùla zui.

Zĩi 1:6

Kɛ́lɛ, maa-nuui é Ɣâla marê kɛ́ laa-la su, vé kɛ̀ a ǹúui laa-la fé ǹyêei, kpɛ́ni fêi, ǹúui laa-la fé ǹyêei, maa-nuui káa nɔ yɛ̂ɛ yá ŋɔzigɛ-zikɛ nyíi fãa a ǹokwa é dɛ́ ɣelêi.

Zĩi 3:4

Ka ǹyá-ŋa keleŋ-ŋai káa máŋ. Berei máŋ díkpaya-kpayai la, fãa kɛ́ sìa a diai, díteniŋ-tɔɔ-sɛŋ káa nɔ́ a keleŋ-tee-sɛŋ kuro-te nyíi a géleŋ-ŋai téniŋ tɔ̀ɔ ƃɛi-pere geleŋ-kɛ-ƃelai da nàa wɛ̂lii.

Pitɛ Veerɛi 2:18

Kpɛ́ni fêi, díkɛ ƃoo-yoŋka têei nɔ́ a díwoo su kɛ́tɛi. Da nûa líi pene a núu ŋɔkɛ-pere nyɔŋ maa-sɛŋ wɛliɛi woli-kpɔlɔ pere su. Diai da dílii pènei dia ƃa ǹûai da pú díkɛ kùla diai yêei da díɣeniɛi kɛ̀ pere sii nyɔ́mɔɔ sui.

Zɔ̂ŋ Maa-ŋuŋ 2:19

Dí kùla kúsama, kɛ́lɛ, dífe kɛ́ ni a kúta. Kpɛ́ni fêi, eêi kɛ̀ dîi kɛ̀ a kúta, dîi lɛɛ kúsama. Kɛ́lɛ, dí kùla kûa a gɛɛ é lɛ́ a gɛɛ díkelee dífe a kúta.

Zɔ̂ŋ Maa-ŋuŋ 2:26

Ŋá m̀ɛnii ŋí pɔ̃yɛ ká pɔ́naa é pîlaŋ ǹûai dîa da ŋ̀wɛlii dí kápɛlɛ̂i.

Zɔ̂ŋ Maa-ŋuŋ 4:1

Ŋáwɛli-kɛ-maa-ƃelai, káfe làa a mɔ̂leŋ kélee, kɛ́lɛ, ka mɔ̂leŋ-ŋai kɔɔ̂ŋ, ká gáa à kɛ̀ díkaa a Ɣâla pɔ́ɔ. Kpɛ́ni fêi, Ɣâla-maa-wôya lono-kɛ-ƃela támaa da lí ǹɔii su.

Zûu 1:12

Ǹûai ŋí díkaa a kúwɛli-kɛ-maa kûu-ŋai kara-ƃela, yɛ̂ɛ berei da lɔɔ-kpele-kûu kɛ̀ la gîe ma pono ŋa, díkɛ kpaaŋ nɔ́ díkpîŋ mɛni mai. Díkaa nɔ́ yɛ̂ɛ ɣele-kɔlɔŋ kole nyíi tuna fé zui nyíi fãa a tɛ̂ɛ lai. Díkaa a wúru-ŋai nyíi-ŋai dífa ƃâi. Dí sàa gîe feerɛ, díƃuleŋɔɔ.

M̀ɛni-lɛɛi 19:20

Dí zuai sòŋ da Ɣâla-maa-wôya lono-kɛ-nuui nyíi ŋɛ́i-kɛ-maa ŋa kɛ̀ zuai ŋ́ɛi-tuɛi. Diai zuai pɔ́ɔ è kɛ̀ dítôŋ lái da diai zua-pɔkɔɔŋ fɛlii, Ɣâla-maa-wôya lono-kɛ-nuui, é dípɛlɛ a ŋɛ̀i-kɛ-maa-ŋai ŋí. Dí zuai da nalôŋ ŋí pìli a dífulu ŋɔŋ kɛ́tɛ su nyíi kɛ̀ yɛ̂ɛ póa kɛ́tɛi, nyíi a sɔfɔ kèreŋ.